喜來稀肉 (金巴利道)

營業中

休息中

好鍾意呢度嘅豬大腸！因為佢夠彈牙，而且夠新鮮，每一次同boy friend入食dinner。我哋都好鍾意點佢❤燒咗之後，更加焦香，兩邊香脆多汁，入邊就好爽嫩🥰所以口感好好，同friend一齊，最鍾意食呢一個作為我哋嘅韓國燒烤選擇~佢哋嘅湯鍋都非常之唔錯😍今次除咗燒肉之外，我哋仲試咗下佢哋嘅熱鍋🔥食落微辣之餘，仲有韓國泡菜嘅味道❤非常濃郁好鍾意！酸酸辣辣嘅感覺，好醒胃~飲一碗熱湯，真係好舒服😁

最近呢兩年都冇得去韓國真係好掛住去韓國食韓國燒肉嘅感覺呀今晚嚟到一間連鎖嘅燒肉餐廳叫喜來稀肉講真價錢公道位置多 感覺好似身處韓國咁樣 加上上菜快靚正又有好多分店所以都係我食 韓燒 嘅首選 今晚就食咗個護心肉係佢哋嘅招牌菜呢係豬橫隔膜同江中間幾多塊肉非常之罕有 另外 叫咗個西有梳打感覺健康清新嘢熱辣辣飲凍嘢啱曬有啲想食飯嗌咗個蟹啲紫菜飯團 有非常之多嘅蟹子同 紫菜 好似一個波咁要用手包住嚟食感覺好特別 呢度有大量酒類啱曬一包朋友嚟放鬆輕鬆暢飲一下食燒肉 開唔講唔知呢間鋪仲有啲韓國嘅雪糕送天每人可以攞一條 我就試咗一個 魚餅形嘅紅豆雪糕 好好味

今晚去了尖沙咀一間韓式燒烤店「喜來稀肉」食晚飯，估唔到平日去都這麼多人，全場滿座我們入座後，店員幫我們預備多款前菜，包括可以任食的「泡菜爐邊蛋、芝士爐邊蛋」之後我們用手機📱掃描QR Code落單最後我們揀咗：1️⃣ 壹頭豬 $420🐖 壹頭豬包括以下五款不同部位：🥢 護心肉：位於橫隔膜與肝之間，每隻豬只有數百克護心肉，所以極為珍貴；燒烤後油分不多，食落口爽口又彈牙🥢 五花肉：油脂含量較多，肉質鮮嫩，配上生菜🥬、泡菜、蒜片及醬汁一起食用，非常好味🥢 豬頸肉：肉質富有彈性，味道唔錯🥢 韓式烤豬大腸：好有嚼勁，十分惹味🥢 韓式烤豬皮：口感特別，不錯不錯2️⃣ 喜來烤肉 $158🐂 喜來烤肉 由一塊塊薄牛肉片，再捲成一朵花的形態，賣相相當吸引；簡單將烤肉蘸上特製醬汁後並燒烤數秒鐘，已經有少少入口即溶的感覺，非常惹味，必食之選😋

韓國街成日黎，呢間都係第一次試，六點幾到唔洗等位，樓上既環境都幾大，視察過廁所都係乾淨既～坐低有QR code自己睇menu落單，Data慢既都有Wi-Fi可以用，手機有D lag 侍應都樂意幫手。 辣五花肉醃得入味，唔會太辣。包埋生菜、蒜頭、加D拌菜食真係好滋味。想特別提下拌菜，有驚喜！完全唔係出面D hea底小菜，沙律既醬酸酸甜甜勁開胃，泡菜都好濃蒜加薑既味，唔似超市D急凍pack。貪得意試埋個生牛肉拌飯，幾新鮮同juicy，生牛肉有D似魚生既口感，醃得甜甜味，同石鍋拌飯既feel完全唔同。個飯有D太甜，加埋爐邊蛋中和下就 perfect！  一個人埋單二百幾，唔算平，但唔得等、坐得舒服、食物水平、服務都唔錯，已經比好多overpriced韓國餐廳好！最後仲送喉糖，太貼心！睇真D原來係officially同念慈菴collab出既，加分

