啤啤Bear韓國包車 (已結業)

網上見到好多人去呢間尖沙咀餐廳打卡,裝修非常有特色,係走Y2K風,餐廳入面好多霓虹燈,又有籃球機,跳舞機,夾公仔機裝飾,真係好啱打卡。餐廳係用QR code落單,食物選擇都係韓國餐廳有嘅菜式,炸雞,炸醬麵,五花肉等等。蟹籽海鮮蛋卷 ($138)一上枱覺得賣樣幾好,比一般餐廳大件,面頭仲有大量蟹籽。一蛋卷都幾好足料,個餡係白汁,味道ok,一啖食落去都感覺到好多餡,食完都唔會覺膩。黑松露瀑布芝士炸醬拉麵 ($98)芝士分量都幾多, 有淡淡嘅黑松露味,仲有隻半熟蛋撈埋炸醬拉麵一齊食都唔錯。辣炒小章魚五花肉 ($148)主角小章魚分量比想像中多, 入面仲有五花肉、泡菜、 蘑菇同洋蔥,少少辣,適合唔太食得辣嘅人。菠蘿冰茶 ($68) 蜂蜜檸檬特飲($68)2杯飲品甜度適中,無特別叫少甜都唔會覺得好甜,飲落幾fresh。

好耐無食韓國野，今日約埋朋友一齊gathering黎左呢間「啤啤bear」門口公仔勁得意好signature，見到就知係呢間野內籠環境好有心機設計，除左走廊好打卡able之外，入面仲有好多遊戲機籃球機，配合佢啲燈光令得覺得好似機鋪好想玩！手機落單圖文並茂無得輸特色啤酒刨冰，仲有得揀荔枝/桃/青蘋果味，飲落唔會好重啤酒味好苦，反而甜甜地好易入口，仲要成杯都勁冰凍炸雞拼盤，麻辣汁酸酸甜甜好惹味，唔會好辣，我同朋友都唔係好食得辣都得到，外皮炸到勁脆，雞肉軟身嫩滑，果然韓式炸雞係世一紫菜粉絲卷，好特別，外面炸到脆卜卜，入面係一條條好入味既粉絲，不過食落好熱，真係要小心蟹籽海鮮蛋卷，呢個真心必食蟹籽份量勁多唔洗講，蛋味香濃，中間包左魷魚粒，無論外面定入面都加左沙律醬，一食落口即刻有唔同既食材味道不斷刺激味蕾，一流！

朋友係韓迷，知道尖沙咀新開左間餐廳，仲要係Y2K韓國大排檔主題，緊係要去試下。一出電梯已經好似置身韓國街頭一樣，店內既裝修有機鋪既街機、籃球機同跳舞機擺設，加埋店內店外都有Y2K霓虹燈光裝飾，返到90年代咁，好有Feel ~😋芝士吞拿魚蛋卷 $128哩度都有幾款蛋卷，只係睇賣相已經好吸引，就叫左吞拿魚味。脹卜卜既蛋卷，配上勁多芝士同吞拿魚，味道比例好岩，唔會太咸，好香蛋味，而且個蛋卷層次好多，又嫩滑，必食 😋韓式清爽海螺拌冷麵 $128海螺好新鮮，完全唔需要醬汁，已經好夠味道。配上青瓜絲 、 紅蘿蔔絲同蛋絲混合韓國冷麵一齊食，清甜爽口既配搭，不錯。😋釜山燒烤 – 國民烤五花肉 $178店員已經幫你燒埋上碟，上枱時仲聞到好香既燒烤香味。每件五花肉都有煙煙靭靭既肥豬肉，燒得岩岩好，配上韓國燒烤醬，生菜包住一齊食，真係置身韓國街頭大排檔一樣。😋Back to Childhood 蘋果雞尾酒 $68一般韓國燒酒既cocktail酒精濃度都比較高，但哩杯又岩岩好，蘋果汁同燒酒既比例好岩。唔會太甜又唔會太酒味。😋Tiki-Taka 檸檬青瓜雞尾酒 $68我就幾鐘意呢款最有驚喜， 估唔到檸檬加青瓜口

