啤啤Bear韓國包車 (已結業)

先讚下D員工，笑容好又有禮，環境真係好岩飲下酒吹下水，好多打卡位，成餐飯感覺好良好，好開心！食物方面～各人有各人喜好！本人就推岩鹽炸雞拼薯格，分量十足！朋友就鍾意炸豬手，肉質鬆軟，好好味！黑松露愛好者就真係要食黑松露炸醬面，本人就一向麻麻地黑松露，佢真係好重黑松露味，所以愛好者真係要試！蟹籽海鮮蛋卷好味，好鬼juice~~酒類飲品都幾多選擇，酒方面點左茘枝冰啤酒同青蘋果冰啤酒，非酒精就蜂蜜檸檬…(🤔唔記得左）下次要試埋其他！

今次人生第二次寫食評，上一次係幾年前，因為經過一個唔好嘅經歷，忍唔住要寫篇食評發洩吓。估唔到今次係完全掉轉，係實在太正啦，忍唔住都要寫篇食評讚吓。諗住同啲酒友去尖沙咀諾士佛台嗰度飲杯嘢，見到呢間新開嘅韓式酒吧，好似幾得意，就上去試吓。估唔到咁驚喜！一上到去，見到成間機舖咁嘅feel，有晒我以前最鍾意打嗰啲跳舞機，又有我最鍾意嘅籃球機，淨係睇到都已經加晒分！重點嚟啦，又鍾意飲酒，又係食肉獸嘅我，一嚟就叫咗個炸豬手。比起一啲德國啤酒場嘅炸豬手，呢隻簡直係有過之而無不及。超級Juicy，個皮又勁危，唔會太死鹹。仲要切好晒，啖啖肉。食起上嚟一啲都唔麻煩。見佢豬手好食，就諗住叫埋炸雞試吓啦，都係非常有水準。味道拍得住出面專做韓式炸雞嘅舖頭。應該係即叫即炸，出到嚟熱辣辣已經加晒分。味道選擇又多，首先食咗佢 Butter X Garlic, 因為太好食，我食咗一舊就已經比同行友人食晒 😂 所以鍾意辣嘅我決定再叫咗個lava 炸雞，同樣出色。同行友人其中一個唔食辣嘅，都食咗兩舊。咁當然我又唔夠食啦，所以叫埋佢個烤五花肉。呢個係我以前讀大學嘅回憶，以前同屋住嘅韓國朋友，整過好多次五花肉俾我食，次次食都覺

今日 同一班朋友去左啤啤beer ，起初都係以陪朋友心態去試，而且平時都小食韓國野，因為各得周圍都係味道都係差唔多水平。😌😌不過上到去，視覺觀感上面，真係好特別，Y2K時代感隨即湧現，勾起返以前年輕時嘅回憶，不論係籃球機、跳舞機都係好多人既回憶。而且岩晒一班愛打卡既女同事😆相信係入去到食到時既時候，成班女同事都唔係坐位到，去晒影相打卡。打開menu 聽同事講呢到主打韓國新派下酒菜，一眾炸雞 再配薯格，岩晒放工之後呢啤一啤既我地。起初我都係對炸雞有興趣，但當食食下 見到大家都對薯格不斷落手，我係麥當勞幼薯條派既我都忍唔住去試下薯格，點知一入口 外脆內軟😍😍而且個種脆度我從未試過😍😍😍好有驚喜。食得炸雞點可以唔飲啤酒呢？ 😈😈本來都唔太想試新野，覺得啤酒就緊係咩都無 ，純啤酒先係最正。但可惡既女同事，點左一杯桃味沙冰啤酒之後，我發現大家由傳統，變晒沙冰啤酒。😮😮我見到咁既狀況，當然義不容辭即刻點咗杯 桃味啤酒四試下佢咩料啦。😈😈點知 中招🫠🫠 我好擔心之後番唔到轉頭，佢沙冰既鮮果甜味 同傳統啤酒嘅麥味，水乳交融，就好似 美斯同c 朗係同一隊波到，意想不到嘅驚喜無限幻想，好有驚喜，沙冰配啤酒

