哈豆

營業中

休息中

約在觀塘食飯 突然間好想念台灣，網上有不少推介 就來到哈豆 🤩一進入餐廳就有一種置身台灣一樣的感覺，牆身都是以台灣著名景點為主題的油畫，有九份，高美濕地，平溪，阿里山，呢啲都係香港人熟悉嘅著名旅遊景點✈✈ 餐廳有兩本大大的menu，傳統嘅台灣街頭小吃/特式嘅漢堡吐司甜品，仲有滷肉飯湯麵拌麵等等....種類繁多 包羅萬有。=百香果糖檸雞飯 $64=百香果檸醬可以換滷肉，記掛著台灣美食，其中最掛住嘅就係滷肉飯同鹽酥雞 😍 份量夠大碟，鹽酥雞份量都多，鹽酥雞炸粉不算太厚，雞肉嫩滑多汁加上熱情果檸醬，酥炸鹹味加上一點甜，很好味！ =古早味蝦卷滷肉飯 $64=蝦卷皮薄而且香脆，入面有好豐富的蝦肉，外脆內軟口感一流，肉燥飯的肉燥上加了菜脯，將肉燥的美味昇華到另一個層次。 =甘梅番薯條 $32=好甜的番薯味，而且夠粗身，仲落左勁多甘梅粉，口感一流，食到停唔到手 🤣 =圓圓燒仙草 $58=   (搭一份黑松露薯片)呢個燒仙草的擺設很有特色，而味道亦同平時很不同，係一大驚喜。一般香港嘅仙草糖水都係比較似稀，而呢一個係極度「杰」身，十分貌似在台灣食的仙草，芋圓亦都十分煙韌，整體來講不算太甜。起初睇到餐牌配

哈豆真心係一間好抵食嘅台灣菜，呢晚我地嗌左好多野，都係百三蚊左右一個人🤩都幾大間店，而且好整齊乾淨，店員應該都係台灣人，好掛住台灣呀🥲百香果糖檸雞飯($64)台灣嘅傳統香脆鹽酥雞，但配上少少酸嘅百香果醬，勁開胃！份量都好多呀！和牛薯餅沙茶乾伴麵($64)雖然個薯餅嘅和牛粒比我想像中碎，同埋個薯餅比較多粉，但又未至於失望喎，因為都好大份而且好脆口，值得一試👍個乾伴麵基本上就咁撈啲滷肉同埋沙茶醬已經好好食魚鬆滷肉時菜($30)識嗌一定嗌呢款魚鬆滷肉菜，夠晒特別同好味哈豆鮮果茶($52),珍珠豆漿紅茶($49)呢兩杯特色嘢飲跟餐都有得減$10, 尤其好欣賞杯鮮果茶，加左百香果真心好出眾！鮮果四季芭菲($49)呢個芭菲超級推薦！除咗上面有兩球大雪糕（雲呢拿同朱古力味），中間仲夾雜咗啲鮮果同埋底下有仙草，勁豐富，唔share嘅話都真係食唔晒😍非常滿意嘅一餐，估唔到地道台式晚餐嘅價錢都咁抵，而且仲唔使加一！

台灣人在觀塘開的餐廳跟返台灣正宗用心燉煮紅燒牛肉拼雞翅滷肉飯 $68牛展、雞翼，滷得入味，經過心機時間　口味富層次唔係求其用濃滷水汁開出黎辣菜莆 好惹味逢甲鹹酥雞 $36香脆，啖啖雞肉　炸得乾身，完全唔會滴油台式滷水豆腐 $24滷得好入味！豆腐完全索晒甜滷水汁　好香豆腐味都濃郁　保留豆腐豆香　可以再食多客桂圓紅棗茶 $38好香桂圓肉同紅棗味　感覺幾特別　唔會太甜食完熱氣野再飲呢個茶總結黎講，標價合理，可以再返黎食

