品香樓中西風味餐廳

營業中

休息中

餐廳是朋友推介，朋友說這家餐廳的小菜很好食,因此我們一行10人去享用晚餐,但結果倒是令我失望,食物質素服務質素皆未達到我的期望。首先，環境非常之逼，坐得非常唔舒服。而且餐廳樓底矮，非常之應聲，耳朵好唔舒服。食物質素很一般，訂了個朋友推薦的手撕雞，質素同超市買的差不多。最令我疑惑的是服務員的質素, 落單時問佢小小意見, 佢都非常之不耐煩, 老實說我識字, 你唔想落可以擺低我自己寫。唔洗咁串。印象中食左手撕雞，沙拉骨，椒鹽九肚魚，中式牛柳等等，質素皆是一般，但價錢偏貴。份量也不多。總結而言，性貨比非常低，不會再去。

第一次來傳說中嘅城大飯堂啊，好似出名小菜嗰啲幾好食，但係由於飽嘅關係，淨係叫咗個牛柳粒就算。呢個火焰牛柳粒，成為$113大元，等左成15分鐘定20分鐘終於有得食。個火焰牛柳粒既派頭都震懾左我，侍應會點火🤓。之但係，味道又如何呢，ermmmm好一般，份量唔多之餘以配菜為主，真正食得既牛柳粒得十件以內，感覺上就唔係咁抵食啦，味道都唔係好突出，因為d size太細，口感冇咩🤔🤔Btw服務no good，澳牛仲好d🤔行去深水埗食大排檔仲抵食，唔值得特登黎食☹️👹-火焰牛柳粒 | $113-品香樓中西風味餐廳 Ban Heung Lau石硤尾南山村南山商場平台204-205及210-213號舖

食生日飯，朋友介紹品香樓，系食中式小菜，今次一行十幾人，所以決定一人點一個餸。好壯觀，同時好靚，味道名不虛，配得上生日飯，分暈條數每人百另蚊，食得扺！仲有火焰牛柳粒！真系有火，勁靚！！餐牌參考如下：椒鹽豆腐，外脆內軟，椒鹽岩岩好，水準系老字號。！芝士西蘭花，以為會唔夾，但味道一流 ！外脆內嫩，唔乾唔柴，好正！呢個要趁熱食！凍左會有少少韌，熱食個汁好味！仲要靚喎！蝦球炒滑蛋，蝦夠大粒爽口，蛋好嫩水月！朋友介紹！呢度岀名凍朱古力！大大杯味濃！

I have been a very frequent visitor of this restaurant, but today is really a bit disappointing upon several dishes.For all, 紅燒豆腐is the most disappointing one. The tofu is not even close to fresh, with hints of sourness indicates it is a bit gone bad. My impression of this dish from last time is very good I should say.The 風沙雞 is good, very juicy and smooth. However, the chopping is a bit messy, and a lot of small bone fractures can be found.Others are with normal performance. Hope next time it w

我隔咗好耐先再嚟南山邨依邊 咁耐冇食南山邨 就想食返品香樓 嚟到叫咗個午飯特價快餐-鹹魚雞粒炒飯 依個炒飯啲飯係硬同凍 好似係上一獲炒得太多 多咗出嚟就整埋一碟照拎上黎 成碟飯都唔熱唔出煙🤦🏻‍♀️🤦🏻‍♀️🤦🏻‍♀️啲飯真係好乾好硬 鹹魚集中係一度 好鹹 冇炒散但可取之處係真係有落好多蛋去炒個飯 碟飯好夠味 有啲蔥味配搭下成個飯食落就冇咁dry飯整體係油 有啲失望 個飯我食剩一半有多 但我朋友食咗今日特價價既招牌擔擔烏冬 佢話都ok好食 等我下次再嚟南山邨試下先🙈🙈🙈我嗌咗熱朱古力做餐飲 感覺係杯熱朱古力拯救咁成餐飯😌😌😌😌

