哈豆

營業中

休息中

📍 哈豆 Doctor Beans🌍觀塘駿業里6號富利工業大廈3樓A室 Room A, 3/F, Fully Industrial Building, 6 Tsun Yip Lane, Kwun Tong📝整體評分：8／10🥢3108 鮮梅豬扒滷肉飯🥢 $68豬扒經醃制後再炸，超香南乳味且超酥脆的，仲要有肉汁又大塊，仲有半肥瘦既滷肉下飯真係超正，次次都會食呢個，必食！🥢3101 豐盛台灣牛肉麵🥢 $78清香牛肉湯底帶淡淡香料，丸纇唔ｈｅａ，唔會覺得好粉團，麵條用左關廟麵，係台南特產，香滑爽口，不過少左分韌勁。🥢3114 香菇肉羹🥢 $54超暖笠笠既肉羹，清爽卻濃厚既羹湯，搭配竹筍脆爽，仲有蝦條餸。🥢3212 炸物拼盤🥢 $49有台灣香腸、鹽酥雞、蝦條、貢丸、墨丸、甘梅蕃薯條，台灣香腸同甘梅蕃薯條必須另外獨立叫多份，好正!

有睇我地個page既都知我地去左觀塘回收con殼♻️順手搵下附近有冇咩好野食！見到哈豆係觀塘都幾出名就去試吓先😁😁豐盛台灣牛肉湯麵🍜 $78首先個湯底藥膳味好濃好好飲，牛腩，牛展又好軟熟，仲要有埋貢丸，花枝丸好豐富囉🤩🤩哈豆鮮果凱撒沙律🥗 $72唔太食生菜🥬既我竟然食到一大碟😳因為佢地d菜好新鮮，加上有胡麻醬，非常易入口👍🏼👍🏼仲有生果🍎炸雞🍗好豐富，都啱d keep fit既人食芋泥奶凍吐司🍞加甘梅薯條 $70竹炭包應該烘過香香脆脆但仲係好軟熟，芋泥香滑，中間有啲麵包脆粒加埋凍冰冰奶凍！口感超級豐富🤯 芋泥好香芋頭味，奶凍好香奶味少少甜，好岩我口味😍😍😍仲有番薯條沾d話梅粉食，就唔怕膩🤙🏼團團圓圓 $98選擇困難症必選，我兩個都要💪🏻芋圓花生🥜見到花生一粒粒但食落去其實好淋，煮到蓉👍🏼仲有燒仙草💕食到勁飽，鍾意台式甜品既朋友必試！📍 哈豆 (觀塘)觀塘駿業里6號富利工業大廈3樓A室

豐盛台灣牛肉湯麵 $78湯底微辣好濃牛肉味，啲肉好大件，丸大粒，牛肉超厚😮，仲要有3-4件，牛肉根同肉分佈平均，有肉有根口感豐富，軟腍得黎有啲彈牙，麵就用左關廟麵，比較硬身。古早味蝦卷滷肉飯 $64蝦卷甜甜地，似食魚蛋/甜不辣，夾雜左啲菜粒增加口感，另外仲有好好食嘅配菜，醬汁提升左食物味道，令普通一條菜都好食，滷肉見到上層都係厚厚嘅肥膏，以為肥豬肉會食到成口油，點知肥膏係彈牙，一啲都唔油，如果再多啲醬就好，食到最尾無乜醬撈飯。芋泥奶凍吐司 $54奶凍比較易融，要儘快食，餡料多到一切開就爆，食到好狼狽。芋泥奶凍綿滑，麵包好脆，睇圖以爲細細舊，結果比我想像中大件，食到超飽。團團圓圓 $98有一碟黑松露薯片，兩大碗熱甜品分別係芋圓仙草同地瓜紫薯圓花生糖水。第一次食真黑松露薯片，真係有幾片黑松露片係面，好正😍。仙草個碗甜啲，兩碗甜品都好足料好大碗，芋圓地瓜圓同紫薯圓都好彈，煙煙韌韌。

今日係冬至可以放早，一點鬆啲嚟到呢度午餐，唔使等位即刻有得入，首先自己睇餐牌同喺點餐紙上面寫想要食物嘅Number，之後出去俾錢，服務員會將食物送上。我哋兩個人叫咗一個主食，兩份小食同兩杯嘢飲。 首先嚟咗鹵水豆腐， 一共有六件，每件都好入味，吾錯， 炸物拼盤食得出全部新鮮炸起， 熱辣辣 脆卜卜，好味道😆主食叫咗個雞翅沙茶乾拌麵套餐， 雞翼有三隻， 另外加咗錢要麵筋，凍食的，都好索汁，跟套餐要左杯茉莉綠茶，幾好味， 唔記得咗嗌少甜xd 另外要左杯熱嘅黑糖薑母茶，好大杯啊， 唔會好辣但都有薑味，好味道

