咖哩葉

營業中

休息中

一向對印度菜有一種偏愛，喜歡他以不同香料製作既咖哩料理，更喜歡配以唔同食材製作既印度薄餅🥘🌮「咖哩葉」位於佐敦茂林街，距離港鐵佐敦站大約7分鐘路程。相信餐廳人氣都頗高，7時許下層已經坐滿食客啦!一打開餐牌，淨係咖哩既選擇已經有超過10款，餐廳亦貼心地照顧到素食朋友並提供唔少素食選擇，真係花多眼亂、心大心細揀唔到落手。落單後店員隨即送上小食-印度脆餅配典型薄荷醬+新奇酸梅醬👍🏻 1） 素菜咖哩角-飽滿既酥炸咖哩角，入面滿滿薯仔餡料，絕不欺場，配以酸甜汁，味道出奇地合拍2）印度炸薯餅-另一薯仔料理，薄脆外層炸漿+軟棉薯蓉😋😋3）燒烤雞肉捲❤️🐥-以鐵板形式上菜，雞捲中含有馬碲粒同印度香料，香氣四溢，食到中段仍能保持熱度4）印式咖哩蔬菜奶酪🧀️-咖哩就食得多啦，咖哩奶酪就真係第一次🤭橙色一粒粒既應該就係奶酪，口感唔似芝士但有微微既奶味，係幾特別既5）Nann + Aloo Parantha + Mushroom Pulau - 食印度菜點少得印度烤餅呢，叫左一客原味Nann + 薯仔餡餅配咖哩。友人亦加點了蘑菇飯，首嚐印度米，口感頗為特別，米身較長。6）Mango Lassi🥭-最後以Mango

今晚同屋企人食飯，諗極都諗唔到食咩，唔係日本菜就西餐， 不如今日試下新野-印度菜😃上網見這間食評唔錯，就決定哩間啦。見個位置係條巷仔裡面，以為唔會好多人，點知一去到都幾full,好彩有訂位。叫左好多野食，講下幾樣我覺得比較出眾既食物先雞卷： 用鐵板上，熱辣辣，噴住煙，香到隔離枱都即刻叫左碟。 雞卷咬落去好多汁，味道唔會太鹹，反而突出左雞肉味👍🏻素咖哩角： 超足料，裡面非常飽滿，咖哩味濃得黎又唔會太辣👍🏻奶酪雜菜咖哩：哩個我超鐘意，味道唔辣，亦落左好多蕃茄去煮，味道好有層次，配埋薄餅真係一流。蘑菇飯： 估唔到咁大碟， 印度既長米，每啖都會食到蘑菇，好味道😋總括黎講，所有野食都屬於中上。 小店黎講都好用心，我見店員如果得手都會盡量親自送客人離場😊

阿媽一向鐘意食咖哩，趁週末我就心血來潮帶佢黎食印度咖喱😂見openrice好多人讚好，應該幾正😍黎到發現都幾多人，幾乎坐滿晒，而原來睇落細細間的舖頭仲有二樓😧店員安排左我地坐上去～裝修得好有印度風味！個餐牌勁多選擇，睇左勁耐先揀到食乜😅首先有餐廳送的前菜☺️🥟Veg samosa 素食咖哩角原本以為係好細件咖哩角，但原來勁大件😆真係冇乜點食過印度餐廳，🍛Chicken Curry 咖哩雞呢個正！咖哩味同平時食開的咖哩好唔同，非常濃味又香口。我地專登叫多左份 Naan (印度薄餅)配咖哩，好正😍 而薄餅亦都唔似平時泰式餐廳啲油的薄餅，呢到係用烤的，口感一流。🍚Mushroom Pulau 蘑菇飯最初以為呢到啲野份量比較細所以叫多左個飯，但食完咖哩角，咖哩雞同薄餅開始飽😂 不過好彩都夠肚食埋個飯，食完就真係飽到上心口。蘑菇飯幾特別，有淡淡咖哩味，用米亦非常高質。撈埋咖哩雞的酱汁一齊食都非常夾。呢餐全咖哩宴好滿足！媽媽都好滿意今次的新嘗試😆

