喜來稀肉 (金巴利道)

營業中

休息中

不知不覺同老公已踏入第九個年頭雖然冇時間飛去韓國食韓燒但我地㨂左去尖沙咀 小韓國街 慢慢嘆住食 🥰韓國人 主理嘅 喜來稀肉一樣咁正 咁有feel ❤️ 先去✅自助沙律吧🥗食下辛奇（泡菜）先🤤揀左✅一頭牛：🥩牛五花，牛頸，牛肋骨肉，牛排骨肉等🤤🤤🤤雪花分佈平均， 兩邊平均烤下，滋滋聲十零秒就食得，醬汁偏甜惹味芝麻調味 更能提升香味✅紫菜蟹籽飯團🍙配色好靚 撈撈撈之後搓整返個波波球一啖食左佢🤤 沙律醬帶甜味酸酸地，紫菜脆卜卜 有得玩有得食 正呀 😋✅喜來烏冬🍜我叫佢做左個 #海鮮辛拉麵🦞🌶️ 用料鮮， 辣味夠。再飲返杯✅芒果梳打 🥭🍹 真係通心涼😚滿足又甜蜜的一餐🥰

雖然呢間餐廳已經打入香港很久，但今次是我第一次到訪🫢。適逢朋友生日，佢又好鍾意食韓燒，所以去食下佢😆。今次去的是位於尖沙咀的分店，位置就在，地點方便，一入店由韓國oppa接待帶位， 韓式烤肉店的裝橫令人好像置身韓國一樣，令人心情興奮。店內增設自助沙律吧，有數款韓式小菜及多款醬料選擇，他們家的泡菜真的超級好食!!! 可以自己添加真的太好了! 仲有生菜籃、生蒜可供自取，包烤肉食一流！牛護心肉 我個人非常喜歡護心肉，除左有一股非常特別的肉香，略帶點油花，肉質軟腍但又有彈性，肉味濃郁，帶點油脂的甘香。烤到表面焦脆就食得。牛肋骨肉原以為牛肋骨肉會好韌，出乎意料完全唔會！雖然冇護心肉咁柔軟，但肉味更濃，油脂分佈也比會較為豐富，非常適合燒嚟食。辣炒年糕每次食韓國料理必點的！年糕QQ彈彈♥️仲有好多魚糕片喺入面，醬汁係辣炒年糕嘅主風，喜來稀肉喺呢方面做得唔錯，同喺韓國街邊食到嘅小食味道相近。雪濃湯其實我一直以嚟都未食過雪濃湯，朋友介紹話佢喺韓國嘅時候好鍾意食。原來雪濃湯係牛骨湯，味道清甜，滋味甘醇。食完辣野、油膩嘢之後飲上一碗真係好舒服。而且入面有大量韓式粉絲，食完真係好飽。韓國米酒食烤肉點少得酒，不過

嫩豆腐海鮮🦞🥘🍤🍡🦪🫘湯（配料中有蠔 原只蝦🦐 豆腐 洋蔥🧅 蛋🥚ultra hot 熱辣辣嘅溫度 水冷面（為了這碗面我願意再來10000次麵topping with 切片水煮蛋雖然係凍嘅連煮蛋嘅程度都是剛剛好唔會有擺過or 雪凍過嘅口感人參雞湯（調味剛剛好 有紅棗 🫘蟹🦀️子紫菜飯團🍙（大推 好像來到首爾嗚嗚嗚嗚嗚嗚芝士醬好好吃🤤 🦀️蟹籽好多 飯雖然看起來無多但好實女生應該食唔哂成個飯嘅米汁 （甜 桃子汁 梨汁只要$20 喔 老闆超貼心 雖然冇燒肉但會拿圍裙給我們真心推介

今天我來了了喜來稀肉，因為未到6時，尚有很多位置不用等位。我點了三種不同的燒肉，分別是骨排，護心肉和牛頸，三種肉都有驚喜。每一種肉都各有特色，但質地鮮嫩。除了美味的燒肉，喜來稀肉的泡菜和蘿蔔也是自助取用的，只要你不浪費，數量不會有限。令我印象深刻的是喜來稀肉店員的專業態度。每當發現我們在燒肉時，鐵板有燒焦他們會即時自動更換鐵板，這種周到的服務讓我覺得非常舒適和放心。整體來說真的很回味，值得一試再試。

