咖啡灣 (荃灣千色匯) (已結業)

今日去荃灣行街，經過千色樓下被門口大大個識轉的天鵝吸引住，加上肚仔餓，就入去試下。Cafe內的裝飾和佈置都很有特式。食物選擇多，有意大利麵，飯，小食，漢堡，窩夫。飲品方面，有沙冰， 各式咖啡，紅茶等等1：50還有午餐我們叫了咖哩拉絲海鮮飯，咖哩帶輕微的辣味，甜甜地，海鮮有蝦，青口，蜆， 飯面還灑上蟹子，令整個飯吃起上來很鮮味。菠菜龍脷柳忌廉意粉， 龍脷柳唔油，嫰滑，啖啖用， 以攪爛的菠菜和忌廉做汁煮成的意粉，感覺很健康。午餐可以加$8轉特色飲品， 藍精靈沙冰帶有柚子味，感覺很清新。 曲奇沙冰不會太甜，好飲。邪惡芝士炸雞窩夫， 炸雞鬆脆，雞肉嫩滑有肉汁，炸雞及窩夫沾上濃郁的芝士，不自覺地一啖接一啖。我們兩大一細食到飽飽的。

難得放假去約朋友去荃灣，路過千色店看到下面有間餐廳裝修唔錯，門口有隻大天鵝，裡面感覺很童話feel決定行街後去食午餐！點了1個lunch set意粉，+28要餐湯、+8可以點$39特飲、+5要奶凍甜品，另外散叫意粉、炸魚薯條、榛子咖啡😆餐湯幾對推介！首先我喜歡磨菇打碎在湯內，增加口感，湯很香濃，飲晒都幾飽榛子咖啡一上枱就覺得賣相好看～飲落很有咖啡香！曲奇沙冰上面有一大球曲奇雪糕！曲奇打碎在沙冰內，比較細滑蒜片大蝦意粉有4隻大蝦，很彈牙，沒有雪藏味！意粉乾身，充滿蒜香味炸魚薯條很大份！！炸魚外脆內滑嫩，薯條是粗薯條🍟，因為份量比較多，建議3-4人share,不會太膩～墨汁帶子意粉是最後一道菜，我已經有點飽😅所以只食了少許，意粉上有蟹子，一邊食意粉一邊咬爆蟹子最後是士多啤梨奶凍，除了士多啤梨味，還有點乳絡味下午坐得很舒服，環境同食物都適合大家打卡😊

有時行去荃灣千色都會見呢間餐廳成日都想去試下 就係因為從外望入去餐廳會見到一排天鵝既屁股造型既櫈都幾得意價錢唔貴 彷彿回到中學個陣既感覺 餐牌色彩繽紛 見到呢類餐牌我都好開心因為總覺得餐廳 有圖有介紹 有心思有心機去製作這餐牌，食物唔會難食！同朋友一齊叫左兩杯特飲台台客人都總有一杯藍色藍色係因為藍蝶花！影相呃like之選！深藍色個杯 係檸檬🍋藍蝶花 佢另外比一小杯既檸檬汁你自己倒落去 就會變左紫色！真係開正港女個心！紫薯最喜歡甜品 有果肉 美味岩岩好 有時候去食甜品好怕食到太甜 因為罪惡感好大 而呢個唔會 有清新既果肉 唔會太多cream 適合怕肥既我地 果肉甜度份量都岩岩好 呢間餐廳有限時1.5小時 所以唔能夠坐太耐 不過都正常 佢收費較平 限時都正常既

這間餐廳很來之前曾經來過，上星期朋友看見OpenRice說很想去吃東西，所以我就陪他再去。看看餐牌，我們決定叫一些特別的東西，所以我們特別在春季特別推介來選擇。這是橙柳桂花雞翼，賣相很漂亮，味道比我想像中有驚喜，桂花及橙意想不到地雞翼配合、味道甜甜的。這是日式咖喱滑蛋豬扒飯，日式咖喱沒有比其他咖喱辣，味道是偏甜的，豬扒很香脆，而且雞蛋也很滑呢！我們還叫了炸雞配薯條，炸雞外脆內軟，薯條也很香脆，還配了三種不同的醬汁。

