品坊 (已結業)

OPEN KITCHEN, 加上餐廳寬敞的設計, 還有美味的甜品......我們一班朋友都是喜歡到處飲食之人, 我們大多在銅鑼灣,尖沙咀出沒, 今次之所以來到佐敦, 都是因為壽星仔工作於附近, 我們一行有十人, 地方比想像中寬敞, OPEN KITCHEN 無想過在這區都可以找到......這裡的價格相比於尖沙咀平一半有多, 沒有時段限制, 可以由六點半食到九點半, 壽星仔喜歡食海鮮, 我就喜歡這裡的甜品喇.......有不少熱食和凍海鮮, 也有刺身,壽司, 但本人都是情繫於美味的甜品......哈哈.......還有不同口味的Haagen Dazs雪糕, 仲要絛獨立杯娤, 符合衛生標準, 必食之選!大約在八時十分左右, 還有現場即煮甜品, 我唔係好記得個名?但味道不俗, 要排隊等的, 值得一試呀....

鮑魚大蝦天婦羅------大蝦只有食指咁大,但好鮮味,,好難先有的鮑魚好....淡,冇味凍蟹腳、聖子、日式蟹柳,只有1個字-----咸!!青口、海螺(出咗兩次轉咗蜆)、凍蝦(唔新鮮的)三文魚、醋青魚、立魚刺身等(係只有3款)超厚切)生滾海鮮粥、日式蟹餅、焗三文魚等係冇嘅而熱葷方面則有豆醬燜鴨、燒鷄胸、日式蟹餅、燴豬膝、青蚝扁意粉、燴鴨等都冇鐵板燒牛排(要用剪刀剪先食到)印式天多羊(ok唔酥)印式咖喱(好辣)甜品包括:第1杯冇名,食完都唔知係咩、芒果寒天寬麵(可以話係超難食)、法式燉蛋(好好味)、英式奶凍、朱古力奶凍、紐約芝餅、意大利芝士餅(唔可以話係餅,只可以話係mousse)、香蕉朱古力批、綠茶牛油蛋糕(冇茶味,好散)、紅桑子蛋糕、橙忌廉君度麵包布甸、士多啤梨脆脆(一丁點都唔脆)、Haagen Dazs 雪糕服務:上網book 咗位,但之後加到超過16個人,打電話同佢地加人,咁就變咗book兩次,打兩次叫我要3日前落訂,落咗訂都打兩次來re-confirm變成冇咗上網訂位送的曲奇,16個人都只係送1支紅酒16個人長枱餐茶要我地自己遞過去先來幾杯檸茶,15分鐘後先來其他,重要唔齊

好差, 海鮮也勁差, 蟹腳不加, 蝦是不新鮮的, 蟶子是苦的, 最貴的這三個海鮮令人極之失望. 鮑魚天婦羅找不到, 只有蔬菜天婦羅. 二百二十元吃不回一百元本. 熱菜也全部是低價貨, 連白飯都有. 太差, 千祈不要去吃, 勁蝕本.

已經食真係好正,諗住朋友生日同佢食餐好la..點知..真係有d 唔好意思,之前標榜長腳蟹,諗住無生蠔都有長腳蟹,有樣好野ar.點知,有ar.不過排隊等人拎出黎,排第四已經拎唔到.再食到個陣已經九點幾..飽左先食.長腳蟹係唯一貴價野.都咁少.講真,我唔會再去.坐得好迫,真係好多人.但唔係真係好平.四人,三個人比錢,每位都要差不多三百值得食既貴價食物.魚生,得三款.無睇頭既.藍芝士.得一件..食完無再加.唯一有加既係巴馬火腿.真係好食.仲有唯一好...埋單可以繼續坐傾計.

