品香樓中西風味餐廳

營業中

休息中

相信品香樓係的好多城大學生嘅飯堂，回想以前返學嘅日子，每個月總有幾餐係品香食。風沙雞、明太子炒飯、黃金蝦、沙拉骨都係我當年嘅最愛轉眼間已畢業多年，是日收工後相約大學同學重遊舊地，順便聚下舊。雖然我一早book咗位，但去到都要等多一陣先入得。座位非常擠迫，環境非常之嘈吵，但這才是品香樓呀！必食！蜜桃沙拉骨蜜桃切得夠大塊，排骨入味，炸得剛剛好，加上沙津汁酸酸地好開胃凍朱古力，品香名物，不算太濃。蒜香金銀蛋浸白菜仔，清清地之選！白菜仔爽甜，上湯夠味多年後再次光臨，水準依然，是回憶的味道。

品香樓 係以前u life 周不時會約下朋友聚舊 吹水食飯既飯堂。 今日放假難得約左朋友行開呢頭，又有少少餓，於是兩個一齊重遊舊地食好野😋 叫左我最想食左燒乳鴿。以前每次黎都會叫，然後大家又齊齊食 一邊傾計真係好懷念。 水準保持，依然香脆得黎有肉地：3 肉質唔會好乾好老。 呢個味道係第二到食唔到😢我的青春回憶🤤🤤 朋友話再叫返中式牛柳。佢中意食甜酸醬汁。 鐵板牛柳上菜。食香味俱全！ 味道夠，肉質鬆軟，鍋氣夠勁！ 希望下次再約多幾個故友再黎食好野😃😃

夜晚11點幾又要諗食乜嘢好 ……儘管去南山邨望望 通常咁嘅時間都收咗2樓平台有鋪頭車仔麵 仲有幾檔小販 自包粉果燒賣 串燒 咖哩魚旦腸仔 都好吸引 但冇見尤魚佬 冬菇亭仲有牛什牛丸粉麵未收 啲客吹水似酒吧 hea注飲啤酒 擇咗食”品香樓”……… 前身係“一品香“ 食上海嘢 窩貼生煎包超正而家越做越大佔幾個鋪頭 客就少咗店嘅選擇去弱留強 都係必然嘅事……品香樓~茶餐廳格局 嘈就緊 服務爽快冇加10%餸菜上海味道重 濃油赤醬 出菜爽快做得有啲粗獷 冇擺碟裝飾 宵夜有優惠炒粉麵 $37 冇湯送 冇奶茶送上海粗炒~ 濃油赤醬味正中 有肉絲椰菜白菜但麵有啲硬 份量唔大夠 1人食 蠔仔粥~ 蠔仔腥味重 粥過咸 冇芫荽八珍豆腐~用碟上份量多 $88豆腐滑香口 都係濃味嘅除咗大虾2大隻 有鮮菇菜心冇咁油膩豬潤爽嫩 其他雞肉豬肉大量都幾驚 冇咗鮮尤 多咗2嚿魚 冇蔥段冇擺盤回味當年嘅八珍 …… 有虾 鮮尤 仙掌 豬肚 魚肚 雞潤 豬潤有貴價店仲落 象拔 鮑片……越講越肚餓題外話~ 尤魚好多店都冇 北韓禁入口喎唔想理國家大事 但總會影響民生

講起南山村,一定會諗起品香樓, 一直想去試下,湊夠人數便成團訂檯.  訂左7點未齊人, 因為要齊人先比檯,只好周圍行吓懷舊一番 . 點少得去上面小空地影吓相~  人齊啦~ 有店員指示去邊一間舖,入內都算乾淨 ,不過坐得有D迫.  訂檯時訂左隻手撕雞, 之後仲叫左琵琶豆腐,火焰牛柳粒,酥炸豬大腸,荷葉蒸排骨糯米飯,咕嚕肉,蒜爆鱔球,薑汁炒芥蘭尤其中意火焰牛柳粒, 除左上檯點火夠氣勢外,個汁做得好好, 要叫飯撈汁之餘仲要撈埋糯米飯. 豬大腸都炸得好香口.  鱔球去骨每一舊都好大件啖啖肉,好正手撕雞不過不失薑汁炒芥蘭, 薑味出~ 芥蘭夠嫩綠唔少得一人一杯凍朱古力, 加埋cream 又滑又濃, 真係必飲呀 