今日約了好耐無見既友人，既然係想揾個地方好好地傾個計，好自然就諗起去cafe 啦！因為都諗住星期日既下午三點幾，唔係lunch hour會無乜人但係呢個諗法真係太天真了，都有小小等位係呢d 又熱又濕既天氣環境底下等位都咪話唔辛苦好彩既對街既馬路唔係車水馬龍既大街，等待既時間唔會吸曬d 車既廢氣因為只有我同友人兩位，所以等左三個字島都有位入左去啦由於我地兩個都無食午餐，所以要叫返d 正餐既野食先分別叫左一個蕃茄雞扒意粉兩個人share，我叫左一杯latte 飲，仲叫左個紫薯waffle做甜品最先上既係我杯latte雖然呢度係cafe，但係呢度既咖啡都唔係咩主打，普通一杯咖啡而已，飲落無乜驚喜，拉花都只是普通但係唔難飲既（而且latte都多奶嘛，所以飲落係唔會太差）呢個就係我地叫既蕃茄雞扒意粉，岩岩整起熱辣辣，好期待呢！蕃茄味道濃郁，雞扒煎得好香，毎啖意粉都有蕃茄茸痴住其實我個人認為蕃茄item 既野食都唔會差得去邊但係老實講，呢度既野食都唔係咩cafe 水平，因為唔會整到好精緻呢個雞扒意粉只要轉左個presentation 都係茶記午餐會揾到既野而個味道都係個d 水平。即係唔係差，但係又

一早聽過住荃灣的同事講，佢成日來呢間Cafe食飯，聽落都有信心保證~今日終於有機會來試下喇!位於千色匯地下，門口有隻天鵝的，幾靚。晚飯時間好多人。另外有期間限定的menu美淥恐龍 $35既然期間限定，當然要試啦!自己都經常沖美淥，但第一次飲美淥特飲，愛好者必試。軟殼蟹凱撒沙律 $88邊個話沙律係減肥先食?軟殼蟹原隻上，超香脆!蔬菜又新鮮爽口。店員仲好細心，食食下問我地需唔需要加醬，值得一讚。挪威煙三文魚黑松露野菌忌廉義大利麵 $86煙三文魚好肥美，松露香口，加埋忌廉好creamy, 正!玫瑰花草莓窩夫 $82淨計賣相已經必嗌，將草莓窩夫砌到成朵花咁，好大個cream同雪糕球，邪惡得來好好味!過節唔洗送花，收到玫瑰花窩夫仲開心熱帶水果茶（凍） $42水果茶加左好多水果，有草莓又有藍莓，又甜又健康整體來講非常推薦，食物同服務都好，價錢唔貴，怪唔得同事密密來食啦!

一直都想試吓咖啡灣，星期日咁岩去開荃灣，所以就去咗咖啡灣試食一下。企喺外面會比佢嘅裝修吸引眼球，有一排嘅咖啡杯做櫈，仲有藍藍黃黃燈光吊飾。跟住一入門口就有一個摩天輪擺設閃令令好靚，除咗裝修吸引着我連食物都令人流口水。因為唔係太肚餓所以就叫咗個炸魚薯條，炸魚好新鮮即叫即炸，外脆內軟，如果薯條鹹少少就更加好啦。叫左杯三眼仔做型嘅抹茶鮮奶唔會太甜又有好香嘅茶味。跟住叫咗個明太子卡邦尼意粉，有少少滯，但係好好味，麵條有咬口，醬汁適量

