咖啡弄 (已結業)

那天放了半天假, 跟朋友們去山頂3D館, 玩完後當然要醫下肚子啦, 剛好六點多少少, 這個鐘數應該不算多人吧, 去看看果然地下沒有人排隊, 問了侍應說樓上多是二人等位, 如果有四人枱就可以入, 所以就等了, 約10分鐘後就有位啦, 十分好運呢!!!跟朋友們叫了兩款咸食及窩夫, 當然飲品也是必叫之選, 開餐啦各位!!熱鮮果茶~~~因為近來咳還未好, 所以就叫了熱的, 很多水果, 而且很大壺, 味道初飲已很濃, 很水果味, 飲到後來更濃, 不過橙可能多了少少, 最後就有少少酸了…….冰鮮果茶~~~朋友說可能有冰的關係, 所以沒有熱的那麼濃, 但其實水果味已好入味了…….芒菓沙冰~~~朋友飲的, 好大杯味又濃, 也有很香的果味, 飲完好清涼~~~優格野莓冰沙~~~顏色靚之餘, 也能看到果肉新鮮打造, 味濃還比芒菓那杯出色一點, 仲有大大粒士多啤梨!!玉米里肌起司可頌($62)~~~很喜歡這個牛角包, 味道好之餘也足料, 首先係牛角包好鬆軟, 酥皮又好, 表面加上了煙肉碎好香口, 裡面有芝士及火腿及蔬菜等, 每啖都有好豐富的口感, 加上粟米及酸酸的沙律醬, 滋味啊, 精選!!!咖喱牛腩佐法國麵

黎親咖啡弄都係食煙肉芝士可頌 因為我真係好中意呢個配搭 首先個牛角包好香脆 個酥皮好食又有牛油香味 個半融芝士好正 鹹鹹香香 芝士味濃郁 再配埋塊香口帶鹹味既煙肉 同香甜既粟米 當然啦 番茄同生菜都唔可以忽略 因為加埋佢地感覺清新好多 一口咬落去 各種味道相互配合 好好食！旁邊既沙律菜亦夠新鮮 可以解膩 點埋個醬食更正 個醬味道濃郁 令成份食物既味道更上一個層次 我仲點左杯水果茶 賣相好靚 好多生果 d生果既新鮮亦甜 杯水果茶就酸酸甜甜 又夠凍 又大杯 好飲

在尖沙咀看完戲打算去吃新開的那家抹茶店.....但去到所有籌也已經派完了只好轉移陣地~跑了去咖啡弄 (≧∇≦)/但在這裡也要等半小時左右才有位置，而且還要搭枱用餐時間只有1個半小時，所以快快的點好餐因為天氣開始熱了~而且排隊也排到有點熱，所以都點了凍飲 （=´∇｀=）冰抹茶相思歐蕾 ($48)抹茶有滿滿的紅豆～看上去感覺有點膩呢茉香蜜桃冰茶 ($44)冰茶帶點淡淡的蜜桃香~而且是酸酸甜甜的，還有一點點澀的味道~點了一份 - 鹽味焦糖鬆餅 ($58)別看輕這裡的鬆餅~除了是全份外，麵粉落得超足！！感覺有點像是在吃雞蛋蛋糕的口感~很厚實，配上有淡淡鹹味的焦糖一絕(~‾⌣‾)~ 雖然這裡的鬆餅很有名，但也要試下新東西嘛點了這份 - 玉米里肌起士可頌 ($62)單看名字完全不知道「可頌」是什麼來...好吧！！！原來是牛角包的別名啊牛角包內的餡料超豐富~ (๑^w^๑)半溶的起司、火腿片、生菜、番茄，還有玉米和煙肉伴碟的還有沙律菜和玉米喔

約左朋友未夠鐘，見唔駛排隊就一個人上去坐下HEA下! 入面有台藉職員，佢地講國語真係好好聽，好溫柔。平時都會飲熱飲，但實在太熱，今日就黎點不一樣，飲凍既! 好得意，原來個冰係由檸檬雪成，甘就唔怕融雪時影響個味! 唔知點解覺得凍比熱飲甜，我偷偷加左杯水入去。生果比熱既好食，好消暑! 因為唔係繁忙時間，環境好清靜，唔會好似平時甘嘈令人坐多陣都覺得辛苦!