品香樓真係由讀書開始食到而家，畢左業咁耐有時都專登過黎呢邊食，一班朋友炒下小菜，鐘意熱氣野嘅不失為一個選擇。平日晚上都仲係好多人幫襯，所以通常我地都係打黎訂左枱先，唔想等位，不過如果你係想靜靜地食餐飯就應該唔得喇，因為人多起上黎，真係嘈到坐對面都聽唔到講乜。點左幾款炸野，兩個菜，雞等等，食得好飽，人均都係百零蚊，價錢就真係幾抵食。豬手、雞翼都好香脆；另外四季豆炒雞軟骨好惹味，唔係好辣，送飯一流。炒菜我地點左小白菜同油麥菜，但黎左芥蘭，落單果個話冇寫錯，廚房出左，問我地照食得唔得，我地都冇乜所謂，照食。黃金花枝就真係唔掂，以前好好食，鹹蛋黃味道都仲係好出，但花枝韌到冇朋友，咬都咬唔開…大腸都合格，份量頗多。雞嘅肉質雖然唔算好滑溜，但都幾好肉地，我都好鐘意食。環境就真係唔算坐得舒服，不過人多坐大枱，唔會逼狹。服務方面就個別人士啦，唔係個個都唔好態度，都有啲幾好禮貌，催催單都冇意見。鐘意黎品香樓真係個人回憶，仲有必點朱古力沙冰、芒果沙冰。

8月13號，同老婆🐷去食品香樓，其實早係大半年前已經講過話要食架喇，不過一直拖，結果宜家先食...😔係咪品香樓太過出名？超級多人排隊，不過可能我地去既時候已經8點，d 人都食得七七八八，我地等左二十分鐘左右就已經有位，期間我地係南山村行下，不過搵唔到d 人成日打卡影相果三個圈圈🤔入座之後我地叫左四樣野食最先上既就係呢個蜜桃沙拉骨，本身我都唔太好一灘白色既野，所以對個賣相有d 保留，但食落其實好好味🤤d 蜜桃同沙拉酸酸甜甜，加埋d 骨扒炸到岩岩好，肉唔太硬，咸咸地，如果用埋黎送飯真係超好味☺️之後就到左個炒飯，明太子炒飯上邊超多明太子，d 飯都炒得夠乾身，不過睇d 色就似乎未係炒得夠均勻，不過都非常之好味，而且香口。本身想食雜菜煲，但係一開始係餐牌搵唔到，所以叫左呢個節瓜煲，相當足料，勁大煲，應該夠三至四人份量，d 瓜都幾清甜☺️最後都搵到雜菜煲😍於是叫左，個煲都幾好味，都同頭先果個一樣，勁足料勁大煲，而且都好鮮甜😘不過食緊果d 發生左段小插曲，老婆🐷夾果時d 熱湯彈左入我隻眼，果下痛到以為會盲=.= 老婆🐷仲係到笑...不過流完眼水之後都好彩冇事😉呢間既服務態度都唔錯，不過應該係因為太多人

星期五晚去完買花，近近地去南山邨食晚飯，當然是幫趁品香樓，大概八時到達，已很多人等位，我們二人反而即刻有檯，被安排另一間鋪嘅二人卡位，一坐低，感覺非常嘈吵及擠迫，感覺極不舒服，整餐飯沒辦法和朋友傾計，餐廳侍應好似打仗一樣，不停大力掟杯碟，很滋擾食物方面，燒乳鴿燒得很香脆，但鴿肉應該是沒有醃製過，感覺很淡。明太子炒飯，夠鑊氣，熱辣辣奉上桌，但幾乎完全吃不到明太子味道，似普通炒飯多D鐵板中式牛柳，牛柳又係無醃過，淡到，完全係靠鋪在表面的茄汁味，好彩都唔算韌。真唔明白呢間餐廳點解咁多人，食物是尚可，但招呼及環境真係超級差，有點貼錢買難受，唔會再幫襯了。

