品香樓中西風味餐廳

營業中

休息中

以前大學時代最鐘意一大班人去食品香樓，今晚帶埋T先生重拾一下大學時光🤣🤣。 我地叫左粟米斑塊，斑塊好脆口，分量夠哂兩個人食，而且勁多粟米汁，超鐘意😍😍👍🏻👍🏻 。 《粉絲什菜煲》，清清地叫左個煲食😂😂，湯非常新鮮，賣相不錯，有不同種類的蔬菜，非常健康🤣 。 《雪菜肉絲炆米》味道不錯，炆米不會太乾，而且分量剛剛好。最後我地仲叫左杯凍朱古力，滿滿的忌廉，差不多每一枱都有人叫，基本上凍朱係呢度既必點之選。

記得想當年讀city既時候，成日會同成班大同一齊黎品香樓食下小炒，依家畢左業就好少黎。今日同女朋友行開九龍塘就黎品香樓一試！由於係九點半之後入席位，所以有宵夜餐揀，係會細份D，但都同時平好多，可以叫多幾款黎試。忌廉凍朱就必飲架啦，再叫多個30幾蚊既明太子炒飯、40幾蚊既蜜汁牛柳粒，同正價既蜜桃沙拉骨，兩個人食到非常飽😂😂炒飯粒粒分明，都算大份，抵食！牛柳粒都唔差，夠香口！沙拉骨十分開胃，又好味！

品香樓喺南山邨嘅一間茶記，多年前已經幫襯過，但嗰時未有寫食評習慣。 最近又去過，食佢嘅炒嘢真係相當正，小菜價格多由$68起，海鮮類自然會貴啲！其實碟碟餸都好味，本人尤其欣賞佢嘅炸物ie咸蛋黃炒魷片（真名唔記得咗），真係食到咀大家有機會，不妨試試！PS. 同場加映： 品香樓門口夜晚時間有檔附屬喺士多鋪位嘅車仔糖水，佢嘅芒果西米露係用雲呢拿刨冰底+西米+芒果鋪面，俾我嘅嘅感覺好特別，味道亦相好味，大家不妨留肚享用

晚上和朋友在又一城看完電影，很多餐廳已經關門。我們走到了位於石硤尾邨的品香樓，因為它設有宵夜時段，晚上九點半開始，價格比較便宜。重點是宵夜時段不用排隊。我們叫了一個XO醬雞絲炆米和蠔仔泡飯。分量和平時午餐晚餐的份量差不多。雖然我們叫了XO醬雞絲炆米，但不知何解裏面的是豬肉絲。然而，味道很不錯，而且炆米不會太乾，也不會太濕，水份調節得相當好。蠔仔泡飯裏有很多細細隻的蠔，不過蠔的味道不太新鮮，也有蠔殻。但泡飯的湯調味不錯

服務態度極差店員成程食飯服務員都眼超超，落單落慢小小好似有罪咁！問多一兩條問題好似唔想答咁，有嫌棄的感覺！係毫無通知嘅情況下收左外來酒錢！但餐廳無提供過開瓶服務。如果外來酒錢須要收費點解唔張貼告示同搵人過黎通知一聲？要靜靜雞入單？如果有通知一聲我覺得無問題的。但埋單查單時店員要理直氣壯同顧客對罵！開鋪大哂？出左名唔想做人生意？食物味道方便不太好，咕嚕雞球係淋嘅唔脆口，價錢方面相比其他大排檔一啲都唔抵食，叫左尖椒頸肉但得5舊豬頸肉，但我係第二度食唔會食到成肚氣，一點都不懂尊重客人的餐廳！不要掛住大可檔的名義了，因為係香港人心目中大排擋係好開心隨以好舒服咁食野嘅，但呢間係質素愈來愈差，無論服務員同價錢及味道都係！所以呢世都不會再食呢間餐廳！