又嚟食燒肉lu😚比起旺角分店，尖沙咀分店更有韓國燒肉店嘅氛圍，即使平日夜晚，依然都好多人，建議食之前先訂座。而旺角分店有卡位，坐得更舒適，所以各有特色。一坐低店員好快就上爐邊蛋同泡菜蛋，食完仲可以再添。喜來烤肉 $158本身已經好入味唔洗點醬料，好多汁同重牛味，搭配生菜就剛剛好。豬頸肉 $150豬頸肉份量都多，口感爽脆又有彈性，油份重而肉味濃。推介比所有食肉獸。蟹籽紫菜飯團 $50呢個飯團真係好抵食，大約整到10個，如果整細個啲變一口飯團應該可以更多，飯團嘅口感剛剛好，唔會太硬，如果紫菜份量再多啲就非常好！喜來烏冬 $75相比之下，呢間嘅肉比熟食更加出色，但烏冬就勝在份量多又價錢合理，兩個人食都可以各自食咗4小碗。西柚梳打 $45芒果梳打 $45相比之下鍾意西柚梳打多啲，清新唔會太甜又解油膩。

放工想食韓燒，第一時間諗起呢度。 講起喜來稀肉都會諗起宋仲基😹因為太陽的後裔都喺首爾店取景🤭泡菜沙律菜、生菜等都以自助形式。點完餐，韓國Oppa 都先幫忙開爐、倒上蛋汁，分別為辣泡菜蛋，另一邊係芝士蛋，兩種味道都吸引。煎肉同時，爐邊既蛋汁慢慢煮熟隆起。 護心肉必點的，呢度牛豬都有護心肉可以點。護心肉係橫膈膜與肝之間既肉，味道濃郁，有咬口。簡單點上燒肉醬包菜食已經好好味！ 牛肋骨肉同樣無醃味，原汁原味最好食！ 牛肋骨肉油花適中，肉質鮮嫩juicy。 大醬湯口感強烈，用料好足，除左基本豆醬、豆腐、洋葱、青辣椒粒、牛肉粒、翠肉瓜金菇上外，仲有落蜆貝、最特別有埋花蟹仔，湯汁味道濃郁鮮甜兼有豆香。海鮮餅韓式版海鮮Pizza，海鮮餅中有爽脆八爪魚、觸鬚、葱條紅椒，香煎唔會太油腻。入口有蛋香，加配海鮮醬汁食，味道咸鮮之餘，又有香辣感、芝麻香氣。

再訪著名韓燒餐廳♨️ 主打韓式燒肉及多款主食，環境氣氛很熱鬧，絕對值得一試☺️ 餐廳空間闊落，坐得好舒服，全程用QR code落單，可以在手機呼叫店員，店員服務態度很好😚食物款式選擇豐富，份量多 質素高，價格合理，2個人叫2主食+2份肉已經好飽！🥰晚市二人消費 - $495 ✴️餐廳設有加一服務費✴️💖💖💖食評💖💖💖任取自助吧有多款前菜：辣泡菜、蒜頭、生菜、青瓜及酸蘿蔔牛肋骨肉 ($150/150g)✨辣五花肉 ($150/150g)✨高質素食材👍🏻牛五花偏厚身，肉質軟嫩 好有咬口，入口牛味濃，好好味！辣五花肉偏薄身，經過醃製 香濃惹味，肉質嫩滑爽口，完全不會韌！ 爐邊放滿泡菜雞蛋及芝士雞蛋，食晒可以無限添加，好正呀🤤石鍋牛肉拌飯 ($85)✨正宗拌飯~ 一大碗飯配上大量配料，應有盡有 口感超豐富🤤 將配料及辣醬攪勻享用，啖啖滋味👍🏻 好飽肚好滿足😍韓式海鮮拉麵 ($65)✨我最愛的韓國麵~ 熱騰騰 香辣惹味，爽滑彈牙！仲配有海鮮，簡單又好味🥰

