品香樓中西風味餐廳

營業中

休息中

真係撞鬼，依篇食評既相，我足足Upload左2個星期有多。有時Upload到1,2張相，有時1張都Upload唔到今次係太婆生日食飯，因為就老人家唔去得遠；所以就係佢地家附近既品香食晚飯啦。品香，曾經係我家成日去食飯既地方，Lunch又去，Dinner又去，因為又近又好食嘛。以前既排骨粗炒，上海粗炒都好好味呢；重有炸鮮尤，炸銀絲卷。不過依家有D野冇左囉，質素亦冇以前咁好食；價錢重貴左好多添。落完單冇耐，好快就上左2隻乳鴿。我自己就對乳鴿一般，但在場的其他親友都話好好味。糯米飯，因為有臘腸，我聞到陣味就唔想食啦。但係公公食左幾碗話好好味。鮮腐竹好好味，但係旺菜切得勁大舊，一舊已冇左1/4碟。跟住就算舊細舊D的，都重係好大舊依個牛肉一上枱就好吸引，因為要點火既；不過係賣相囉，味道就冇乜特別啦。而且一直燒住，其實夾餸時都有D麻煩。西蘭花墨魚帶子，好一般既菜食，冇話特別好唔好食。帶子份量都幾足；我地有8個人左右，一人最少食到一粒。令人失望冇味的炸鮮尤，曾經品香既炸鮮尤係好好味架；但係依碟真係唔得，完全冇味，炸得又唔夠，總係差DD咁。老人家同小朋友最愛的咕嚕肉，就咁睇好似只係得肉，其實D青椒，菠

以前讀書時候一班人搞活動，要搵地方開會籌備。一係去poly, 一係去 city , 貪佢地點夠方便。坐得耐又唔會俾人趕。以前去 city 開完會， 最開心就係一大班人一齊食飯。做學生邊到有錢，九龍塘就太貴，所以好多時候都拉大隊去南山村食飯。其中品香樓係我地最常去既。難得今日有機會，就返去懷一懷舊。午餐 我叫左份乾炒🐮河。鑊氣依然夠，不過油就油左 D~😅朋友叫 蜜桃沙拉骨，味道夠就夠 ，不過個醬汁就肥左D~~街坊生意，其實無咩要求。食係食人情味~~

上個月同朋友食過一次品香樓，感覺樣樣菜色都幾好，所以今晚帶屋企人試試。我最想食既係薑蔥魚雲煲，上次黎分量好多，件件魚雲都幾大件，可惜今次真係失望左😢細細件完全得D骨，分量又少得，好在味道仲keep到蒜香黃金蝦，蛋黃好甘香，食完D蝦碟底仲有原隻蛋黃，撈飯超正，係好味既炸大腸，鐘意食大腸既真係必食，香脆可口風沙雞，好在淨係叫左半隻，太干了無乜味椒鹽九肚魚，外脆內軟滑，唔干好味最後一味係豆豉鯪魚油麥菜😭呢味真係唔開心，我本身唔係食得咸既人，但呢味無聞無味，仲要出曬水，豆豉鯪魚都搵唔到咁滯🤦🏻‍♀️總體黎講好食既就好好味，唔好食既就差到一個點🤦🏻‍♀️唔知係咪兩個唔同師傅。遲D我都會再試多次，希望以後可以維持住個水準啦，唔好再令我地失望

下午去食飯，叫了個星期五的下午餐“鮮茄蛋飯”，個飯黎到……賣相已經差，食落味道更差，個飯汁好似漿糊咁，味道更怪怪的，蛋又小得可憐。呢間野， 員工出名態度差， 由門口就聽到員工大聲叫喊，服務態度惡劣，餐飲仲等了40分鐘先來，真係衰到沒朋友。最惨有個某李同事仲每次帶著大量“”神沙“”去埋單，仲話收銀非常感謝，吾使去銀行找換輔幣真係cheap 到沒人有。。。。

