喜來稀肉 (金巴利道)

營業中

休息中

漫長的一天 朝早紅雨下返工司 成身濕晒 返到先嚟黑雨🥲終於捱到收工可以去食久違嘅燒肉😆之前試過銅鑼灣分店 第一次嚟尖沙嘴店兩間佈局差唔多事隔半年多 原來已經發展到scan QR code自己落單.- 護心肉每次食燒肉都要點鍾意佢肉質夠軟 加上微甜嘅調味真係唔錯而家數量都算多.- 調味醬油雞肉呢個相對就無咁抵食喇 成百蚊得兩嚿同埋太厚身 燒時要俾多啲耐性.- 喜來五花肉配特製醬汁唔知係啲肉太薄 定係個爐火嘅問題 燒兩燒就燶晒😮‍💨.- 海鮮煎餅好大塊呀啲材料都幾豐富 尤其係啲蔥/菜味道都唔錯 唔會太油膩.- 柚子特飲有啲粒粒柚子肉 夠清涼解渴 如果大杯啲就更好喇.總括嚟講 食物方面 護心肉同煎餅都係唔錯嘅飲品都屬於正常水準

呢餐食得的好開心! 食完已講定要encore 再吃！我同個朋友點左個一頭豬，首次見燒肉可以燒豬皮同豬大腸。豬皮ge 好食程度係帶來驚喜，雖然有d 罪惡感，但好值得。豬大腸呢。。係個人過唔到自己個關，但其實試左一口，幾得意。其他位置各有特色，最喜歡牛舌同埋佢推介ge 護心肉，整體都好味。除燒肉外，我地點左兩樣食物，都有驚喜。先是個牛肉湯麵，很想很想分享，因為佢好清甜，排骨好食，配合燒肉一齊食，好平衡，仲有個手製飯團，超超超大盤，雖然由自己製作飯團再吃唔係得呢間，但佢係我食過最大盤，材料比例最理想，味道最佳ge! 如果兩個女仔，唔想食燒肉，來點個湯，食呢個飯都會好足夠。

今日喺尖沙咀放工，心思思想食韓燒，決定試吓好評如潮嘅喜來希肉～一坐埋位，前菜、生菜同邊爐蛋已經預備好～呢啲野全部都可以任fill，店員勁快就fill返，好有效率～係到係用電子qr code落單，簡單方便～食物選擇方面，除咗有燒肉套餐之外，仲可以散叫肉同韓式小食，仲有韓式飲品例如燒酒，正～濟州五花肉 200g ($180)韓燒必食五花肉，肥瘦分明，份量都唔小啊，有成前唔多十塊～個人建議一開始就燒嚟食，夾埋生菜同醬料同泡菜，開個靚頭～喜來烤肉（$158)我見幾乎每枱都有叫呢款肉，堅正喎真係～有秘製嘅醬汁醃製，食落甜甜地，肉身好柔嫩～果然係必食～.牛護心肉 150g ($160)紋路分明，好重牛肉味，夾埋生菜食一流～呢度最吸引係邊爐蛋任食，唔需要額外收費；個人比較中意芝士個邊，仲可以流埋絲~總結：服務好好的韓燒，食物質素高，果然係一分錢一分貨

今日同朋友去咗喜來稀肉食韓燒，呢間店舖感覺都幾正宗，行上樓梯已經聞到好大陣香味。店舖價格唔算平但係味道質素對得住。今日叫咗喜來牛肉，牛護心肉，同埋醬汁五花腩。每碟嘅數量都合理，喜來牛肉入口嫩滑，即融。牛護心肉就比較有口感，咬落好大浸牛味。五花腩一如既往韓燒必備。另外我哋仲嗌左一個海鮮煎餅，海鮮煎餅嘅邊邊好香脆，二入面都有唔同嘅餡料例如蝦仔，蜆肉，蠔仔，好多蔥紅椒等等。而飲品方面餐廳唔算貴，我哋叫咗西柚梳打同埋柚子梳打，西柚梳打西柚味濃唔會死甜，柚子梳打就有好多嘅果肉。仲有好多唔同嘅配菜添，有一兜生菜，泡菜，醃青瓜，芽菜沙律等等。

