咖啡灣 (荃灣千色匯) (已結業)

男朋友帶我黎”咖啡灣”食晚飯，叫左個櫻花蝦意粉，幾好食！ 叫左壺熱帶水果茶 ，幾好飲，仲好貼心甘有蠟燭暖住壺茶，不過我有少少提示，飲到一半左右，要拎出茶包，如果吾係之後就會好苦了。

跟朋友一段時間沒聚頭，難得大家一起放假，想找個地方聊天，於是自告奮勇的推薦了這間店。其實以前從來沒有來過，但每次經過都被它的裝潢吸引住了，粉色系的設計，滿滿的少女風，最適合我們講少女心事。由於大家都放假的關係，我們來到的時候已經大概2點，午飯人潮已過，不用等位就直接可以叫餐。餐牌上每款食物都好精緻，顏色吸引，好適合港女們「打卡」。挪威煙三文魚黑松露野菌忌廉意大利麵 ($78)忌廉味濃，很CREAMY，三文魚、魚子、黑松露份量很多，每口都有豐富的材料和味道。ALL-DAY BREAKFAST ($92)這個全日早餐材料豐富，足足八樣食材，有炒蛋、煙三文魚、芝士腸、蒜茸包、沙津菜、炒菇、煙肉、還有我最喜歡的薯餅，加分！菠蘿藍蝶花($39)朋友點的飲品，不會太甜，配搭濃味食物恰道好處。藍蝶花的飲品不是每間餐廳都有，而且藍蝶花對眼睛的功效不俗，只是顏色已經夠吸引眼球。綠茶牛奶($36)本身自己已經很喜歡「三眼仔」，但偏偏受不了咖啡，這裡竟然有三眼仔拉花的飲品，而且還要是綠茶鮮奶，剛好符合了我的要求，完全是個意外的驚喜！綠茶味濃，但配上鮮奶又剛好，不會太甜或太苦。玫瑰草莓窩夫($82)這個甜品以

成日去荃灣經過見到呢間咖啡灣餐廳放左個天鵝係度都好想入去食餐飯，但次次去親都太夜冇開，今次終於都撞啱佢開緊個時行過就入左去食喇 佢入面d裝潢都好夢幻，好似令人置身於童話世界咁 呢度都幾多野食揀，我首先就叫左個卡邦尼意粉，個汁好creamy好好食，d料都唔少，比好多煙肉同菇你，推介! 之後就叫左個ribs,佢配左薯條，菠蘿同少少沙律，個菠蘿外層有片糖係上面，食落有雙重口感好特別，都好甜，個ribs燒得好香，好容易咬完就骨肉分離，佢仲比左個辣醬你點黎食，啱哂中意食辣既我😋 最後，見到有個芝士包配炸雞即刻比佢吸引左，叫! 呢個包真係冇諗過咁好食，唔好睇佢黑媽媽好唔吸引，佢個包心好鬆軟，加上入面本身個裝住芝士，點完炸雞食埋個包都仲有好濃既芝士味,勁正丫，佢d炸雞係新鮮炸起，上菜個陣熱辣辣，d肉仲好嫩滑，呢個真係必點之選!😋 係呢個咁令既環境配上咁特別既美食真係令人流連忘返，下次想去café一定會介紹佢哋黎呢間餐廳丫~😊 

餐廳位於千色店隱蔽的角落，就算住左荃灣咁耐，一唔小心都好容易錯過呢度。餐廳掛起好多裝飾，走粉紅少女風，連餐牌都設計得好精美。豬肋骨條塗滿BBQ醬，都有5-6條骨，味道唔錯！伴菜仲有一大片甜菠蘿同埋炸薯條！拉絲芝士龍蝦汁海鮮燴飯飯有好濃嘅龍蝦湯味，燴飯仲有蝦、蜆同青口，好飽肚！！！！食完正餐緊係要食甜品啦，叫左半份玫瑰花草莓窩夫，係心形架！玫瑰花蜜甜甜的，配忌廉同士多啤梨雪糕，是完美的晚餐甜品作結。

一見到呢間cafe嘅門面，有隻好靚嘅天鵝，好彩色，充滿童話同女少心嘅感覺呢度個環境真係好靚，同埋唔多人，好適合同姐妹們黎聚會食個靚tea我地就叫左個紫薯窩夫個窩夫唔會淋同硬，即製出黎脆脆地幾好食配埋紫薯雪糕仲正仲有啲曲奇餅添呢度係每人都要叫一份野食唔可以幾個人share一樣野食於是是旦叫左兩杯野飲兩杯都係抹茶，不過不失啦勝在個環境靚

