咖啡灣 (荃灣千色匯) (已結業)

今天路經荃灣, 再來咖啡灣吃午飯。上次在這裡試過的軟殼蟹意大利麵, 直到現在仍然回味, 今天準備試試其他食物。Set lunch三文魚黑松露野菌意大利麵(82元), 三文魚有4大件, 厚度適中, 不是很油膩, 味道較清。 意大利麵較乾身, 混合黑松露碎, 魚子, 香草醬汁，十分惹味。 芝士洋蔥煙肉焗薯皮(48元), 這個小食最對我胃口, 薯皮焗到香脆, 中間芝士煙肉餡料很濃味, 但又不會太鹹, 我一個人已經可以吃光整3件,好食!紅豆綠茶雪糕窩夫, 花形窩夫有8瓣, 中間一球綠茶雪糕, 一球忌廉, 上插2片窩夫片, 份量足。窩夫略脆, 綠茶雪糕和香軟的紅豆蓉, 味道很配合, 不太喜吃甜的我也連吃了3件。吃撐了, 最後點了一杯檸茶(set lunch 包 一杯飲品), 幫助消化。

約咗朋友到荃灣，佢話之前見過呢間餐廳啲咖啡杯好靚， 提議去試， 就咁決定啦 餐廳喺千色店後門行出去， 原來佢講係坐得嗰啲大咖啡杯，真係好靚呀 餐廳佈置夢幻 ，充滿開心的氣氛💞我都坐在咖啡杯裡餐牌好多選擇， 朋友叫咗個set lunch 手作特級和牛漢堡 ，和牛好厚，夠味又夠juicy ，伴着熱辣辣粗薯條加$15 配凍榛子鮮奶咖啡我被menu嘅軟殼蟹吸引住， 散叫咗個軟殼蟹黑松露忌廉意大利麵， 賣相一流， 成隻軟殼蟹趴喺意大利麵上面。 經理話軟殼蟹係每日新鮮運到。軟殼蟹微微炸過， 外脆內軟， 仲有黑松露香味十足嘅意大利麵，視覺同味覺嘅享受另外叫咗杯熱綠茶鮮奶， 三眼仔拉花，靚到! 搞到我遲遲都唔捨得飲仲叫咗新登場嘅玫瑰花漾窩夫，有淡淡玫瑰花瓣墊底， 好特別。 窩夫外脆內軟， 加上甜甜嘅士多啤梨，仲有啲星星脆脆同細細粒棉花糖點綴，豐富了口感的層次愉快的用餐😊

荃灣區真係一個美食天堂，愈黎愈多唔同類型既餐廳係到開鋪，今日就食左間風格好夢幻既咖啡館。芝士紫菜雞翼：外層粉醬好脆，有啖啖既芝士和紫菜味，雞翼肉質多汁嫩滑。焦糖雞翼薯角：雞翼好紮實，表面既焦糖唔算太甜，而薯角就夠哂脆。軟殼蟹沙律：沙律菜新鮮，清爽，軟殼蟹味道可口，又有少少脆身。芝士焗什菌薯皮：芝士配什菌係好好既配搭，薯皮都好香口。手作特級和牛漢堡：漢堡外層有少少脆，手工和牛有肉汁又有口感，配合上面既特製醬汁，味道好，但薯條就有d 單調。香辣蒜香蝦意大利麵：少少辣味，好香既乾蒜，麵條的軟硬到剛剛好，係一個非常香口既意粉，令人想食多幾啖。黑松露米蘭雞扒墨魚汁飯：黑松露忌廉汁雖然黑松露味唔係好濃但加上濃滑既忌廉汁，同d 飯攪拌一齊食就剛剛好。紫薯雪糕窩夫：心形窩夫非常吸睛，窩夫暖暖地夠哂脆身，仲有細粒蕃薯仔，好甜好味，如果紫薯雪糕再重d 紫薯味就更完美。

