咖啡灣 (荃灣千色匯) (已結業)

一間裝修少女風既餐廳有好大隻天鵝係門口好易認 整體d野食、飲品、飲品都幾好可以再去既餐廳👍🏿煙三文魚黑松露野菌忌廉意大利麵 $68三文魚卷到玫瑰花咁好靚😍 仲加左好多黑松露食完成個咀都會痴哂🤣芝士龍蝦汁海鮮繪飯 $108個汁好creamy😋仲拉芝架啱哂芝士控U.F.O 小食拼盤 $85呢個相對失色其中一個雞翼係玫瑰味個味較為人工好似食左玫瑰味既cream🙊4款飲品都唔錯滿$250蚊可以加$1有半份窩夫$500仲可以全份添‼️呢個係黑魔王😈仲有2隻味揀都係受歡迎既味綠茶紅豆同玫瑰草莓🍓（優惠到8月23號咋）

之前係網上睇見到呢間有好多黑松露意粉 啲菜式賣相又好吸引 今日終於去左試 因為係星期六去 本身以為要等位 但意外地我同屋企人5點幾去到可以即刻入座 淨係叫左兩樣野 分別係 蘇格蘭煙三文魚沙律＆煙三文魚黑松露野菌忌廉義大利麵沙律叫左芝麻醬 啲蔬菜好新鮮 煙三文魚好香口 重點係好大份 好抵食呀意粉麵質好好 一黎到就好香黑松露味 食落去都係好有口感好creamy 連蘑菇同洋蔥都整得好入味 配埋肥美嘅煙三文魚 色香味俱全 完全吾失望 真係好好食 見到其他菜式同甜品都好似吾錯 有機會會再去試 再同大家分享

想試呢間餐廳好耐，因為每次行過都覺得咖啡杯好有趣，好有童話feel，今日同媽媽黎食個早晚飯，因為早先唔駛等位。Menu 都好可愛，色彩繽紛餐廳裡面都有各式各樣既小擺設，加上柔和既顏色，感覺好童話feel先來個黑白松露湯，賣相一流，味道都好好，松露香味唔駛講，忌廉味都好香，成個湯滑得來唔會好heavy媽媽飲呢杯紅豆綠茶，賣相都好靚，佢話好好飲，甜度岩岩好，而且好有綠茶味，紅豆都好食但我就建議紅豆可以多返少少呢個麵大利麵唔會太辣，蒜香比麵條吸收左，好食，麵既口感好好，軟硬適中，大蝦夠大同甜，爽口新鮮呢個漢堡排好食，好有牛肉鮮味，食落去唔會好乾，咖喱汁好野味最後當然唔少得甜品，我揀左呢個每月推介，見佢用芋圓幾特別，我覺得窩夫賣相真係好吸引份量好足，其實夠三個人食窩夫有黑糖味，但唔會好甜，而且整得好香脆，雪糕係莓味同雲尼拿，不過不失。反而芋圓，不是我想像的q彈芋圓，如果係，會更好。整體來說，這裡無論環境同食物都很吸引，而且價錢都合理，有機會會再來

第一次黎咖啡灣，聽說呢度嘅飲品係非常靚，所以豬都唔執輸，過黎試下先。六點半黎，坐低左一陣咋，已經要排隊，真好彩呢間cafe以天鵝為名，所以門口擺放左隻轉轉天鵝，餐廳入面有個好靚嘅摩天輪裝飾，睇到我地嘩嘩聲，影完一輪相先捨得叫野食。我地order左2個意粉，2個burger，1個小食，1個沙律，4杯飲品，其實已經飽飽 ，不過甜品又好吸引，所以要埋，都係七百零蚊，好抵食。其實豬係為左杯三眼仔拉花綠茶牛奶而黎嘅，三眼仔並唔係得個樣架，綠茶味好香濃，牛奶夠滑，唔會太甜。朋友同老公order左熱帶森林水果茶，綠茶藍蝶同櫻花藍蝶，佢地都話好好飲。酸酸甜甜，味道唔錯。香辣蒜香大蝦意大利麵，意大利麵沾滿左醬汁，有濃郁嘅蒜香味，加上少少辣，特別惹味。豬好喜歡呢個鐵板雞扒蕃茄醬汁燴意大利麵，個醬汁較得幾好，味道帶少少甜，但又保留濃濃嘅蕃茄味，意粉麵質彈牙有咬口，越食越開胃。UFO 小食拼盤 ，已經有齊晒我哋想食嘅各款小食，炸魷魚圈超香脆可口，而紫薯波波新鮮出爐，外面香脆，裏面香軟，甜甜的，朋友超愛食。雞翼有2隻味，豬食左一隻係孜然香味嘅，食落好香，咬落亦好軟嫩。手作特級和牛漢堡，好味道，手作和牛好好食，唔

