品香樓中西風味餐廳

營業中

休息中

唔知有幾多年無去過南山邨了，更加有好耐無幫襯過品香樓，所以前排睇完舞台劇，去開九龍塘就好想再返去食品香樓啦。原來呢家品香樓要係門口嗌位(真係太耐無去啦，變左都唔知)，不過原來品香樓可以訂位，或者好似我地咁，肯搭枱好快有位。佢呢家會比一碟前菜我地，我地就係鹵水雞腳，我有見到花生，好似都有見到菠蘿。鹵水雞腳好入味，輪下輪下幾正，當然要你本身都鍾意食雞腳先ok。場內好多人叫小菜同煲，好大碟，不過我地就揀左碟頭飯，揀左一個明太子炒飯同椒鹽骨飯，我地再叫左再杯飲品，我揀左菠蘿冰走甜，我朋友揀左紅豆冰，可能因為我走甜的關係，所以必須要篤下啲菠蘿，令到菠蘿的果甜散發出來先會比較好飲。而主菜方面，明太子炒飯真係好令人驚喜，一來出面真係好少有呢一味炒飯，二來佢火喉夠，所以真係好好味，而且材料好足，所以啖啖都食到魚子，好正。至於椒鹽骨飯都幾好食，一樣好夠火喉，不過對比明太子炒飯，我都係鍾意炒飯多啲。估唔到咁耐無嚟，品香樓仍然都係保持咁好食。

今日難得過嚟石硤尾呢邊，決定食好高人氣嘅品香樓聽講嚟得呢到點都要試佢杯凍朱古力，咁我地3個人就叫2杯share試下先啦呢杯凍朱ok啦，上面有層cream係幾邪惡嘅，不過不失，可以一試但唔係必試我地揀咗5樣餸，第一樣係南乳炸豬手，炸到好脆，好好食！邪惡首選呀第二樣係蜜桃沙拉骨，都好食嘅，但係相比起炸豬手就被比下去第三樣係金銀蛋蒜子浸白菜仔，唔錯第四樣係椒鹽九肚魚，呢樣都炸得好好第五樣係火焰蜜椒牛柳粒，視覺效果勁，食落都好入味，唔怪得咁多人叫呢樣嚟食整體嚟講呢間都幾好，抵佢成日都咁多人係門口等我地今次有訂枱都要等一陣先入得，想去嘅朋友記得打電話book定枱啦！

住附近的朋友介紹這餐廳，於是一試，晚上7點到達坐卡位。點了糖醋桂花魚打算先開開胃，糖醋桂花魚沒有整條上，而是已被切塊，一碟只有幾塊，每一塊都是炸粉和骨頭比肉多，完全不覺得自己食緊炸魚⋯絕對不值$118這個價錢...大失所望…相反蒜茸生蝦蒸糯米飯有驚喜，幾好食，糯米飯乾身不油，軟硬適中，配上鮮甜爽口蒜茸蝦，推薦！朋友推介的凍朱古力，果然幾好飲，我們見到差不多每枱食客都有叫，朱古力的甜度及濃度都好適中！

唔知點解下午茶總要食炸雞髀薯條，平時最鍾意食隔離嗰間炸雞髀薯條下午茶，生炸雞髀真係無敵啊！不過最近裝修，咁就去品香樓試吓啦！其實呢間品香樓小菜我就成日食㗎啦，認真唔錯。。但下午茶就第一次姐！依舊炸雞髀，都唔錯，食得出都係生㗎，外皮脆卜卜，肉質嫩滑有肉汁！ 食炸髀，真係一定要去茶餐廳，冇得輸！今日心情麻麻，要放縱少少，叫咗杯凍朱古力，仲要加$3加忌廉！嘩！好正！朱古力味香濃，配埋忌廉更加眩惑。如果唔係怕肥，真係想日日飲呀！

早幾日係石硤尾夜晚打完波，打完波之後一班人食飯，黎南山村依度食個宵夜就好好。因為好抵食，三十幾蚊叫左個星州炒米，雖然係宵夜餐，但份量好多。而且制作唔馬虎，夠獲氣。