成隻手掌咁大既軟殻蟹配上黑松露意粉（$98）😖😖呢個組合冇得輸！ 隻蟹勁juicy 唔會太乾 而且可能因為佢冇碎件上 所以覺得勁有滿足感 可以成隻擺落口😜 食完隻蟹已經飽飽地 但個意粉都好出色 每一啖都有好重黑松露味係到 唔好睇佢以為好細碟 我食完都飽左全日😂😂😂 講講下又好想再食再去覆桌 🦀🦀 不過我估佢係打平民路線所以坐落會有d逼 但$98絕對係物超所值🥳🥳🥳 見到佢有芝士炸雞同其氣甜品都好吸引 希望下次有機會試埋佢

奉勸荃灣店主管換晒啲倒米侍應啦！有生意都唔想做！一行4人入到黎，明明仲有張卡位，又無人等緊位，亦無寫 “留座”, 都話唔可以俾我地坐！阿侍應大小姐話，張卡位一定係要有6個人先可以坐喎～～ 現成有4個人嘅生意都唔做，喺度白等唔知幾時會出現嘅6個人！哈哈～ 真係世界級聰明人！諗住今次終於有機會試下你地，點知你地唔歡迎～ Fine & bye forever!

早幾天約了朋友去荃灣逛街，剛巧看到這店裝潢不錯，靠窗位置的座位都是一個個粉紅色的咖啡杯，很少女的感覺，就進去吃午餐。牆上掛了不少相架及其他小擺設，感覺很舒服，也挺適合打卡。跟朋友一人點了一份焗流心蛋千層闊麵，份量挺大，有隻流心蛋在中間，蛋黃混合肉醬吃起來份外滋味，配上我最愛的千層麵，正。這個餐還配了一碗餐湯及一杯飲品，餐湯大概是粟米忌廉湯，質感creamy，味道香濃。餐飲我點了柚子蜜，味道夠甜夠多柚子皮。另外點了一份甜品，是曲奇窩夫。賣相十分精緻，打卡一流，窩夫夠鬆軟，每格窩夫上還有一小塊oreo，窩夫配上曲奇味雪糕一冷一熱吃也很不錯。最後還點了一杯菠蘿藍蝶，是看到挺特別才叫的，很少見到藍色的飲品，味道帶少許甘香，當中亦有淡淡的菠蘿味，感覺清新。

之前經過呢間女朋友都覺得裝修幾特別不過遲遲未食因為太多人等每次都今日大約六點零鐘都見冇乜人就即刻衝入去啦鋪頭嚟嘅裝修都幾細嘅都係一眼見曬不過都係合適的少女打卡cafe坐低咗之後我嗌咗兩個set一個係炸雞set一個係軟殼蟹意粉個炸雞都幾特別夠大份量都已經夠兩個人食，食到滯喇， 仲有三個醬料配搭一齊食 ， 三個裏面有其中兩個好食其中一個我記得係麻麻哋不過唔記得叫咩名啦 就算唔點醬都好食嘅個軟殼蟹真係唔錯，好少見 軟殼蟹意粉係原隻軟殼蟹已經唔記得呢杯叫咩名不過唔好飲黎到少女cafe當然一定要叫個甜品啦下次黎都係book位好啲如果唔係六點過後都幾多人大致上都ok嘅， 可以再嚟過

我地一行三人叫了西班牙海先燴飯，軟殼蟹黑松露意粉，帶子墨魚汁意汁意粉。個燴飯份量小到一人得一啖，收百蚊，我食食下食到條鐵絲，海鮮份量足夠的但無海鮮味其他兩個意粉份量可以接受，軟殼蟹意粉是整個dinner最出色，蟹新鮮炸，意粉調味可以。但墨魚汁意粉淡到無味，完全食唔到墨汁既感覺。三個人食完好似無食，唔飽，所以叫多個oreo全份waffle, 新鮮熱的waffle, 但無蛋味，不過不失。整體來說，性價比低，荃灣仲有好多好選擇，就可以唔洗選擇佢。