咖啡灣粉藍加上淺木主色清新舒服，加上有摩天輪模型🎡等小擺設，好可愛，餐牌都幾精緻，成間餐廳個佈置都好多色彩睇到個人心情都會靚D板燒雞扒番茄醬燴意粉，佢嘅份量適中，雞扒亦都唔會太細塊。味道方面，雞扒香煎得好好食，味道唔會太濃，但係可以講係外脆內軟，一切開，入邊仍然有雞肉汁流出。意粉方面，佢整得好juicy，唔會乾爭爭，呢個番茄汁嘅意粉都唔錯，食落感覺唔係只係用茄膏來做個醬汁，而茄汁嘅味道唔會偏甜或者偏酸，啱啱好！蒜香辣大蝦意大利粉，辣味啱啱好，意粉嘅韌度適中， 蒜頭味同個辣味配搭得好好，而且大蝦份量好多，好抵食！手作特級和牛漢堡，呢個有驚喜喎！和牛漢堡真材實料，廚師用左隻很有味道的芥末醬，成個口感全面提升，配搭精彩！牛肉鮮嫩多汁，薯條焗到外脆入軟，唔會界口或者太淋，唔錯既手作和牛好好食，唔乾夠juicy，麵包又夠脆，我非常滿意。鐵板芝士雞扒漢堡，厚過手掌既雞扒、足量拉絲既芝士、再加烘過脆卜卜既麵包，呢d先係真正既漢堡。拉絲薯條不是新鮮事，但佢可以令一個咁普通既菜式更加地普通， 真係令人嘆止，唯一想讚係店家綽，落勁多芝士。咖啡灣的窩夫真係好好味，所以新出呢個蛋糕塔一直好想試，叫左玫瑰士多啤

其實真係好少會嚟到荃灣咁遠，今日自己一個嚟到見到呢間Cafe好似幾靚，而且出邊仲有天鵝咁大隻打卡位。咁梗係入去睇睇啦。就咁睇個門口已經好女神系入邊嘅裝飾都好有心思，牆身設計同埋燈都好小清新粉系設計好岩我haha去到cafe緊係想飲番杯咖啡，但係因為今日天口太熱所以就想飲凍野冇叫到咖啡啦。我就俾你一頁吸引左，漸變色嘅藍碟飲品真係好吸引飲品嚟到覺得好似仲吸引過相。我呢杯櫻花甜甜地好清香攪混先飲好香豆奶香味 不錯我另外仲叫咗個炸軟殼蟹黑松露意粉黎到個份量超級大，原隻蟹分量十足，香口外脆內軟，炸得好鬆脆嘅軟殼蟹，加上香香嘅蟹膏10分配合。仲有超香嘅黑松露味，配合奶油忌廉嘅蘑菇意粉，真係好香醇而且意粉好彈牙份量大得來又唔會話太過漏食完正餐飲完飲品，其實都仲想叫窩夫可惜今日自己一個真係食唔落，希望下次同朋友嚟再食過啦