其實一班同事提議食BUFFET,有同事話黎過呢間,埋單220左右咋,咁平,我地又打算出來聚餐為主,咁就試下啦!BOOK左位先見到3月25日既COMMENT,通哂水比同事們都唔好太大期望囉!點之.....一去到,環境,燈光都恰當!好靚,雖然唔似1星級BUFFET咁GRAND,但絕對係對辦!心諗....198一位都OK啦!一來吃個沙律,哇!個酸瓜SALAD撈既味剛好!超開胃!讚! 之後自己配搭整個凱撒沙律,好味!!然後來個羅宋湯,又一讚,夠濃,好夠味 (過多個半鐘後想黎多轉已飲到見底,你話正唔正喇!)跟住海鮮都幾多,長腳蟹並唔係好似之前版友咁講,最後係多到無人再囉喇!我都吃左2隻,我對蟹興趣唔太大,但覺得比較起旋轉餐廳,好味好多,有肉,鮮味,唔會水汪汪咁...我地7個人頭尾都拎左20幾30隻,係成日加囉!不過為免食唔到其他,每人平均吃3隻左右...仲有凍蝦,青口,蟶子,蜆,焗螺,凍螺,鮑魚天婦羅等海鮮菜色,同事食左幾味海鮮已經打算搵日再翻叮了!講到天婦羅,新鮮即製,唔太厚粉,蝦好鮮美,排隊囉都仲有剩,絕對唔係將貨就價,到最後9點後都仲有蝦剩無人囉了!鮑魚天婦羅好有咬口,正!魚生又係好得!肉

從來未食過咁差的自助餐.....食物款式少....又唔好食!!!主題係咩海鮮餐......來來去去只有青口同螺...仲要係超難食...唔新鮮呀長腳蟹一出就比人拎晒.....refill次數不多~~~我只食得1隻腳仔而已聖子都只係入場時見過一次, 6:30開始, 我地7點到已經冇晒????雖然係做緊7折.....一d 都唔值呢個價....唯一覺得幾好的~就是三文魚刺身!!!幾好味.....可惜很早已冇晒~~~有人請食都唔會再黎呢!!!

今天同個朋友興祝生日...咁就上網睇下邊間自助餐抵食啦.上來睇下.現在做緊買一送一的午自助...咁就book2位初初以為咁平,無咩好野食...一來到,環境唔錯,d枱都唔細,位坐得幾舒服的咁d食物...方面...分量少但款轉得快魚生方面得三文魚同crab肉, 三文魚好肥同好新鮮,件件都好厚下,係間咁平的自助餐中找到比較高質料的三文魚是不錯crab肉就一般啦, 都算新鮮!!沙津方面:食左有中華沙津, 酸雞肉沙津都一般啦熱食方面就有牛扖好有牛味...腸仔唔知咩腸,不過好好食還有菜芯, 白菜仔, 煎魚, 蒸魚,墨西哥烤餅, (樣樣都好好食),豆腐超滑有冷面不過就唔太好食甜點方面:有jerry(比出面任何酒店都好食)有紅豆慕絲杯(好多紅豆..唔錯)朱古力慕絲杯(一般)檸檬批(超好食,唔太甜,唔太酸,唔肥膩的感覺)coffee蛋糕(好一般無咩coffee味)朱古力蛋糕(超好食,好重朱古力味)燉蛋布丁(好滑)雪糕就得2款味而且得牛奶公司有好多野都食不下,例如炒蜆,青口,芝士蛋糕....................等不過就飲的野就唔多.奶茶,coffee,檸茶,檸水

預早book定位....lunch做緊買一送一優惠, 肯定好多人的!!今天full哂, 所以好好彩預早book左位!!有別於一般的自助餐, 那裡有鐵板燒, 牛扒即燒, 白香腸即燒, 很美味!!冷盤有蝦、青口、蜆。刺身有三文魚, 不過大排長龍, 都是值得的, 因為很新鮮和肥美!!另外, 熱食有炒飯, 有意粉, 有炒菜, 有意大利肉丸, 有印度薄餅....都是大路食品。最驚喜的是有豬潤水, 不過略咸。而甜品有我至愛的桂花糕, 還有咖啡味芝士蛋糕; 牛奶公司雪糕, 有紅豆味、雲呢娜味、朱古力味。