做完野去食個lunch , 今日行到去金巴利道，知道好多韓國嘢食，目標亦都係想搵韓國嘢食，所以喺度行吓睇吓，行到後邊發現呢間，好耐冇食過，見佢有啲lunch set幾好，趁未放lunch時候就去試吓。生抽同之前差唔多，韓國傳統烤肉裝修風格，職員幾有禮貌，現在喺手機點餐，好方便。佢之前菜我覺得佢醃得唔錯，泡菜，青瓜等等味道唔會太過鹹，又唔太酸，好正宗。見佢都有啲一人嘅烤肉餐， 石鍋湯，煎餅，年糕嗰啲。最後我哋就選擇咗人蔘雞，同埋大醬湯套餐：🍱人蔘雞湯：雞入面加入滿滿的糯米、高麗人蔘、紅棗等，雞湯頭帶濃郁，層次豐富，嫩雞肉唔鞋口，入口好稔。🍱海鮮牛胸肉大醬湯：蜆肉做主角，製成湯底，再加埋牛胸肉、豆腐、金菇，同埋主角韓國大醬，青辣椒，湯嘅味道鮮甜帶辣，送飯一流。🍱檸檬梳打：解渴夏日消暑之選😌

天氣熱，去燒烤簡直會是奪了小妹的命。但韓劇的吹捧令小妹忍不住要來個韓燒-喜來稀肉餐廳:舒適且寬敞，員工友善、細心周到，讓你在享受美食的同時，也感受到了被重視的感覺。食物:小妹點了份”一頭牛”套餐，套餐包括了5款不同部位的牛及小量配菜，適合兩人分享。特別推介是調味牛排骨，醃料豐富，與肉質相得益彰；牛五花則嫩滑多汁，牛頸肉則帶有濃郁的牛肉風味。整體牛味濃而又不會太油膩。燒肉少不免會容易口膩，豆腐湯清清少辣的剛好是解膩的好選擇，湯清淡豆腐滑口，帶有微辣口感，搭配飯菜更是絕佳。另一道推薦的菜式是蟹籽紫菜飯團。這道菜非常獨特，餐廳還貼心地提供手套，讓你可以自己搓揉成大小不同的飯團，非常適合與朋友分享。飯團鬆軟可口，而螃蟹籽和紫菜的組合則帶來鮮美的鹹甜風味。這道菜不僅好吃，還有互動的樂趣，真的是一個非常棒的體驗。總括用餐體驗出色，無論是食物的質素、服務的周到還是環境的舒適程度，都讓人感到滿意。如果你喜愛韓燒，小妹推薦你來這家餐廳一試。絕對不會讓你失望。

👧🏻人氣燒肉店❤️喜來稀肉-成日都聽到呢間店個名 但食就第一次食🤣一入座 店員就會幫你準備烤爐同落蛋漿🤤爐邊烤蛋有普通的亦有芝士的 私心中意食有芝士的😋而小菜、生菜個d就係自助形式的 🍴牛五花 $158🍴牛舌 $158🍴豬大腸 $150牛五花同豬大腸既油脂都比較多🤤牛五花建議用生菜連埋蒜片包黎食 口感同味道一流👍🏻呢度既牛舌份量都算多 油花分布較少 口感都爽脆🤭烤肉必點🍴蟹籽紫菜飯團 $50呢排愛上左食紫菜飯團😂有得玩 味道又唔錯 去親韓國餐廳見到都會叫🫡呢度既蟹籽紫菜飯團既味道都唔錯 一邊食烤肉 一邊食食飯團 可以轉換下口感😂🥤coke zero $30🥤西柚汽水 $48📍喜來稀肉@旺角彌敦道628號7樓全層瓊華中心

一講起韓國燒肉，相信好多人都會即刻諗喜來稀肉，開咗咁多年仍然保持到質素，難怪有咁多捧場客！同朋友朝聖尖沙咀分店，地方大位置闊落而且冇油煙味，坐得幾舒服。泡菜、沙律、醃菜、生菜等等全部自助，最值得讚既係佢地泡菜超級好食，配烤肉真係食唔停口🥩餐牌上肉類主要有豬肉同牛肉，雖然單價唔係最平，但絕對夠份量！鐵板旁邊有芝士、泡菜兩款蛋漿，食完仲可以添加，所以兩個女仔揀兩款肉一款主食，其實已經非常夠飽🤰🏻🔸護心肉其中一款必點招牌🏅韓國燒烤經常食到豬肉，呢一款豬比較厚身，油份較少，燒完之後肉質軟稔而且夠晒惹味，用生菜包住蒜片、泡菜一齊食，口感豐富！🔸喜來烤肉另一個招牌菜，一片片薄切牛肉卷成花狀上枱吸睛，醬汁本身帶少少甜味， 輕輕烤過兩面可以食得，完全唔需要技巧🤣雖然自助區有唔少醬汁可以選擇，但我覺得呢款肉完全唔需要額外調味😍🔸水冷麵水冷麵麵質煙靭，湯底本身帶微酸，加上蕃茄青瓜等配料清新易入口，夏天消暑就剛剛好喇❄️

