品香樓中西風味餐廳

營業中

休息中

今日係石硤尾打完波勁肚餓，就落咗去附近南山村嘅品香樓食晚餐。我哋叫咗沙拉骨，金菇肥牛煲，同佢配招牌凍朱古力。佢啲嘢食總括嚟講都算係average之上但又無話有邊樣特別出色，但勝在佢啲餸出得夠快又夠熱！其實杯朱古力只不過加咗好多cream上去，味道方面就正常不過，所以哩個價錢一杯都算幾貴下～但食哩啲餐廳都預咗係咁上下，最重要嘅係啱晒一大班人一齊食飯，可以坐埋一齊傾計，真係食乜嘢都咁好味！溫馨提示：真係好多人去，繁忙時間一定要排隊！

石硤尾冇乜野食，唯一ok而且多人去既都係得依間。提早左好多時間去，7點左右，入面仲有好少位。但帶位果個死都吾比我地入先，係都要我地等齊人先。入到去，我地幾個人安排左張超細枱比我地都算，仲要坐係走廊，痴住隔離張枱，又係甘比人撞。野食質素係ok既，岀菜都快。但係個甘吾舒服既環境下食，真係食乜都吾覺得好味。但食物種類都好多。🐔風沙雞 - $245/1隻偏咸，連啲調味都可以吾洗落。皮好脆同薄，雞肉都有啲粗糙。

呢間小菜館係大學生之間出晒名㗎啦，今日朋友生日，又特登入嚟石硤尾一試。當中最欣賞嘅係火焰牛柳粒，用火焰燒保持熱度之外，配有蜜糖甜甜地幾好食，除咗牛肉好林，薯仔都好入味， 10分惹味。但係，大家話公司嘅凍朱古力，除咗多忌廉之外，就真係冇乜特別啦。

開心share~食極不厭！黃金花枝，作為品香樓嘅代表菜之一。 一上菜就吸引眼球同味蕾，炸香嘅蒜粒咸蛋黃漿下，係嫩滑嘅花支片，食起嚟相當香口！但建議盡快食，因為凍左會大打折扣。同樣作為品香樓嘅招牌菜之一嘅賽螃蟹，係由蛋白同草菇粒，雜錦海鮮粒組成，用料雖平凡，但係廚師嘅功夫下，變成一道開胃又送到飯嘅菜！中式鐵板牛柳，上菜時醬汁係鐵板上咋咋聲，隔離枱都聞到香！主角牛柳份量足亦好嫩滑，洋蔥係鐵板嘅高溫下煎熟撈埋醬汁！好送到飯！

呢日去試左南山嘅品香樓，可能呢幾年岀左名，夜晚四個人都要等好一陣子位，講緊係我地已經十點幾去到。今次叫左三個小菜食，第一個係黃金魷魚，味道幾濃，有咸蛋黃味，不過應該係用炒嘅方法而唔係炸嘅方法，就無咁香口啦。第二個小菜係雜菜褒，因為我朋友唔食得豬肉，所以叫左走肉碎，不過就算係咁，個上湯都夠味，應該係用雞湯整嘅。都幾多唔同菜係入面，幾滿意。最後一個係黑椒牛柳粒，不過宵夜時段好似無平時晚市個款咁搶眼，無個火係個底到燒。總體黎講，都ok嘅。

A restaurant strongly recommended by my friends studying at CityU. Absolutely love the salty egg yolk prawns and deep fried pig intestine, super tasty and with rich flavour. Everything is hot as if they just took it off the stove. The glass noodles with vegetables pots is boiling hot as well I almost burnt my tongue. Price and service is okay.

一年前食過呢間都已經覺得好好食，好耐無食決定再黎食過。必叫：南乳炸豬手，脆口南乳味足夠，好味！白飯魚煎蛋，白飯魚很多，最後食唔哂。瑤柱絲枝竹浸娃娃菜，瑤柱羹汁令到枝竹很入味，娃娃菜很清甜。生炒臘味糯米飯，臘味很多，糯米飯很煙un，好大碟亦都食唔晒打包拎走。最後飲埋凍朱古力爽一爽，圓滿結束。一年後再吃果然沒有令我失望。

相信好多人都對品香樓呢個名幾熟 係大學時期成日組團黎食嘅鋪頭我最鐘意食中式野 所以每次多人嘅朋友聚會都會提議黎品香樓食 大家圍住食嘅感覺都幾開心架 佢地呢到既凍朱古力好出名 超邪惡架因為有成大舊cream係面 呢到嘅火焰牛柳粒比較出名 因為上台個陣真係有火架 不過我地就麻麻地 好似有啲難咬 反而炸子雞就係我地嘅all time favourite! 員工態度就不過不失啦！上菜好快手 一班人食嗌支啤酒 一齊啤啤佢傾住計食野都幾開心 同埋呢到淨係收現金 唔收信用卡架 想黎食嘅記住要帶夠cash