話說朋友約食生日飯咁叫呢間咁多好評又就腳就試一試佢啦！環境都麻麻地架啦兩人枱好近完全聽到隔離講乜我因為事前無時間食飯咁食咗個下午茶朋友又病咗感冒無乜胃口咁嗌咗一碟意粉同甜品窩夫侍應已經態度即刻變差大佬，如果係咁你咪set最低消費囉！軟殻蟹卡邦尼意粉好快到d意粉好淋，痴埋一舊好難食Euro gogo都好食過佢個蟹d內臟起哂入面咬到一啖苦既即刻吐出黎個orio窩夫叫好少少但麵粉味好重無蛋香味差唔多價錢Dazzling cafe好食好多佢未到好食唔難食囉跟住我地6點半坐到9點期間又唔加水一直都有空枱架但到9點就好無禮貌咁擺張單起枱面趕人走D語氣當然都掘雷錘咁啦咁無禮貌又唔好食都唔知點解咁多好評永！不！錄！用！

黎遠就俾呢間cafe吸引住，粉紅粉藍色裝潢，仲有一張張咖啡杯形嘅櫈，門口仲有好大隻天鵝🦢俾大家呃like！室內有啲雅座都幾有特式架！嘢食方面叫咗牛油香草蜆，都重牛油味，而且啲蜆冇沙！另外叫咗炸雞配薯條！仲有4款醬料可以點雞食！本身以為草莓醬汁會好奇怪！點知原來最好食係佢！其次係泰式辣醬同芥末醬。再叫咗個蒜香帶子麵，啖啖都食到蒜香油味，而且帶子仲好大粒！好抵食呀！甜品方面叫咗半份Oreo 嘅窩夫餅。熱辣辣配埋雲里拿雪糕口感好豐富，又凍又熱！最後有杯荔枝味嘅烏龍茶作結。

和閨蜜吃過飯， 看到這餐廳外表非常吸引， 以粉紅色做主題，外面有咖啡杯及白天鵝裝飾，充滿童話及少女風味。 雖然我倆剛吃飽了，但相信吃甜品也是女性第二個胃的權利。甜品款式很多，選擇困難証又來了。最後我們鍾情於這個愛心窩夫， 實體版的賣相比相片還要好看。熱辣辣的窩夫鬆脆可口， 新鮮的士多啤梨及香蕉配搭得宜， 配上朱古力醬，再加軟淋淋凍冰冰的雪糕非常好吃，非常滿足，果然沒有令我們失望。窩夫份量不算少，但愛吃甜的女孩子當然能吃掉整個甜品。 期待下次再次光顧別緻美味的甜品。

裝修夢幻，充滿少女風，最喜歡門口的旋轉天鵝公主和店內的幻彩摩天輪, 都係靚靚打卡位!牛油果軟殼蟹漢堡$88 (春日精選)漢堡包表面有香口芝麻，焗到脆身 ，打開漢堡包發現大大隻軟殼蟹, 炸到金黃色，酥脆可口，入口juicy，配上厚厚的牛油果醬，清新可口，可減肥膩, 感覺健康。薯條粗身，即叫即炸，熱呼呼的，配上兩種醬汁, 牛油果醬及茄汁, 吃到停不了口。熱情果烏龍茶輕氣泡 (跟餐加$18)熱情果入口清新，不太甜，烏龍茶味清幽，杯面上有輕氣泡泡，入口順滑。吉列豬扒明太子忌廉飯$78豬扒炸到金黃色，香脆可口，明太子汁好creamy，好鮮味，不知不覺地食完整碟飯!愛心窩夫 $96 (全份)窩夫賣相吸引，鋪滿士多啤梨、忌廉、香蕉、脆米粒、棉花糖粒及oreo雪糕，全都是我的至愛。窩夫外脆軟，散發陣陣蛋香，配埋軟滑香甜oreo雪糕，口感更加豐富，真是啖啖窩心。紅豆綠茶泡沫(凍)$39表面一層滑滑奶的泡沫，及灑上抹茶粉，入口順滑，配埋紅豆更加可口。

晚上食完正餐，想食甜品而來，原來有最低清費，驚太飽就點了綠茶藍蝶。很普通，而且完全沒有甜味般，只岩用於打卡。甜品就揀咗紫薯窩夫，因為想影相靚啲，揀咗整份窩夫都幾好食，脆中帶軟。舊紫薯都幾好食，夠紫薯味，唔會太甜，雪糕球就冇咩特別。另一個口味，就揀半份算，真係冇咁靚😍。