今日轉下新口味，食下平時較少食嘅印度菜。 好耐冇食過印度菜，呢排想食下，就上網睇下邊間好食啦。見到咖哩葉評語唔錯，就嚟咗食晚飯。餐廳位置方便，服務唔錯。餐牌好豐富，有好多嘢食，而且分類清晰，中英對照。 叫咗一份晚市套餐，有餐湯，小食，意粉，甜品及紅酒，大家share 食。另外再叫了牛油雞，雜菜咖哩，配印度薄餅。黎印度餐廳一定要試下咖哩，雜菜咖哩比較濃味啦，幾惹味。牛油雞就唔辣，可能放咗好多牛油關係，所以好滑，仲有啲蕃茄味。 飲品方面，一定要點mango lassi，即係芒果乳酪，芒果味非常香濃，感覺好新鮮天然的芒果味道，唔會好假，幾正。食物飲品份量都幾大，所以大家都吃得很飽很滿足，價錢都算抵食。

身為吃貨，唔同國家嘅菜式都喜歡吃。以前成日去重慶大廈食印度菜，今次又試下佐敦嘅咖哩葉。地鐵站一出行幾分鐘就到，位置都算幾方便。今晚同屋企人嚟試下印度菜，佢哋係第一次食，覺得幾好味，是個新奇的體驗。店員都係印度人，會說英語，態度幾親切。呢度環境都幾cozy，座位上有啲cushion，牆壁上有印度畫作，還有電視播放著印度mv。我們一行四人點了一個dinner set，包一杯紅酒，還有餐湯配蒜蓉包，兩隻雞翼，雞肉意粉及跟餐甜品。另外再點了雜菜咖哩，牛油雞，番茄湯，印度薄餅及mango lassi。每份都大大碟，好夠飽。mango lassi芒果味濃，好香滑 ，用來解辣最適合。牛油雞不太辣，醬汁用來配薄餅非常好。蕃茄湯很香濃，甜甜的囡囡很喜歡 。想不到家人雖然第一次吃印度菜，也非常接受，還大讚好吃呢。

個friend最近話病完，食太多清淡嘢，打算食一次重口味食物，就帶佢番印度la！食印度嘢貪佢味濃😋黎到咖喱葉聞到陣陣印度咖喱香料ge味道，裝修較簡單，座位舒悉由於我唔太熟印度嘢，所以叫左佢地推薦菜式：mango lassimango lassi以前都飲過，係印度芒果奶昔，佢結d所以比較飽肚，甜甜酸酸算開胃（4/5）燒烤羊肉卷羊肉卷包左d印度香料，所以同羊肉陣蘇味會比較近，加左d 檸檬汁所以無咁漏（4/5）牛油咖喱雞butter chicken係印度菜比較出面，由於butter比較滑，個咖喱口感比較smooth，亦唔太辣，點naan好好（4/5）如果想試印度嘢，lee度都可以係選擇！

好耐無食過CURRYCURRY啦!! 最鍾意食INDIAN FOOD因為有NAAN點CURRY食, 諗起都流口水不過最驚就係D CURRY太辣..好彩宜間全部(我叫個D)都係無辣咁際 YEAH!!叫左個BUTTER CHICKEN,, 原來睇返中文先知宜款係有蕃茄醬嫁播!!知道左之後就食到陣陣既蕃茄香,感覺好開胃同埋佢都真係好多雞, 唔算滑但都好食再叫左個FISH MASALA.無骨魚正正,, 又係好多料!D魚大舊到我地幾次都以為係薯仔重點泥了, 再加埋一份PLAIN NAAN($20)一份BUTTER NAAN($24)真係好正>3<<一份有4大塊!! 都好抵下!下次想試Garlic naan! (Butter有點oily)食NAAN仲飽過食飯好實在的感覺! 加埋係咁點咖哩汁，好食到唔知漏haha雖然好飽但仲係好想食的感覺好味啊又捧住個大肚腩走出餐廳

