品香樓中西風味餐廳

營業中

休息中

同舊同學老師相約聚會，去到南山村嘅品香樓食小菜。之前都有好多人介紹過，今日終於來一試！我哋五個人，叫咗五個小菜，四個白飯。衡量方面，略嫌太少。小菜嘅價錢都接近或者超過＄100 ,我開頭預計份量應該都算幾大下，其實一般般，五個人都未必夠食。但食物質素就真係唔錯，味道實在無可挑剔。叫咗個火燒牛柳粒，好有特色！侍應嚟到，即場幫我地點火， 賣相一流，同時可以將餸菜保暖。黃金蝦亦都做得唔錯，非常香口，個個都食得舔舔脷。但由於人太多嘅關係，環境好嘈，未必適合一班人傾計。有啲似大排檔感覺

今晚同朋友共六人食飯，結帳時每人大約$130,點了火焰蜜椒牛柳粒，沙嗲肥牛粉絲煲，沙嗲牛肉炒菜心，半隻沙薑雞，蜜桃沙拉骨，粟米雞蓉羮。半隻雞其實不夠六人分沙嗲肥牛粉絲煲份量足，不過有啲鹹火焰蜜椒牛柳粒，第一次見火焰上枱時，店員才點著底下的鹽，牛柳粒的鮮味更突出，都好"林", 先甜後辣(因為黑椒), 但份量較少。這杯朱古力我相信是餐廳必點的飲品，眼見其他客人都點，而且下單時店員主動問要多少杯，所以我們各點一杯。整體來說，食物質素良好，不過座位較擠逼，坐卡位的客人出入時，旁邊坐圓枱的客人都要郁郁。

朋友經常提呢間既朱古力，因為佢話真係好濃好好味，但硬係覺得中菜同朱古力係格格不入，所以一直都冇意慾黎試試，但咁岩今日係石硤尾數野，好啦，就試試啦🤣我地兩個叫左風沙雞，白菜魚雲湯，炸大腸同朱古力，因為要令到成件事真係唔夾，先試得出杯野有咩威力🤣🤣🤣先講食物，風沙雞好香好味，個皮係脆卜卜，真係食到停唔到口。到魚雲湯，份量好大，不過個魚頭就比較腥，好彩個湯唔腥，冇比佢影響到，下次可以唔洗食。到炸豬大腸，都係好脆，冇臭味，呢點好重要，所以覺得好正，好勒，呢個時候再飲凍朱古力，好啦，我認我輸，因為我都比佢陣濃郁既朱古力味迷倒，下次返黎我會再叫其他野食黎試下你架

識揀一定下就食品香樓要揀2點幾呢個時候因為下午餐🥣同晚餐都會好多人今日主要講小食 南乳雞翼 加杯熱honey lemon😃🤭先講賣相一望就知好熱 同自己講只食一隻加上賣相上有的乾蒜蓉🤣忍不了 食了2隻好香口 好脆 炸得有點過火了另外。品嚐後回家休息訓左個教一個鐘後 喉嚨極痛 要睇醫生了好食都要小心自己身體好言相勸👍🏻👍🏻👍🏻👍🏻😃野飲 🍯 lemon偏淡 下次可以叫佢甜點🙂👍🏻👍🏻小食多滋味

每晚放工都咁多野食....今晚放工仲食左咁多仲飲埋凍朱古力！個肚好有罪惡感🙈但系d小菜咁好味，我點忍到口吾食😭一黎再快上既凍朱古力好多cream啊跟住就試平時多人一定會嗌既明太子炒飯！今日食左兩碗飯...想冇咁肥就嗌呢個蠔仔肉碎粥...清清地又幾好味都足料咖 跟住就試埋呢個黑椒牛柳粒烏冬...um平時我都吾鐘意食烏冬既...但呢個都值得試下..因為炒到好滑啊個烏冬跟住小菜黎啦☺️☺️☺️登登登登.....第一次嗌呢樣椒鹽黃金粒..！完來系豆腐黎咖外脆內滑...食完皮膚滑滑蒜香豬頸肉...好爽脆～鑊氣十足我d同事連d蒜都食埋蜜椒牛柳粒...哇佢d椒好甜😍😍平時簡飲擇食既我表示今日好鐘意食椒😂😂😂另外牛柳粒煮得岩岩好

我同朋友在南山村品香樓食晚飯，枝竹西芹羊腩煲跟生菜一大蝶， 一人一碟腐乳點羊肉，都有10件以上的羊肉，羊肉味夠香。粉絲海鮮雜菜煲，有冬菇， 蘑菇 ，西蘭花 ，菜芯，魷魚，蝦米，粉絲等，都是新鮮食材湯甜又大煲。2個人根本食唔晒，打包走。

本身諗住品香樓長期多人去第二到食就算，點知個日無乜人排隊，即刻入座，上菜都好快。點左出名嘅炸豬手，咕嚕肉同炒豆苗，野飲就叫左「黎到必叫」嘅凍朱！杯凍朱好有驚喜，好有舊香港風味，大大舊cream係頂見到已經好開心，雖然味道算okay，但overall黎講好滿足。炸豬手炸得好香脆，南乳醬都好野味，但就多骨小肉，似食緊豬皮多啲。另外兩味家常菜就好有驚喜，本身對到到都有得食嘅咕嚕肉無期待，點知皮薄餡靚，啖啖肉。一定會再encore！

同一班老友去南山邨彩虹橋打卡, 留低腳印順手去食品香樓裡面枱與枱之間好窄, 大枱D櫈係圓櫈仔加上有客人走時, 我地要起身讓路, ,坐得唔太舒服食物方面,,其實每一樣野食都好細碟. 味道同普通大排檔一樣, 平平無奇而凍朱係呢度招牌之一, 都係不過不失