我一向都好鍾意呢間餐廳，因為地點好，而且食物質素又唔錯，價錢又相宜。所以都會定期來光顧下是晚六點幾已到了餐廳，未算太多人。但到七點左右，已經愈來愈多食客除了有正常的menu外，仲有期間限定menu多款不同菜式款款都幾吸引點了一杯青蘋果紅茶天氣熱飲返杯凍飲酸酸甜甜十分開胃，而且味道不錯又不會太甜。十分解渴好可愛的三眼仔拉花抹茶鮮奶綠茶味很濃，不會太甜，如果愛吃綠茶製品的，應該都會愛這杯飲品賣相很好，而且香蒜味道很香，當店員一放下後，已經聞到超香濃惹味的蒜香吃起來味道都相當不錯意大利粉彈牙又沾滿了醬汁，很惹味，味道有點點微辣，刺激另外，仲有四隻彈牙爽口大蝦正呀我很愛吃這兒的意大利粉這客小食，我第一次點，賣相很精美，有成堆剛剛炸好的炸魚，下面鋪了很多好味薯條。還有沙拉菜可中和一下油份炸魚份量超多，差不多有八至九件，份量而且十分外脆內軟 好好味的，而且又熱沾上了沙律醬來吃，很惹味厚厚的魚肉令人想一食又再食好吸引很愛這間餐廳

今日相約了好友去咖啡灣食午餐🥣我們點了Lunch Menu內的夏威夷牛油果蟹籽沙律🥗及超重量級蟹肉忌廉意粉🦀天氣太熱了，人都不想食野，叫個沙律食下降下溫...牛油果🥑變成蓉配上蟹籽沙律，感覺得很少牛油果，但食沙律菜比較新鮮同健康。呢個重量級蟹肉忌廉意粉有好多蟹籽，但我搵唔到有好多蟹肉...其實都只係假蟹柳...仲有d菌類，忌廉意粉食到滯滯，最後都食唔哂，但味道配搭不錯。叫左個小食，好似叫忌廉白酒煮蜆？不過原來兩款食物有忌廉，真係食到好滯，可能年紀大的關係？😅哈哈呢個藍碟花飲品，賣相一流👍🏻影相又令📸朋友點的，我不知道味道如何啦...我點的凍cappuccino ☕️ 咖啡真係一種會令人上癮的飲品🤤呢到真係好適合同朋友黎傾計吹水，雖然成間店座位不多，但食物精緻、裝飾擺設又可愛，令人坐低左都不想走了。我地傾左兩個鐘，真係大快人心。

好耐無打食評，又一間激發起我當初打食評既初心 - 話比大家知咩餐廳係伏 🤷‍♀️ 食物是用黎食既，不是影相用既係咪？第一、白酒忌廉煮蜆放左口後，同朋友對望左一眼，好咸 🤨 我甚至懷疑依個白汁本身係煮黎撈飯用所以係甘咸，蜆肉好細好乾，更加唔好妄想佢會有鮮味。每幾隻仲有一隻有沙，啲沙一咬落去咔一聲係好似咬爆左個殼甘。咸到食左陣無食，等埋飯黎試下撈飯食，係好啲既 🤷‍♀️不過結果兩個人都唔想食落去囉。第二、炸軟殼蟹卡邦尼意粉依個都咸既但無甘過份，算係成餐最可取。隻蟹都幾好食，不愧係招牌菜。第三、拉絲芝士龍蝦汁海鮮飯依個就好笑啦，我地係見門口個黑板sell先叫既。一上枱，說好的拉絲芝士呢？？ 先唔好講佢甘既價錢比依堆垃圾海鮮(又係瘦肉蜆同瘦肉青口)，你至少都跟翻商品說明條例有芝士先？ 真係食到好嬲 😤 本來黎之前想試埋Waffle，不過同友人試過啲main之後都急急腳走。真心好伏，兩個人食左 360蚊 (仲有杯水果茶)，服務又唔算特別好，坐又逼，又限用餐時間90分鐘。如果大家有意想黎食既話我勸大家只係叫個軟殼蟹乜乜乜就算啦。一出門口竟然排哂隊，噢我的天 🤦‍♀️🤦‍♀️ 香港既餐廳就係甘樣比香港人縱壞

約朋友食tea. 在千色店附近環境比較好，而且經濟D的餐廳，非它莫屬。上次黎食Lunch. 菜色一般，但環境不錯，所以今次都過黎食tea. 叫紅豆多士，炸得剛好，夾著很多紅豆，而且不太甜，好味！綠茶塔，賣相好靚，上面有雪糕，下面是普通的pancake. 中間加紅豆。味道不算出眾，沒有新鮮特別之處。餐飲，如果跟咖啡，要加3蚊，看似幾好味。因我不能飲咖啡因的飲品，而且要熱飲，選擇很少，只好點熱檸蜜。就是茶餐廳的味道。