今次黎到尖沙咀嘅喜來稀肉印象中呢間分店好似係始祖黎！真係食左好多年喇🥰🥰 食左咁多年都仲係揀佢🥰一如以往都係韓國式嘅爐具同埋有一知個嘅鐵筒比客人袋住隨身物品 以免比油煙煙到隨身物品都係燒肉味😝😝每間分店嘅餐牌都係大同小異架喇！我黎親呢度袋嘅野都係大同小異😂😂但呢度嘅小菜同旺角分店會有小小唔同，冇左最開胃嘅酸蘿蔔 但都有鎮店次寶-泡菜❤️《護心肉》$158護心肉係必點嘅！ 因為佢本身完全冇調味但燒出嚟都可以仲好juicy 可以食到肉本身嘅味道之餘仲可以試到炭燒嘅香味《喜來五花肉》$138上菜後發現呢度嘅喜來五花肉同旺角嘅有分別！因為旺角嘅係有3件原整嘅 但係呢度嘅係變左幾小件 個人感覺冇咁爽😂😂😂但調味等等都係正嘅！ 餐廳先用梨汁、豉油、糖等等預先將肉醃好 等肉入面都索晒調味料😝見到又流晒口水🥲🥲🥲

第一次試韓國古老特式的烤肉店🥓開頭仲以為好像以往的韓燒咁~入到來的裝修超傳純兼韓國風~雖然好少去韓國，但都感受到呢度韓國味濃😂店員仲會幫你無限fill蛋漿同生菜我地叫左個牛拼盤(唔記得咩部位打咩部位了反正全部都係牛，包生菜食一流) 同韓式泡菜湯🍲個湯超有驚喜~味道濃郁而且用料十足，有豚肉、泡菜、豆腐等。。。真係一分錢一分貨😋🍹藍莓梳打都幾好飲又唔會太甜~而且有果肉不過一定要book位，因為全滿座

以前講起韓燒一定會諗起喜來 仲要長期排長龍～～ 同昔日環境差唔多 好有韓國燒肉店既feel🙆🏼‍♀️ 一坐底店員已經凖備好前菜：kimchi 蕎頭酸瓜 辣醬芽菜沙律🥗 生菜🥬同醬料 仲有最緊要既爐邊蛋!!! 最喜歡的～ 一邊係芝士一邊係泡菜 仲可以任fill😚.▫️喜來烤肉 180g $158捲得好靚咁上碟😍 紋理超美的～～ 燒一燒就已經食得 薄薄一片 入口即溶好嫩完全唔韌🥺🥺 牛味仲好濃郁 充滿油脂感 超幸福der💛.▫️牛護心肉 150g $168每次食韓燒都會點護心肉 今次都唔例外😛 喜來既護心肉本身有醃過 食落個醬油味好香 鹹淡適中 個肉食落更加juicy同入味😚 本身脂肪感多啲同厚肉啲所以肉質更加有嚼勁同油嫩～.▫️濟洲五花肉 200g $180點少得五花肉😚 每片都沾上了芝麻調味 厚度適中同油脂均勻 充滿肉感之餘都好嫩口 燒到微焦帶油香 再夾生菜泡菜同蒜粒一齊食真係perfect😍😍.總結，唔想諗既話都可以簡套餐 之前食過二人餐覺得都幾抵 每個部位都可以食啲🤭 就算單點份量都適中 肉肉大部分都有醃過 所以好入味同juicy 但同時又依然食到本身肉既味道 仲要好嫩😍 依然keep到以

最近多了來尖沙咀食飯飯，因為收工後要去做物理治療，但在尖沙咀真的太多食物選擇，有時不知選什麼，選擇又開始有困難！行到金巴利道發現這家餐廳大門很有特色，便看看餐牌及進去嘗試！由於時間上早晚上吃飯的人還未算多所以我們能挑選到好的位置！但其實環境無論怎樣選也很不錯因為枱與枱之間的距離間距很大！平時吃韓國燒肉沒有這麼大空間，這裏完全沒有這樣的情況發生，而且空間大，燒肉排氣也很好，環境及味道不會因為油煙味而很臭！特色的餐桌擺設以令我們很有信心，入坐後店員馬上將蛋漿倒入熱鍋上，而我們亦馬上看餐牌點選食物！值得一提韓式燒烤平時所配搭的前菜份量少少不能refill，而他們家原來是可以無限refill！而且沙律菜和泡菜都十分新鮮！ 起初我們因為不太肚餓所以只點了兩份肉，一份是牛舌，另一份是牛護心肉，上臺後才發現原來這兩份肉的portion十分大！由於牛舌是薄切所以燒的時候很快熟，但沒有因為薄切而味道有所影響，反而我們包上菜後再加上醬料十分美味而不油膩！同時牛舌之薄切所以咬起上來不會咬不斷！然後護心肉相對比較厚，但牛心肉相對肉質鮮嫩所以口感十足！除了肉的方面我們還點了海鮮蔥餅，原打算