都唔知幾時先有得去韓國旅行，只好去尖沙咀韓國街走走，順便食個地道韓燒解解癮喜來稀肉出名唔洗我講，以前同公司位韓國人食過後佢都話正今次同行位朋友未食過，咁就等我決定食咩啦！叫左份最出名牛護心肉，之後黎多份豬拼盤，想食D主食所以叫堆雪濃湯同紫菜飯團。牛護心肉真係無咩好介紹，一個字正！肉味好似食緊牛扒咁，真係一人一碟都唔過份！豬拼盤有豬護心肉、五花肉、豬頸肉、豬大腸、豬皮。最驚喜係豬皮，豬皮係真係脂肪上面果層皮，燒完無油脂感，只有重重膠質感，好似食左舊骨膠原入口咀！雪濃湯又一驚喜，有五六舊肉，湯底係清香牛味，可以減輕返燒烤果個濃味紫菜飯團不過不失，不過呢個價錢，係值得一試嘅係香港黎講，呢間舖絕對係地道韓國燒肉，誠意推介呢間韓燒黎解解旅行癮

今天經過韓國街本想買一些韓國雜貨芝麻、麻油、零食、泡菜燒酒，行吓行吓肚仔開始有啲餓，見到「喜來稀肉」竟然冇人排隊，可能六點左右大家還未去食飯，二話不說我和朋友立即衝了過去，今晚一於食燒肉「喜來稀肉」，每次都因為太多人沒法一賞，今天咁好彩一於唔好執輸，上到去原來已經有很多人坐下來，大約已經有七成滿座。一坐低店員便拿了一張QR code 的賬單給我們掃描，之後便可以點餐，同時店員為我們的燒烤板兩旁放上泡菜和芝士加上蛋液，這個蛋液記得不要煮太久，像炒滑蛋的時候便可以食用，拉絲芝士蛋實在太好味我哋encore左三次，泡菜辣中帶甜淨食都是已經食了兩碟。濟州五花肉韓燒除咗食韓牛，當然要食豬五花肉，連皮的豬五花肉，五花肉的油脂在燒板上燒得非常甘香，一片生菜加五花肉再加泡菜和蒜片，鹽粒，入口爽脆加上煙煙韌韌的五花肉，這般滋味實在爽。牛頸牛頸質素非常高未燒已經流晒口水，鮮紅色的外表厚切，加上美麗的油脂雪花，每面燒二十秒點少少鹽淨食，肉質鮮嫩牛味重加上在口裏爆油花的感覺，實在另人難忘。水冷麵水冷麵，食完韓燒當然要食返一個充滿清新感覺的水冷麵中和一下，水冷麵麵質煙煙韌韌加上沙冰浸泡，食時非常清涼感覺所有熱氣

高質燒肉燒海鮮🥰我發覺餐廳材料真係好新鮮好好味😍我地仲叫左大蝦燒黎食🦐佢既蝦真係好新鮮😍蝦頭都係鮮甜架😍好好味呀牛肉我地就叫左牛護心肉同真雪花牛肉牛護心肉香嫩，而真雪花牛肉一黎到就好多雪花係上面燒完一食真係入口想滑，2個部位都係超高質既牛肉😍桃子汁🍑裏面仲有桃肉最中意食既滑蛋😍滑蛋有二款，芝士滑蛋同泡菜滑蛋二樣都好正呀😍岩岩好燒完肉食就可以食個滑蛋啦～ 千祈唔好等佢太熟再食 咁會老左架😆性價比好高既韓式燒肉🥰仲要有勁高質既肉同勁新鮮既海鮮😍