今次係DAYOFF行山之日，行完好肚餓就諗起學生飯堂之一- 品香樓。熟悉又一城大學既朋友應該都熟悉依一間老字號- 「品香樓」就好似人生名言「依家唔做，等幾時?」一樣，我同兩位朋友都心諗:「依家唔食?等幾時?」，抱著想食就衝左去食既心態到達品香樓啦!//由於非常喜歡食香口食物既關係，係前菜，我地就已經叫左椒鹽魷魚啦當然，等佢一上台，熱騰騰既時候，就可以開始品嚐依個美味啦! 炸粉唔多，好香口，而且份量十足 (食物份量十足係依間餐廳好多食物值得一讚既優點) ! 而且好鍾意魷魚入面軟綿綿呀  ($70-80) //另外，因為想撈汁食飯，所以我地叫左「沙律醬牛仔骨」。識食既朋友一定知道，餐廳既肉類食物都係分價位架，通常都係雞平D﹑豬貴少少﹑牛再貴多DD。所以出去食飯都預左洗錢既情況下，好多時我地都係會食牛架今次都係份量十足既情況下，雖然骨都偏大，但勝在都多件，所以三個人食都OK既。($70-80)//另外要特別一提佢地既「南乳炸豬手」，都係好好好好味呀佢依隻豬手係炸過架，所以無傳統既一種痴粒粒既感覺。大大舊，而且好好咬口 ( 證明係新鮮既) ! 而且雖然炸過，但都好入南乳味，所以依一味都算係「品

今日同朋友去左九龍塘行街 行完後去左舊同事介紹過品香樓晚飯 又一城行去唔算好遠 大概15分鐘左右 去到見到都好多年青人黎食 多數都一班人 我地8點左右拎飛 兩個人都等左40分鐘左右先有位 安排左二人卡位比我地 天氣好熱～～我地等到出哂汗！即刻叫兩杯凍朱古力奶降下溫先😅我地叫左黃金蝦、火焰牛柳粒、南乳雞翼同明太子炒飯 好好味啊 我地兩個都清哂d野 冇浪費到😁朋友都讚 話冇介紹錯！係等位熱d啦 冬天黎食應該會好d ge 希望下次可以一班人黎食 再試多d野🤤

🍲 高質中菜系列 🤭▫️餐廳：品香樓中西風味餐廳Ban Heung Lau▫️地點：石硤尾南山村南山商場平台204-205及210-213號舖港鐵石硤尾站 B1 出口, 步行約5分鐘▫️營業時間：星期一至日 06:45 - 00:00▫️價錢：～$100+—美味：🍲🍲🍲🍲環境：🍲🍲🍲👀等候需時價錢：💰💰💰💰📍只可比現金—一大班人想食中菜但係唔想去茶樓？🤣🤭品香樓係好出名既中菜廳🤭好多小炒都好高質🤤🌟📍火焰蜜味牛仔骨$98🔥係必食🤣甜甜地既牛仔骨好易入口🤤仲有堆火係下面燒緊，熱辣辣之餘，味道一流📍菠蘿咕嚕肉$92同樣高質，菠蘿好新鮮之餘好甜🤤配埋香脆咕嚕肉好夾，食3、4舊都唔夠📍南乳炸豬手$98超級脆，而且冇豬味💕除咗舊骨全部都可以食晒🤤仲有個皮燒得好脆同香📍魚香茄子煲 $88茄子煲得夠軟🤣配埋肉碎好好送飯🔥仲要好夠熱📍蒜蓉炒勝瓜 $78蒜蓉煮得好香🥒而勝瓜唔會太軟🌟拼埋一齊食口感不錯📍椒鹽鮮魷$108鮮魷魚住得好脆口👀🔥唔會好多油而且乾身🌟加埋炸蒜味道不錯—#好西 #品香樓 #石硤尾#南山邨 #雞軟骨 #火焰牛排 #夏天美食 #HongKong #HK #foodie #goodwest #f

今天和一個很久沒有見面的朋友吃飯，由於他在又一城上班，等他下班後，我們一起走大概10分鐘左的路程，到了石硤尾有年輕人飯堂之稱的品香樓吃飯！由於我們只有兩個人，每人點了一碟餸朋友點了這個沙拉排骨，其實他並沒有在餐牌上看到，只是在網上看到有人推薦這一餸菜，他很想試！看到沙拉骨後，便覺得物超所值，因為很大碟呀，然後排骨亦很香口，只是有一兩塊比較難咬！而我便點了最普通的魚香茄子煲，亦沒有失望，很熱，很香！最後每人都點了一碗白飯，吃得很飽很滿足！

