品香樓中西風味餐廳

營業中

休息中

剛剛清明拜完山，夜晚同屋企人去品香樓食晚飯，依舊人山人海，好在一早有訂位，但都要等10分鐘，坐底左即刻order我媽媽最鍾意食既招牌菜南乳炸豬手、南乳雞翼，而我老公就order左生炒糯米飯，我個妹就order左火燄牛柳粒，我個仔同囡每次黎到都要order舖頭最出名既凍朱古力，食左幾年，品香樓既食物質素都keep到水準，尤其是炸物既菜式都好得，去到order任何一款炸野都好食，價錢又合理，但係食得好趕，因為太多人等位，所以食完d夥記好快清枱想叫你走～係依度差少少～

因為做義工的關係，午飯時間去南山邨試吓歷史悠久的品香樓，估不到廿年後已擴張了幾個鋪位。我們沒有選擇特價午餐，一場來到，點了幾款小菜品嘗。1. 南乳豬手南乳好入味，用香蒜鋪面格外惹味。雖然，整件豬手只有皮，脂肪和筋，但食落唔覺好肥膩。不過，外層表皮唔夠脆。2. 凍朱古力見到Openrice很多食家推介，我忍不住也叫了一杯。賣相有點失望，我沒有說走cream , 唔知點解走咗！我說少冰，但看來沒有。比起一般茶餐廳是很濃郁，不過一飲就知道是平價朱古力粉開，不夠滑，有點粗糙的口感。可能我對朱古力是有要求的人，很是失望！不過十幾蚊的價錢，已算出色，可能我期望過高吧！3.火焰酸甜鱔球因為午飯時間沒有火焰菜式供應，只有碟上。火喉夠，略嫌多油。四季豆炒得好juicy, 鱔球啖啖肉，味道不容。4.豆腐魚雲湯奶白的湯很吸引，有魚雲，豆腐，白菜仔，磨菇足料炮製，味精不多，老少也喜歡。5.芝士琵琶豆腐伊麵底小朋友喜歡的菜式，琵琶豆腐外表像炸魚蛋，內裡味道不過不失。但芝士汁像普通客飯的白汁，不太出色。6. 椒鹽白飯魚大排檔水準，鑊氣夠，熱食脆口，惹味送酒之選。7. 蘿蔔牛腩煲最普通的菜式，最容易看出功架。蘿蔔一

星期日同屋企人食晚飯，佢地鍾意食小菜，所以我地去咗品香樓開餐，好彩一早訂咗位，因為我地坐底咗，出面已經開始有人等位。叫咗紅燒乳鴿，皮脆肉香，新鮮熱辣勁好食，原本叫咗兩隻，要追加多兩隻先夠食。火焰牛仔骨，每次都會叫，鍾意有火燒住，唔怕凍咗D牛仔骨變靭，需且又切到細細地，好惹味，食得又方便。酥炸大腸，我自己好少食，不過屋企人叫咗，就食咗幾嚿，炸得好乾好脆，而且又洗得好乾淨，點埋D汁，好好食，仲有菠蘿做配菜，好清新。南乳炸雞翼，小朋友最愛，雞翼好大隻，炸得好香口，裡面又唔乾，小小辣辣地，好惹味。煎蠔餅，煎到金黃色，少少乾乾地，入口好多肥美蠔仔，不過要趁熱食，凍咗無噤好食。麵醬炒唐生菜，好大碟，加咗麵醬嘅唐生菜，特別好食。炸饅頭，一碟八隻，面層煎到金黃色，望落以為好油，但原來好乾身，裡面就好鬆軟，外脆內軟，點埋煉奶，甜甜地，比小朋友食晒。契媽炒飯，個名夠晒特別，有菜脯，肉碎，豆角，肉鬆同埋兩塊大大塊嘅蝦片，感覺有D似印尼炒飯，味道OK，有少少鹹香，不過就油少少，同埋唔大碟，感覺食小菜抵食D。仲有叫咗個白菜仔豆腐魚雲湯，好住家feel，味精唔多，都幾鮮甜，大受歡迎。喺品香樓食飯要有心理準備，個度

3個人去南山村食飯,就更係試下好出名既品香樓啦!我地叫左個南乳炸豬手,佢炸得好香,又脆,好有南乳味。但係D豬手比較細隻,同埋得6-7舊,大食D既朋友會唔夠食!之後叫左個火炎香鱔煲。佢黎到真係有火架wor......我同朋友都好surprise! 個味道唔錯,D魚幾彈,幾香。overall黎講幾好食,但係D野比較細碟,大食既朋友要叫多D !