今日去左香港小韓國之稱嘅尖沙咀覓食呀，金巴利道聚集左好多好多韓國餐廳，唔同類型都有！環境都幾好架，同韓國嘅好似。 前菜部分食韓國嘢最正就係啲小菜係無限Refill，成張枱都擺滿嘢食，好開心好豐富。仲有爐邊蛋添，同埋一籃生菜。 燒肉部分我哋叫左喜來牛肉，牛護心肉同埋醬汁五花腩。食佢哋嘅招牌牛肉，擺得好靚，牛味濃郁。而食韓燒點可以唔嗌五花腩呢，唔會好肥膩，包埋泡菜同生菜，就唔洗驚啦。 其他部分我哋仲嗌左一個海鮮煎餅，份量好夠呀，有唔同嘅配料。仲嗌左兩杯飲品，夠晒清新呀！

作為成功捱過黑雨blue monday嘅獎勵，相約朋友仔食下韓式燒肉，化悲傷為食欲。🍴護心肉以型補型，先黎招牌護心肉。之前未聽過，開頭以為係牛肉，點知問完係豬黎嘅，食落爽口，但唔會嚼唔爛，都幾嫩滑，配上店家特制甜口醃料，不錯。.🍴調味醬油雞肉係當晚比較失色少少嘅一樣。份量不足不特止，重要味道無咩特別，如果唔係有特制醬油，就好似燒白切雞一樣。.🍴喜來五花肉配特製醬汁肥瘦均勻，份量多，燒落油脂味都幾誘人，食到有少少超標。🍴海鮮葱餅食得肉多，都要食少少蔬菜同碳水化合物平衡下。用料都足，唔會得麵粉，蔥量都夠，海鮮可以再多啲，哈哈….最後題外話，現場燈光比較暗，燒果陣要小心啲，燒熟少少先好食。

第一次嚟食 最好盡早攞位一行入去就有個韓國叔叔 好似真係去咗韓國 服務非常好 會主動幫我地換換鐵板同用餐時間個半鐘 用QR code落單好方便～我地叫咗個韓牛拼盤套餐($888)印象中差唔多係最貴個Set一嚟到擺盤已經好吸引 面頭仲有四塊薄切既雞髀菇上面有牌仔指明晒唔同部位好貼心牛味好重 油脂分佈平均 厚度比日式燒肉厚 對得住佢既價錢韓燒絕對要點鹽食吊起味道 不過我哋就無包生菜直接食既蟹子紫菜飯團($50)依個好食過係其他韓國餐廳既同款 味道啱啱好唔會太淡 麻油味出 紫菜量夠 不過俾多一隻手套會更好～檸檬梳打($35)幾好飲 好開胃 尤其是食咁多肉有消濟既感覺～兩個人食依道既份量已經好飽嚕～

坐底店員會比前菜 泡菜係幾辣下搞左陣終於叫左一個set韓牛拼盤套餐有7款肉同紫菜飯，每款三至四塊。由油脂重啲到瘦啲既都有！但係都係油脂分佈都超平均！超高質！每塊都燒到半熟就好，中間少少粉紅色就最好食。食果時 佢啲牛都係好高質，唔會太肥，最緊要係牛肉味好濃最最重要係燒嘅時候，職員會定時過黎幫我地換鐵板。環境方面就坐落都幾舒服 呢排疫情大家都會驚同人地坐太近，但呢間鋪枱與枱之間坐得幾寬闊，抽油煙方面更加係做得幾好。食完個身係唔會覺得臭。紫菜飯都超好食 好夠味仲有得自己玩下 下次都會再食呢個

由於疫情關係好耐都無得返家鄉🇰🇷，唯有來到韓國街覓食，除左味覺的享受，感官享受都好重要，今次來到呢間韓式烤肉店，環境上似足韓國地道燒肉店，氣氛不錯，令人暫時忘卻一下現實帶來的無力感，體驗一下地道韓式晚餐的氛圍。喜歡烤肉的朋友可以點套餐，每款肉類都可以試下。不過我今次想一次過試曬烤肉和韓式料理，所以則選擇了單點肉類。喜來烤肉食牛的朋友必點這個招牌喜來烤肉，將牛肉片砌成一朵玫瑰花形狀，打卡一流。而且牛味濃郁，燒大概十秒已經食得。護心肉相比起喜來烤肉我更加喜歡這個豬護心肉，呢個部位相對上更腍身，但係口感更豐富更實在。而爐邊更有泡菜蛋餅圍住，一口燒熱一口蛋餅，很滿意。大醬湯咁多款韓式料理，我最喜歡湯的料理。而大醬湯更係代表作。類似日式的味噌湯，加入韓式醬，帶點微辣，配料也很豐富，有肉片、豆腐、泡菜！最特別的地方係呢個大醬湯加入蟹腳，令湯底更濃郁。水冷麵另外我們點了水冷麵，吃過烤肉之後幫助解膩，冷冷的涼感。韓式麵條充滿口感，加入蕃茄和青瓜絲，十分推薦。下次想感受韓式地道烤肉體驗，不妨試試。