潛完水，大家都超級肚餓既時候一定要醫飽個肚先返屋企啦，由於大家住既地方太散，所以我地要搵個中間位，就揀左石硤尾既品香樓，品香樓附近係city u 好多學生都黎e 間食飯，就算已經去到10點幾，都係好多人，我地黎到都排左陣隊一坐低，哥哥就會拎d花生小食比我地食住等，花生脆身，雲耳就normal la凍朱古力一定必點，但今次有d 失望，朱古力味唔夠濃朋友叫左鴛鴦可樂，我未試過試左一啖，佢用咸檸加鮮檸去搭可樂，又幾好飲宵夜黎食d 價錢好親民，水魷，熱辣辣天氣食凍冰冰既野就最好不過，辣醬撈得好味，正蜜餞牛柳粒，份量唔算多，但蜜糖味濃，牛柳粒夠林身同有牛香味一定要叫南乳豬手，南乳味好出，好香，豬手皮香脆，鐘意南乳朋友冇得唔叫明太子炒飯，so far so good，但可以有其他選擇XO 蘿白糕，好香好夠味，XO落得唔吝嗇，蘿白糕煎得夠香，唔濕身黃金豆腐，樣就真係麻麻地，食落都一般般，唔夠外脆內軟蠔仔粥，蠔仔份量都多，但味道就差左小小，唔夠梅菜香味同咸味，水汪汪但4個人叫咁多野食都係平均13X 幾蚊鬆d,宵夜黎講算滿足

👉🏻滑蛋叉燒飯又到咗怒🖕🏻時間🌚好耐冇劣評但呢個飯真係唔🖕🏻都對唔住自己🌚發生咩事我叫滑蛋你比pat芡漿我係jm9🌚知唔知咩叫滑蛋🌚唔係流質就係滑好冇🌚係咪當我智障定係當我前世未食過滑蛋🌚想𧹏錢都唔係咁架🌚好想知你上碟咁嘅嘢對唔對得住自己🌚食咗啖個刻覺得自己衰過隻狗 因為呢碟嘢真心狗也不🖕🏻🌚〰️〰️〰️〰️〰️〰️〰️〰️〰️品香樓中西風味餐廳 (石硤尾)📍石硤尾南山村南豐樓平台商場 204-205平台及210-213號平台

呢間野喺屋村入邊，似做街坊生意多，但係其實都有啲人會特登入嚟食，好似我哋咁呢日夜晚黎食嘅時候都幾多人，好多都係成家人我哋得兩丁友所以試到嘅嘢唔多淨係叫咗兩味餸再加個白飯但係已經可以好飽呢個係魚香茄子煲，味道其實唔錯，但係問題在於太多油，本身茄子吸油，而我哋見到個煲底都好多油，所以感覺唔係幾好呢個就係傳說中佢哋都幾出名嘅黃金蝦份量都OK嘅,味道都唔錯,但係食食吓就覺得有啲滯，始終佢係用鹹蛋黃整，都幾heavy如果多人食嘅話其實呢度都幾唔錯，適合一大班人，點多幾個唔同嘅小菜一齊分嚟食，飲下啤酒傾吓計

朋友約飯，今次近近地嚟品香樓嚟左甘多次都係未試勻menu既菜今次點左招牌菜炸豬手，味道唔錯~啫啫通菜煲夠鍋氣粟米羹清淡之選，脆豆腐唔會太重口味，菠蘿咕嚕肉夠開胃唯獨係今次杯朱古力唔夠從前好飲，希望下次嚟會好飲返

今日同朋友聚會，去咗南山村食品香樓。我哋叫咗佢出名嘅風沙雞，其實係炸蒜雞，味道中上。另外叫咗個椒鹽鮮魷，炸得唔香脆，上枱嘅時候已經琳琳地，令人失望。另外個粉絲什菜煲同埋咕嚕魚柳都係中規中矩。整體價錢偏貴，不過唯一讚嘅係杯凍朱古力真係幾好飲，味道香濃。

很油、很膩！只要有油就可以做到的餸，點解要受住氣食！！這是一間不思進取的食肆，完全食老本！中伏、中計！這是家人的生日飯，如果唔係破壞氣氛，一定同佢反枱！碟雞好似俾人抄過食過咁上枱，完全不知所謂！自己帶紅酒🍷去開，事前又唔講要收開瓶費，結果埋單就喺張單見晒，原來佢暗中同你數晒，但係開既時候又唔講，到埋單才講，啲侍應好似有得份咁完全是老闆賺晒，員工應該是無辜🥺，是一群可憐的！這是我第一次寫食評，啱啱食完，真係想嘔！！