今日約左成班舊同學去聚舊，揀左我地以前成日都去既屋村餐廳食飯-品香樓，呢度係老牌村，非常有情懷既地方，舊人舊地，確實好多回憶🤗我地例牌一人點一個餸，一共8個有鹽焗手撕雞，南乳炸豬手，火焰蜜椒牛柳粒，酥炸豬大腸，金銀蛋浸娃娃菜，鐵板黑椒鱔球，沙窩金菇肥牛煲，椒鹽鮮魷，成班都係大食鬼，哈哈鹽焗手撕雞，真係保持到水準，滑而不肥，好有麻油同鹽香，唔洗點野都好夠味椒鹽鮮魷炸得剛剛好，岩岩夠火喉，唔太油，又香口沙窩肥牛金菇煲，份量十足，呢個就重手左少少，咸左dd火焰蜜燒牛柳粒，一點火就殺晒啦，味道剛剛好，牛柳粒都奄得唔錯，美味！必叫菜色，鐵牌黑椒黃鱔，啖啖魚肉，入口咬落好彈牙南乳炸豬手，呢個就乾身左，不過個汁整得好好呢個真係不得之了，炸到超出色，又脆又香口呢個菜就不過不失呢度食野真係平靚正，想食既朋友建議早少少去，仲要齊人先入得架

真係好耐無去品香樓喇 今次係下午茶時段去 真係好多人呀哈哈 不過好好彩都有兩個位今次同朋友點了哩度好出名嘅南乳炸豬手 凍豬古力 另外點了西多士先講南乳炸豬手 以為下午茶無得食 但好好彩又有✌🏽😊 完全係即叫即炸 上枱時 仲係好熱 口感係外脆內嫩 吃一啖 口入面有脆嘅皮仲有好滑嘅肉肉 真係一流👍🏽😋配埋個南乳醬真係無得輸 小妹平時不多愛吃豬手 但哩度嘅豬手真係要試 要推介下😊凍豬古力嘅賣相好似同我想像中有點出入 我記得好耐之前嚟係有cream架 但今次無嘅呢？🤔😐味道方面有好濃郁嘅豬古力味 都幾滑下喎 又唔係太甜 我覺得okay喎西多士普普通通啦 同出面嘅西多士無咩太大分別 雖然無咩特別 不過有一細微位值得讚嘅係 佢有雪凍左個牛油呀😁😁上枱後仲要等我相機食先 打開牛油之後 發覺係無溶到 又無開始溶嘅感覺 真係正喎

星期六一行六人又到品香樓覓食……由於已打電話訂位，所以人齊就即刻入得！見到每枱都食炸豬手，就跟人叫炸豬手試下仲叫左賽磅蟹，金銀旦白菜，火焰牛柳粒，沙拉骨同椒鹽魷魚仲有必飲推介……凍朱古力 （如果無叫凍朱古力，就唔叫食過品香樓）雖然好耐冇食過，店內人生人海，但水準依然！大家記住諗好野食一次過order, 侍應哥哥做事最緊要快！

品香樓食過好多次，不過今次就第一次同我的最愛食，其實前兩日都已經同朋友食左，今日又再黎一次，所以combine講下食物質素。1.手撕雞，味道係正，肉嫩，但可惜骨多，佢話係全隻雞但感覺唔似，希望下次多番d肉2.沙拉骨，正常普通，呢道菜都應該對一般餐廳黎講係easy job,所以唔特別評價3.賽磅蟹，都唔錯，如果多少少西蘭花就好，得四舊，d蛋白、蝦、蟹一齊炒個汁，送飯一流，不過老實說，冇咩蟹肉，有d偷工減料，試過一次就夠，下次應該唔再叫4火焰牛仔骨，賣相吸引，有d火燒下咁，幾吸引人叫，牛好正，爽口夠淋5.炸魷魚，正，唔會炸到厚炒，唔會皮肉分離，亦唔會係成口油個種，值得再叫整體黎講正，另外我覺得佢地d白飯好好食，，粒粒分明PS鐘意飲凍朱的朋友記得叫，因為真心好飲，雖然我呢兩次都冇叫，d cream多到嚇死你，少cream其實都已經夠滑夠正

同同事約食飯想有個地方可以大聲吹水大聲笑 首選一定係大排擋 但又唔想有煙味 於是有同事提議食呢間品香樓 幾年前都有幫襯過幾次 記得佢個凍朱古力好好飲 但之後無人提所以就無再黎 今次幾年後再試下先凍朱古力基本上每台都一定有叫我地4個女仔梗係一人一杯啦😋上面個舊cream都係咁邪惡🤤肥妹既本性就梗係一啖食左佢再飲啖朱古力 爽呀 記得要攪勻個底 下面仲有d朱古力粉首先黎個手撕雞呢隻手撕雞係打電話book台既時候訂埋架啦味道都唔錯既 皮同肥膏都好多之前食過另一款風沙雞 感覺唔同呢個送飯 一流！如果可以加辣就仲正！呢個南乳豬手本身個豬手其實係就咁炸 無特別味係另外上既一碟南乳醬可以點本身都炸得幾脆幾香口既 點埋個醬就無得輸呢碟蜜汁牛仔骨 推介！佢會上台後點火 有晒視覺效果好正 好淋 有牛味 甜甜地好開胃 送飯又係一流呢碟炒四季豆 每次食中菜都必定會叫好味 加埋d肉碎好香 食到停唔到口