今晚難得出街食，當然就要食好啲啦。我地揀左韓燒—喜來稀肉，因為之前次次經過都好多人等，所以預先book位。一黎到店員就立刻為我地開爐，同埋已擺好前菜，呢度嘅前菜係免費refill，有泡菜、芽菜同埋醃茄子，好地道韓國味道。呢度好方便，係自助掃Qr Code下單。我地兩個人揀左個二人餐 — 壹頭牛，可以食到牛嘅唔同部位，啱哂多心嘅人😆 呢個餐有 喜來烤肉、牛五花、牛頸、牛肋骨肉、烤調味牛排骨。啲牛真係唔錯，唔太肥。特別鍾意牛五花同埋牛肋骨肉，包住生菜食，十分夾，好似去左韓國咁。店員都好勤力fill爐生菜、邊蛋同埋前菜。總括黎講，今餐十分滿足，而且份量適中，下次會再黎。

呢度燒肉嘅氣氛好正，勁似去咗韓國一轉咁！喜來烤肉 $158「玫瑰玫瑰我愛你」🌹！肉質薄身夠味，基本上都唔洗點樣點汁，一燒完可以即刻食！牛護心肉 $160護心肉這個部位好特別啊！呢個位嘅肉唔算多油脂，咬落爽滑彈牙，真係值得試下wor!!!芝士石鍋拌飯 $85啲芝士拉絲多到癡線！唔係講笑，真係癡住曬！咁多芝士嘅石鍋飯真係第一次見，好癲啊哈哈哈哈哈！韓式炒年糕 $75一向都好鐘意食韓式炒年糕，呢度嘅年糕唔會好lum，煙煙韌韌咁，好好味！

肉肉肉🤤🤤🤤 一向都超級喜歡韓國烤肉！！！即使之前去過另一家分店，不過今次去尖沙嘴店都仍然覺得十分驚喜！🤩 這裡樓底比較高，陽光穿透玻璃窗，特別光亮通明。裝潢設計很有韓國正宗烤肉店的特色，讓人感覺置身於當地一樣！🇰🇷 不得不提，我個人覺得這間分店的抽風系統最好！！！❤️ 烤肉烤了一個幾小時之後，衣服和頭髮上完全一點氣味都沒有！這個真的要大讚，非常方便約會。✨這裡的菜單選擇豐富，我們試了：-🤎喜來烤肉 $158喜來烤肉的造型十分驚喜，竟然是一朵玫瑰花🌹！別看它只有小小一朵，其實它是由超過五、六塊長條豬肉片堆疊而砌出來的。肉片比護心肉較為薄身，肉質烤出來非常鮮美滋味。記得不要烤到全熟，六七成左右熟就剛剛好！還有就是要注意烤的時候，不要整塊攤開來燒，最好就先蘸一點碟上的醬汁，這樣子才可以避免黏鍋。吃的時候就不用再蘸醬料或者海鹽，因為這塊肉本身已經很夠味道～推介程度：🐰🐰🐰🐰/5-🤎牛護心肉 $160這是我第一次吃護心肉這個部位！大家之前有吃過嗎？上網查查才發現原來護心肉的英文名是「Saorae」，所以喜來稀肉Saorae這家餐廳正正是以此命名！😎 由於它位於豬的橫隔膜和肝之間，每隻豬只有二百至