係中大讀書，每逢ocamp 組聚必去一次呢到😍每次去都好多人，夜晚去最好book定位，唔係等成粒鐘都未必有位，食完可以去一層樓梯去影 南山邨 拱形梯📸必點推薦 火焰牛仔骨 🐂一上台就點火🔥牛仔骨切到細細粒易入口，熱著食，一啲都唔靭，好入味另外必點凍朱古力，幾乎每台起碼叫一杯，朱古力濃味，入口順滑， 配埋忌廉食，好正😋成口好creamy，好幸福但價錢對學生黎講唔算平，而且每碟份量唔算多，大家致在有地方眾下姐

城大後面有條南山邨，內藏一間係城大學生都知既小菜價錢吾算平但勝在真係好好味同埋有創意今次兩個女仔叫左3個送，但都好夠1）黃金蝦真係好好味好好味好好味！重要既野要講3次！炸得好香，蝦頭一咬勁多膏，超脆，可以連殼成隻食埋，蝦肉又好juicy 2)火焰牛柳粒一黎侍應就即刻點火，燒到d牛仔粒好香，食落都好juicy,一d都吾韌3）金銀蛋白菜仔呢個就比較普通，但都吾錯，但如果白菜仔稔d會較好4）凍朱古力呢個係必叫！！勁香濃朱古力，再加勁大舊cream,,正！兩個人埋單$366，性價比都吾錯

平時去食都係同一大班朋友叫小菜食今日午餐心血來潮想去食第一次黎食午餐 點左蜜桃沙拉骨菜飯 好少有食到菜飯呢個菜飯真係唔錯 食落感覺好清爽開胃 同沙拉骨好夾朋友點左味菜雞絲炒烏冬 唔會好油 不過不失最後點左杯紅豆冰 好多紅豆 兩個人都夠飲

朋友話不如去南山邨影下相啦，果邊咁出名，於是我呢個新界仔就跟埋出去見識下呢個打卡聖地，果然好鬼多人，位個個都喺度排隊影果個半圓形攀登架。影完一輪就開始入夜又肚餓，朋友話附近有間餐廳好出名，佢讀書果陣堂飯堂咁食，我話有咩咁巴閉呀，入到去勁多人，估唔到嘅係真係同飯堂一樣喎，枱枱都係一班班學生，成間餐廳都好青春好熱鬧。成枱有9碟餸勁誇張，最好食有南乳炸豬手，塊豬手皮勁香脆又有南乳香味。另外隻風沙雞都好出色！朋友話呢度杯凍朱古力勁好飲，原來枱枱都有人叫嚟飲！

南山邨除咗有IG達人推薦嘅拍攝地點外，更有一間好出名又好食嘅餐廳，相信身邊讀城大嘅朋友仔都知道品香樓！就算冇食到佢嘅晚餐，不妨都試佢嘅午市餐，唔單止多選擇，而且味道正！

品香樓係喺大學年代一定會嚟食嘅餐廳，開sem飯、過3飯、乜嘢組聚基本上都係品香樓打躉㗎啦，所以今日嚟食飯嘅感覺真係非常懷念啊。🥢凍朱古力，品香樓必叫。嚟到幾肥都一定要飲、因為吃的是回憶，雖然上面嗰堆cream見到都覺得好驚，但係就正正因為有呢個cream，成功將呢杯朱古力昇華到另一個層次。🥢黃金蝦，炸得非常之好味，出面嘅鹹蛋黃，配埋入面鮮甜味的蝦，簡直一流。🥢南乳脆豬手，佢個南乳醬自己調，好好味！不能錯過佢個豬手炸得好好味，骨膠原很多火灸牛，賣相好吸引，打卡一流，牛好入味炸饅頭，失望啊！ 皮唔脆架🥢風沙雞都好好味、雞肉好嫩！ 以前款手撕雞仲好味！！ 不過佢話而家無左了！品香樓真係吃回憶！ 回憶中的好味道+ 價錢好合理