哈豆今日同個老朋友去咗觀塘聚一聚，佢介紹原來附近有間唔錯嘅台式餐廳一定要試吓，原來就係工廠區樓上嘅佢哋主打真係台式,見到餐廳嘅僱員都係台灣人鮮梅佐豬排滷肉飯食台灣菜點會少得食排骨飯啊，佢哋嘅排骨飯上台都幾特別絕對係打卡之選，佢哋嘅豬排真係幾特別，滷得來又好味古早味蝦卷滷肉飯我另外個朋友叫咗個蝦卷食，佢哋嘅蝦卷都脆脆地叫特別，佢哋嘅滷肉真係好入味魚鬆滷肉時菜另外叫咗個時菜都幾特別配上魚鬆，咁時菜再更加入味逢甲鹹酥雞佢哋嘅鹽酥雞，炸起上嚟卜卜趣好好味，10分推介台灣滷水拼盤佢哋嘅滷水拼盤就選擇最多有滷水豆腐滷水雞翼整體來講餐廳提供左一個唔錯嘅台式體驗，絕對係值得再試

琴日就廣式今日就食台式工廈來講佢都幾多人幫襯入到去應該係台灣人開嘅佢台語好正宗👍🏻捲晒利🥴要好仔細先聽到佢講什麼🤔環境好似去咗台灣咁😬好有親切咁😜餐牌好多好多嘢食😬有啲選擇困難症添🤔老公👨🏻好想食牛肉拼雞翼滷肉飯佢話雞翼一啖已經離骨🤤牛展超大塊、好林入口即溶化😋我叫在個～紅油三彩水餃🥟麻油雞、滷肉飯🍚老公👨🏻又攞咗我碗滷肉飯🍚食😡我相機都未食咋😡佢已經成碗飯食晒🤪炸物拼盤～呢個拼盤好得意😎以為係薯條🍟原來係甘梅番薯條、面仲加咗啲准鹽落去🤪好好食呀😘仲有香腸、鹽酥雞、蝦🦐卷、丸子🍡一路食，一路估係乜嘢嚟😅😅😅因為佢嘅製作出嚟🤪好特別好好味👍🏻我叫杯～哈豆鮮果茶^_^見舖頭名就試吓啦～Fresh👍🏻👍🏻👍🏻👍🏻👍🏻👍🏻傻佬話呢杯-珍珠鮮奶茶🥤台式原汁原味😋本身老公👨🏻對台灣菜就麻麻哋🤷🏻‍♂️但係今次食完之後有改觀😜餐牌仲有好多嘢食㗎、望見隔離左右枱、叫咗啲唔同款式嘅台灣嘢食😜下次經過再嚟試你👍🏻👍🏻😅

【觀塘•哈豆】—————————————————————————約咗朋友去觀塘食飯 網上搵到呢間台式店店鋪牆壁以台灣景點為主 播住台灣歌 令人想去旅行啊🥲🥲🥲🥲🌟豆腐丸子蕃茄拌麵HKD64 (轉了麻辣醬)呢個辣度我覺得OK 麵質粗身彈牙 份量都夠一個男人食🌟豐盛台灣牛肉麵HKD78店舖招牌牛肉麵 入面有花枝丸同貢丸而牛肉係有牛腩同牛展 相當驚喜 非常軟腍湯底濃郁得嚟又清甜😋⭐️芋泥奶凍吐司HKD54 店員叫我哋趁熱食 吐司經過烘烤後脆口配上凍冰冰芋泥奶凍係幾match 芋泥加少少糖唔會太甜 仲有少少芋粒食 口感多咗整體個口感有好多個層次 推介‼️❤️🌟團團牛奶花生HKD58台式店食芋圓係必須🤪個牛奶溶埋啲花生味第一次食芋圓加花生 花生係煮得好腍另外配咗份黑松露薯片 點少少落芋圓到甜甜地幾特別。🥤哈豆鮮果茶HKD58(套餐-HKD10)味道清甜 飲得岀係水果甜味 而非加糖漿👍🏻餐廳環境：📸📸📸📸📸服務質素：😊😊😊😊😊食物味道：👅👅👅👅性價比：💰💰💰💰人均消費 HKD148✨✨✨✨✨✨✨✨✨✨✨✨✨#nkiki觀塘 #nkiki台式🏠 哈豆📮 觀塘駿業里6號富利工業大廈3樓A室

冬天想食啲暖笠笠嘅嘢就嗌咗個麻油雞湯麵線麵線份量都幾足～食完都幾夠飽不過掛湯能力就麻麻 要連湯食先夠味湯幾清唔太鹹幾好飲不過雞得3細舊而且唔滑🥲以呢個價錢黎講無謂係質定量都同價錢唔成正比🙈