南山邨除左玩Parkour原来仲有美食😁今晚要同奶奶慶生，叔仔就提議来品香楼，聽個名我仲以為係上海菜嗰類添！book左6點半，我一條友6點来到成身汗，諗住入去坐低嘆住冷氣等啦，點知坐响收銀嗰位阿叔好cool咁問:人齊未，未齊唔該出去等😓唯有乖乖出去抹住汗等齊人，期間聽倒門口安排客人嗰位阿姐嘅對答，至知原来仲有限時90分鐘嘅规定，心諗估唔到街坊食店都咁巴閉，真係見識少了😏9大2小 準時入座，餐廳真係好好生意，7點就爆場，菜牌好多選擇😋 奶奶發辦點了8道菜:風沙雞 火焰牛柳椒盐九肚鱼炸大腸三色蛋菜心西蘭花炒带子炸猪手生炒骨各款餸嘅味道都唔錯，我覺得比好多酒楼為佳👍如果睇埋價錢就直情係超班添啦！我地仲叫左凍朱古力&菠蘿沙冰，埋单都唔洗$1200😁 不過餐廳環境就當然唔及酒楼坐得舒服，空间有d逼夾，楼面雖然好忙，但完全無黑面，好抵赞👍問阿姐有無bb櫈，佢好寬容兼好帮忙攞櫈比我地。因為我地買左個蛋糕🎂去，不单帮我地放雪柜，之後仲攞埋干净碟叉比我地添，無需切餅费，今時今日咁嘅服務態度去邊度揾呀？呵呵呵😁

今日去品香樓 冇嗌每日餐 嗌左常餐 因為好想食沙嗲公仔麵36蚊一個常餐 宜家呢個價錢算係咁啦 我今次就揀咗火腿奄列、沙嗲牛肉公仔麵，嘢飲就叫咗熱horlicks 杯嘢飲係熱辣辣咁拎上嚟 但係啲味比較淡 雖然我已經嘗試攪勻晒杯底下面嘅horlicks粉 但係發現其實佢落咗好少粉 所以杯底根本冇乜粉係未溶的我牛油餐包算係咁 冇乜特別 我鍾意佢個今年今年嘅蛋奶同牛油既比例夾得幾好 唔錯 沙嗲牛肉嘅塊數都幾多 數落都有10塊 沙嗲味好濃好入味 呢個沙嗲好香 唔太辣 容易入口

品香樓Environment: ★★★★☆Service: ★★★★☆Taste: ★★★★★ 位於石硤尾的品香樓受城大學生和街坊歡迎，晚飯時間常常坐滿人，筆記早前曾到品香樓吃晚飯，借今天這個機會和大家談談。品香樓的佈置是典型的中式餐館，賣的食品都是以大牌檔風味為主。今次我點的是黃金蝦和火焰蜜椒牛柳粒。1. 黃金蝦 ($103)黃金蝦是連整條蝦炸完，再沾上咸蛋黃醬。蝦的外殻炸得十分脆，我是連殻吃了，可吃到很香的咸香蛋醬。蝦肉方面，吃不到蝦的甜味，口感尚算有些少彈牙。另外，蝦肉比較濕，影響整個黃金蝦的味道，這一點要扣分。打個比喻，像大家平日吃薯條一樣，外層雖然脆，但內裹卻是濕的薯溶。份量方面有十多隻蝦，十分康慨。2. 火焰牛柳粒 ($113)牛柳算煮得算是冧，份量頗多，有十幾粒，味道方面和大家平日去大牌檔吃的頗似。其他配菜如紅椒黃椒等很多油，吃了幾件就算。總結一試無妨。品香樓的份量算是多，味道方面和一般大牌檔差不多，但勝在價錢合理，如果大家平日經過，一試無妨。

南山村係打卡聖地係人都知但係其實品香樓都係十分出名由於有朋友咁啱係附近返工我哋有一日就係佢收咗工之後就去咗品香樓嗰度食宵夜我哋雖然得兩個人但係都叫咗一個好馳名嘅牛肉同埋啫啫雞煲九點半後宵夜時段人唔多但係服務都十分之周到環境一流可以坐低嘆住冷氣食大排檔咁樣同朋友吹水

好奇妙同一個四年前義工活動識既朋友再相見，佢話品香樓有下午茶，所以試下。夜晚就食過幾次，下午茶真係無諗過佢。嘩！個魚柳同chips好好食！炸得好香，魚都好滑。而且chips係粗款個種，唔太軟剛剛好。米粉好香，入味，仲要超大碟，近六點前去食可以當晚餐添。兩個人仲有卡位坐，好寬落。可惜傳說中好好飲既凍朱，六點前係無Cream. 我就覺得一般，感覺好朱古力粉，可能凍朱不是我杯茶