有一日同個fd去完韓國街食完野之後，行行下街我地突然因為甜點心癮發作而決定去附近試下依間咖啡弄。個度排曬大長龍，街頭排到街尾，連樓梯都要排，我地大約排左45-50分鐘度，先坐到入去，仲要同人夾台坐添。不過，依一層又唔可以怪佢地既。我地就黎到坐入去之前（排位時），佢地會比個menu比你地睇，所以入到埋去可以立刻點野食（節省雙方時間）。雖然我地排左好耐，但係仲感覺有d飽，所以我地就每人叫一杯野同share一個甜品。上圖就係海鹽焦糖拿鐵，佢個拉花好靚，latte正常味，不過隔離個cream其實係焦糖漿加海鹽黎既，所以同d cream一齊飲latte既時後，感覺幾清新又特別，值得一讚。下圖係一杯凍鮮果茶，用lipton沖既茶，加上酸甜果香，又清新又開胃，加上岩岩排隊既時後咁熱，飲一杯清涼既果茶絕對係明確既選擇。中圖就係我地既主食（甜品），葵瓜子芝麻冰淇淋鬆餅，鬆餅係新鮮整起，又軟又熱，好食，加上黑芝麻醬同黑芝麻雪糕，配搭上黎幾好食，食完後香濃既芝麻仲殘存係我既口腔之間，太讚了！雖然等好耐，但係d野食好食，等咁耐都值得啦！

上星期四約同在尖咀返工的友人午餐。 我提議到咖啡弄，銅鑼灣的咖啡弄去過兩次，質素都ok。 尖沙咀就一次都未去過。因爲午膳時間有限，友人先打電話去問有無位先決定去唔去。 很幸運，12：15是無需等位，直接入座。 我12：30到達時見到已經接近坐滿哂。朋友點的是 咖哩牛腩佐法國麵包 $68 冰鮮果茶 $58本身打算她點pizza，但因爲被告知需要20分鐘，最後就點了咖哩牛腩佐法國麵包。因爲我想食waffle，所以惟有唔食咸點，直接食甜品當正餐 我點的是 香蕉巧克力冰淇淋鬆餅 $54 優格野莓冰沙 $52其實說真的單點waffle已經夠，但我都另外點了銀料，因爲要注意！！咖啡弄係必須每人點一杯飲料！ 在餐牌上寫的是：最低消費為每人一杯飲料（六歲以下免計） 相信一班人的解讀都會是：至少要點一杯飲料或以上價錢的東西。 其實不然，係每人一杯飲料！官網就寫：最低消費為每人一杯飲料，餐點恕不列入低消（六歲以下免計） 說真的，不太明白爲什麽要堅持每人一杯飲料？！說回餐點，咖哩牛腩佐法國麵包 $68最後都需要20分鐘才上（最後上的餐）。法國麵包有特別烤過，很熱很脆。 咖哩牛腩，牛腩量不算多，因爲有超大舊薯

周日下午尖沙咀咖啡弄，已經比新張期間人流減少，只需等數分鐘，已經可安排入座！茉莉蜜桃冰茶：普通貨色，夏日消暑之選！維也納冰咖啡：賣相一流，其實味道一般！芥末培根三文治：份量好大，芥末開胃，煙肉不太肥，尚可！可惜麵包烘底不足，加上上枱時食物不太熱，尚有改善空間。海鹽焦糖雪糕鬆餅：鬆餅外脆內軟，有彈性，口感一流！