尋找台灣的味道。位於觀塘工廈上一間台灣小店。店內牆上的壁畫很美，畫了台灣的風景。食物飲品方面亦很有特色和心思。《阿華田豆漿》$42先喝一口胚芽豆漿，再倒入自製的阿華田雪條，味道很新鮮，好特別！好味道！✨《仙草奶凍》$42牛奶布甸的味道，加上清新的仙草，混合一起，相當好味！✌🏻《百香果糖檸雞飯》$64熱情果檸醬配搭鹽酥雞，酸酸的，很配搭！👍🏻《鮮梅佐豬排滷肉飯》$68豬扒很大塊！滷肉飯也很好吃！份量很足夠！👏🏻《芋見檸奶凍吐司》$54自製綿密芋泥，配上滑順的檸檬味奶凍，味道清新夾著香甜，麵包也烘得鬆脆，是很好吃的甜品。總結：尋找台灣的味道，推薦！👏🏻

.‼️❤️ 記得CLICK我PROFILE關注我呀 ❤️‼️.🇹🇼 S̆̈ᑌᑭᗴᖇ Yᑌᗰ T̆̈ă̈ĭ̈w̆̈ă̈n̆̈ĕ̈s̆̈ĕ̈ F̆̈ŏ̈ŏ̈d̆̈ @ 🌟 哈豆《👽食神大媽食台灣菜》.💁‍♀️ 圖片展示美食為：逢甲鹹酥雞 HKD 36路邊攤小香腸 HKD 36香酥腐皮蝦仁卷 HKD 36台灣滷水拼盤 HKD 49鮮果雪糕四味吐司 HKD 62團團圓圓 HKD 98阿華田豆漿配珍珠 HKD 46.👽 大媽相信大家疫情以來無得返鄉下一定好悶，想食鄉下美食，呢間超地道嘅人氣台式餐廳就一定可以令大家回憶返台灣嘅感覺。呢間係佢起同區開左一段時間嘅二號分店，一路都未黎過呢間，今次就一於試下，一解鄉愁。.😋 黎呢度就當然要試吓佢最出名嘅台灣小食啦！一口氣叫晒三寶：」鹹酥雞」、「小香腸」、「腐皮蝦仁卷」！真係非常足料，超級抵食！更重要嘅係一啲都唔油膩，調味仲要非常之好，食完係唔會口渴㗎！一定要一路飲野一路食，超惹味呢！.🥤 講起飲嘢，一路DAP小食，就當然要配一杯好味嘅台式飲品啦！呢度個餐牌超級多選擇，終於叫咗一個好似薯條咁好過癮嘅飲品：「阿華田豆漿」🤩 個豆漿係好香濃，原來個雪條就係凍咗嘅阿華田俾你浸入去，又有得飲又有得玩 😝 大媽額外加

-🔸厚切萬巒豬腳 $38🔸五寶什錦醬乾拌麵 $68🔸豐盛台灣牛肉湯麵 $76🔸蜂蜜檸檬椰果 +$12🔸檸檬梅子QQ +$12-今日想食台灣野，嚟到工廈依間人氣台灣餐廳，午市時間非常爆滿啊！乾拌麵嘅什錦醬係麻辣加麻醬，撈埋落加咗$3轉嘅新竹米粉好好味，餸方面有香腸、滷水雞翼、豆腐、貢丸同花枝丸，啱晒想試多款又眼闊肚窄嘅我。另一碗叫咗牛肉湯麵，湯底係濃郁嘅牛肉湯帶少少藥材味，餸更有牛腩、牛𦟌、丸等非常足料！另外叫咗份豬腳小食，滷得好稔好入味，好推介呢！