聖誕餐當然要去酒店食自助晚餐啦!!^.^ . 13號打去訂位, 要等到20號先有位…真係好多人食呀…不過我地一樣會去食既!好啦…終於比我地等到啦…我地6點半一去到已經好多人食緊啦, 我地當然唔執輸, 一人一隻碟, 殺呀!聖誕前既自助晚餐無咩特別唔同~係多左D裝飾囉…一人殺左一碟返哩…朋友仔囉左一大碟三文魚…4人份量差不多啦…三文魚剌身OK, 都叫新鮮~唔錯!殺完第一碟, 打算再出擊時…驚見四圍都無碟…好西利咁比我地3個搵到一隻碟…不幸地有個媽媽帶住個小朋友搵碟…我地話佢知…我地都要3個用一隻碟…因為佢無晒碟啦!! 食自助餐竟然無碟…真係一個笑話。總括哩講, 呢酊既野食種類唔多, 不過都叫OK, 可能係太多自由行...環境一定唔及東涌既, 唯一做得好既就係只係甜品有Haagen Dazs呢個POINT!!如果要我比呢個價錢既話….我諗我同班朋友下次都唔會食呢個自助餐啦!

之前係網上d人介紹話哩間餐廳好食,價錢平又有鵝肝又有羊架同燒牛肉等..但琴日去到全部都無,都唔緊要,d野食一d特色都無,仲要唔好食,款式又小,熟食得個十款八款,仲要唔夠熱,蒸帶子細到好似蜆仔咁,炸魷魚圈都唔見有魷魚係到,所謂鐵板燒牛排薄到好似牛肉片咁,喇沙湯粉好淡得小小椰子味,三文魚刺生又唔夠新鮮,凍蝦d肉又霉,最嬲就係每次出到去都無哂長腳蟹,蟹腳都末見過甜品好多款式,但無特別,最好食都係得個haagen dazs雪糕,真係從來都末試過食buffet會咁少選擇,仲要比二百幾蚊食d咁既食物,真係唔會有下次

It was for Xmas.. and compared to the other major hotels, the price was quite reasonable for the dinner.However, the food was such a disappointment!!! The only thing that was commandable was the lamb cutlets..I couldn't find anything else that was commandable..The shrimps doesn't look freshThere was the much awed-about duck liver that day - much to my disappointment!!!!The parma ham came out briefly - gone in an instant and was never replacedThe salmon sashimi was ok - but the guy serving it loo

訂頭場，就話得門口加果兩個位JAR WOR，第二場啦，貴六十蚊一位啫。OK。結果一样坐門口！做到出口術 . . . 原來心知唔会有回頭客(見下文) ，所以呃得一蚊得一蚊 . . . I SEE ~ ~平安夜及聖誕日自助晚餐推介美食包括聖誕火雞 - 好似係掛？爛肉一PAT花雕雞 - 睇個樣鞋過鬼，瘦猛猛，攞唔落手蒜香蒸元貝 - 肉身直徑細過1CM！似食剩果條根多D，攞唔落手日式海鮮串 - 冇見過香蕉葉焗鮫魚 - 魚一舊，冇味焗鱸魚 - 魚一舊，冇味燒美式豬柳 - 已經係一片片，一啖咬落去牙都痛，先至攞刀切吓佢，刀都切唔入扒牛排 - 十成熟，自已諗啦焗海鮮 - 一般薯蓉焗魚粒仔之類，寒酸又冇味香草田螺 - 冇見過炒青口 - 後尾見倒，已經DOWN到唔想擁燴牛仔 - 係咪質係牛排？得一种牛之嘛芝士牛肉他打 - 冇見過炸辣軟殼蟹 - 冇見過特別推介即製印度薄餅、咖喱 -正常，咖喱汁OK，但裹面啲雞勁鞋，都只可以用咖喱汁点薄餅同炒飯填肚天多利羊肉等印式 - 干燒、冇味，啲羊鞋夾硬凍海鮮包括花蟹蟹 - 身直徑細過2吋嘅蟹仔，攞唔落手海蝦 - 茶餐廳楊州炒飯果啲，1.5CM長，半透明，冇味龍蝦仔-