第一次幫襯眾安街分店，地點好方便，外面仲有多個泊車位。未到7點已經差不多滿座了，剛好有二人位，好快入座了！咖啡灣營造了一個花園式的佈置，椅子更是 更有不少植物盆栽佈置，寫意舒適。看得出裝潢很有心思。餐單上每一個項目都好吸引，只看照片都垂涎三尺。軟殻蟹忌廉黑松露意大利麵 $82勁大原隻軟殼蟹好少見，炸得酥脆金黃，一口蟹肉一口意粉，美味可口。每條都滿滿黑松露醬和蘑菇，啖啖都食到黑松露，令人垂涎。波士頓龍蝦海膽飯$178已經拆肉的龍蝦啖啖肉好彈牙，還有鮮味的火炙海膽，龍蝦汁燴珍珠米好濃香！蝦🦐頭的膏十分多！伴以溶化了的車打芝士醬，份外滋味！玫瑰草莓窩夫$82完美的晚餐少不了甜品，我們點了粉紅夢幻的玫瑰草莓窩夫，外脆內軟口感，滑溜的忌廉和草莓雪糕填滿每格窩夫🍓，自家製玫瑰醬、星星脆米及棉花糖增加了整體口感之餘，賣相亦十分吸引。熱帶水果茶$48主要是熱情果味，紅茶味亦濃郁，清爽且有酸酸甜甜的感覺，配以幾款熱帶水果，口感豐富。整體來說，咖啡灣的食物款式很多，而且有水準，欣賞店員的細心服務，吃得十分滿足。也很滿意！還做了會員，下次可以儲分了。

黑松露海膽蟹蓋龍蝦汁意大利飯HKD 1xx （忘記😂）個名水蛇春咁長😝說穿了係佢好多材料，賣相吸引，黑松露味偏淡，海膽都算幾滑，意大利飯配上左龍蝦汁好香，但燴飯質感好易飽，我要同男友分享一個飯先得，整體都滿意既。··黑魔王曲奇雪糕窩夫 HKD82啫係集Oreo餅同Oreo雪糕於一身既窩夫，其實只要窩夫夠脆口，就唔會難食，但稍嫌佢太多Cream⋯⋯大概我不是cream控吧🙈··榛子朱古力 HKD36好香榛子味，賣相優雅😝其實我係見佢餐牌張圖係天鵝圖案，我先揀架，點知可能我無同侍應指定圖案，佢就比左心心我，但係係好飲既。··Cafe黎講佢都算平價，而且質素唔錯下次要試下佢意粉同漢堡😍同埋要指定圖案😢

鍾意呢度環境同食物，感覺環境好舒服！所以喜歡係喺呢度食早餐，但呢度服務態度太差了，讓人冇胃口和心情😞😞😞！公司應該請一個懂得管理的人員去管理，😔😔係工作場所，唔場戀愛所！

食媽我又同食寶同阿公去街街行下，夠鐘就食個午餐先！見到千色店內街旁有間餐廳以粉紅及白為主調，有天鵝嘅做裝飾品亦以咖啡杯做櫈令人感覺走浪漫田園感覺嘅食店就被吸引咗想去坐下休息一下。店內嘅佈置很有孩子的童趣吸引大小朋友，有個用Lego  砌成的摩天輪吸引了食客同摩天輪selfie一下。坐低後就即刻睇下食乜好。。好靚嘅Menu好靚嘅食物好吸睛！食物選擇都唔少，樣樣都好吸引！有飯類，小食，意粉，漢堡，沙律，甜品亦有飲品！總有適合你嘅選擇！我地首先點咗2客『蟹肉南瓜忌廉湯』，蟹肉嘅鮮配上南瓜嘅甜，簡直係夾！好鮮甜再加埋忌廉嘅滑，呢個湯唔錯架！小食就揀咗呢客『玫瑰山雞翼』共有6隻，三種口味 - 玫瑰味，桂花味，胡椒味！集惹味，甜味同風味於一身！大蝦蕃茄醬義大利麵 - 蕃茄醬味濃，大蝦夠大又爽，唔錯！卡邦尼蛋汁意大利粉～香，濃，滑飲品方面就見到好靚嘅藍色  藍蝶花 仲要係具有抗氧化，提高免疫力又有維他命A，C，E 兼養顏美容作用梗係要飲杯試下啦！我就揀咗要菠蘿藍蝶，味道清甜但菠蘿味比較特出容易蓋過藍蝶嘅味道.都好飲！當然唔少得甜品啦！食寶一坐低已經要我點俾佢食！其實已經飽飽，好在可以有半份俾人點！

