品坊 (已結業)

尋晚我們一行15人浩浩蕩蕩直踩上諾富特,見到每枱都已經放滿一碟碟的蟹腳,當時心感不妙,怕不會再添加.原來我地諗多左啦,所有食物都係源源不絕咁refill,包括我地至冀待既松葉蟹腳,我地每個都起碼食左8,9隻~!源源不絕的鵝肝大蝦,大大隻的蟹腳已令我覺得值回票價~魚生方面,有肥美的鮮三文魚, 鮮味十足的鯖魚,壽司款式頗多:蛋,熟蝦,鮑片,螺片,加洲卷,太卷.沙律方面,比較另類,沒有大路既鮮雜果沙律,沙律菜不夠新鮮,只有栗米最好食~熱葷方面,選擇少,種類重疊,例如:印度雞+有機香草雞,咕嚕排骨+鮮茄豬肉丸.沒有牛肉類的食品,對於想食牛排既人有點失望~香草焗鱸魚,好”鞋”,吾好食~餐湯方面,忌廉湯比蟹皇羹優勝一籌,配埋麵包,正~!甜品方面,法式焦糖燉蛋每杯分量太少,只可”一啖過”.蛋糕選擇可以接受,味道不太甜,推介:五穀杏仁蛋糕~萬眾期待,Haagen Dazs雪榚, 共有4種味道:雲尼拿,朱古力,士多啤梨&曲奇.獨立包裝比一般自助雪榚bar好好多~服務員態度良好,換碟及fill水速度超快,乾淨~我地一定會再幫襯!!

舊同學聚會諗住係九龍區食buffet兼試新野, 上openrice一search就被我發現左個新大陸 ~ The Square, 用coupon只須$188/位加一, 滿3位又有紅酒送添, 好啱洗,哈哈! 睇埋youtube個video, 直頭扑哂槌啦!!! 嘩~上網book位仲可獲贈精美禮品乙份, 即刻take action…嚟到見間餐廳几大同舒適, 但d嘢食款式就少左d。 Buffet 6:30pm開始, d人已一窩蜂咁掃貨, 不消一分鍾就掃清哂d長腳蟹, 我地掛住傾密計既, 諗住第二round先攞啦, 點知得個吉!!! 唯有轉戰排隊攞鵝肝及珍寶蝦, 雖然煎得比較油, 但味道不錯, 可以翻叮…魚生: 三文魚刺身中規中柜, 其他刺身賣相麻麻無食, 友人話其中一款刺身有腥味tim…壽司就口感一般d。 熟食: d焗螺仔肉味道ok。羊腩牛腩就咸左d勒。其他小菜都算合格啦。 沙律、煙三文魚及西式火腿味道都係普通。 甜品: cheese cake、其他味cake及鬆餅都算唔錯。 雪糕: 有4款味道既Haggen-Dazs雪糕, 算係全場最正既嘢食。服務: 雖然多人但d waiter都成日走嚟

168蚊一送一呢個價錢吸引左我同朋友2個去試下我地好早11點50分到左..餐廳職員都好好安排位置先,到12點就同客人講可以開始拎野食,可能價錢抵既關係,坐滿晒人,一到12點,好多人衝晒出去拎野食,三文魚同壽司食半分鐘內清空,場面嚇親人我地拎左蝦同熱盤食住先,蝦-------唔鮮味,普通啦雞亦------好好味...外面脆..入面仲好嫰...必食...印度烤餅--------有印度師父即整.....好味.....牛柳-------硬到冇可能食到....意粉------友人覺得多油左少少,但我覺得接受到仲幾好味嫁食完第一碟...想出去睇下會唔會拎到少少三文魚...但發覺係冇可能...無論廚師出幾多碟三文魚...都會係半分鐘內清空..最嚇人既係..雞亦同印度烤餅都清空....唯有食下三文魚壽司算....三文魚壽司-----可以冷面-------唔知似咩食到1點幾...餐廳職員推個茶啡檔出來...又係好多人衝晒出去...等左一陣先出去冇咁多人....最後食少少甜品...總括黎講甜品都可以既..p.s職員人數方面比較少,成日收唔晒碟,又fill唔切野食。每位93蚊呢個價錢黎講..食物味道係可以既

最近知道 The SQUARE 主題做緊 <任食鵝肝珍寶蝦>, 用埋 coupon 就只係 HK$188@, 真係好抵食!尋晚有機會同亨利一嘗... 我地六點半前已經到場, 地方以 open kitchen 形式, 餐廳像大L型, 都算大喔!果然鵝肝同珍寶蝦係不斷煎, 整個餐廳都充滿著鵝肝&蝦味... 雖然每次都要排住隊攞, 但都好值得!除左兩個主角外, 仲有烤春雞, 印度薄餅, 長腳蟹, 凍蝦, 青口, 焗鱸魚, 烤羊脾, 沙律, 壽司, 甜品, Haagen-Dazs, 同水果沙冰等... 不過味道都係一般!