今年很多buffet已加價了, 因為這間有鵝肝及長腳蟹, 再加上價錢超值, 試試無妨~六點半左右到達, waiter係訂位表上找不到, 真奇怪呀!前一天, 他們有打電話比我reconfirm.....雖然找不到有訂位, 但都比我地入場(第一感覺不太好).....安排左一個較遠既座位比我地.....Buffet時間開始, 可能時間尚早, 場內唔算多人, 拎野食都唔洗點排隊~長蟹腳 - 看似好肥美, 可惜肉質較差, 很乾, 有點失望呢.....鵝肝 - 不錯, 是全場最有水準的食物羊架 - 不錯, 如果生少少仲正~三文魚刺身 - 新鮮, 正!! 如果可以切厚身d就更好lu~簿牛肉 - 還可以, 没有牛味...甜品 - 還可以, 雖然有haagen dazs雪糕, 但杯裝的味道較普通, 如果係桶裝既Tiramisu同冧酒提子就更good la!!當全場滿座既時候, 我地已經食飽, 真係好彩!!總括來講, 以$188既價錢, 有這樣既食物質素都算OK (雖然食物種類不算多)~ 不過當日有一大班人gathering, 所以環境比較嘈.....

係真嫁, 每個月打去都full.......直至11月, 位小姐答到我29號有位, 嘩......嗰種超漫長的等待心情, 絕非筆墨可形容。早一晚做定資料捜集, 睇定有什麽推介。嗰晚6:30前已到達(超興奮呢~)「随便出去囉嘢食啦！」哦！咁我唔客氣啦......第一時間去攞鵝肝,跟住就攞附近的熱盤, 例如羊架、香茅豬扒等鵝肝超肥美但不油膩, 每次都俾兩塊, 我估我都共吃了至少十塊羊架不蘇, 嫩滑且有肉味雞扒較硬香茅豬扒的香茅味很出, 但豬扒實在太乾牛肉粒沒有「拿」過, 純到不得了, 有咬感蒸烏頭無泥味菜肉餃, 真材實料, 不是那些連餡也看不清的一般貨式炸薯角, d薯仔好甜很少buffet會有醋鯖, 不錯......但不夠肥我第一次食立魚是沒有腥味, 是有魚肉甜味的三文魚太薄切了, 口感不夠凍蝦是海蝦, 因為d殼是脆的硬的凍青口ok啦嗰杯鮮三文魚咯嗲, 即係沙律醬撈三文魚粒再加d葱粒, 好味chicken tikka做得夠正宗, 夠香可是太乾身及味道偏淡, 可能是要顧及港人口味, 如果用多些yogurt調味較好。上湯龍蝦仔走烏冬, ok啦！三件已經等於一隻龍蝦仔, 不過由於厨師已預早灼過,

其實預料會只是一般, 200蚊唔洗, 你想吃什麼, 現在物價咁高,但想不到又唔錯, 冷盤方面除咗有三文魚, 醋漬青魚外, 還有凍長腳蟹, 6款煙薰凍肉, 還有三款芝士選擇,但沙律就少了點, 可以講只有自助式生菜沙律,其他壽司, 日式豆腐就不說,主菜方面, 主打的鵝肝很豪氣, 幾大件, (約一張咭片2/3)而且不需要排好耐,但龍蝦湯就要排耐D, 但都非常好味,其他較驚喜的是印度薄餅配薄荷汁和青瓜乳酪汁, 印度咖哩 及印度風味烤雞,其他的就不過不失, 甜品方面, 一定要試橙酒朱古力蛋糕, 非常好味酒味&朱古力都非常香濃, 蘋果卷也十分唔錯, 但金寶洋梨伴Vanilla汁和燕窩蛋白就一般, 太甜了!其他普通是飽肚型的蛋糕, 牛油蛋糕 / 香蕉蛋糕 等等,各式慕絲及布甸也是以小杯子, 分量不多, 可以吃多款, 不過綠茶紅豆最好味! 還有4款hagen daz雪糕無限量供應~現在以惠優3人以上送紅酒乙支, 是智利的, 但只是一般, 不過送的, 開心過就算啦環境不錯,很整潔, 但有點迫, 不過服務也不錯, 服務員也十分勤快!