長假期來到石硤尾應該算係老店之一，想OpenRice睇過啲相都幾靚仔，所以決定去試試。訂了晚上六點半，問老闆有冇停車場，佢話屋村可以拍停車場不過沒有免費泊車。停車場入口就是在石硤尾的警署對面，原來平台就是按二字層，下次可以拍那層就不用坐電梯了。我哋差唔多七點鐘先去到餐廳，冷氣非常勁好有舊式冰室嘅感覺，攞咗台之後立刻點菜。見到個餐牌基本上好多野都想試，但係我哋得三大一細，最後點左五樣。手撕雞基本上係必點，我哋冇訂到不過餐廳都安排一份給我們，不錯。雞肉已經拆開還有剩下嘅雞骨殼，味道較濃不過個人口味比較清淡所以覺得可以淡少少。分量唔算大不過四個人算叫做夠食。粟米斑塊有邊個會抗拒呢，上菜嘅時候魚塊仲係好脆，個汁打得好好也不會太鹹，唯一嘅挑剔就係粟米粒唔夠。送飯是選，小朋友亦好鍾意食。藍雨豬手唔使多講，皮夠脆，送酒一流。由於骨多所以用亦都唔太多，鍾意"選"骨嘅朋友要點來試試。粉絲什菜煲其實都冇乜嘢好需要講，不過佢嘅餡真係好新鮮。由於上次同太子嗰間生炒糯米飯名店嗌左交，所以之後都冇再去過。見到依間餐廳有生炒糯米飯立即點來試試，味道不錯，唯一失望嘅地方就係炒得唔夠乾身，油偏多。其實之後仲加左兩個外賣

早前聽同事說此店食物水準不錯，正好友人生日，故提議來此店嚐嚐，原來此店晚巿很旺場，好彩我們預先訂枱，否則要等位。 我們一行10人，點了椒鹽鮮魷、椒鹽九肚魚、火焰蜜椒牛柳粒、南乳炸豬手、酥炸豬大腸、 霸皇雞和京都骨等， 椒鹽鮮魷和九肚魚炸得乾身不油膩又能保持鮮味， 豬手和豬大腸皮脆內軟有肉汁， 火焰牛柳粒著住火上台，夠綽頭， 肉質不韌有肉汁，霸王雞肉質嫩滑冇雪味，整體食物質素和味道頗佳，上菜速度快，店員工作勤快，惟始終是茶餐廳格局，環境較為逼夾，坐得不太舒服。

講起南山村一定會諗起品香樓。雖然食過好多次，不過寫食評都係第一次。有訂位，但如果多人都要等下。。。品香樓既食物仍然保持水準，價錢都好合理。手撕雞通常訂位個時就要訂埋，如果唔係食唔到。好滑好香芝麻味，入面仲比埋雞腎個啲！最出名既凍朱古力，一定要叫。有濃濃朱古力味，舊忌廉勁吸引，對於女仔黎講太邪惡啦。其實凍好立克都值得一試。炸豬手，必食，骨膠原重，皮脆又唔油膩。加埋南乳醬好正。鍋貼芝麻蝦，炸得岩岩好，入面啲蝦膠夠哂彈牙，芝麻好香，配埋甜酸醬食一流。生炒糯米飯，賣相唔錯，入面有臘肉臘腸個啲，花生都算脆。走既時候，當然要到出面既小食檔攤，食雞蛋仔同格仔餅。

咕嚕肉。6個大男人都夠食！個醬汁調配得幾好，酸酸甜甜的，伴飯食一流！黃金蝦。唔好睇張相好似好少，其實都有成12隻咁多！蝦粉漿唔多，蝦殼炸到好鬆脆，我就全隻連殼食，味道唔錯好重蛋黃香味。椒鹽九吐魚鹹咗d，想唔點汁食下原味啦，已經覺得好鹹，應該係一時失手落重咗椒鹽，上次食呢味菜都好地地，希望大廚下次輕手d啦😂火焰蜜味牛仔骨有賣相、有味道！咁特別的上菜方式，唔講都想像唔到係屋村範圍的餐廳度試到，有女仔一齊食的話，我極力推介呢道餸蒜蓉炒西蘭花炒得幾乾身，又夠蒜香！明太子炒飯材料豐富，飯炒到粒粒分明，夠火喉！凍朱古力全台6個人都叫同一款嘢飲系咩玩法？！🤣的確凍朱系呢度王牌之一，水準keep到！

啱啱去左好出名嘅南山邨影完相 知道品香樓喺石峽尾已經出晒名 所以就黎左試下係咪真係好似其他人口中咁好食我地今日係午餐時間黎到 因為附近有好多學校 好多師生都會黎呢到食飯 所以都幾滿座 要搭枱嘅今日叫左一個常餐 一個午餐常餐有牛油麵包 火腿/腸仔奄列 沙爹牛肉出前一丁/米粉 呢幾樣野食就同平常茶餐廳無咩大分別 中規中矩午餐就叫左京醬茄子班腩飯 份量都幾大 仲要係多汁嘅 啱晒要撈汁食飯嘅人 班腩味道都同普通茶餐廳差唔多 唔係太驚喜飲品就叫左最出名 一定要試嘅朱古力 唔使加cream 朱古力味已經超超超超超濃大家可以試埋有cream嘅版本 係好出名嘅