食物款式很少，地方不夠大，供應量不夠多，食物補充不夠密。長腳蟹一開始便給掃光，有食客驚訝地說「洗唔洗呀?!」，之後多次仍是一出便清光，要捕著才取到。坐在遠處看，每次長腳蟹一出便有一埋人洶湧而上，掃清光後人影四散。長腳蟹味道不是特別好，但也不會很鹹。另外，每人每次限取一件鐵板燒鵝肝及大蝦，鵝肝味道不錯，但間中煎得未夠熟，而且頗多油。同行友人說大蝦不夠新鮮而且有蝦屎。有一道似是薰魚的吃下去的味道很像藥水膠布......。其他熟食都很平庸，印度烤餅不錯；壽司平平無奇；有巴馬火腿，而且一直有供應，不過味道不及之前在其他地方吃的好，但也相當不俗了。甜品方面，沒有特別好吃的，只有Haggen-Dazs雪糕最吸引......3人以上送紅酒一支，另外每人包一杯餐飲，咖啡奶茶檸茶檸水，但只限熱飲。

經理Franky及服務員Teddy, 態度惡劣, 煎鵝肝及大蝦廚師, 煎煮過程一於大堆頭製作, 浪費食物, 食物種類太少, 長腳蟹有人在廚房門口搶劫, 服務員全場加埋唔夠10個, 碟唔夠, 餐飲等30分鐘都無嚟, 埋單更離譜, 攞住張單同客人信用卡周圍問其他客人"係咪你?", 呢間酒店實在太離譜, 如果有人立心不良, 攞咗張信用卡就慘慘慘, 噚晚食完呢個buffet好似無食過野咁, 因為只全晚只係等, 等碟, 等蟹腳, 等等等等, 大家真係考慮清楚先去食.

難得考完試...date一班姊妹們去high一high tea..原來想去marco polo.但見星期五既high tea廖廖可數.就諗住試下環境係寧靜乾淨,傾計唔錯,但係食物質素參差.比期望既差.1 ) 凍吃甜品唔夠凍,而且我去個日天氣十分熱.甜品款式不多,lemon cheese cake味道怪 唯一略為可取係chocolate mousse cake 　2) 熟食有大約四樣.比凍食好croissant蠻脆.chocolate鬆餅都軟熟.可惜熟食又唔夠微熱 凍哂 3）飲品只供應熱飲,很一般.毫無特色.其中四人叫左熱檸茶,唔夠熱.只可能話微微暖4) 每樣甜品供應量好少,我地一行七人去吃,每人一件同款甜品.都清理左佢放置出黎既份量 大半refill得慢.總括黎講...有心想食正既dressert buffet ,就唔好黎呢間啦.不過想有個靜靜地既位係平日有得吃下tea.就閣下決定lu~~

整晚都無一樣食物係令我同朋友回味無窮，或者讚口不絶的。而且餐廳WAITER的數目不夠, 收碟速度又慢，上菜速度又慢（等了好耐才攞到長腳蟹）煎鵝肝: 比較多油, 但配埋佢果隻青柠黑醋汁,夾﹝一共食左四件, 漏晒~﹞母親大人嫌佢太肥膩素食薄餅: 蝦籽煮豆腐: 好入味, 豆腐又夠軟滑﹝本人係個豆腐迷, 超鍾意, 食左兩round﹞鵝肝炒飯, 意想不到既好食, 飯身炒得夠乾身, 唔會油淋淋一舊舊, 好飯!天婦羅, 不吃也罷!! 軟殼蟹同蝦都唔新鮮...

因為好耐冇見既姨媽由加拿大返左黎,所以就搵左個地方傾計,!!!!個日我同表妹&姨媽去左九龍諾富特酒店1樓同層既CAFE HEA TEA,!!!!!!!!我地BOOK左位,,12點到,,其實大把位,,因為依度通常都係得D外國人黎HEA TEA,,好少本地人黎,,所以好靜,,岩哂我地D女人黎傾下計,,談下心,!!! 我地原本被安排坐四人位嫁,,但係覺得傾計會冇咁親密..所以就要求調左去L形既梳化坐, 個WAITRESS 都冇比面色我地睇,!!L梳化位好舒服!!又有咕o臣可以攬下,,又可以睇下街景咁,!!!!!個環境好乾淨,,以黑白色為主,,個格調又舒服,,D角位可以自成一角!!!!!我地先去SALAD BAR到夾沙律食,!!!!!有4-5款沙律菜,, 配料都有10幾款,,D沙律醬都有3-4種,!!!!!D生果好好食,特別係D菠蘿,,除左有罐頭個隻之外,,仲有新鮮菠蘿,,好甜,,又冇加糖水!!!!姨媽最種意食個度D碎蛋,!!!!!表妹同我最種意個度既蕃茄仔,!!!!!仲有個度既乾煙肉碎粒好好味,,鹹鹹地,, 仲有好好味既千島醬,!!!!!我地食左兩ROUNDS 之後又坐下,,傾下計咁,!!!

