咖啡弄 (已結業)

到尖沙咀不得不到的台式餐廳，幸好早到，不用等位，每次光顧也是大排長龍餐廳食物質素挺高的，只是用餐比較擠迫，限定用餐時間，和普通cafe休閒格調有點不同嗌左絲路花茶同總匯三文治，花茶很快就端上，飲住花茶等食，茶杯幾特別，擺放都有特色，不同的花調配而成的花茶，飲落清香，隨意加少許糖，花茶更是清甜總匯三文治份量挺多，也很足料，蔬菜用料新鮮，面包烘得很脆，但欠缺特色整體食物質素好高，偶爾來一個這樣高質的晚餐，令人享受如果要到此用餐，建議早點去到，真的挺多人，排隊也需要多一點時間

食完晚飯又到左甜品時間，而今次就選擇左黎呢間度食，不過去到門口已經好多人，排隊排到係街到，等位都需要咁上下既時間，兩至三人既多數都要搭枱。今次就叫咗杯冰鮮果茶，再加一杯Oreo沙冰。首先杯果茶味道酸酸甜甜，好多生果，好開胃。另外oreo果杯味道好濃郁，但係一個人感覺會好濟。同埋個窩夫好香好吸引，攞到黎都忍唔住好想食，襯埋個雪糕口感岩岩好，賣相點綴得非常吸引。

有日lunch time行過見到佢地既待應行左落黎，咁就行過去問下有冇位，竟然話即刻有，見唔洗等就決定食啦，上到去好快就安排左坐位了，睇黎睇去都係想食窩夫，所以就叫左芝麻雪糕窩夫，同事就叫左三文治一齊share，三文治就唔記得乜野味，但個窩夫就好好味，粟子蓉同埋芝麻雪糕個味配搭得好好，唔太甜，lunch都食到真係開心呀！

咖啡弄剛黎到香港果期, d人話要排3個鐘, 呢日得閒就過黎睇下2點多d去到已經排哂隊, 但又未至於要3個鐘咁耐, 半個鐘多d啦我地得2個人, 要搭枱....張枱好細....變相同對面對3唔識7既情侶好親密下.....玉米里肌起士可頌 - 個芝士汁超好味, 裡面火腿份量不少, 但個包唔多鬆化, croissant黎講完全唔合格, 沙律菜ok燻雞吐司pizza- 簡單美味香蕉朱古力鬆餅-正正就係為左個鬆餅先至黎, 點知好失望.....配料冇咩特別, 朱古力醬同香蕉唔洗點講, 但個鬆餅本身真係差, 唔好講咩外脆內軟, 佢直情係一舊實邦邦既包咁....冰果茶非常討好, 基本上完全唔甜, 帶濃烈柑橘同鮮橙味, 第一啖似果汁多於果茶, 要飲落先有紅茶回甘芒果沙冰- 太甜, 有藥水味埋單每人150, 絕不便宜!

海鹽焦糖拿鐵 ($50)咖啡弄最低消費一杯飲品☕️ 所以選左海鹽海鹽海鹽店員話一啖Cream一啖咖啡會更好Cream同海鹽鬆餅既一樣☺️有濃濃既鹽味同甜味而咖啡微鹹微苦 Latte的味道反而不濃Sea Salt Caramel LatteThe minimum charge in Coffee alley is a drink so I chose this ☺️ the cream is the same of that of salty waffle. It is a bit sweet and a but salty but the coffee is lack of taste of latte haha鹽味焦糖冰淇淋鬆餅 ($58)鹽味忌廉、雲尼拿雪糕、焦糖醬，再配上又熱又鬆軟既窩夫有點鹹但窩夫始終都很棒☺️ 忌廉也令我驚喜Salty Caramel & Vanilla Ice Cream WaffleSalty cream, vanilla ice cream, caramel sauce, with hot soft waffleIts quite salty 😂 but im

食煙肉芝士可頌牛角包夠香脆 個酥皮好食又有牛油香味 個半融芝士好正 芝士味濃郁 再配埋塊香口帶鹹味既煙肉 同甜甜地既粟米 番茄同生菜都幾鮮 因為加埋佢地感覺清新好多 一口咬落去 各種味道既化學作用 好食！旁邊既沙律菜新鮮 可以解膩 點埋個醬食更正 個醬味道夠濃郁 我仲點左杯水果茶 賣相好靚 好多生果 d生果既新鮮亦甜 杯水果茶就酸酸甜甜 又夠凍 大杯 正!