今晚約左朋友係觀塘食飯，我地兩個都幾中意台灣野，就揀左呢間人氣台菜試下😊呢度牆身設計同背景音樂都真係好有置身台灣既感覺👏⭐鮮梅豬扒滷肉飯 💰6️⃣8️⃣豬扒酥得好酥脆，肉質ok，唔算好juicy但都唔鞋口～滷肉好出色！👍 入味而且夠淋，脂肪部分入口即溶😍❤️台式麻油雞湯麵線 💰6️⃣8️⃣麻油味超級濃！！飲左兩啖湯成個人暖粒粒😊 雞肉超嫰滑，冬菇吸晒麻油湯好好食！😋❤️甘梅番薯條(多梅粉) 💰3️⃣2️⃣番薯條雖然偏粗身但依然勁香脆！👍👍 味道好夠甜😋(我喺點餐紙要求多話梅粉，黎到見到真係多到瀉出黎咁😂 最欣賞啲餐廳真係回應客戶特殊要求💯)❤️魚鬆滷肉時菜 💰3️⃣0️⃣肉鬆配蔬菜係台灣菜一個常見而又好夾嘅組合生菜爽口，滷汁啱啱好唔會太鹹😋⭐圓圓燒仙草 💰5️⃣8️⃣呢個燒仙草擺盤好有儀式感😂味道同平時食開既好唔同😮平時食嘅都會有啲湯汁，但呢個係超級稠！底下直頭好似係一磚暖暖地既涼粉咁😮配料芋圓煙韌， 紅豆淋得黎帶少少咬口，唔會太甜，唔錯唔錯😋抵食好食又大份，難怪呢間台灣菜喺openrice咁高排名😊👏

一入到間餐廳就俾佢牆身嘅手繪壁畫吸引到，全部都係台灣著名嘅景點，畫得好靚。🔥豐盛台灣牛肉湯麵個湯底好濃牛肉味道，除咗牛肉仲有好多其他配料。個面底唔會太淋，口感啱啱好。🔥牛肉拼雞翅滷肉飯個滷肉飯同我喺台灣食嘅地道滷肉飯嘅味道一模一樣，而且滷肉粒好大粒，好似多咗個餸咁。牛肉同雞翼滷水味啱啱好。🔥 炸物拼盤炸物拼盤好就好在可以試齊晒舖內有買嘅炸物，有甘梅番薯條、台灣腸、花枝丸、貢丸、炸蝦卷同埋鹽酥雞，非常豐富。但每樣都淨係得一舊左右，同朋友唔太夠分。個人就最鍾意甘梅番薯條，酸酸地嘅甘梅加上炸到外脆內軟嘅番薯條，真心正。🔥圓圓燒仙草呢個燒仙草係冬季限定，平時食開凍嘅仙草，估唔到燒仙草暖暖哋又幾好味。仙草上面仲有好多配料，有芋圓、紅豆、珍珠、同埋花生。仲有個好重黑松露味嘅黑松露薯片配埋。🔥阿華田豆漿呢個豆漿就係見佢幾得意所以先嗌，佢會有條阿華田雪條比你自己加落豆漿度。店員就建議先將豆漿上面嘅胚芽撈勻落豆漿度，飲兩啖再加雪條入去等佢自己融。成個豆漿嘅阿華田味好濃郁！

工廠大廈的好野食有好多大家都唔會出奇，但係我依間台灣菜勁好食😂😂😂想話佢午餐好抵食，仲要有真。台灣人做店員，好似去緊台灣㗎嘛！豐盛台灣牛肉湯麵佢入面有好多種唔同嘅餸，有墨魚丸，牛丸，貢丸，佢既牛展牛腩都好唸！好好食！ 湯黎講都有牛肉湯底嘅牛味，面質比較軟身。鹹酥雞肉燥乾拌麵依個鹹酥雞炸得很脆，勁似係台灣食鹽酥雞一樣，我叫咗伴麵，咁就唔會個湯底搞到我鹽酥雞冧晒，至於肉燥分量正常，依個面質會比湯麵彈牙。蜜糖雞翼脆脆的，好香口，🥰🥰🥰，蜜糖味甜甜地呢！總括來講，我覺得呢一間台灣餐廳好值得再去！