之前食過百樂酒店的BUFFET有D失望,原本都無咩寄望架LA.點知反而有意想不到的驚喜...海鮮方面:有長腳蟹,螺,龍蝦仔.凍蝦.青口等等.長腳蟹味道超正,唯一唔好就係供應得慢,每次都要等成半個鐘先出,希望可以改善下.螺味道一般龍蝦仔唔得,無味道...另一樣要讚嘅係鐵板燒,牛肉,龍蝦,帶子等等味道幾好熱盤款式都係比較少,但味道係OK嘅最後甜品方面,特別要讚一下佢嘅CHEESE CAKE,好滑,甜度適中,非常正.

魚生新鮮不足, 但可一吃.salad 新鮮及選擇平平.curry 好吃.dessert cake 種類不弘及品質平平.食物種類不多,但以買一送一價錢,可以一試.

提早慶祝母親節,上個月1號食完,今個月6號又去食,食物質素差左好多ar.服務係好左好多,但係鹹度亦同時增加,熱食,根本無野好食,可能係上個月又食,今個月又食,所以無特別,但今次,差左好多.長腳蟹等左好耐都無加,牛柳太熟,梳乎厘,未埋到位已經下陷,燒牛架,血淋淋,翡翠螺,食左兩隻,第三隻會想嘔,甜品無特別.~~~~

第一次去呢間食buffet...比騙了...見到咁多好評以為都唔會差得去邊...但估唔到第一次出去拎野食已經down左=,=""..無野好食!!甜品都好差..好少款..仲要唔好食...d cheese cake呃人的...冇咩味..仲要有cake係入面..最唔鍾意就係咁!!!食來食去就係果d ...冇新野出=,=都係d好common的cake~..disappointed totally!!d soup...見到都o晒.....似水多d...中西式的soup都係咁...不是吧?!!...呢樣真係真係勁surprise!!...熱食..冇咩特別..得幾款..又唔吸引!!....d名同d食物有出入!!..名不副實!!!salad 算係多少少!!不過我唔想去到食素=____________="SUSHI...鰻魚都冇..好失望!!d 海鮮都好一般~~總之...變左一餐受苦的buffet!!!完全唔合格差過好多比佢平的hotel用左coupon about $100不過佢d野食,$50 max!!不過d service係okay既..d dishes收得快,有人加水覺得cold都可以調位~但d

最近睇雜誌見到九龍諾富特酒店自助午餐買一送一，忽然想去食一餐。諾富特酒店前身是大華洒店，我們一家人經常去食Buffet，好似生日，週年紀念，由老到小都在此慶祝，所以對這間洒店有情意結。轉了九龍諾富特酒店之後，我們一大班同事都有去棒場，但是食物水準麻麻地，款式又少，等足一晚才等到疏乎厘，所以決定不再去。今次因為平又去一次，去到好似參加耆英團，非常多退休人仕去食，有D組團去食。可能去得太遲，12:45才到達，食物無嘜款式，需然有Refill 食物，但連金沙骨都無得食，醋豬腳不夠淋，食物太咸，不健康，甜品算多，但太多mossy 類，蛋榚少d，所以整到好核突(溶曬)，建議整D格仔餅，Pancake 仲好，成本又少，又新鮮。今次比60分，希望再有改善。

長腳蟹(每人至少食左四五隻腳),翡翠螺(數隻),龍蝦(兩件)、牛柳(自己食左四件)、帶子(呢個最唔好食,無味,食左兩隻)、鮮蝦(唔記得有無食),壽司(咁飽既野點會食)、刺身(一人至少食左一大碟)、沙律+埋生果(一大碟波蘿正),意式煮蜆(一碟)、香茜蒜蓉燒三文頭(無食)、豬骨濃湯豆腐煮白蜆、香辣栗子炆鴨胸(無粟子)、芝士菠菜焗脷柳等(好食,兩件)、松露菌梳乎厘(四人食左五杯BB食左一杯),Häagen-Daz任食自己食左兩杯,燒西冷(自己兩件)、印度咖喱及烤餅(薄趣好好食)....五位大人,$1110.埋單.四位仲送埋紅酒一支...