在台北吃過，這次同事提議來吃，我二話不說就答應了，因為在台北有個很好的回憶。可能是下午茶時段，排隊的人數不多，我們20分鐘左右就成功入坐。我們三人每人點了一杯飲料，這是最低消費。值得推薦的是桂圓紅棗杞子茶，甜度適中，而且份量也很多，配料也很多。之後是主菜，我們點了總匯三文治和玉米里肌起士可頌，前者有有三件一碟，份量都蠻大，用餐具是沒從入手，最愛要用手吃，可是味道一般；但是後者真的值得推薦，非常好吃。最後甜點我們點了一份窩夫一份千層酥，窩夫和我在台灣吃的口味一樣，在香港吃味道也一樣，但是千層酥完全是一個陷阱，一點也不好吃。最後三個人平均$147就吃到那麼多，價錢比另一在香港開分店的台灣cafe便宜。

一早已經聽過咖啡弄這個名字，很出名的台式咖啡店，難得下午茶時間經過，又無咩人又不用排隊等位，立刻上去試食！自己一個去其實都預了搭枱，不過想不到竟然是一大張長枱，全部都是一雙一對的，感覺很像飯堂開飯的樣子，亦顯得我格外「獨男」一樣餐牌設計特別，很像雜誌週刊一樣，花多眼亂之下其實不知點甚麼好，唯有點了封面推介的花茶和三文治，應該伏極有限吧？洋甘菊荔香茶——味道淡淡的，但香氣撲鼻，待應未放下已經被香味吸引，而且可隨自己喜好加入蜜糖，另外一整碟青蘋果檸檬香橙，齋吃又得，加入花茶調味也得，幾好飲效果不錯！總匯三文治——一上枱同圖片一樣的樣子，絕不違反商品說明條例！有薯片、沙律和菜伴碟，三文治很大份，麵包哄得脆脆的，配料有肉有菜、有蕃茄亦有炒蛋，我想其實就是茶餐廳的公司三文治吧？三文治份量很足夠啦，我一個男生吃完已經很飽很滿足，女孩子吃的話要自己衡量一下了！食物質素是可以的，埋單連加一的話要一百二十元，感覺價錢偏貴了！而且座位安排未算十分舒適，亦扣了一點點分數，可能是「名牌效應」吧，始終都會吸引一大群年輕男女去捧場呢！

剛巧經過此店，聽到朋友介紹很多次，平日見到長長人龍在樓下街上等位，都沒有耐性，尤其甚者，現在熱到傻日子，見到今天門口沒有人龍，即入內。原來都是爆滿，要等陣。居然好似茶樓要和人搭檯，坐下環境好嘈，絕對不像台式咖啡店，可以靜靜聽歌看書。試試吧冰滴咖啡，味道濃厚，啡味非常重，先試原味，不加糖水，奶，咖啡香氣撲鼻，但不是我喜好的咖啡味。冰維也納咖啡，忌廉很多亦好味，但啡底帶酸，總結是不好味道。。。一個唔知點解嘅名，玉米里肌起士可頌，加焗煙肉，確幾好味道，火腿肉靚料，可以一試但總結，一試可以無下次，感覺另一台店 “X 木“ 合口味些。

一直都聽聞食咖啡弄要等好耐，適逢朋友生日就去左食，第一次黎講，感覺真係好差，但同佢既食物質素無關。我地等位等左四十分鐘到，到到入去店舖既時候，服務員提醒我地有個半鐘用餐時間，但我地等左四十五分鐘先有野食黎，中途有請人跟一跟單，可能係太忙所以服務員唔耐煩叫我地再等，終於有野食，食左十五分鐘已經問我地會唔會加單，唔加就埋單，態度同樣唔好😑老實講野食係好食，但服務態度真係令人卻步……當時好肚餓所以只係影左自己冇影朋友個三文治牛角包好好食👍🏻