最近見到一間尖沙咀新開打卡Y2K風格既韓國菜【啤啤Bear韓國包車】，所以迫不及待去左打卡食飯。餐廳裝修非常非常打卡able，每個角落都係打卡點，而且位置超級多。主打游戲機、跳舞機、籃球機bling bling風格。 原味芝心蛋卷：新鮮熱辣整起，有機會要等15-20分鐘。蛋超級厚同鬆軟，芝士超級多同會流心。加左番茄醬同蛋黃醬又唔會覺得好heavy，非常推。 蒜香牛油炸鷄配脆脆薯格：分量都算好多，第一次食薯格炸得禁脆，另外炸鷄係無骨既，所以啖啖肉，蒜香味都好重，但有少少油。加埋蜂蜜芥末非常不錯。 This Summer：菠蘿冰梳打，真係完全菠蘿冰味道，唔會太甜、好解渴。

香港早前已經有餐廳以韓式澡堂及大牌檔為主題，最近「hoo韓國包車」於尖沙咀再開分店，新店「啤啤Bear韓國包車」正正以韓式機舖為主題，別出新意，但環境比較嘈吵。新店以韓式機舖為靈感，店內佈滿Y2K霓虹燈、Disco波波燈、跳舞機、籃球機等裝飾，除了炸雞、招牌炸豬腳、部隊鍋、黑松露芝士炸醬拉麵等傳統及創意韓國料理外，位於諾士佛臺附近當然亦少不了一系列酒類飲品，尤其是刨冰啤酒絕對不容錯過。BUTTER X GARLIC 炸雞配脆脆薯格 ($178)炸雞雞肉預先醃製入味並保持嫩滑，除了原味之外更有BLACK（秘製醬汁配黑胡椒碎 ）、WHITE（洋蔥酸忌廉醬 ）、RED（韓式甜辣 ）、LAVA（川味麻辣醬汁）等口味。BUTTER X GARLIC則是配以岩鹽香蒜牛油醬，牛油味極之濃烈醇厚，但另一方面令口感較為油膩，而蒜味亦有如蒜蓉包一樣香濃，與牛油味並駕齊驅，物盡其用沾上脆脆薯格同樣匹配。釜山燒烤 - 國民烤五花肉 ($178)五花肉烤至邊位微微焦脆而肉質煙韌彈牙，本身已用韓式辣醬醃過但亦可額外配上韓式辣醬及蒜頭製成生菜包，口感清爽肥而不膩。蟹籽海鮮蛋卷 ($138)蛋卷煎得恰到好處保持濕潤且

呢間新開嘅韓國餐廳最近好Hit，兩個為食妹今日就嚟到一試。 餐廳嘅裝修別樹一格，走Y2K風格，更加裝修到好似一間機舖咁，有啲枱凳係籃球機、有啲係夾公仔機、亦有啲係街機，裝修得幾得意。黑松露瀑布芝士炸醬拉麵（$98）我覺得呢個係必點，因為性價比算係比較高嘅一款，芝士嘅份量完全唔吝嗇，真係好似瀑布咁多，每一啖嘅炸醬拉麵，都掛滿咗滿滿嘅芝士同蛋汁，真係好邪惡啊。 蟹籽海鮮蛋卷（$138）呢個同想像中一樣，見到已經充滿食慾，蟹籽嘅份量，同樣一啲都唔吝嗇。一切開，裏面嘅沙律醬一湧而出，完全唔會擔心乾涸難嚥，海鮮配料都幾多，蛋味亦夠香。釜山燒烤-原隻魷魚筒（$148）呢個相對較為普通。原本以為會喺自己餐枱上面燒，但佢已經燒好原隻，切成片上枱，魷魚都算爽口，但我哋嫌唔夠熱辣辣。BBB刨冰啤酒-荔枝味（$98）呢個係呢間餐廳嘅招牌，一定要點。啤酒上面放咗一座刨冰山，非常吸睛。啤酒係果汁口味，唔會苦澀，好啱女仔嘅口味。