相信係City U畢業既，唔會唔識品香樓。那些年，做project做到半夜三更，成群結隊去品香樓食過晩飯,再返去開工的日子，就算多少年，偶然也會想起。隔左咁多年，久唔久都會回去尋味一下。首先，價錢依舊親民，因為都是做街坊和學生生意，set lunch一般約$40。可能年紀大左，口味清淡左，近幾年回去，食物依然好味，但每次都覺得D食物口味重左。應該係年輕人同開始步入中年前的口味分別。在周圍都是連鎖食店的年代，都希望品香樓能一直做下去。

昨日聖誕前夕，又是星期日，怕外邊多人，向屋企hea到下午茶時間，諗起想食西多士，老公提意去南山村品香樓食，順便可以食南乳炸豬手，出門前向family chat group 係咁意問句有冇人join，估唔都有兩家人都啱啱起身一齊去，終於一行九人食左九個下午茶餐三籃南乳炸豬手，我哋主攻炸豬手及西多士，因為個豬手炸到好脆之餘，仲食到琳琳地嘅軟骨，與炸蒜一同咬，真係香口無比；而西多士我就最鍾意夾芝士，麵包沾上大量蛋漿夾入芝士來炸，一切開D芝士流出，食到蛋香及芝士香，兩者好配合，此兩款係我今次之推介。

同屋企人去左呢度食下午茶，原來呢度嘅下午茶喺有好多選擇㗎，左揀右揀，最後我地叫左鷄冀薯條丶干炒牛河，我最意嘅係佢嘅干炒牛河，外面通常都係炒到油淋淋，食到尾聲係會見到啲油浸住啲河粉，但係呢度唔單止係炒得好好味，好夠鑊氣，熱辣辣咁上枱，而且啲河粉係唔會油淋淋，食曬成碟干炒牛河都唔會見到有油喺個碟底，仲有杯凍檸樂，非常正，事關呢杯凍檸樂喺一瓶大支玻璃樽裝嘅可樂比我地，唔係用罐裝可樂㗎，因為我我個人覺得樽裝可樂好飲啲，所以覺得好正唷。

早前OT後又想起品香樓，便立即揸車衝過去 今次同樣是宵夜時段，點了以下:椒鹽鮮魷 - 熱氣之選，炸粉不會過多，上面還加了蒜粒，又香又脆，份量也不少豬扒炒公仔麵 - 味道正常，不過如果再乾身點會比較好蒜蓉芥蘭 - 超多蒜，吃完成口蒜味炸乳鴿 - 一樣好食現場也看到不少遊客，看來品香樓會愈來愈難搵位；如果不想排太久的話，建議宵夜時段來，雖然有點晚，但每次出來就會看到出面有試小販檔，超懷念啊，現在愈來愈少小販檔，都會想支持一下啦

同同事們聽完talk後，一行10人去左附近品香樓食晚飯，本身訂位時只訂了5位，好好彩加到10位都即刻有位。我地目標明確，所以一坐低已經可以9秒9落單。南乳雞翼大大隻雞翼，炸到勁脆，南乳味香濃！豉油皇生蝦，蝦好大隻，連d殻都可以吞埋火焰蜜椒牛柳粒上碟時大家都睇到嘩嘩聲，唔知係咪影相影得太耐，牛柳粒有d過左火喉風沙雞皮脆肉嫩，好食椒鹽九肚魚熱辣辣，外脆內軟生炒骨唔係間間小炒都做到好食既生炒骨，品香樓呢個真心不錯，脆卜卜，唔會比d汁整到淋曬，大推！豆豉鯪魚油麥菜豆豉鯪魚少左d，但味道OK魚香茄子🍆呢個不用多作介紹，送飯必備人頭一杯凍朱究竟品香樓一日會賣出幾多杯凍朱呢？好好飲呀

每次瘋狂OT後都會諗起品香樓，因為9:30後會有特價宵夜 今次大約9:40左右到達，不想搭檯，選坐卡位，只等了十分鐘左右；看看餐牌，宵夜種類不算多，有炒粉麵，小菜，炒粉麵都是$37左右一樣，比茶餐廳更平 點了炸乳鴿，豉汁蒸鱔，蒜蓉介蘭和肉絲炒麵，乳鴿 - 脆卜卜，不是大size，但好夠味豉汁蒸鱔 - 之前已食過，好好味介蘭 - 超多蒜，較濃味肉絲炒麵 - 比想像中大碟好多，麵底夠脆又不會太硬凍朱古力 - 依然好味，增肥首選凍檸樂 - 夠哂凍夠穫氣又熱辣辣既炒小茶，正

今晚聚會，朋友建議去石峽尾品香樓。這餐廳倒是第一次光臨，但從門口等位人數來看，餐廳應該也不會太差。因為六時多已漸見人龍等候，入座不久更已爆滿。有吃過的朋友推介椒鹽類食物，於是點了椒鹽九肚魚和椒鹽鮮魷，另外點了芝士西蘭花、風沙雞忎和火焰牛仔前粒。椒鹽九肚魚和椒鹽鮮魷果然好吃，炸得乾爽，油膩感不重，椒鹽味濃，但很......熱氣，建議先前飲杯廿四味比較陣隠。風沙雞也出色，皮脆肉嫩；火焰牛仔粒賣相吸引，相當𠱓like；芝士西蘭花較失色，芝士味不算突出。最後，不得不提杯凍朱古力，朱古力強烈，調校比例好。總括而言，品香樓是三五知己聚聚的好地點，食物夠地道，價錢亦相宜。