之前食過兩次都係跟大隊黎食，所以人地叫咩我就食咩。今次難得去開又一城睇戲，所以就順便兩個人黎食，終於可以自己發板！去到近八點，都仲有人在外面排隊。但原來搭檯唔洗等，所以就直接入左去啦。其實搭檯都有好處，可以望下人地食咩。本身想食牛柳粒，但見人地果碟睇落一般就冇叫到；相反，見到對面黎果碟南乳炸豬手好似好好食咁，就叫左豬手同想食既黃金蝦。豬手不負所望，沾埋南乳醬食十分特別又唔膩；黃金蝦夠大隻而且配埋炸蒜粒食好惹味，讚！所以食哂成碗飯，哈哈。至於飲品因爲已經試過朱古力，今次就試阿華田沙冰，一樣好飲～總括黎講成餐飯都好邪惡，但又好好味！

品香樓係南山邨入面一間幾好食嘅餐廳，一到lunch hour有好多人黎食嘢，尤其是係附近嘅學生。呢度有好多食物可以揀，粉麵飯都有唔少種類，另外由於係有鋪位，比起南山入面其他大排檔，個環境一定好好多，至少而家夏天有冷氣涼先

南山村品香樓到lunch hour 日日外面都一定有不少學生排排隊，受歡迎總有原因既... 不外乎「平/快/正」，sorry , 對於我呢d 窮L黎講，呢到既定價絕對唔係平。（around 40大元一個lunch）我就愛吃呢到既椒鹽豬扒菜飯，豬扒份量多，大概有6件；對於食肉獸黎講，係一個唔錯既選擇😋😋 雖然豬扒略多左少少油，但整得十分香口，蒜香味十足。加上菜飯既油跟水既比較做得岩岩好，飯唔會太乾，有少少濕潤融合埋油菜，唔洗要餸都「送」到飯啦😋😋

一提起南山村都會話去食品香樓，係屋村平價小菜，今晚同家人晚飯，好耐無去食品香樓，就提議再去朝聖一下由於閒日關係，7點就已經安排入座凍朱古力上面個ᑕᖇEᗩᗰ真係好滑七味椒鹽豆腐～外皮脆，裡面滑，好好味菠蘿咕嚕肉～啖啖肉，雖然肉質唔太肥，但味道都好味沙嗲牛肉炒芥蘭～沙嗲濃味，芥蘭爽口荔芋肥牛煲～蜜桃沙拉骨金銀蛋蒜子浸白菜仔南乳炸豬手～皮好脆，炸得好香火焰🔥蜜椒牛柳粒～好野味，上菜時還會點火，又係呃like之選下次一定要試風沙雞食飽離開只係8點15分，但門外已經多人等候，建議早少少去拎位。

巳光顧超過10的品香樓，今天再去食野時發覺味道大不前，而且服务員大度惡劣，我们叫：「涷朱古力。」，服務員聽錯成「沙冰」，最後來錯左都唔緊要，重點是當我們要求更換時，服務員說：「出左單啦，不能更換。】而且態度極其惡劣，比左錢食飯，但依餐背脊骨落，諗唔明點解換個杯野都咁艱難

石峽尾呢間品香樓出名嘅南乳炸豬手同風沙雞今次都試咗南乳炸豬手一上枱就聞到好香！食落外表十分脆炸，味道好香口惹味。但炸得來又一啲都唔會好油膩或好肥，反而係食到脆層下面豬手嘅膠質，正！風沙雞嘅外皮同面頭上嘅調味十分濃，略嫌有啲過咸，內裡雞肉肉質一般。呢到半隻雞嘅份量都唔細，岩四個人食。兩款菜都有附上各自嘅醬料，但其實本身嘅煮法調味已經好入味好夠，完全唔需要再點醬。最後黎一碟西蘭花花枝帶子，不錯。相比下味道清清地，同前兩碟濃味菜式一襯，可以調和返個味蕾。

之前大學year1 2成日玩莊 又近又開得夜又可以一大班人吹水既餐廳非品香樓莫屬今日同男朋友重回舊地 可能因為今日落雨同埋係平日既關係 都唔洗特別要等位就入到去我同我男朋友都好鐘意大排檔野食 又係選擇困難症既人 好多野都好想食 最尾揀左好耐先揀到食椒鹽九肚魚同蜜味牛柳粒 食大排檔點可以冇啤酒送嫁 就叫左一枝啤酒飲侍應禮貌就麻麻啦 野食等左勁耐都未有野飲後尾野食到啦 好香好好食 係大學回憶既味道順帶一提 每次去石硤尾都會feel到份好濃既人情味 食完品香樓 出面檔雞蛋仔夾餅檔都係一樣去石硤尾必食既食物之一 之後再去樓上個playground坐 就係大學既回憶了 真係點滴在心頭