在香港要找到有的台式cafe確實不容易，咖啡弄，故名思義啦，都係用咖啡去做賣點。呢間cafe有2間分店，係尖沙咀的，感覺又真係幾得意嘅。一入到去同其他Cafe一樣，會有一個Open kitchen，再入去，會有幾個區感坐，我就最中意坐Bar台嘅，因為可以望住個街景，感覺似係台灣多點。餐牌上嘅食物同飲品都好多，樣樣都想食，但胃就得一個，邊食到咁多呀，所以就叫左佢限量供應嘅玉米里肌起司可頌，其實就即係牛角包。一上枱，真係幾巨型，佢入面夾住嘅有芝士，芝士醬，火腿，煙肉粒等等啦，芝士醬夠哂多，又濃郁，同煙肉簡直真係perfect match !而個包又鬆軟，口感真不錯的！而個草莓冰淇淋鬆餅，基本上係必叫嘅，份量當然要唔使講，係勁啦，鬆餅其實就係窩夫，好厚身，完全滿足到要豐富嘅需要，而士多啤梨更加係酸酸甜甜感，食落都無咁肥膩。到飲品喇，Oreo 沙冰食落就無咁甜，但一飲落就真係好甜，要飲番啖咖啡先，曲奇碎夠多，岩哂我呢個Oreo fans，所以會成杯飲哂，真係一個滿足到我嘅飲品。咖啡弄要排隊等入位就係梗架啦，所以想食嘅真係要比耐性等下。但入到去見到咁多咁好味嘅野食真係乜都抵番哂啦！

還記得當日咖啡弄首次來港開業的日子，等上兩個鐘算是等閒之事。在下向來不喜歡等候，所以一直沒幫襯過這台式店子。直至尖沙咀店開業，與我家那位也要等差不多一個鐘才有位。這天在iSquare睇完戲經已兩點半，我家那位提議近近地吃咖啡弄，本來還擔心星期日必然會排長龍，但來到樓下卻只有7組人在等候。天氣雖然有點熱，幸好前後大概等了半個鐘便有位了~鹽味焦糖鬆餅$58疊起來的鬆餅、擺得高高的忌廉，就是喜歡那堆砌起來很豐富的感覺。第一次吃咖啡弄試了他們的鬆餅，那結實但鬆脆的口感教人歡喜，所以這次也沒選其他，選擇再回味一番。切開鬆餅，那鬆脆的質感尤在，先吃一口無添加，結實的鬆餅滿滿麵粉香。再沾些雪糕、蘸點焦糖醬，既熱且凍、又咸又甜，很有百般滋味在心頭的興奮。在忌廉上的榛子果仁沾滿鹽粒，鹹鹹的味道單吃也相當惹味~玉米里肌起士可頌$62一直覺得croissant吃起來很油，所以平時不會刻意去點選。但這份可頌吃起來沒有以往讓我生畏的油膩，換來的只有香脆的口感。除了粟米及芝士外，炒至香口的煙肉為可頌帶來了濃而不膩的油香。餡料的主角是一團疊得厚厚的火腿片，即使疊成千層錦的樣子，吃時仍感受到火腿片的軟嫩肉香。冰抹茶相

大大杯的雜莓乳酪沙冰頂層堆滿紅莓、木莓、草莓等大量雜莓，賣相很美。沙冰細碎綿滑， 質感像冰感較重的雪糕，足料程度可想而知。事實上，莓果味的確十分濃郁，喝一口，濃濃的莓果香隨即攻佔口腔，細味之下乳酪的酸香又淡淡透出，酸酸甜甜，冰涼清新，令人一口接一口，不能自已。這次不點草莓鬆餅，點了葵花子芝麻冰淇淋鬆餅。鬆餅甫上桌，一陣陣誘人的香氣撲鼻而來，令人食指大動。鬆餅一如既往的厚身，外微脆，內層卻似乎比以往的更鬆更軟，帶少許煙韌，配上超香濃的芝麻醬、冰凍的芝麻雪糕及軟滑甜美而豆味十足的綠豆蓉，美味得過份！唯一挑剔的是，鬆餅只是微暖，如果熱度提高點，那冰火交融的感覺必更驚艷。