呢日係同朋友打完第二針疫苗，諗住順便一齊食個飯再番屋企。本身係要去其他地方，點知度度都full,咁岩打嚟呢度有位！就一於試下☺️☺️.我係一個超級鐘意食韓國嘢既人，奈何我男朋友同屋企人都唔鐘意🤦🏼‍♀️🤦🏼‍♀️只好同朋友一齊先去食啦！.呢日我地5點半左右就到，因為打完針1700，諗住早啲食完早啲番屋企休息，驚有咩事唔舒服（點知咩事都冇😂😂）.先講環境，真係好韓國🇰🇷就好似我去咗韓國街邊求其一間燒肉店咁😍枱既位置唔大，我哋2個人嗌既嘢都唔係好夠擺，其實想像唔到4個人d嘢會點擺😂😂不過地方都闊落！枱同枱之間距離都算遠，乾淨我就覺得還好，畢竟係燒肉店，地下都係會少少黐立立，不過都算乾淨！最重要既係，食完個身唔會一陣味！.野食方面，護心肉超超超超超超級無敵好食，好食到我同朋友講，我哋應該淨係嗌護心肉😂😂我哋仲嗌左個豆腐湯同泡菜煎餅，豆腐湯好好飲！但煎餅我覺得中間有少少太濕，因為中間厚d但都好食既！.服務方面，因為入邊啲人全部都係韓國人，好似得兩個係香港人，就連一開頭識講廣東話嘅，我哋之後都發現佢都係韓國人😂😂其中有啲韓國人係唔識講廣東話，同佢哋講嘢要指手畫腳😂😂不過咁樣令到成個環境都好韓國🇰🇷超正👍

成功教識母親大人開Netflix等佢唔洗再追TVB啲膠劇 不過教識佢嘅代價係掛住追劇 飯都唔煮 即刻好似變咗孤兒仔咁收工返嚟無飯食 佢最近追宋仲基套文森佐 識逢上個星期母親節 所以就帶咗佢去金巴利道食韓燒無book到枱又知道母親節一定多人 所以未到6點已經去到 慶幸唔洗等位 不過節日用餐時間得90分鐘 都明白嘅 餐廳都想做多幾轉生意坐低店員奉上前菜同幫我地整爐邊蛋 呢到d泡菜特別好食 同埋可以無限Refill護心肉護心肉是位於豬橫隔膜與肝之間的肌肉肉筋 是非常稀少的部位 同埋係呢到招牌菜 第二間韓燒唔會有呢個部位 所以每次嚟都係必點菜式牛五花切到勁薄 所以好快熟 一坐低肚餓燒呢個最快有得食 雖然望落好似好多肥膏 但係嚟到韓燒怕肥根本係自己呃自己海鮮泡菜煎餅唔會話太多粉 非常脆口 煎到啱啱恰到好處紫菜飯團超多紫菜 加埋麻油勁香口 我自己一個都可以啪一碟生啤 Hite食燒肉一定要配生啤 最緊要夠凍 大啖飲勁Gur因為母親節正日 店長送咗紮花俾全場所有媽咪 呢個我覺得幾窩心 同埋媽咪都勁開心

今晚約朋友食響尖沙咀食飯，忽然好掛住韓國，所以就走咗去食韓燒，想不到平日都要排隊，全場爆滿，看來大家都好掛住韓國。我們入座後，店員就幫我們預備前菜，還有任食芝士爐邊蛋和泡菜爐邊蛋。現在可以用手機掃描QR Code 來下單，十分方便快捷今日我想食豬皮，同五花肉，所以就點了樣樣都有的壹頭豬，不用麻煩。壹頭豬($420)內有齊豬的 5 個部位，包括：護心肉、五花肉、豬頸肉、韓式烤豬大腸、韓式烤豬皮護心肉 - 屬豬的橫膈膜和肝之間的肉，每隻豬只有約200至300克，甚為矜貴，味道濃郁，吃時配燒肉醬來吃，十分有咬口，平時市面上少見，值得一試五花肉 - 質感較厚的五花肉燒起來因為香口，配上生菜，辣醬和蒜片一齊食，超讚豬頸肉 - 燒豬頸肉有彈性，惹味又開胃，味道不錯韓式烤豬大腸 - 乾淨的肥腸聞不到一絲絲的腥臊味兒，煎5分鐘左右，豬大腸就會變成好看的焦糖色，8分鐘的時間，就會變成一盤色澤鮮亮、美味誘人的烤豬腸啦！是韓國燒酒的絕配。韓式烤豬皮 - 韓國直送經醃好，煮熟的豬皮，慢火燒香後，點黃豆粉和辣烤肉醬來吃，超好味喜來烤肉 ($158) - 把切成薄片的牛肉，捲成一朵瑰玫瑰花的形狀，打咭一流，牛肉用

