影片
更多
2023-08-08
106 瀏覽
係ig見到韓國包車嘅第二間主題分店-啤啤Bear -韓式新派下酒菜，已經係諾士佛台開張，今日去就去試吓先。新開試業期間，做緊限定88折優惠，都已經有唔少人嚟捧場。一出電梯，已經見到個裝修好有心思，係最近大熱既韓式機舖主題//Y2K霓虹燈光 😍😍，仲有大大隻主題公仔係門口。播住韓國歌，好有氣氛。有好幾部街機嘅mon都有一段片長期播。最特別嘅係，其中兩部籃球機嘅設計原來係凳可以坐。一入座就會送上前菜，每張凳下可以收好個人物品。$138 牛油燒酒煮蛤蜊好香嘅牛油味，隻隻蜆都好新鮮，食落好有淡淡嘅燒酒味。$188 🍗BLACK 秘製炸雞配脆脆薯格見到寫住秘製，當然要試吓佢。顏色較深，但好香又甜甜地嘅味道。問咗店員，原來係牛油鹽+酸辣醬+甜辣醬+黑胡椒，四種唔同嘅醬加埋，食嗰陣覺得好match。炸雞份量都唔少，每一塊都沾滿左醬汁。雞肉好Juicy，唔會炸到好老。外脆內嫩。薯格配咗一個蜜糖芥茉醬，一個茄汁，都炸到脆卜卜。$78 🍸Back To Childhood 呢杯係接骨木花蘋果燒酒，底下係接骨木花糖漿，配上燒酒，女仔好啱飲，唔會太濃，甜甜地易入口，岩曬打卡。收工過嚟飲杯嘢，食吓嘢吹吓水，仲可
係ig見到韓國包車嘅第二間主題分店-啤啤Bear -韓式新派下酒菜，已經係諾士佛台開張，今日去就去試吓先。新開試業期間，做緊限定88折優惠，都已經有唔少人嚟捧場。一出電梯，已經見到個裝修好有心思，係最近大熱既韓式機舖主題//Y2K霓虹燈光 😍😍，仲有大大隻主題公仔係門口。播住韓國歌，好有氣氛。有好幾部街機嘅mon都有一段片長期播。最特別嘅係，其中兩部籃球機嘅設計原來係凳可以坐。
一入座就會送上前菜，每張凳下可以收好個人物品。
$138 牛油燒酒煮蛤蜊
好香嘅牛油味，隻隻蜆都好新鮮，食落好有淡淡嘅燒酒味。
$188 🍗BLACK 秘製炸雞配脆脆薯格
見到寫住秘製，當然要試吓佢。顏色較深，但好香又甜甜地嘅味道。問咗店員，原來係牛油鹽+酸辣醬+甜辣醬+黑胡椒，四種唔同嘅醬加埋，食嗰陣覺得好match。炸雞份量都唔少，每一塊都沾滿左醬汁。雞肉好Juicy，唔會炸到好老。外脆內嫩。薯格配咗一個蜜糖芥茉醬，一個茄汁，都炸到脆卜卜。
BLACK 秘製炸雞配脆脆薯格
$188
11 瀏覽
0 讚好
0 留言
$78 🍸Back To Childhood
呢杯係接骨木花蘋果燒酒，底下係接骨木花糖漿，配上燒酒，女仔好啱飲，唔會太濃，甜甜地易入口，岩曬打卡。
Back To Childhood
$78
6 瀏覽
0 讚好
0 留言
收工過嚟飲杯嘢，食吓嘢吹吓水，仲可以打卡。
張貼