🤩哈豆😍坊間少有台灣🇹🇼feel既台式餐廳，店內牆身畫有台灣色彩特色嘅壁畫，而且仲有部份店員講國語，讓你置身好似去咗台灣一樣咁有親切感。而且食物全部都係帶有台灣色彩嘅食物做主題。鮮梅佐豬扒🐷滷肉飯$68：滷肉飯簡直係台灣🇹🇼嘅代表，每次去台灣🇹🇼必食，呢度嘅滷肉飯同係台灣食嘅時候一模一樣，肥瘦適中，滷得好淋好入味，豬扒🐷醃得好入味，而且一啲炸份都冇用，用煎嘅形式處理，仲要附送一粒鮮梅，食完可以清新口腔😋。麻油雞湯🐔麵線🍜$54：個湯底🍜一啲都唔油膩，姜同麻油份量夾得好好，麵線🍜放落個湯度，索曬成個麻油雞🐔湯嘅鮮味，非常好食😋，而且個雞都好滑，一啲都唔鞋。拉絲🧀蛋捲🥚🌯吐司培甘梅番薯條🍟$70：個吐司成塊黑色好特別（緊係唔燶左😆），內餡用咗雞蛋🥚加芝士🧀做成流心效果，個面鋪埋肉鬆，視覺感同味道都十足，而且好大份足夠晒兩個人食。番薯條即叫即炸，配埋甘梅粉簡直去絕配。團團牛奶🥛花🥜生（熱）配黑松露薯片$58：天氣咁凍食返啲熱嘢嘅糖水做咗個完美嘅總結，香滑牛奶🥛花🥜生配埋黑松露薯片，一鹹一甜配合得天衣無縫，估唔到咁樣嘅配搭會有出奇嘅效果。

呢間觀塘既台灣餐廳好有人氣，餐廳裝修都幾有心思，有台灣風味，坐位都闊落坐得舒服。Menu 上主要為新式台灣菜，但傳統小食都有。台灣黑熊肉蛋漢堡配甘梅薯條呢個好有驚喜， 個人十分推介。 首先佢漢堡既配搭好清新同夠，麵包用咗竹炭麵包，裏面有軟熟嘅豬扒，蘋果片，蔬菜同奄列，奄列仲要加咗芝士。甘梅番薯條都係好好食，食到唔停口。豐盛台灣牛肉湯麵牛肉湯麵都唔錯，佢嘅湯底係偏向藥材味再加上小小嘅辣，佢嘅牛筋、牛展都煮到好入味同軟淋。阿華田豆漿 （套餐-＄10）喺餐牌上面見到呢個嘢飲都幾特別，佢用豆漿底再加上胚牙，另外嘅阿華田係整成雪條嘅樣俾你自己加上去。團團圓圓見到佢有冬季限定糖水套餐，佢個套餐包左一碗牛奶花生，燒仙草，同黑松露薯片。兩碗糖水都大大碗，同兩款都係出面少見既，食到傳統台灣風味。

路邊攤小香腸香腸加咗炸蒜蓉粒，好惹味！外皮又炸得香脆，內裏啲汁喺咬嗰下彈出黎，令人想一口一口唔停咁食落去芋泥奶凍吐司第一次見呢款吐司，唔知道奶凍加多士會係乜嘢味道的組合，覺得好特別，所以毫不猶豫就叫咗佢，真係冇後悔！奶凍一啲都唔會太甜太膩，個甜度同芋泥，仲有個烘得好脆嘅多士配合得啱啱好！十分推介甘梅番薯條呢個番薯條係粗身嘅，同埋係新鮮炸，所以食得出番薯嗰種甜味，加埋甘梅粉酸酸地就覺得好夾藥燉排骨湯+魚鬆滷肉飯最近天氣凍咗，就好想飲番個暖笠笠既養生湯。啲排骨好軟稔，都好入味。滷肉肥瘦適中，配埋湯一齊飲就好飽肚哈豆鮮果茶茶入面加咗好多唔同嘅水果，包括火龍果、百香果、蘋、菠蘿，飲落有陣陣嘅果香，唔會太甜，好好飲團團牛奶花生配黑松露薯片呢個一甜一鹹嘅組合好特別所以我哋都嗌左黎試吓，入邊有超多地瓜圓，但之前都未試過加牛奶同花生，原來味道都唔錯