話說今日約左兩位舊同事 來到呢間開左好幾年 想試 但未試過嘎餐廳食午餐～因為朋友們遲到而佢地只可以用膳一小時三十分鐘那麼我只好站於門外等候～我地一行三人分別叫左香辣大蝦香蒜意粉 朋友話 好好味蕃茄大蝦意粉 朋友話冇咩意見野菌三文魚意粉。我覺得味道適中吾會太多醬感覺良好仲叫左兩杯 綠茶一杯 岩鹽咖啡 ☕️咸咸地當遇上奶泡 味覺上會變得甜甜地成間餐廳裝修得好有少女味 本身去試都不抱期望因為覺得似呃少女得個靚字吾好食估吾到都有內涵～🤣

前幾日同朋友經過千色店外面有一間好特別的咖啡灣，幾個商量咗入去試下，嘢食的唔錯，好好味，但服務態度一般般，服務員只掛住傾計，情情愛愛，希望公司管理一下啦！番工時間咁樣😢😢😢

荃灣掃街之前經過千色唔小心就比餐廳裝潢吸引左入去餐廳採用童話主題設計風格充滿少女粉紅；無論係窗旁整排咖啡杯座或者係餐廳入面嘅燈飾同擺設等等細節都好用心軟殻蟹黑松露忌廉意大利麵軟殻蟹炸得酥脆；黑松露味道突出加上雜菇菌香濃郁配上忌廉奶油味重味道好夾墨魚汁帶子義大利麵義大利麵條彈牙加上墨魚汁獨特嘅鮮味好正；帶子夠哂大粒而且味道鮮甜爆趣蜜糖芝士炸雞炸雞即炸外皮金黃香脆肉質嫩滑充滿肉汁；醬汁除左經典韓式辣醬仲有蜜糖芥末同草莓果醬幾特別燒焦糖燉蛋泡沬口感咖啡咖啡香醇順口配上焦糖脆面好正玫瑰鮮奶拉花咖啡玫瑰花味淺淡幽香配搭咖啡好夾玫瑰花草莓窩夫賣相好靚而且窩夫香脆鬆軟加埋草莓同雪糕好邪惡

女朋友話之前成日見話有朋友喺IG 度同隻天鵝打卡，又話入面D餐修好靚，就比左個任務我叫我搵呢間餐廳出黎叫我同佢去食於是我就運用GOOGLE 大神嘅力量，終於比我搵到佢啦就係呢隻喺門口會自轉嘅天鵝啦入面仲有好靚嘅LEGO擺設Lunch menu 睇落又唔算貴喎我就簡左餐湯周打蜆湯，而女朋友就簡左柚子胡椒雞翼雞翼腌得夠入味蜆湯亦都好足料黑松露磨菇意大利粉三色蒜辣蜆肉意大利粉玫瑰抺茶---好靚，我自己都忍唔住要打一打卡美綠恐龍--- 係一杯好濃好濃嘅美綠飲品，唔算好特別除左兩個lunch set ，我地仲叫左個炸魚薯條，SIZE 係珍寶級呀本身見到佢D 窩夫好想食架之但係食完炸魚薯條已經飽左MENU 上嘅窩夫勁吸引而家仲新出左呢個龍蝦飯，下次一定要試試先總括黎講估唔到呢間CAFE 除左睇得，仲要食得，下次一於再黎食過先

路過被門外天鵝吸引，於是相約朋友一齊食。真係幾多人等位，等左40分鐘，用餐限時90分鐘。餐廳外等位 都是排氣管，非常焗。唯有用美味搭救鐵板雞扒蕃茄醬汁燴義大利麵 $68雞扒烤得雞皮香脆，雞肉入味香滑，不過唔係好大件。蕃茄醬汁酸甜味適中，上枱前已經拌好，唔會滴到其他地方，有少少蕃茄肉，好味，不愧為推薦菜式。黑松露什菌蘑菇屋 $78一道非常有童話味嘅菜式。用了一個煎煮過嘅啡菇加白飯做了小屋，好靚。啡菇煮得好食，完全無苦澀味。小屋四周包圍了被黑松露提升了香味既白汁，白汁中滿滿嘅菌類，令人食得好滿足。紫薯雪糕窩夫 $88少女心點可以無甜品。用4個心心窩夫組成窩夫塔底加上了一球充滿紫薯味嘅雪糕。每塊窩夫上更加了好好味嘅小甜薯，又甜又好咬。4邊重有士多啤梨同cream,好味。