最近同朋友去咗尖沙咀行街，咁啱想食烤肉，而餐廳主打韓式燒肉，餐廳部分職員係韓國人，職員服務好好，亦會見到個盤黑黑地就會主動幫你換盤，同是亦都會比埋舊肥脂肪你去燒咁。🥩牛牛肋骨肉150g $150牛嘅份量都多肉質嫩滑用埋芥末掂牛肉食簡直一流🥩牛肉眼 $158牛肉肉質嫩滑厚度適中🥩牛舌$158份量夠多 好抵食牛舌相對較薄有肉汁搭配而且牛味都好濃郁🍲參雞湯$125參雞湯都好充料雞入面有蔥同糯米雞肉又唔會好老肉質都唔錯🥤檸檬梳打$45梳打酸酸甜甜咁好開胃同埋夠曬解脷🥤芒果梳打$45相對會較甜好飲總括嚟講，依間餐廳好啱同朋友傾計，黎餐廳chill下或者飲番杯都無問題，另外仲可以加雞蛋同芝士！正呀

實在好掛住係韓國食燒肉既時候💓所以今晚決定兩個女仔去食*喜來稀肉*餐廳係尖沙咀韓國街，整條街都滿韓國餐廳一入座，店員隨即為烤盤兩側倒入蛋液😳一邊有芝士一邊泡菜。爐上面仲有舊脂肪當油用防黐底👏🏻自助區可以拎：生菜、生蒜頭、泡菜和醃蘿蔔喜來烤肉 $158要相機食先🤭係花花呀🌸 牛肉油脂分佈平均，牛味濃郁👍🏼牛護心肉 $160牛肉較厚身好有咬口，質感柔軟而且非常多汁包生菜食簡直一流🥬石鍋豬肉拌飯$85配料有蛋、菠菜、豆芽、紅蘿蔔、豬肉和生菜拌入韓式辣醬 好味👍🏼吹水緊係要野飲啦🤣西柚梳打、芒果梳打👍🏼總結：兩個女仔食得好飽啦🤭

如果食韓燒，第一間會諗起喜來稀肉。已食了好幾年，都維持都質素，另一個原因係有爐邊蛋。所以今日同honey 講想食韓燒，佢即刻做到野，即刻上網訂枱。今晚一如以往叫了兩款肉，加個海鮮煎餅，再有少少配菜，兩個人都可以食飽飽。最鐘意食爐邊蛋，不用加錢，有芝士同泡菜口味。另外，值得欣賞的係有個自助區，可以任攞自己鐘意的配菜和調味，食邊款食幾多自己話事，唔會浪費，必攞生菜同蒜片，配燒肉食一流。海鮮煎餅 - 夠熱，外脆內軟，夠足料。燒肉方面，一個豬的護心肉同真雪花牛肉。超推護心肉，一來價錢ok, 二來很柔軟，又唔會滿口肥肉。真雪花牛肉，價格比較高，有少少厚度，真係有雪花，帶均衡牛脂，適合燒烤。服務不錯，職員會主動不時留意有冇需要換燒板。是晚2人用餐費用大約$500.

喜來稀肉 (尖沙咀)尖沙咀金巴利道79-81號金栢閣1樓連地下調味醬油雞肉外酥內嫩，入口鮮嫩多汁，醬油的香氣和鹽味配合得天衣無縫，韓味十足。炒年糕年糕炒得柔軟而有嚼勁，泡菜濃湯🍲好飲，咸酸甜配合得宜。蟹籽紫菜飯團外觀精美、色彩豐富，紫色的飯團配上綠色的海苔和橙色的蟹籽，非常吸引人的眼球。飯團的口感綿密、紫菜的鮮香和蟹籽的鮮甜相得益彰，自己製作飯團🍙好玩。真雪花牛肉高品質的牛肉，切成了薄片，牛肉的口感非常嫩滑，入口即化。牛肉的色澤鮮紅，肉質鮮美，搭配上適量的醬料和配菜，必食。