這家餐廳位於香港歷史悠久的屋邨，去到現場真是有點滄海遺珠的感覺.第一樣要讚賞的是這家餐廳的工作效率.任何點餐都來得非常快.餐廳生意很好，訂了枱有時都需要等位，星期六日更加不用說. 這家餐廳跟旁邊店舖的冷清環境真是一大對比.說回食物質素，都是在水準之上，味稍為重， 不會失望.這次只點了流心蛋，涼瓜黃立䱽，咕嚕肉，薑蔥炒蟹， 全部都做得不錯. 流心蛋必吃；涼瓜黃立䱽煎得香，味道不錯， 只涼瓜稍為少了點；咕嚕肉整體是合格的，如肉能再切細件一點會更好；薑蔥炒蟹味道沒有問題，但蟹肉稍為不夠結實甜美. 所有食物溫度都好好，來得也很快. 喜歡慢慢吃的朋友就稍嫌效率太快.這家餐廳基本上是小炒餐廳跟茶餐廳的結合.

今次約左兩個好耐無見嘅朋友食飯，想叫餸食飯，又想坐得舒舒服服，三個女人就去左石硤尾嘅品香樓食飯啦！餐廳有卡位坐，不過就要等耐少少，每道菜都上得好快，但侍應唔會趕你走，可以坐得舒服咁傾計架！👍🏼入面嘅餸菜好似以前大排檔嘅咁，見到好多餸都好想食，但三個女仔真係食唔到咁多🙈，所以只係可以一人簡一個餸叫，因為要留番啲位俾黎到必飲嘅忌廉凍朱古力呀🐖🐖唔止我地，其實每枱都有過半數人叫忌廉凍朱古力架！我自己覺得叫小冰會好啲，因為容易啲將忌廉同朱古力溝埋，個口感就可以更加滑啦🤤第一個到嘅係粉絲雜菜煲🥦🥒通常諗唔到叫咩菜都係會變左叫尼個川個湯底有魷魚🦑同蝦米🦐嘅味道清清地，主要係夠多菜，亦有菇菌類然後就係我簡嘅咕嚕蝦球啦！以前多數叫咕嚕肉，不過有時淨係食到肥豬肉，甚至係咬到骨，所以見到有蝦球嘅選擇就無猶豫啦🤩 雖然張相唔係影得好靚，但係我全晚最鐘意嘅餸❤️ 蝦🦐嘅炸粉份量岩岩好，都好彈牙！跟埋個甜酸汁，送飯一流❤️另外仲有避風塘牛仔骨好香口，而且唔會好似橡筋咁咬唔開！但係我自己就覺得始終有汁嘅餸比較容易送飯🙈再一次我見到隔離枱個火焰蜜椒牛柳粒好吸引，又係會下次再黎試下😋

大學時期成日約埋一班好朋友黎南山村打卡順便食野 都係一大班人嗌唔同嘅餸 在share食會試食到多啲嘢食！ 今次得三四個人 都叫唔到好多餸🙈個個肥牛煲 啲肥牛真係好香 佢買啲金針菇同埋芽菜個口感真係一流 佢個醬汁都好好食 吸晒啲牛嘅鮮味 而嗰啲金針菇亦都係一樣👍🏻至於個類似牛仔骨嘅餸呢 今次就有少少失水準 因為有啲硬... 比較難咬開🙈凍朱古力同埋個明太子炒飯真係一流 每次黎都要嗌🤣 今次本身諗住食蟹 但已經賣晒..... 最後都嗌左樣新嘢 試吓豬大腸 直落得幾香 幾好食🙈😂 不過冇其他餸咁吸引...

朋友介紹黎石硤尾呢間品香樓食晚飯，原來我之前都有食過，呢度啲小菜係唔錯嘅，但入座起計1.5小時。先黎昨就杯好出名嘅凍朱古力先！上面有一層cream 下面就係好香濃嘅朱古力！好好飲，唔怪得咁多人叫黎飲！之後就咗幾個小菜，有七味椒鹽豆腐，賣相ok,但第一啖食落好喊，但入面豆腐係好嫩滑嘅。之後係咕嚕肉，個皮整得好脆口，個汁都ok,但肉質就硬身咗啲。金華火腿冬菇扣娃娃菜，冬菇都大舊，娃娃菜都新鮮，但火腿少咗啲。最後係南乳炸雞翼，好香口，好熱，係好食嘅，但只會食到南乳香，唔會太咸。