南山邨，是最近流行的攝影熱點。許多發燒友都會來到街市上的遊樂場取景，拍攝屋邨懷舊的一面，而附近的品香樓亦自然被帶起。我們點了出名的凍朱古力、南乳雞翼、金銀蛋浸白菜仔、京都骨、沙嗲牛肉炒粉絲、椒鹽豆腐和乾煸四季豆。大熱天時，滿以為凍朱可以解渴，誰不知朱古力還是熱的，等到冰塊融掉時，味道更變得淡味，我始終覺得吃小炒，還是配啤酒更有風味。各樣小炒都很美味。南乳雞翼佐酒一流，雞翼醃得很入味，鮮炸的雞翼熱烘烘，香脆無比，同時也很上火。吃完油膩的雞翼，再吃一口白菜仔，感覺很舒服。金銀蛋上湯的味道很濃郁，鹹蛋非常甘香，白菜仔吸盡湯汁，清菜也不平凡。京都骨、乾煸四季豆和沙嗲牛肉粉絲都很惹味，送飯一流。我個人比較喜歡沙嗲牛肉粉絲，因為粉絲吸了牛肉的精華，芽菜和金菇很爽脆，略嫌這道菜比較甜口。最後，椒鹽豆腐則令我們大失所望，外層脆漿太厚，只有外層有椒鹽味，用的豆腐份量既少又沒有調味，所以不點也罷。小炒份量很大碟，每人埋單只需100多元，超值之選。

今日要去石峽尾做活動，經過南山邨要食番個品香樓午餐先！之前讀書時成日都行去南山邨食晏 （因為唔太鍾意係學校飯堂食😜）今日帶朋友黎食，叫番蜜桃沙拉骨菜飯 同埋 椒鹽豬扒菜飯味道、賣相不變，價錢當然貴左，但好懷念呢個味道，以前成日都叫蜜桃沙拉骨菜飯食架！因為唔係晚市，冇得叫凍朱古力加忌廉，所以叫左凍檸檬利賓納下次要夜晚黎食多次，叫送食晚飯，d 小菜好得架！風沙豬手、火焰黑椒牛柳粒、明太子炒飯等等都係好好食。

中午一個人去食飯，咁我都預咗要搭枱，無想過要坐卡位的。但服務生讓我坐的位置，地面很髒，有食物殘渣在地上，而且又濕又滑。我只好有禮貌地跟服務生說能不能給我換過別的位置，因為地面很濕滑。然而服務生聽完第一句就話我行來行去又唔覺地滑，你對鞋有問題吧！然後跟她說地面濕，我著長裙也弄濕了，她也只說你撩高裙子啦，係咁的啦，無得換！ ❨但當時四周其實好多空位的❩然後有一位拿著名牌手袋的OL入來，也是一個人，服務生卻帶她一個人坐4人卡位。於是我再次說要換位，並表示為什麼那位女士也是一個人，卻可以坐卡位，我坐的位置地面濕滑，卻不可以換別的位置。攪到半間餐廳的人都看著，她們才用很悔氣的說你想坐卡位咪坐囉！原來，連食茶記都要坐化妝拿名牌手袋，才能得到客人應有的尊重！

品香樓是青蔥歲月的集體回憶. 唔知點解, 佢既凍朱古力特別整得好味,  同一種粉, 第二D 茶餐廳冇呢種味道. 通常下午茶時段, 街坊街里都係揀食下西多, 或者整碟牛河, 都係下午茶餐有的.  不過品香最好食我覺得真係個南乳炸雞翼, 唔係套餐成7,80蚊 都要食, 南乳連蒜香真係惹味到不行,  一碟8隻左右, 獨食一流其他茶餐就西多同熱狗不錯, 西多炸得透, 熱狗就個醬好食, 麵包有烘過, 脆卜卜好好咬口.  不枉大熱天時拐入去南山邨食.

吃了一個不知所謂的星洲炒米 配料同米粉係分開嘅 咁不如叫撈米拉. 附近冇咩好選擇 算係獨市生意 同學們冇得選擇下嘅唯一選擇 所以生意係其門如市 質素卻每況愈下 員工態度差 但價錢每年加. 所以消費者往往都係好被動.