星期一Blue Monday, 最好就係唔好比自己OT, 六點準時走去同朋友Happy Hour, 甘樣心理先夠平衡玫瑰綠提 $18見到有個special menu 上有呢杯玫瑰綠提，配搭好特別。 玫瑰味幽香， 青提比較甜，賣相好cocktail 渡假風呀。宇治抹茶紅豆鮮奶 $42友人叫既特飲，賣相同樣吸引，紅豆夠軟熟，佢話好好飲。芝士紫菜雞翼 $48同樣黎自special menu 既雞翼， 每隻都好有份量，皮脆，有淡淡芝士味，反而紫菜味唔算突出。焦糖雞翼薯角沙律 $78雞翼好香甜，煎封左既外表入面仲保留到肉汁。薯角即炸，熱辣辣，好脆。軟殼蟹凱撒沙律 $88軟殼蟹好大隻，放上沙律到好有氣勢呀！好怕食到有油壓味既炸軟殼蟹，幸好呢隻無令我失望，炸得夠乾身， 仲啖啖肉。芝士焗雜菌薯皮 $48半溶既芝士加上雜菌焗薯仔，薯仔焗得香口，整個口感好豐富。黑松露米蘭雞扒墨魚汁飯 $88呢個飯除左份量巨大，味道亦令人驚艷。忌廉汁味道有層次，有奶香微甜濃稠度剛好。墨魚汁飯，飯粒飽滿，煙韌。雞扒好厚身，成個配搭好夾， 亦令人食得好滿足。手作特級和牛漢堡 $98目測足有一寸厚既和牛扒，牛味濃郁，入口好有顆粒

呢杯係吸引嘅 咖啡彎 荃灣店 價錢偏貴分量偏少（舖頭特色？），但味道不錯 香蒜帶子義大利麵 $82有一點辣椒跟炸蒜的味道，帶子沒有腥味沒有帶子就是傳統款式 玫瑰青提 $33玫瑰水的香味，配上蘇打水跟青提糖漿很美麗，也配合。 其他舖頭陳設 在官方FB分享照片可以得到9折

同朋友約出黎High Tea 之後去Shopping想搵間環境靚 又想坐得舒服既cafe朋友說話有間近千色店 就黎左咖啡灣喇由荃灣站行去cafe只需3分鐘 好方便岩哂食左tea去shopping 既我地Cafe環境真係好精緻 座位又闊落 餐牌選擇好多 有意粉 有all day breakfast有burger 又有窩夫 仲有咖啡 唔種類既特飲想食咩都得我地叫左軟殼蟹黑松露忌廉意粉~~凱撒沙律 綠茶Latte 美式咖啡 同紫薯雪糕窩夫軟殼蟹黑松露忌廉意粉 好夠份量坊間餐廳多數分上 但呢間cafe原隻上 好有誠意 意粉充滿濃濃黑松露 好creamy但唔算膩 加上有mushroom 好味呀凱撒沙律份量適中 新鮮 車厘茄爽爽的~~哇~~ 3眼仔呀 好吸引 飲落去好舒服 唔甜 有淡淡既綠茶味~美式咖啡 唔算濃 不錯~~紫薯雪糕窩夫 心形的 雖然士多啤梨比較酸但配cream還好 窩夫鬆軟~~~仲有粒粒紫薯~~好開心一個下午 美味食物配靚環境 跟朋友分享真係一個好好既地方

