咖啡弄 (已結業)

在香港要找到有的台式cafe確實不容易，咖啡弄，故名思義啦，都係用咖啡去做賣點。呢間cafe有2間分店，係尖沙咀的，感覺又真係幾得意嘅。一入到去同其他Cafe一樣，會有一個Open kitchen，再入去，會有幾個區感坐，我就最中意坐Bar台嘅，因為可以望住個街景，感覺似係台灣多點。餐牌上嘅食物同飲品都好多，樣樣都想食，但胃就得一個，邊食到咁多呀，所以就叫左佢限量供應嘅玉米里肌起司可頌，其實就即係牛角包。一上枱，真係幾巨型，佢入面夾住嘅有芝士，芝士醬，火腿，煙肉粒等等啦，芝士醬夠哂多，又濃郁，同煙肉簡直真係perfect match !而個包又鬆軟，口感真不錯的！而個草莓冰淇淋鬆餅，基本上係必叫嘅，份量當然要唔使講，係勁啦，鬆餅其實就係窩夫，好厚身，完全滿足到要豐富嘅需要，而士多啤梨更加係酸酸甜甜感，食落都無咁肥膩。到飲品喇，Oreo 沙冰食落就無咁甜，但一飲落就真係好甜，要飲番啖咖啡先，曲奇碎夠多，岩哂我呢個Oreo fans，所以會成杯飲哂，真係一個滿足到我嘅飲品。咖啡弄要排隊等入位就係梗架啦，所以想食嘅真係要比耐性等下。但入到去見到咁多咁好味嘅野食真係乜都抵番哂啦！