餐廳位於諾士佛臺8樓，一出𨋢已經見到好大隻Bear，好吸引眼球。內裡以遊戲中心設計，雖然藍球機／遊戲機全部唔玩得，但話題十足，打咭一流。餐廳闊落，唔會太嘈，好啱幾個朋友吹下水，或者情侶拍拖。落單自己掃QR code. Menu 設計都配合返主題，而且分類清晰，一目了然。我地兩個人點左蟹籽海鮮蛋卷，White 炸雞配脆脆薯格，韓式海螺拌麵。蛋卷好巨型，蟹籽分量超多，薄薄蛋皮包住豐富既海鮮粒粒，配上調味剛好既醬汁，好正。炸雞即叫即做，炸漿好薄，做到皮脆肉嫩，大小剛好，啖啖肉而且好juicy. 但洋蔥忌廉汁存在感就低左少少，通常飲啤酒配濃味野會正啲。薯格一般，好脆身但食唔到中間薯仔軟綿既質地。拌麵酸酸甜甜，海螺爽口彈牙，麵質係水冷麵嗰種，好煙韌Q彈。夏天必食。野食每樣百零蚊，份量大，share 黎食就perfect，加上位置方便，環境好，會下次再黎。

鋪頭位於美麗華後邊的蒲點，建議經商場去會比較就腳，裝修走電競玩味風，門口已經有勁大隻啤啤，岩晒打卡😍 除左街機及跳舞機裝飾外，仲有用籃球機concept的椅子，勁搞笑，有feel🤪Butter x Garlic 炸雞 配脆脆薯格雞皮少雞肉多，黑蒜味唔會過重 (食過d炸雞會重手咗，咸到暈) ，個份量幾多，飲酒配炸雞，perfect match✅黑松露芝士炸醬拉麵 配 煎蛋望落似細碟，食落唔惹少，香滑芝士完美半溶係拉麵上邊，食落口有4️⃣種以上口感 (煎蛋、芝士、炸醬及黑松露) 。飲酒嘅時候有d主食係肚到，無咁容易醉XD原味芝心蛋卷原條上碟，本身望落無咩特別，但係切開竟然係流心！BBB 刨冰啤酒 -荔枝味打卡一流，甜度都適中，荔枝味幾近磅👌總結黎講，環境好cyberpunk同chill，播住大量blackpink歌，可以被列為適合放工輕鬆嘅地方🥳

最鍾意試新嘢✌🏻得知尖沙咀有間新特色餐廳開張！(新張期內仲做緊88折優惠‼️)馬上訂位試試！上到去見到以電子遊戲機嘅cyber feel作主題嘅裝潢！好潮非常富有玩味感🤩🤩後生仔女嚟到一定瘋狂打卡！！. ✨韓式前菜泡菜＆荳芽🥢. ✨炸魷魚 $88大大條煙韌魷魚肉沾上炸粉炸成卜卜脆炸物！鍾意香口嘢嘅朋友好喜歡😜😜.✨蟹籽海鮮蛋卷 $138滿滿蟹籽鋪滿蛋卷之上好澎湃😋蛋香十足嘅蛋卷入面內含沙律醬＆蝦肉帶子等海鮮粒！一咬洶湧而出！！.✨BUTTER x GARLIC 炸雞 配 脆脆薯格 $178對韓國炸雞情有獨鍾☺️☺️熱辣炸起油膩炸雞真係好邪惡！蒜香味道比牛油味道更突出🧄沾上芥末醬同食更滋味！仲有格格脆薯伴碟添🥔