平日好怕去觀塘嘅我，要我食台灣野去觀塘其實真係有啲掙扎，但一直見好多人食好想試，最緊要佢有芋泥吐司。入到去嘅時候發現值得一去，因為裝修滿滿的感覺，仲有人手畫嘅台灣劇集圖，真係好想快啲飛一轉台灣。而且播住好多唔同嘅台灣歌，到底幾時先可以離開香港。而且仲有隻貓貓喺度，好得意呀佢。店員都好有禮貌而且服務很好。落單要自己寫紙仔，我哋又叫到成枱都係。豐盛台灣牛肉湯麵 $78朋友一坐低就話要叫牛肉麵，佢到底有幾鍾意食？雖然係推介，啲肉質幾好，個湯同麵都屬於正常。紅油三彩水餃套餐 $99水餃四粒，滷肉飯，油菜，三選一湯本身有少少想食水餃，又想飲湯，呢個餐就啱晒我，仲要有我想食嘅菜🤣三種顏色嘅水餃，韭菜，玉米同高麗菜。水餃嘅顏色真係好吸引嘅，但反而最出色嘅竟然係佢嘅湯。我揀咗藥燉排骨湯，味道好香，而且好多排骨，排骨都好夠林。菜嘅色澤同埋味道都好靚好好味，同朋友講啲菜唔好同我爭😋而滷肉飯就屬於正常味。逢甲鹽酥雞 $36一定要叫小食嘅我地，我台灣一定要食鹽酥雞所以要叫。佢唔會話炸到好油，冇咁熱氣👍芋泥奶凍吐司 +番薯條 $70重頭戲，我就係為咗佢嚟食，滿滿的芋泥，仲夾住檸檬味嘅奶凍，一食落去麵包好香脆，芋

星期五見有時間出去同男朋友行下街，想食台灣嘢就上晚上咗去哈豆，好好彩唔洗排隊一入去就有得坐！ 叫咗走心牛肉麵配蕃茄湯底有牛丸、花枝丸各兩粒同三片牛肉牛肉幾lum 不過湯底有啲淡

以前喺觀塘返工，哈豆一直係飯堂自從轉工之後，好耐都冇食過咁啱有晚約咗朋友喺觀塘食飯，當然提議食返哈豆啦.🍴豐盛台灣牛肉湯麵 🐮💰$78據哈豆所講，湯頭加入牛展、藥材、豆瓣醬等熬製超過8小時因此湯底味道濃厚甘醇，亦帶點清甜， 飲到停唔到口牛肉滷得非常入味，肉質軟嫩😚花枝丸、貢丸非常彈牙，好食👍🏻.🍴和牛薯餅沙茶麵💰$64除咗牛肉麵之外，沙茶拌麵亦都係大愛麵條口感煙靭，配合沙茶醬+肉燥，食落去有淡淡的沙茶香味道香濃得來又唔會好油，肉碎亦食得出頗為彈牙唔知係咪因為晚餐關係，感覺比午市份量更多，食完都好飽😂.🍴炸物拼盤💰$49有香腸、鹽酥雞、蝦捲、丸子、甘梅番薯條呢度要讚一讚，廚師炸得好乾身，唔會油淋淋番薯條好甜，配合埋甘梅粉，酸酸甜甜好好食.🍴芋見檸奶凍吐司💰$54大魔王嚟啦～😈烘得脆口嘅竹炭吐司，配上芋泥、檸檬奶凍、麵包糠拎上手輕輕一按，芋泥已經急不及待湧出黎食落去，有鬆脆嘅多士、軟綿綿嘅芋泥、軟滑嘅奶凍，多重口感檸檬嘅酸味配合芋泥嘅甜味，令味道更清新，唔會一味得死甜雖然食完唔知會肥幾多磅，但真係好滿足🥲.今次係第一次食哈豆晚市，就如以前一樣，用超值價錢享受台灣地道口味職員好多都係台灣人，