黑魔王雪糕魔王窩夫（$78）：窩夫是流行的水滴形窩夫，窩夫邊烤的頗脆，還有豐富的忌廉和迷你oreo點綴。味道方面就不過不失吧。妹妹很喜歡微暖的朱古力醬。冷岩鹽焦糖泡沫咖啡：吊詭的隨著飲品上了一瓶粉紅岩鹽讓我們灑鹽在那個咖啡上...這樣的配搭認真新奇啊！味道不會很差，但是我不禁懷疑為什麼餐廳想出這個點子呢...？幸好焦糖糖漿不太甜。炸魚薯條：味道是可以的，薯條炸的香脆，魚的粉漿也不太厚，調味就不過不失吧！不過這個價錢而言份量未免過少了，小吃就差不多，但是午餐的話可能女生也不夠飽。泡沫咖啡：值得一贊的是服務員貼心的讓我們選拉花圖案，選了天鵝，咖啡上桌是就知道咖啡的泡沫打得不夠實，圖案很快就因為「消泡」不見了。餐廳還有超級大碟的意粉和輕食！回想起香港忽然興起了窩夫熱，全城的cafe也紛紛加入窩夫的行列（充分滿足了我的少女心哈哈）總店在太和但是我沒有特別抽空去，可能香港很多同類的咖啡室，所以沒有特別想吃的衝動呢...

 今日見天氣好，就想去城門水塘行山，咁當然要食飽飽先出發啦，咁岩係小巴站附近見到呢間餐廳好靚，不如就試下啦。餐廳英文名叫Cafe Swan，所以櫥窗都有隻天鵝黎襯托住，非常吸引。餐廳裡面既裝潢佈置亦都好夢幻，仲有個用LEGO整成既摩天輪，加埋LED燈，真係好有童話既感覺，令人見到都好開心。坐低之後店員就過黎俾餐牌我地，順便介紹下餐廳有咩招牌菜。既然店員向我地介紹呢味軟殼蟹卡邦尼蛋汁意大利麵，就一於試下啦。一上菜時，軟殼蟹真係好香，成隻酥炸軟殼蟹放係卡邦尼意粉上面，賣相好吸引，軟殼蟹入口外脆內軟，加埋蛋汁香濃既卡邦尼意大利麵真係令人越食越開胃。另一份我地揀左All day breakfast，非常豐富，有煙三文魚，多士，火腿，煙肉，炒蘑菇，腸仔，薯餅同埋黑松露炒蛋。煙三文魚捲埋放係中間好靚，多士係用丹麥酥整成，有別於一般餐廳既all day breakfast，腸仔係用脆皮腸，足足有4條咁多，而黑松露炒蛋炒得香滑，可惜火腿煎得比較油，而炒蘑菇亦都比較乾，有改善空間。加10蚊仲有一杯熱latte，大大杯，仲有埋隻天鵝拉花，真係靚到唔捨得飲呀。整體黎講呢到環境同食物都幾好，埋單每人都係120

假日忙裏偷閒 打算襯晚飯前吃個甜點飲杯咖啡。大約6時入 侍應生說有一個半小時可享用。2個人叫了小食及2杯飲品。Green tea latte味道十分淡 沒有綠茶味吃了近半小時，已把小食吃完。侍應已急不可待問還要不要order食物因要去吃晚飯 打算喝完咖啡就走侍應生問完已經拿了收據要我們付錢都算了 打算喝完剩下半杯咖啡就走誰不知 找完零錢就問都不問收了咖啡根本就是逼人走說好的一個半小時享用 根本就沒有！我和友人都明白接近晚飯時間可能會有人等待位置但十分不滿服務態度問都不問就收下未喝完的咖啡！和友人只坐了半小時 但換來一肚氣！沒有下一次絕對不會再來！

於荃灣行街行到肚子餓了見openrice搜尋列排位挺高而且又未試過於是進了此餐廳一試裝潢好可愛有天鵝又有好可愛的椅子粉紅色粉藍色的裝修配搭好適合帶小朋友來用膳賣相和味道都不俗和牛漢堡其實整得幾juicy不過醬汁太多會搶了肉汁的鮮味餐牌個窩夫都好吸引不過食完兩主菜都飽了可以下次約三五知己前來食個tea