作為一個視韓國為第二家鄉嘅骨灰級韓飯因為疫情關係已經有兩年時間冇得返鄉下思鄉之情日益嚴重食韓燒係其中一個解決方法香港嘅韓燒餐廳多不勝數但係質素就非常參差位於尖沙咀嘅喜來稀肉係難得地每次都可以保持水準嘅地道韓燒呢個亦係佢雖然地理位置唔算方便但我仍然堅持選擇幫襯嘅原因閒日夜晚都需要排隊等位就知佢有幾受歡迎好彩我同朋友有事先book定位我地點左一份喜來烤肉通常用得餐廳名命名都係招牌菜, 果然冇令人失望另外仲點左一份牛護心肉,一份辣五花肉同一客薯仔餅肉類醃得入味但唔會過咸最驚喜係薯仔餅用料同份量十足好食得黎又夠曬飽肚埋單人均$350同區黎計，食物質素同環境又唔差性價比都唔算低以後我都會繼續幫襯

同朋友傾開計傾到好掛住之前去韓國旅行時食既韓式燒肉🥲 就決定去回味一下喜來稀肉，好記得當年剛開業時尖沙咀係第一分間排隊都要排成2個幾鐘先食到 haha當然喜來稀肉係香港已經有3間分店，又可以電話訂座已經可以輕鬆食到(建議都係先訂位！）可能天氣太熱無咩胃口所以都係簡單食，點了「喜來五花肉」，「喜來烤肉」，熱炳炳梗係要食個「水冷麵」兩款烤肉已用韓式醃料醃製過，口味都係偏甜，但配上泡菜，生菜和蒜片就剛剛好～如果唔太鐘意口味偏甜就可以叫返原味👌🏾食到熱熱哋就食返啖水冷麵，麵質彈牙調味酸爽，可以消除燒肉油膩感當然爐邊的芝士蛋同泡菜蛋都係重點之一(個人鐘意芝士蛋多d），每一次去都會Encore 食多round 🤩

又係出差的日子， 今日路過尖沙咀金巴利道， 見到喜來稀肉韓式餐廳， 於是就行入去試一試。 入到餐廳，同個男仔講話1位食lunch， 不過佢唔太日明白我講咩， 原來佢係韓國人黎的， 於是我就指手劃腳話食lunch.呢間餐廳係用QR Code 點菜的， 方便快捷。 一個人食飯，就點個雪濃湯試下啦， 呢個雪濃湯係有飯跟的， 所以唔會無飯到肚。 另加一杯檸檬梳打， 韓式午餐就係咁黎啦。主菜未到先黎3小碟韓式小吃， 有泡菜同2款不知名小吃。 泡菜最精彩， 辣到我出哂汗， 好味。雪濃湯， 名符其實真係好似白雪一樣， 個湯好白，試第一啖已覺得呢個湯真係無得輸， 湯味清甜， 帶有肉味，好似飲緊牛骨湯咁， 又膠質又滑。 湯材料有牛肉， 大蔥等等配菜， 重有麵線，即係一配雪濃湯麵， 牛肉味非常香濃， 雖然細細粒，但好有咬口。 麵線吸收哂湯的味道， 非常搶口。雪濃湯試到一半時， 忽法其想， 就係將辣泡菜放入湯到， 試下辣的雪濃湯麵味道如何。 我呢個試法真係掂， 將成個雪濃湯麵變成辣湯麵。 由於時間關係，只能食set lunch. 下次可以試埋燒肉就正啦

韓國也☺️好似去左韓國一樣燒肉 jai jai jai真係好開心今日同朋友收工去食左 喜來稀肉 一直都知佢有d名氣但又無唸過😆原來真係咁正-一去到 d配菜已ready☺️🤤 開心 野都未叫 蛋漿已係你面前倒緊了 🤤泡菜係韓式feel 偏辣 不會帶酸愈食愈辣 愈食愈開胃！-護心肉呢個係我好中意食 油分不會太多但肉質爽口彈牙太好食了 -喜來烤肉必食！ 特製醬汁香 彈 juicy 帶點甜配上 泡菜 蒜頭 肉 生菜包住之後 一口咁過！超級正！ 而家寫緊都流晒口水☺️爽皮！-五花肉！☺️肥肥的 油脂比較多但勁為香口 份量真係有d多有d食唔哂 要多d人share一定要用生菜包☺️好滿充-厚切午餐肉芝士拉絲石頭鍋飯☺️好邪惡也韓式午餐肉唔會好咸口感好正 而且唔係白飯好香口 值得回購-太耐無食燒肉了好高質 真係好滿足也！喜來稀肉 (尖沙咀)尖沙咀金巴利道79-81號金栢閣1樓連地下