打卡可以，食嘢不了！-睇到IG foodie嘅推介，和朋友共3人，在8月尾一日夜晚去食。-食物：「玫瑰」麻辣韓式燉雞 $228黑松露芝士炸醬拉麵配煎蛋 $98辣炒小章魚五花肉 $158White炸雞配脆脆薯格 $178BBB刨冰啤酒-青蘋果味 $98-加埋一，總共$825（人均$275），係完全唔飽，完全冇食到好味嘅野食嘅滿足感，所以食完我地係仲去其他地方食返個pancake平復心情嘅。-炒小章魚五花肉、炸雞配薯格和刨冰啤酒，味道唔錯，份量唔算好大份，價格見仁見智，我覺得叫做少少貴但都算合理。-至於燉雞同炸醬拉麵就真係伏中之伏🆘「玫瑰」麻辣韓式燉雞，好難食，雞件大件，份量幾多，但完全冇味，食落覺得係冰鮮雞髀肉完全冇醃。以本人嘅理解，「玫瑰麻辣」即係應該用牛奶、茄汁、韓式辣醬三種煮成一個有奶味香濃甜辣的濃稠醬汁，但依個燉雞嘅「湯」，好似麻辣湯底包，落多左好多水，非常稀，唔講奶味，連香、辣、咸都冇乜。配菜有薯仔塊、紅蘿蔔塊、韓式粉絲，薯仔同紅蘿蔔都好大舊，而且冇另外先煮過，所以食到食完都未煮熟煮軟，直頭食唔到，而粉絲就係就咁買到嘅正常粉絲，但係放左落咁嘅湯入面煮都冇味。黑松露芝士炸醬拉麵配

尖沙咀諾士佛臺新開左一間韓國餐廳，餐廳裝修設計花盡心思、有籃球機、跳舞機、大型電子屏幕等設計，音響效果超強勁，感覺好似韓國disco咁🤣辣炒小章魚五花肉 $148🐙QQ小章魚分量十足大約有20隻左右，配埋五花肉、娃娃菜、蘑菇、洋蔥、青椒等配料炒埋一齊。章魚口感彈牙易咬，整體味道甜甜辣辣幾惹味如果配飯食一流🤤Butter X Garlic 炸雞配脆脆薯格 $178呢間炸雞同平時韓式炸雞唔一樣🤔外型口感都似日式炸雞但炸粉冇咁多而且無骨。我個人覺得呢款炸雞好食啲🤣外脆內軟食落啖啖肉，蜜糖蒜香味突出，第一啖感覺好似食韓國蜜糖牛油薯片既味道👅係有feel 的，雖然薯格唔多但贏在食落夠熱又可以過下口忍🤤蟹籽海鮮蛋卷 $138比起平時食嘅蛋卷大份足料好多，入面嘅餡料有魷魚🦑蝦🦐蔥粒🧅配合埋白汁芝士醬和大量蟹籽真係多到滿瀉🤩，食落口真係啖啖餡料超級滿足🤤價錢同份量係成正比既🤓Drink Me! $58呢杯係無酒精手調特飲，由西柚做主打，飲落唔算太甜帶出微微西柚香。小總結，呢間韓國包車無論食物、環境、裝修都比另一間韓國包車高質👍🏻而且食物好大碟，啱晒約埋三五知己一齊食

