咖啡灣 (荃灣千色匯) (已結業)

裝修夢幻，充滿少女風，最喜歡門口的旋轉天鵝公主和店內的幻彩摩天輪, 都係靚靚打卡位!牛油果軟殼蟹漢堡$88 (春日精選)漢堡包表面有香口芝麻，焗到脆身 ，打開漢堡包發現大大隻軟殼蟹, 炸到金黃色，酥脆可口，入口juicy，配上厚厚的牛油果醬，清新可口，可減肥膩, 感覺健康。薯條粗身，即叫即炸，熱呼呼的，配上兩種醬汁, 牛油果醬及茄汁, 吃到停不了口。熱情果烏龍茶輕氣泡 (跟餐加$18)熱情果入口清新，不太甜，烏龍茶味清幽，杯面上有輕氣泡泡，入口順滑。吉列豬扒明太子忌廉飯$78豬扒炸到金黃色，香脆可口，明太子汁好creamy，好鮮味，不知不覺地食完整碟飯!愛心窩夫 $96 (全份)窩夫賣相吸引，鋪滿士多啤梨、忌廉、香蕉、脆米粒、棉花糖粒及oreo雪糕，全都是我的至愛。窩夫外脆軟，散發陣陣蛋香，配埋軟滑香甜oreo雪糕，口感更加豐富，真是啖啖窩心。紅豆綠茶泡沫(凍)$39表面一層滑滑奶的泡沫，及灑上抹茶粉，入口順滑，配埋紅豆更加可口。