在南山村附近諗起食宵夜一定會去馳名的品香樓每道小菜都很夠穫氣又抵食，充滿香港風味的小炒每到星期六日宵夜時段總會人頭湧湧--------凍朱古力($11)喜甜的朋友仔絕對會好喜歡這杯凍朱，擠滿了甜忌廉朱古力味道濃郁 南乳雞翼（$38）雞翼炸漿不會過厚，表皮炸到脆卜卜有好香的南乳味，好惹味 XO醬肥牛炒公仔麵($37)呢道是最愛吃的，公仔麵超入味，配上適量XO醬兩者融和一體，少少辣但又超滋味，公仔麵又炒得夠乾身簡單一碟炒公仔麵卻充滿驚喜

好耐冇黎品香樓了.對上一次食都幾年前..重記得每次都會叫既南乳炸豬手..重有濃濃既凍朱古力..今日突然諗起.就約埋朋友黎食！我地大約六點幾到.未算多人.間舖又大..好快有位了..一行八人..野都叫多啲黎食....南乳炸豬手、九肚魚、香蒜黃金蝦、蠔仔粥、花枝片帶子炒西蘭花、炒豆角、魚香茄子、蒸鱔、金菇肥牛煲、賽螃蟹 南乳炸豬手 - 每次黎都必叫..幾年後再食...一樣令人回味.香香既南乳味..爽口既肉質😋😋九肚魚 香蒜黃金蝦 - 蝦夠大隻、蛋黃味夠蠔仔粥 - 叫了一鍋.多蠔魚香茄子 - 有咸香味..但覺得茄子較硬身唔夠「林」金菇肥牛煲 - 一般花枝片帶子炒西蘭花 炒豆角蒸鱔賽螃蟹

▶️我不是住這區，所以之前未曾聽過這間食店，主要是朋友介紹而來光顧，我們 星期六晚上去到那裏已經有很多食客， 十分熱鬧。🔥火焰蜜椒牛柳粒🐂餸一送上枱，侍應用火槍燃點盤底的鹽巴，甚有視覺效果，但是否對食物味道有提升則不得而知。牛柳有啃勁，炒得香口，味蕾感受到微微的黑椒味，再配上青椒、紅椒、洋蔥等配料更加惹味十足。🐽南乳炸豬手🐽甚少食到炸的豬手，豬手皮香脆，肉鬆軟有口感，南乳味不重剛剛好，是一道不錯的菜式。▶️食店的食物具有大排檔風味，同時有一些特別的菜式選擇，整體來說別具風味。

凍朱古力忌廉，有濃濃朱古力味，啲came甜度啱啱好不會太甜。南乳雞翼，雞翼好大隻，好有南乳味，脆卜卜好香口。火焰牛柳粒，好有視覺效果，賣相吸引，牛柳粒好淋入味冇渣。金銀蛋蒜子浸白菜仔，大大碟白菜，多料，白菜仔夠甜。明太子炒飯不過不失。黃金花枝，原條魷魚有咸蛋黃，味道不錯，但外皮不夠脆多油。酥炸大腸，又香又脆。炸饅頭，好有麵粉質感，外脆內軟。銀芽肉絲炒麵，麵質係尹面嚟㗎！夠脆，多汁多肉絲。

以前中學成日黎食lunch,估唔到依家出名到好多唔係呢區住gei朋友親戚都要暮名黎食。每次黎都最好book 位，如果唔係都要等好耐下。同埋book位順便訂埋隻手撕雞，係品香樓招排菜，唔訂定就唔一定有，成日都賣晒。不過係多人先叫得，因為一定要成隻嗌，冇得半隻/例牌，少人就未必食得晒喇。佢係好滑好香芝麻味，入面仲比埋雞心個d👍🏻另外好值得試gei就係呢到gei飲品，朱古力/阿華田沙冰都係必飲，超級濃郁朱古力再加cream係面，成杯勁rich勁邪惡。

一行幾人，訂左枱，去到時要人齊先可以入去，其實已經食過好多次，每之都差唔多係全炸，今次都唔例外1）南乳炸雞亦，好脆，夠味，2）南乳炸豬手，都唔太差，3）黃金花枝，最失望係呢個，以前的確係好好食，d咸旦黃一入口就會溶化，花枝好正，但而家真係唔好食，花枝好硬，建議唔好叫，4）手撕雞，係幾好食既，但想著一定要早一日訂呀，因為即場冇得叫既，蒜蓉虾蒸糯米飯，好味，但好多油，5）小炒王，好香，夠味，可以一試，6）芒果冰沙，可以一試，另外仲有一個係忌廉朱古力，我見到好多人叫，但我個朋友就話麻麻地😱，野食黎講，整體都可以一試，但環境就麻麻，因為大部分既客人都係又一城個邊既大學生，所以好嘈，係嘈到自己d朋友講咩都聽唔到😅，而佢地既樓面，講真，真係幾冇禮貌，如果想去食野既話，要有定心理準備呀。