今日約左阿姨去玄圓拜山，塞左勁耐車...又勁熱！拜完都真係快快搵地方食晏！見近千色店，食評又唔錯！唔好飲茶喇！轉轉新意思！黎到門口滿座！係門口等左十分鐘左右就有位！好餓呀！快快叫餐！果茶係我既，有茶味，但唔似好似台式餐廳用生果煮！都唔錯！我姨叫既藍蝶花特飲！我覺得都幾靚！冇試！仲有叫兩個菠羅沙冰，味道我隻佬話伏伏地！但我飲又唔覺得！正常野！呢個我叫既煙三文什菌意大利粉！我覺得好好食呀！又夠熱！勁菇味！應該有落黑松露醬！仲有好多磨菇冬菇添！個煙三文唔咸！抵讚！不過可能個熱粉太好鑊熱 🤣🤣 食食下三文都開始熟！我姨叫既蕃茄大蜆意粉我隻佬既 咖哩漢堡扒飯，味道唔錯！帶少少辣！漢堡扒個油份唔多高，亦都 Juice！整體唔錯！姨丈叫既蕃茄雞扒意粉！我地中間既時間話要叫 窩夫...我都堅怕食唔落！最後我梗係唔俾佢叫啦！下次再黎 😋

呢間cafe係荃灣千色店停車場入口附近，落地玻璃設計十分起眼，門口好多lego裝飾，又有天鵝公仔做擺設，我又是孤獨美食的人，都好耐冇黎D間舖頭食喇，懷念下少女情懷....哈哈哈。夜晚來到好彩唔算好多人，唔洗等位就可以入去坐。【日式咖喱豬扒滑蛋飯】$64個飯一來到賣相唔錯，D咖喱不算好辣，因為佢用左日本咖喱加上忌廉汁....正...不過D咖喱汁不算多。豬扒係吉列炸的，非常熱辣辣加非常香脆。【美綠恐龍】$35個名改得好搞笑，其實係一杯凍美綠，個味比一般出面都好濃郁。

每次去開荃灣都見到間好少女feel嘅天鵝餐廳，裝修好夢幻又可愛，經過咁多次，今晚老公終於肯陪我入去啦😆😆餐牌選擇不算太多，但都有期間限定special menu ，當然要試一試。橙柳桂花雞翼雞翼外皮金黃酥脆，內裏肉質鮮美juicy ,沾上底層的桂花醬汁，更添上花香香味。美綠恐龍細細個已經超喜愛飲美綠，童年回憶返哂黎，味道甜味適中，面層灑上美綠粉，好好味。日式咖喱豬扒滑蛋飯吉烈豬扒金額黃香脆，入口鮮嫩，配上甜甜的日式咖喱汁，又香濃又脆口。拉絲芝士龍蝦汁海鮮飯材料豐富，有青口，蜆，大蝦等等，加上鮮味嘅龍蝦汁，又惹味又滋味。

見到朋友facebook介绍呢間cafe,裝修又靚又有童話公主feel,所以放假就拉埋我好朋友食下野聚下舊，平日中午2点到店內唔太多人，所以冇等位就可以入得啦，入去望見水吧位置有個魔天輪+lego，玩具飾物都佈置得好靚呀！lunch menu都有好多野揀炸魚有少少喊味同有少少香草係面，配有沙律醬、沙律菜同薯條，岩哂鍾意食炸野又怕太炸既我卡邦尼義大利麵就好重芝士味，火腿白汁味都好濃，至岩我口味呢個芝麻沙律份量多，有幾隻蝦，蕃茄，不同款式沙律菜配有沙律醬，味道調得很好呢杯紅茶就冇苦澀味，又唔會太甜中午時段食西餐，價錢平，環境乾淨優雅，員工又好有禮貌介紹餐牌，下次一定再黎光顧