係ig見到韓國包車嘅第二間主題分店-啤啤Bear -韓式新派下酒菜，已經係諾士佛台開張，今日去就去試吓先。新開試業期間，做緊限定88折優惠，都已經有唔少人嚟捧場。一出電梯，已經見到個裝修好有心思，係最近大熱既韓式機舖主題//Y2K霓虹燈光 😍😍，仲有大大隻主題公仔係門口。播住韓國歌，好有氣氛。有好幾部街機嘅mon都有一段片長期播。最特別嘅係，其中兩部籃球機嘅設計原來係凳可以坐。一入座就會送上前菜，每張凳下可以收好個人物品。$138 牛油燒酒煮蛤蜊好香嘅牛油味，隻隻蜆都好新鮮，食落好有淡淡嘅燒酒味。$188 🍗BLACK 秘製炸雞配脆脆薯格見到寫住秘製，當然要試吓佢。顏色較深，但好香又甜甜地嘅味道。問咗店員，原來係牛油鹽+酸辣醬+甜辣醬+黑胡椒，四種唔同嘅醬加埋，食嗰陣覺得好match。炸雞份量都唔少，每一塊都沾滿左醬汁。雞肉好Juicy，唔會炸到好老。外脆內嫩。薯格配咗一個蜜糖芥茉醬，一個茄汁，都炸到脆卜卜。$78 🍸Back To Childhood 呢杯係接骨木花蘋果燒酒，底下係接骨木花糖漿，配上燒酒，女仔好啱飲，唔會太濃，甜甜地易入口，岩曬打卡。收工過嚟飲杯嘢，食吓嘢吹吓水，仲可

啤啤Bear韓國包車跟一般的韓式料理不同，　感覺很時尚。❤️食物款式有很多🌟🌟辣炒小章魚五花肉，以辣炒小章魚和五花肉的組合為主，味道十分誘人，小章魚經過炒燒後，變得Q彈有嚼勁，並且沾滿了辣醬，為整道菜帶來更多的風味。而五花肉的肥瘦適中，口感柔軟卻不油膩，與小章魚的口感形成了完美的對比。辣味的小章魚和五花肉的豐富口感相輔相成，辣醬的加入提升了整道菜的層次感，無論是喜歡吃辣的人還是喜歡挑戰口味的人，都能在這道菜中找到滿足。🌟🌟Butter x Garlic 炸雞配脆脆薯格，還搭配了岩鹽香蒜牛油醬，炸雞外酥內軟，口感更加層次分明。炸雞的外層炸至金黃酥脆，咬下去時，能感受到外脆內軟的口感。與此同時，自家製的惹味醬汁更是提升了整道菜的味道。這款醬汁的獨特配方，使得整體菜品更具吸引力和美味。它的鹹香味和蒜香味完美地融合在一起，令人回味無窮。🌟🌟左: ‘Drink Me’ 粉紅西柚特飲石: More Than Lemonade兩杯飲品都清爽涼快，好適合炸雞和辣炒小章魚五花肉的飲品。

喺尖沙咀諾士佛台嘅「啤啤Bear 韓國包車」係一間以韓式酒吧為主題嘅餐廳。餐廳新開業無耐，踏入餐廳，你會發現佢嘅室內裝修以街機遊戲為主題，真係好有特色。我哋去嘅時候正值Happy Hour，想嚐下美食同飲杯酒。平時去酒吧通常都係提供nuts ，但係呢道就提供咗一碟韓式泡菜同芽菜。我哋先點咗個招牌菜式 - 韓式炸雞。炸雞嘅外皮好酥脆，內裡嘅肉質就係嫩滑多汁。每一口都食到香氣四溢嘅韓式炸雞風味，特別啱拎黎配酒飲。另一道我哋點咗嘅菜式係芝士蛋卷。芝士蛋卷嘅樣貌好吸引，上面撒滿咗絲絲芝士，好誘人。一口咬落去，蛋卷嘅軟滑口感同芝士嘅濃郁滋味完美結合埋一齊，絕對係芝士愛好者嘅首選。Happy Hour當然唔少得啤酒，我哋叫咗Stella生啤，呢款啤酒氣泡細滑清爽。

尖沙咀新開嘅韓國餐廳裝修充滿心思，有大大隻嘅餐廳代表bear公仔，又有啲跳舞機同disco嘅裝飾，充滿復古Y2K嘅元素，都幾岩黎打卡。韓式蕃茄海鮮湯配中華麵原鍋嘅海鮮湯麵上枱，然後再係gas爐加熱十分鐘。蕃茄湯有新鮮蕃茄，飲落幾濃仲帶少少辣，加埋青口蜆魷魚蝦等海鮮，食落都幾開胃另外，幾鍾意中華麵嘅質感，即使個湯煮到好熱，麵質都唔會煮到好軟爛，慢慢食都唔怕。BUTTER X GARLIC炸雞配脆脆薯格炸雞新鮮熱辣得黎一啲都唔乾，香脆得黎有肉汁。另外食落好香牛油味，加埋啲蒜茸，調味方面都做得唔錯。 薯格仲有蜜糖芥末醬同茄汁，岩哂一齊share。"Drink Me!"西柚味嘅飲料，酸酸地夠fresh。另外仲見到有其他酒類飲品，夜晚可以黎drink drink佢。