夜媽媽9點幾係city開完會就慣例來品香樓食宵夜8個人來到，今日個姐姐態度怪怪的，好似係因為太忙了，宜家多左個宵夜時分，我地就叫左個海蜇，炒花甲，仲有個豬紅，其他都係正常的，點知宵夜時分的份量係超級細超級濃味，豬紅一d都無腥，韭菜多d就好啦黃金蝦炸的剛剛好，加上上面d蛋黃，味道適中，直接連皮時埋，脆脆的火焰牛柳粒係呢到的特色菜，上左之後就會開火，好得意，不過有d驚，怕d火燒出來，keep住燒，所以d牛柳粒係熱的，而且好嫩口，加上呢個汁係甜甜的雞煲望落去唔大，其實入面好足料，見見都係肉，好正！西蘭花爽口！同埋d帶子好大隻，好新鮮椒鹽鮮魷覺得比較鹹左小小，但係魷魚嫩口呢個翻好好食，一粒粒，而且好足料成晚淨係覺得個羹味道好淡，好似未落鹽咁不過可能係佢其他餸味道太重而導致的最後埋單$929，平均每人116，都算唔錯，不過呢到淨係收現金，整體來講，品香樓d野係便濃味，重口味的朋友仔就岩曬啦！

今晚無特別嘢想食，就一於揀方便就腳嘅品香。又到宵夜時段，唔想太飽瞓覺就唯有嗌一個粉麵類再加小食。我哋最後嗌咗干炒牛河同XO醬炒蘿蔔糕，兩樣都好夠鑊氣，配埋香辣辣油真係無得彈👍🏻

九龍塘必食差不多每天都落雨 但也帶來好處唔洗等位就食到啦 環境大又乾淨.南乳豬手豬手炸得乾脆 一點油膩感也沒有反而覺得自己食緊乳豬甘😆好正加點上佢嘅南乳醬 唔會過咸 岩岩好啊.風沙雞(半隻)半隻都已經好大隻 好幸福啊皮夠薄又脆 肉質十分嫩滑比起酒樓好得多 加碗白飯慢慢嘆.凍朱古力加cream可以話係指定動作 枱枱都會叫朱古力相對比其他店濃 賣樣夠靚

一講南山邨一定知呢間品香樓 番親學同練完波都一定會幫襯品香 而家畢咗業喇 黎南山邨既機會少咗 但咁岩黎開附近就去品香回味下啦去食下午茶 街坊價位 炒粉麵又大大碟 就黎一份黑椒牛柳絲炒烏冬 加凍朱古力啦!!!大家記得一定要嗌凍朱古力呀 事關凍朱古力係品香嘅招牌飲品 出名香、濃、滑 絕對唔係加水加到淡 或者多奶多到冇哂朱古力味既飲品 可惜只有晚市既凍朱古力先會加忌廉 加埋忌廉既凍朱古力又係另一個層次 係更加好味啊!!!!呢份就係我食既下午茶喇 黑椒牛柳絲炒烏冬 大份足料又夠鑊氣 而凍朱古力就梗係冇得頂啦順帶一提 每個坐位都有私家鐘 由於店面大 而家只要咁一下鐘 店員就會到 就唔怕俾店員睇漏眼漏咗/ 舉手舉勁耐都冇人理啦 六點後埋單都記得係要咁鐘叫店員 唔好自己衝出去呀

今日去九龍塘探朋友 朋友就提議夜晚去南山邨揾食 順便食埋南山雪糕🍦😋 我地去到果陣6.。好彩都仲未收👅👅👅因為見到好多人食品香樓 我地就被安排坐圓枱 今次我地就叫左幾個小炒試下😙沙拉骨 排骨炸得酥脆 新鮮炸起 熱辣辣陪埋沙拉醬無咁乾 炒通菜都好夠鑊氣 調味啱啱好 吾會過咸👍🏼👍🏼👍🏼 椒鹽魷魚🦑炸得啱啱好 炸皮逞金黃色 咬落魷魚好彈牙 但略嫌有d乾😳另外我地仲叫左杯好出名的凍朱古力 上面會有好多pat cream 味道只係普通凍朱 吾明點解咁出名🧐整體小炒鑊氣夠 但價錢較貴 可以一試推薦:⭐️⭐️⭐️