又黎觀塘搵FD，今次揀咗台灣嘢哈豆。食台灣嘢當然要試牛肉麵啦，今次揀咗豐盛台灣牛肉湯麵，跟服務員講咗扣底，但是送上來都好大一份。配料都幾豐富，有半隻滷蛋，一粒牛肉丸，一粒花枝丸，一粒貢丸，3件牛展同生菜。牛肉丸食落好彈牙，而且好重牛味，超好味。牛展都幾大一件，仲有3件，牛展煮得啱啱好，唔會好淋同好韌。牛肉湯底有少少藥膳味，飲落感覺好健康。嘢飲叫咗哈豆鮮果茶，配啲水果都幾多，有蘋果，火龍果和百香果。每一啖都好香濃啲水果味，酸酸甜甜超好飲。小食叫咗臺式滷水拼盤，睇價錢喺49HKD，估唔到有更大一份，有滷蛋，滷豬蹄，滷牛肉，滷雞翼同滷豆腐，超抵食。豬蹄滷啲好惹味，咬落好軟糯，超滿足。滷肉時菜，生菜好爽脆，搭配埋啲滷肉醬，真係好好食。食到幾飽都好，甜品喺一定要食嘅。今次揀咗圓圓燒仙草(搭配一份黑松露薯片)，裝燒仙草和薯片的碗都幾得意，有2個耳仔，超cute！芋圓食落好q彈，燒仙草和糖水唔會過甜，搭配一齊食真喺好match。配啲薯片黑松露味好濃，但喺唔會過鹹，好快已經食塞。埋單唔哂加一， 250HKD有找， 真喺好抵食。

已經係第二次食呢間台灣樓上餐廳，店員係台灣人嚟嘅，成個氣氛環境都好舒適，有台灣嘅感覺。同朋友叫咗好多嘢食，叫咗甘梅番薯條，呢個係我最鍾意食嘅小食，返薯條炸完之後出邊好隨意入面亦都保留左番薯嗰種甜甜地粉粉地嘅感覺，加埋啲梅粉酸酸地非常之開胃，佢呢個價錢有呢個份量真係好抵。之後又叫咗一個台式滷水豆腐，佢嘅滷水味好香，入面嘅豆腐加出邊滷水嘅外皮食落都幾好食。之後又叫五寶雜錦醬乾拌麵，佢係麻將加少少咁多辣醬，咁配料方面都可以試多幾款嘅。之後有鮮梅豬扒滷肉飯，最特別係佢配一粒青梅，店員同我哋講可以食飯之前食就好開胃。豬扒都揸得唔錯份量都多。糖水方面叫咗圓圓燒仙草，佢配埋一個黑松露薯片，燒仙草雖然係熱嘅，但係口感一樣唔錯，食落去有種養生嘅感覺，再加啲芋圓花生紅豆等等。飲品就叫咗珍珠豆漿紅茶同埋哈豆鮮果茶。

高質台灣餐廳➖哈豆👅〰️豐盛台灣牛肉麵 $78牛肉好入味 仲配有三款丸類 幾彈牙 湯底夠曬濃味 份量十足〰️鮮梅豬排滷肉飯 $68滷肉肥瘦適中 好香 豬排炸得好脆 咬落多汁 炸粉唔厚 非常新鮮 〰️甘梅蕃薯條 $32蕃薯條粗身口感好好 而且係好甜好天然嘅蕃薯味〰️團團牛奶花生 $58芋圓好qq 非常新鮮同煙韌 冬天食暖笠笠 仲配左黑松露薯片 一鹹一甜 夠曬特別飲品叫左鮮果茶同珍珠豆漿紅茶 反而飲品方面正正常常 無乜太大驚喜 💰 $300 (2人)食物質數 ⭐️⭐️⭐️⭐️環境舒適 ⭐️⭐️⭐️⭐️抵食指數 ⭐️⭐️⭐️⭐️⭐️推介指數 ⭐️⭐️⭐️⭐️#hkcp_觀塘 #hkcp_黃店➖➖➖➖➖➖➖

團團牛奶花生+黑松露薯片 冬季限定！ 黑松露薯片配芋圓甜品，好特別，一份鹹一份甜。 配合埋menu句slogan「一口甜，圈著你。一口鹹，我不想錯過你。」 好適合一雙一對過嚟食😘紅燒牛肉拼雞翅滷肉飯紅燒牛肉，少少香辣嘅牛展，厚切有口感，但咬落一d都唔韌。 滷肉飯的肉燥好足料！滷肉汁又惹味，但食完又唔食口渴！逢甲鹹酥雞外脆內嫩，鹹香酥脆，無軟骨無肥膏阿華田豆漿豆漿配胚芽加埋阿華田冰冰！好特別桂圓紅棗茶甜度適中，唔錯！桂圓紅棗茶夠晒滋潤養生！😋俾Like 評分： 8.5/10😋再嚟食指數： 8.5/10___________________哈豆 (觀塘)觀塘駿業里6號富利工業大廈3樓A室___________________