路邊攤小香腸 $36正宗台式香腸，好掛住台灣既味道，香腸唔油膩，餐前小食一流。台式滷水豆腐 $24豆味濃郁，滷水汁亦唔咸，充滿夜市味道，一口size食起來好方便。百香果糖檸雞飯 $64炸雞熱辣辣，同平時台式炸雞有啲唔同，加上左百香果既醬，酸酸甜甜，開胃唔會覺濟。豐盛台灣牛肉湯麵 $78牛肉麵其中一樣最緊要既就係湯底，好香牛肉味，飲完都唔會覺得口渴，麵質彈牙，配料有貢丸花支丸，係其中一樣必食之選。哈豆鮮果茶 $52鮮果非常多，果茶酸酸甜甜好好飲，飲完仲可以食生果，正！

觀塘啲台灣餐廳真係食極都有😗等緊搭𨋢已經聽到隔離兩個上班族討論呢間哈豆 好彩係好評黎嘅😂入到去個環境都好有台灣風味😍牆上畫左好多偶像劇主角 好懷念🥰▫️酸梅佐豬排滷肉飯 ($68)餐牌好靚 叫左佢地個招牌鹽酥豬排好脆好夠味 咬落仲好Juicy😍味道有啲南乳味 好好食😋個碟都好靚 係仿竹藤嘅玻璃碟配料除左有好香嘅滷肉 仲有麵根、酸青瓜同辣菜甫 送飯一流😍▫️香酥腐皮蝦仁卷 ($38)類似炸魚卷 面頭有碎葱 味道好香口 入面仲有啲蝦肉 ▫️珍珠豆漿紅茶 (跟餐+$4)豆漿味好濃 同紅茶混合更加特出豆味珍珠都整得唔錯 咬落有嚼口 甜度剛好我個位對正貓店長 真係好開心😻好可愛 可惜店員無放佢出黎😹

今次又去觀塘工廈搵食，真係有好多隱世 餐廳食極都食唔曬~😆😜，呢間係台灣人開嘅台灣料理店，餐廳有好多台灣地點嘅壁畫，好靚!😍 坐得幾舒服，食物又抵食，大家去食好西之餘，仲可以去打下卡~😝 真係有啲似去咗台灣嘅感覺~😌1. 🐮豐盛台灣牛肉麵 ($78)第一啖當然要試下個湯底，湯底好清甜又唔油膩，牛肉麵吸曬湯嘅精華，好正!😎 配料有牛肉、牛丸、貢丸，牛肉炆得好軟腍入味，牛味香濃，丸類都好爽彈，很有台灣的感覺! 😍2. 🐷鮮梅豬排滷肉飯 ($68)豬扒份量都幾多，外面炸到好香脆， 調味剛剛好，旁邊有梅子醬，俾大家點嚟食，酸酸甜甜好開胃!😋 滷肉煮得好入味，仲有辣菜脯和半隻鹵水蛋配埋一齊食，好好餸飯😝，不過我覺得滷肉嘅份量可以再多少少😂3. 炸物拼盤 ($49)呢個炸物拼盤有台灣香腸、鹽酥雞、蝦捲、 貢丸、牛丸、炸甘梅蕃薯條，好豐富!😝 特別要一讚鹽酥雞外面香脆，肉質嫩滑，炸蕃薯條旁邊配咗甘梅粉，點咗之後食落酸酸甜甜，開胃又解膩! 最啱就係同朋友開心share~😎4. 團團圓圓 ($98)呢款係新出嘅期間限定暖胃甜品，甜品名字是台灣木柵動物園的熊貓，分別叫團團和圓圓，足夠2人份，一碗是牛奶花生