上星期六我去咗「啤啤bear韓國包車」食lunch，真係一間超級可愛嘅餐廳！🍗🍳🍚「啤啤bear韓國包車」係一間韓國主題嘅餐廳，裝潢非常有特色，充滿了韓國風情。餐廳內到處都有韓國嘅元素，同時佢哋仲有好多可愛嘅啤啤bear裝飾，真係令人愛不釋手！🐻💕我叫咗佢哋嘅幾款招牌菜，首先係「RED 炸雞配脆脆薯格」，呢款炸雞真係好正！啲雞塊炸得香脆，內裡嘅肉質鮮嫩多汁，而且佢哋嘅特製紅辣椒醬真係好開胃！配上脆脆嘅薯格，真係一絕！🍗🌶️🍟另外，我試咗佢哋嘅「原味芝心蛋卷」，真係一個完美嘅組合！蛋卷入面充滿芝士嘅驚喜，每一口都充滿了濃郁嘅芝士味道，令人愛不釋口！🍳🧀最後一款係「泡菜炒飯」，呢個係韓國菜嘅經典之選！炒飯炒得香氣四溢，每一粒米飯都帶有微微辣味同泡菜嘅酸甜味道，非常開胃！配上煎蛋同紫菜，真係好好味！🍚🌶️🥢整體而言，「啤啤bear韓國包車」唔止食物好味，仲有超可愛嘅裝潢！如果你係韓國料理嘅粉絲，絕對要嚟呢度試下佢哋嘅招牌菜！我一定會再去嘅，好推薦！🐻💖😋

呢到裝修以韓國機舖為主題，餐廳入面有好多 Y2K 霓虹燈光裝飾，超有 90 年代氛圍，係香港真係好少見！加上鋪面超大，好適合一班朋友黎一齊打卡食野！個晚餐廳個 playlist 有好多 Big Bang 少時 2PM 真係好有回憶 🤣🤣 黑松露芝士炸醬拉麵 配 煎蛋 🧀🍳呢到其中一樣招牌菜式！估唔到炸醬麵同埋黑松露可以咁夾！每一啖都充滿黑松露味仲加埋芝士一齊撈埋食！真係超級正！BUTTER X GARLIC 炸雞配脆脆薯格 🧈🧄真係一定要讚下呢到嘅炸雞，即叫即炸，上到枱熱辣辣！呢次叫左蒜蓉牛油味，一上枱已經聞到勁香加上個調味真係冇得輸，咬一啖啲肉汁流晒出嚟，真係好食到停唔到手！釜山燒烤 - 國民烤五花肉 🐷呢個烤五花肉真係同係韓國食嘅一樣味！烤得啱啱好嘅五花肉，加生菜包住蒜頭一齊食，真係😋😋😋！無得輸！不得不提係呢到嘅特色飲品 🍺 荔枝味 BBB 刨冰啤酒 ！荔枝味嘅刨冰配上凍冰冰嘅啤酒真係岩晒出面咁熱嘅天氣！簡直係透心涼！整體黎講，鋪頭氣氛好好，裝修有心思！係尖沙咀同朋友Reu係一個好地方，食物質素亦抵讚😁👍🏼 有下次！

好正超多打卡位!!同埋影出黎好靚唔係死亡光線😂兩條友嗌左兩大份肉😅再加個炸醬麵（最後食唔哂要打包😂😂）-釜山烤五花肉🐷大大份!!我覺得必食🙈個辣醬正宗，好好味x10000 下次一定會再嗌-炸雞好食唔膩😋但同五花肉比就遜色D～ 不過好大份-芝士炸醬麵🍝頭幾啖好好味😆好香黑松露味!! 但黑松露+芝士搞唔掂… 只可以食幾啖，因為太膩了🥲-蜜桃啤酒沙冰🍧啤酒味好勁，不過賣相好靚! 打卡多過飲😂