依間餐廳響我身邊0既朋友同家人口中都話係好好食但排隊排到癲0既CAFE諗住早0的出門口早0的到唔洗排咁耐隊,跟住個地址指示話港鐵A2出口迷左好耐,我朋友到左目的地,跟佢講解,原來由A1出口出先至係正確搞到我行到迷失方向XD 其實識尖咀路0既人咩出口都應該會最終去到0既但對我地依0的路痴黎講,指示錯誤左就好大件事,希望餐廳0既負責人可以改返個正確地址,唔好令我地依0的路痴迷失方向入正題啦,朋友比我早到,而且到達時時間尚早,晚上六點多,我朋友排第一位,都唔係要等好耐大概二十分鐘就入座了,因為用餐時間只有90分鐘,所以我地拿拿聲望下餐牌就點餐朋友點左個  芥末培根起司三文治$ 58 朋友飲品點左 桂圓紅棗茶 $54 而我就點左 葵瓜子芝麻冰棋林鬆餅 $54 最後點左個 OREO沙冰 $52我同朋友兩個都食到好飽,餐廳員工會響差不多等客人用餐至45分鐘後會交還點菜單,我諗可能係想客人早0的俾錢後客人可以安心用剩下0既時間享用食物吧,依一餐真係好滿足,下次在下想嘗試自己一個人挑戰鬆餅,而且黎食野真係要識揀時間,六點前大概未太多人排隊,同埋星期四我地食完都唔係有好多人排隊,我諗星期四前幾日黎食等0

大熱天當然要喝沙冰降降温。芒果沙冰質感有點像雪芭，味道天然，混有不少果肉，酸酸甜甜，不錯。大塊鴨胸煎香後，鮮嫩多汁，爽滑彈牙，配上新鮮無渣的沙律菜及酸酸甜甜的袖子醋汁，很清新開胃！如果你喜歡很外脆內軟，不太實在那種窩夫，咖啡弄的不合你口味。這裏的鬆餅厚厚的，外微脆，內裏鬆軟帶點煙韌，口感實在，散發陣陣蛋香，配上甜美的草莓雪糕、吉士和大量鮮草莓，冷暖交融，都不錯。但真的頗飽腹，兩個人才能ko, 而且要是愛甜之人。

經過尖沙咀，發覺原來有咖啡弄，以為淨係得銅鑼灣先有，所以就同個fd去食。原來食甜品之餘，一定要加杯野飲，所以就叫左窩夫加oreo沙冰窩夫 : 好香 唔知係蛋定麵粉既香味 窩夫幾軟下 1個人食曬會好飽 strawberry 雪糕冇咩特別 吉士幾好味oreo 沙冰 : 好得意 有塊oreo係上面 比較甜左D 又食甜品又飲甜野就可能會覺得太甜太多糖頂唔順

係台灣食過咖啡弄 念念不忘 去到尖沙咀難得經過一定要試! waffle應該係最常點的 當然試試 首先 佢的份量應是兩人的 因為真的太大了最終我一也食不完 其次 waffle 外脆內軟 配合雪糕和焦糖汁 加水果作中和 甜中帶清新 正!!!!!!!!!!!!最後係介妱飲品 oreo沙冰 愛oreo的一定瘋狂著迷 飲的是後除了是oreo 的味道 更能食到粒粒的oreo脆脆 但各位記得飲快點 冰溶了 味道收淡就影響味道哦

大概7點10去到排隊 入到入面再等 等左超過30分鐘 同朋友一去到 已經諗好要叫咩野食 點知八點入得去坐先知係咩都無曬！ 得返三文冶 連甜品想食既oreo cake都無！ 好失望 係出面等左超過三十分鐘 等位區又熱又焗 真係有朋友覺得好暈 因為係幫朋友慶祝生日 唔想亂食 就打算叫杯野飲 就轉場去第二度食飯 我地叫左招牌水果茶 野飲黎齊都等左二十分鐘 個水果茶真係好！難！飲！ 甜到不可理喻 已經加左兩煲熱水 都係非常甜 個水果茶只有橙味 等同唯多c味道 50幾蚊 真係非常不值！ 其他oreo飲品 同士多啤梨飲品 都非常一般！ 無咩特別 最重要啲服務員因為我地唔食野 過黎黑面收曬我地啲餐具同餐牌 服務印象十分差 其實晚上八點佢已經可以收鋪 排甘耐 都無同過啲客講所有野幾乎無曬