今次已經係第二次去，上次去都有叫咖啡。今次飲咗cappuccino 同埋 rose latte啲咖啡拉花拉得幾靚☕️😍 我記得我第一次去食咗卡邦尼意粉味道唔錯，而第二次去食咗個吞拿魚意粉。而且每次食完都會有coupon送，雖然優惠唔多每＄100先可以當＄8用。但佢個環境已經幾吸引同食物質素都唔差必定會再去光顧🍽 下次會去食唔同嘅意粉或者會試埋窩夫。因為我上兩次去都係兩個人一人叫過意粉再加杯咖啡已經飽啦！下次可能要多一至兩位朋友一齊去咁就可以叫多啲唔同款式嘅嘢，咁樣就可以叫埋甜品窩夫😍🍽😋

經過荃灣，想吃個all day breakfast 做brunch ,系openrice 選了這間較高位數的，一心諗住質素同價錢應該正比，誰知………Order 食物，侍應生態度麻麻，叫了一個all day , 一個和牛burger 餐。飲品先上，繼而all day breakfast ,個薯餅明顯用舊油炸，老麥比它勝百倍！黑松露炒蛋好咸…腸仔丶煙肉、火腿、煙三文魚都好咸，未吃過如此難吃的英式早餐………😩吃完一個餐，再被大冷氣吹到人都疆也上個漢堡…個漢堡包大扒小，且牛扒内，肉質鬆散，🈶️很多類似筋的東西，難道以咀嚼…劣評👎🏻👎🏻👎🏻👎🏻真的未吃過比老麥還要低檔的漢堡與薯餅…這𥚃的食物質素完全不值這個價…還請三思…

第二次泥咖啡灣食tea我地好快就點好野食，但點完未夠一分鐘就想改點一個平d既小食當想改變主意時，waitress竟然隨口答一句話已經開始整緊，冇得改(心諗邊有可能，落單都要時間啦)小食入面既雞翼唔錯，薯角都夠熱夠脆另外仲叫左兩個義大利麵，份量少，味道ok全部野食都要散叫，唯獨叫左呢個窩夫就可以加$18有杯飲品窩夫味道唔錯，唔會太甜，份量都ok叫完埋單，waitress就放底張單，企喺到睇住我地俾錢夾錢途中，朋友拎出5毫子，waitress即刻話"我地唔收5毫子架wo"(其實我地都係自己夾錢，互相找緊錢，冇必要咁樣掛)總括野食味道其實ok, 但服務態度就真係差，另外碟有一半都係污糟

遲來的食評tim🙈依間鋪頭好似新開無耐，個fd見到就介紹一齊去試食啦，本身都好鐘意去唔同ge咖啡館，每間咖啡館都有其特色😋一入到去'咖啡灣'，就覺得環境好靚，設計好有少女味道，環境幾大，坐得幾舒服！我地叫左幾款食物，食落都覺得唔錯，最深刻同驚喜就係個紫薯窩夫，因為我食左無耐，就提議一陣叫埋依個窩夫試下啦，點知原來兩個fd已經靜雞雞叫左，佢地同服務員都俾左驚喜我，個窩夫黎到仲有埋生日牌tim喔😍服務員好好，佢地即刻幫我地影相，埋完單，出到門口時，我地想用即影即有影相，門口個服務員都好主動幫手，依個值得一讚

由荃灣西新樓起動，帶動了整個荃灣，整個社區多了很多年輕食店，今晚跟朋友預祝生日，去了千色店附近的咖啡灣，整間小店很fancy, 全用了粉色色系，加上卡通點綴，好cute cute店員先介紹這分店最出名的軟殻蟹，沙律及意粉都可跟相關食材。最後，我們點了軟殻蟹黑松露意粉及煙三文魚沙律。沙律有數種醬汁選擇，我們選了比較大路的凱薩汁。除了煙三文魚外，還灑上大量蟹子，有齊不同的顔色，賣相吸引。軟殼蟹約有一個拳頭般大小，炸得鬆化。意粉混和了充足的黑松露汁和大量菇菌類，很juicy. 鵝肝和牛漢堡，有厚厚的鵝肝及漢堡扒，漢堡扒更加添了鰻魚醬，多了點甜甜的味道。漢堡扒吃到層次感，很鬆軟。加上煎香了的鵝肝，是一完美配搭。