聽過好多人介紹過品香樓，終於有機會同屋企人黎食呢間充滿香港風味既小菜館喇，一大班人最岩就係叫餸食飯喇～夜晚10點先到，但依然好旺場！夜晚食野固然肥，但對於眼前如此邪惡既野食又點忍到手呀，款款野食好惹味呀～ 南乳雞中翼$38 雞翼好大隻，但得4隻唔夠我地分呀～～XO醬蘿蔔糕$31 份量少左D呀，蘿蔔糕後勁帶辣，很惹味！鍋貼芝麻蝦$82 勁多肉鬆，蝦多士香脆不油膩，可以再encore黃金花枝$88 椒鹽魷魚味道已經不錯，呢客黃金花枝更勝一籌，加左咸蛋黃關係，咸香飄溢，令我食唔停口，不過底部非常油呀～ 避風塘生蠔$98 外層金黃，生蠔炸到脹卜卜，雖然非常熱氣，但都食唔停口呀～椒鹽豆腐$78 第一碟比我地時，個豆腐炸到燶晒，個樣黑到似豆腐乾，真係唔明點解都會拎出黎比客人食，係咪想搏D客唔識燶晒都比人食?好彩佢地都肯整過一碟比我地～豆腐外脆內嫩，不錯～ 食左咁多熱氣野，要食番D菜緩和下。金銀蛋白菜仔$78 乾扁四季豆 豉油皇炒麵$55 朱古力$21 見到每一榙都有叫呢杯朱古力，仲有pat cream係上面，夠晒邪惡，朱古力味都好濃，好中意呀！餐牌

飲食雜誌介紹、facebook share無限次，吹噓「品香樓」味道好，價錢抵。所以我也心癢癢，又一試究竟。今次有機會，星期六放工特意過來。兩個人，無訂位，等了大概15分鐘，就可行前到前面店鋪坐下。坐的是卡位，nice。人很多，兩個鋪位都爆滿。很多是一大班人訂圓枱吃飯，而大多數是年青人。我們先下了兩個菜，一個湯，後再加了一個。兩個人，吃不完，盛走。凍朱古力 - 吹噓得太神啦！其實不外如是！凍朱古力，加cream，不解渴，也不夠冰涼。見到每張枱每人一杯，是我不懂欣賞，或是人有我有，來到都要一試究竟？火焰牛仔骨 - 這個是真的好味！又有gimmick！牛仔骨來到後，以打火機著火，小火沿著燒，很有看頭！牛仔骨一小塊一小塊，很淋很入味，甜甜的，正！乳鴿 - $48一隻。我們叫了一隻。不脆，很普通，我吃了1/4，没有興趣再吃。豆腐魚雲湯 - 小兩口，想吃個湯。其實兩個人，這個湯是太多了！但我們兩人努力下，都差不多K.O.了它。湯清甜，味道不錯，濃淡適中。可惜魚雲肉不多，味道亦一般，吃得出不過上乘新鮮！豉汁蒸白鱔 - 這個是後加的。因為我見到餐牌上有白鱔叫，想試，於是加單。本來我想叫的是梅子蒸鱔，

經大台介紹完，又挑起了食慾。 品香樓在很久以前試過，當時很多地方都有這些小菜，品香樓固然好食，但其他地方，例如大排擋、小菜館都有相當的水準，因此不以為意。但隨著時代變遷，賣這類鑊氣十足、充滿香港味道的小菜地方已經買少見少，品香樓的小菜更顯珍貴。 品香樓晚市很多人，BOOK 了位都要齊人等入座。大多人了，部份熱門小菜都售罄。好彩都食到南乳炸豬手、風沙雞和金銀蛋浸白菜仔。 南乳炸豬手，入口脆卜卜，南乳好香，還有點啤酒味，有點似食德國咸豬手，不同的是南乳炸豬手脂肪比例較多，入口外脆內軟，還保留肉汁(可能是肥膏^^")不會乾巴巴的。 風沙雞皮脆肉嫩，不過南乳炸豬手味道太衝擊，它顯得有點失色。 因為想食的小菜都沒有，最後選了金銀蛋浸白菜仔，原本以為普通貨色，作為配襯，想不到異常入味，菜汁咸香味超濃，配飯一流。 三個人只有三個胃，食不多，還有很多小菜未試，可以約一大班人來試。 地址 石硤尾南山村南豐樓平台商場 204-205平台及210-213號平台 港鐵石硤尾站 B1 出口, 步行約5分鐘 電話號碼 2778 8791