今日同朋友去完深水埗黃金， 因為諗唔到有咩下場， 所以就去石硤尾行下啦~ 當時已經4點幾， 大家都有D肚餓， 就直接去埋佢介紹既品香樓度去食下午茶了。 朋友叫左個咖哩牛腩飯， 而我就叫左衣個芝士海鮮龍脷柳飯! 尼個芝士海鮮龍脷柳飯個賣相係幾好既~ 但係可能因為自己真係食慣比較濃味D既野， 所以我就覺得衣個芝士汁味道真係唔係幾夠， 特別係2條蟹柳， 就算加左D白汁都好淡味~不過40蚊黎講都算收貨既~大家如果去開石硤尾， 想搵番D野食就可以黎試下啦!

品香樓一直都係city朋友嘅re u勝地 貪佢夠近又夠抵食 所以與朋友相約九龍塘也很自然的去了品香食諗唔倒食咩所以就照著人氣item來叫🔹南乳炸豬手豬手炸得外脆內軟 而且好易離骨 所以唔會食得好狼狽南乳醬分開上的 點少少又係另一種味道🔹蝦多士（好似唔係咁叫）蝦多士上面加左啲肉鬆 同平時嘅蝦多有少少唔同蝦肉可以多少少就更好🔹漁香茄子煲好大煲好抵食 就算啲叫飯可食得落 當然送飯就更好味啦🔹凍朱古力呢個真係次次都叫 其實味道同普通凍朱無乜分別 但係加左啲cream又真係幾霸氣嘅食左咁多野每人都唔駛100蚊 都抵嘅💁🏻

讀city 既人一定識得黎食野食有鑊氣又有風味又有水準今次係下午茶時間黎食左下面既野肉絲炒麵 好正要即食 麵脆又多肉絲最鍾意脆pop pop 既麵好香同有口感炸雞翼 薯條一食就知係即炸 雞翼無雪藏味 薯條 好食過麥記 香脆又唔會太燶豬扒炒公仔麵真係好有鑊氣 豬扒夠「林」唔會太鹹 又唔會炒得太濕/乾總結係 好好食佢地有大圓台 岩曬一大班friend (第一次食係度re-u , 之後成日食） 有外國朋友黎都帶佢地去試畢左業都成日番去再食正Ps. 食過夜晚 小菜都好正手撕雞更要預早訂定先有

之前食過一次，今日再帶個朋友去試下。上次等左半個鐘，今次好好彩唔洗排就有位。可能近大學，好多人黎食～上次食過砂礓豬手，好好正。不過今次打算試下其他野。回鍋豬頸肉，一流。睇相都好吸引啦～紅燒豆腐。我以為會係煲上，點知…瑤柱扒豆苗。正常～～～不過好多瑤柱

椒鹽豬扒菜飯 ($38)女人的浪漫，椒鹽豬扒飯💁🏻同朋友仔去品香樓食個lunch🍴之前都曾經係品香樓食過晚飯，覺得唔差😎想再食下，個豬扒🐷肉質好腍👄配埋炒香左既蒜粒、葱同辣椒幾惹味👅菜飯都ok，有少許油香，唔錯👍🏻 反而朋友仔叫左個南乳雞中翼就麻麻啦👎🏻冇乜南乳味，只係普通炸雞翼😪唔建議叫呢個~但係服務態度認真差，上菜時，兩個朋友個飯擺錯位，諗住掉轉返個飯，點知隻碟好油，朋友不小心滑手，個飯跌左係地下。已經同侍應講咗唔好意思好多次，侍應都仲係好黑面🌚仲講粗口，使唔使咁呀🙄

鹽焗手撕雞賣點是新鮮雞, 皮薄脆口,肉嫩, 五香粉味道不會搶喉, 咸味足夠,蝦多士蝦味豐富,麵包夠脆, 不會一口油炒白鱔球鱔球上左粉炸左先炒,攪到鱔球不夠彈形, 調味失敗, 浪費左D鱔, 一PAD杰醬, 味道豆豉五似豆豉蒜茸炒介蘭夠鑊氣, 但油略多, 份量略少涷朱古力朱古力味道夠濃, 面上一層厚cream, 睇落好吸睛