一心一意想來嘆杯咖啡醒下，點知咖啡係好淡的， 唉…好失望呀！｛bad｝ 老麥都濃過佢! 下次試熱咖啡希望濃d~~ 但食物就意料之外!!! 我會比90分給食物!!!!去到係3:00pm, 全場好多人，搭枱唔洗等! 限90分鐘交枱， 到60分鐘時， 侍應會放低張單在我們枱面， 但無催我們走， 我們都自動自覺夾番錢在單內， 侍應會過一陣來收的! 環境: 75分， 佈置幾清新， 燈光柔和， 不錯! 4人枱其實有點窄， d 碟又大隻， 好難同時放4碟， 我們2人搭枱的， 好彩搭我們枱既人都斯文， 大家互相遷就! 服務: 85分， 殷勤有禮， 幾貼心， 他們不停行來行去睇客人需要! ｛Good｝不會縮埋一邊! 仲主動添水比客人!

尋日同英國返黎個fd食飯，咁就帶佢去咖啡弄朝聖下...原本約七半去既，但OT到八半就無計啦，九點三先去到，等左一陣佢就話九點半last order，叫我地點野食先！揀完等多一陣，有位入，坐係入面吹水等野食！首先黎左杯野飲，樣靚既，但味道就無乜特別，都係咁!之後上左份三文治，入面d雞肉係唔錯，幾嫩滑同甜甜地 再黎多份蕃茄雞肉pizza，不過不失！之後開始嬲嬲地啦咁一早已經話甜品後上既，佢地話ok，但點知我未叫佢上同我第一份既三文治都未食完既時候，佢就已經開始上甜品，個staff見張枱full曬都唔知擺邊好，我就同佢講我地未叫上甜品架喎，佢就話廚房趕收工 -.- 但個時先十點! 千層酥，有少少檸檬味，好脆，但其實又未到好好食，唔會而encore~塊餅好厚同實，麻麻地，好味位係個雪糕球好啦，總結一下先，d野飲野食係ok既，但唔係特別好食，但d服務呢......咁我地都知佢收十半，所以去之前已經打定電話問仲有無得食，佢話ok我地先上去，點知去到係一直比人催同去到最後十點半時見證住佢地點有禮貌地趕人走，逐張枱收野，見你成大碟未食完就問需要外賣盒拎走嗎? 去到咁既位，我真係唔會想再去

甘岩放假就同友人一齊去咖啡弄食個下午茶我地一人叫左一樣野食：一個熟食&一個甜品，分別係粟米芝士煙肉可頌同紅豆抹茶窩夫。先講前者，一黎到賣相已經相當吸引芝士味配合煙肉同粟米本應係完美既配搭，不得不承應毎一口既口感都非常豐富有層次但芝士味不夠香濃，而且煙肉不夠香，在嗅覺和味覺上也得不到滿足。至於甜品方面的確有少許失望抹茶雪糕不太濃，窩夫略厚之餘沒有什麼味道 (有啲似Ready Food既味道)。

由於 咖啡弄，經常要等位，仲要等好耐，所以已經有段日子無食，但今日約左朋友未到要成大半個鐘先收工，又唔知去邊，唯有自己等下位，睇下電影打發時間。 想不到成8點幾，仲有咁多人排隊，😧等左大約40分鐘，終於有位，朋友都剛巧到達。立即叫杯冰凍的水果茶先，之後再叫 咖哩牛腩配 法包，沙津燻鴨，豬扒包。 酸酸甜甜的果茶，真是十分醒胃，仲有些新鮮生果。] 大大件的豬扒包，十分香口好味，而且仲有 新鮮的生菜配沙律蛋，豬肉不似一般豬扒，似火腿扒較多，但味道唔錯。]]] 燻鴨沙律 : 暖暖的燻鴨，竟然又幾好食，有些咸香味，配大大碗的沙律菜，感覺好健康。 ] 咖哩牛腩，雖然份量唔多，但味道香濃，又唔會太辣，而且牛腩炆的夠淋入味。

裝修環境都好舒適，好適合行街行到攰坐低休息吓，入到店內發現由內到外每個員工都好有朝氣氣全部都好後生，就連自己坐低咗食嘢覺都得自己後生咗😂😂😂，至於食物嘅味道同相一樣不用多講一句講晒，好味道抵食夾大件！不過如果細胃口緊記有最低消費，每人進場必須最低消費一杯飲品，食物不計算在內～