受到Y2K風吹襲香港🦋，香港韓式餐廳都趕上潮流😜除左食物，最緊要係打到卡📸，今次要介紹嘅係位於諾士佛台嘅啤啤bear韓國包車，打卡控一定唔可以放過📸環境：8.5/10以韓式懷舊機鋪為主題，配合大量加入咗自家吉祥物啤啤bear做主角🤣玩味十足，作為90s嘅我到都變得青春左💃🏻🌟食物：7/101️⃣韓式蕃茄海鮮湯配中華麵 $238以蛤蜊，青口，蝦配同蕃茄湯做主角，海鮮鮮味去哂湯底到，湯底鮮甜而微微帶辣，中華麵吸收哂湯汁，相當惹味🤤2️⃣BUTTER X GARLIC 炸雞配脆脆薯格 $178蒜力🧄十足，加埋牛油就將味道味道昇華，咸咸香香食唔停口🤭，店家貼心地選用冇骨雞件，一啖炸雞一啖薯格，人生一樂也😎3️⃣BBB刨冰啤酒-荔枝味 $98由於刨冰🍧關係，冰凍啤酒維持嘅時間比一般餐廳長，刨冰帶荔枝香，甜味融入啤酒，大大減淡啤酒澀味，容易入口👍🏿，再者炸雞同啤酒係完美配搭！💰性價比：8/10人均$250左右，價錢合理，剩係嚟打卡都值回票價，大家嚟之前不妨襯番一個y2k造型，包你地影相影到唔捨得走💕‼️

#fafafoodblog尖沙咀 #fafafoodblog韓國菜🍴岩鹽蒜香炸雞 188 蚊🐥炸雞好香雞油味 外面夠香脆 蒜香味夠 食落帶 d咸香 薯格夠香脆 大大件 點 d芥辣同茄汁都正🍴黑松露芝士炸醬麵98 蚊🌶️一上枱炸醬已經撈左 個麵身粗身彈牙 炸醬撈埋香濃既芝士🧀 仲有加埋煎蛋既蛋漿 口感夠豐富 正 🍴炸芝士豬扒 68 蚊🐷出面香脆 入面有拉絲芝士 豬扒豬肉都 juicy唔會整得太乾#豬扒 #芝士 #炸醬麵 #黑松露 #炸雞 #薯格Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#啤啤bear韓國包車尖沙咀諾士佛臺1 號8樓~~~~~~~~~~~~#fafafoodblog #為食花太郎 #fafafoodblog尖沙咀 ====================

尖沙咀諾士佛臺新開張嘅啤啤Bear韓國包車，裝潢設計採用韓國機鋪設計，場內嘅玩樂設施，例如籃球機、跳舞機擺設，好似韓國弘大啲炸雞店咁～加埋店內店外都有Y2K霓虹燈光裝飾，返到90年代咁外面仲有個全身鏡打卡位坐位格局嚟講係好適合一大班人收工聚下，座位好多都唔會間得太逼食物方面首先叫咗海鮮芝心蛋卷 🐙，有啲海鮮魷魚粒粒配白汁喺蛋卷入面辣炒小章魚五花肉 $148唔算好咸，小章魚五花肉份量都唔少 食極仲有咁五花肉切埋條狀 加埋有菜都幾入味個感覺有少少似中式炒餸 好想配飯食嗰種會忍唔住食下食下又一舊佢辣度䭏少啲 再辣啲都得RED炸雞配脆薯格 $178韓式甜辣炸雞，辣度適中偏甜少少，薯格好香脆，2個人食嚟講份量都多！Tiki-Taka 檸檬青瓜雞尾酒 $68個人幾鐘意呢款 最有驚喜估唔到檸檬加青瓜口味唔伏仲幾夾酸酸甜甜超清新又解油膩感，酒味都唔會太濃啤酒刨冰 $98聽講係呢間嘅打卡招牌飲品夠凍夠清涼 ～

今日約朋友Chill 吓，啤啤佢😜 咁就當然唔少得韓國炸雞啦🤤🤤於是就去近排多人嘅「啤啤Bear韓國包車 」😙😙一入「啤啤Bear韓國包車 」就像進入了Cyber 世界🤩好多打卡位😍😍white 炸雞配脆脆薯格，香口的炸雞配上酸酸嘅洋蔥酸忌廉醬，味道濃郁又惹味，炸雞內脆內軟,好juicy 👍 釜山燒烤-國民烤五花肉，五花肉有厚度，烤得好香，加埋生菜和韓式醬一齊食巧巧味！BBB刨冰啤酒-水蜜桃味和荔枝味，幾特別，不錯！