同朋友係google map發現咗一間新開嘅餐廳，咁啱大家都想食韓國野，於是決定一試。行入去環境都唔錯，好有韓國夜攤嘅氣氛，播住嘅K-Pop都好緊貼潮流。餐廳用QR code模式落單，同朋友嗌咗一個蛋卷、一份炸雞、同炸醬拉麵。芝士吞拿魚蛋卷$128多層蛋餅包住芝士吞拿魚，口感幾豐富。蛋同吞拿魚嘅味道幾夾，值得一試。黑松露芝士炸醬拉麵 配 煎蛋$98炸醬拉麵口感好煙韌，混合大量嘅炸醬同芝士，味道好濃厚。身為炸醬麵愛好者，食到啖啖炸醬好開心WHITE 炸雞 配 脆脆薯格$178同朋友嗌咗香草忌廉味嘅炸雞。份量好多，唔需要擔心唔夠飽。炸雞好香脆，甜甜嘅忌廉醬好開胃呢隻熊仔好過隱🤣一開始好好奇點解有籃球機，原來係座位design 🤣推薦度：4.5/5

樓下嘅廣告吸引上咗諾士佛台去試最新韓國餐廳！上到去就被大大隻公仔吸引住，睇得出餐廳裝修有花心思！入面有跳舞機/籃球機，形造好cyber同玩味既感覺！我哋叫咗五花腩肉烤肉，份量都幾多！五花肉大大塊，都比較濃味，所以用生菜包住啲肉 和其他配料蒜片同辣豆瓣醬一起食用就啱啱好啊。送酒食就配合！我哋再叫咗個韓式燉雞，呢度煮法比較特別。韓式燉雞是一道以雞肉為主要成分，配以多種調味料和蔬菜慢燉而成。韓式燉雞以濃郁的口味和豐富的湯汁，配以大蒜、洋蔥、馬鈴薯、胡蘿蔔等，以及豆瓣醬、醬油、辣椒等調味料。食材在慢燉的過程中，令湯汁濃稠，豐富左雞肉既味道。由於湯汁非常濃郁，所以粉絲吸哂湯汁，非常好食。

話說我個friend係K-Pop狂迷，所以特登搵一間喺尖沙咀諾士佛台新開嘅韓式潮館賀一賀佢生日。💫💫入到去果然冇令我失望，成個風格非常街頭炫彩風，成個tone係藍粉紫色嘅螢光色，配以勁大嘅啤啤熊(襯返佢餐廳名)、籃球機、街機同埋夾公仔機。成間餐廳勁得意勁IGBle，我個friend簡直鍾意到不得了！💗除咗係咁打卡之外，食物方面都見到佢落咗唔少心思。今次就叫咗四樣嘢:- Butter X Garlic 炸雞配脆脆薯格🐣($178): 推介之選！其實佢嘅炸雞有6種口味，而我哋就揀咗Butter X Garlic 嘅配搭。炸雞咬落香脆唔油膩，呢隻口味亦都比較輕盈，配以少少芥末就已經一流。而且份量都唔少，我哋兩個爭啲食唔晒🙈- 辣炒小章魚五花肉🐙🐷 ($158): 嚟得諾士佛台梗係要飲吓酒，而飲酒當然要有下酒菜啦，呢度餸簡直係絕配！成道餸以韓式辣醬做base，小章魚咬落煙煙韌韌，五花肉豐盈多汁，配以冬菇同埋少少菜，簡直滋味到爆呀😋- First Crush 粉紅岩鹽荔枝特調🍸($78): 成杯飲品好粉紅亦都有好香嘅果味，而少少岩鹽亦都會附係杯沿，等你飲嘅時候有鹹鹹地同甜甜地嘅雙重口味，非常之特