去左佐敦咁多食，朋友揀左宜間印度野食！！就係太平館對面，都好就腳，ＭＴＲ行５分鐘唔洗。個門面都好ＤＥＣＥＮＴ望落去座位唔多，好彩卜左位，但原來樓上仲有成個ＰＡＲＴＹ位～叫左野食之後，就有前菜脆卜卜食。跟埋有綠色的咖哩同埋成粒梅的ＪＡＭ？！（友人話好咽，我就沒有試了ＸＤ）之後梗係叫杯ＭＡＮＧＯ　ＬＡＳＳＩ（＄４５）飲酸酸的芒果＋ＹＯＧＵＲＴ，更加開胃！！如果再凍Ｄ就好了：Ｐ本人好鍾意食ＫＥＢＡＢ（個Ｄ卷卷）所以叫了個ＰＲＡＷＮ　ＢＵＲＲＩＴＯＳ（＄１８８）好大份啊！！有埋薯條沙律菜。全部都係熱辣辣（食即整熱上的食物永遠都會加１０分）個ＢＵＲＲＩＴＯＳ好足料，好多蝦！！入面又有菜，ＣＨＥＥＳＥ，個汁少辣。野味不過千其唔好自己啪唒成份，因為咁樣你就無位食其他野了＞＜我地仲叫左個菠菜芝士ＰＡＬＡＫ　ＰＡＮＥＥＲ（＄８５）綠色入面除了打爛了的菠茶，仲有青椒。然後有一磚磚芝士係入面，淡淡的個隻ＣＨＥＥＳＥ！宜個同ＣＵＲＲＹ無關係嫁，鍾意ＣＨＥＥＳＥ的人可一戰！不錯啊！

好久沒吃過印度菜，難得朋友相約，一早來到這家餐廳相聚😆Mango Lassi 印式芒果酸奶 $45酸酸甜甜的芒果飲品，既解喝又解辣，每次在印度餐館都會點這款飲品🥰Mutton Madras 南印度咖哩羊肉 $125南印度式咖哩是椰白味道濃郁的咖哩！反而咖哩味道淡淡的，沒有辣味，適合吃不辣又想嘗試咖哩味道的朋友喔！羊肉軟腍很大塊，要用整塊薄餅包著一起才吃得到🤣Paneer Pakora 酥炸奶酩球 $65質感很特別啊！外皮像麥樂雞皮，內裡有點兒似豆腐和芝士的混合體😂😂😂Naan 印度薄餅 $20超大塊和厚厚的薄餅！熱騰騰時吃超級香！吃咖哩必點的薄餅👍🏻👍🏻Chicken Tikka 印式炸雞塊 $80沒想到是以鐵板形式上桌！無骨雞塊啖啖肉，底下有椰菜和洋蔥。比較惹味的一道菜式🤩 ❤️mylittle score： 6 ❣️Will I be back? 60%

餐廳既位置係因為內街，唔係太多人留意但其實餐廳入面既環境都幾好平日人流唔多，坐得舒適，服務都好nice落完單後有免費既小食呢隻脆餅仔，仲有２隻醬青咖哩，少少辣得黎又酸酸地，幾易入口另一隻就似酸酸地既橄欖，就唔係好岩我口味Mutton Samosa外表有ｄ似咖哩角 但size大好多，入面都乾身好多 再加上今次嗌既係羊肉，直接食雖然香料好足，但唔夠balance 所以就不得不提記得要配呢個甜醬 配完就整體提升好多Mushroom Pulau印度既炒飯我首先鍾意既，就係夠粒粒分明有口感 其次就一定係個好惹味既香料 配料上既蘑菇，食唔出土腥味，幾好 因為香料都多芫茜，所以唔鍾意芫茜既人，我就唔建議嗌啦等左成晚，終於到Naan配Chicken Curry 老實講，食完前面個兩道都已經幾飽 但對住Naan同Chicken Curry既配答又真係忍唔住口 首先要大讚d雞真係好嫩！加上冇骨，啖啖肉好滿足！ 又暖又軟既Naan加咖哩汁呢個組合又係一流既 最後雖然好飽，都俾我地食晒3塊咁大既Naan總結印度菜既香料好重，可能唔係個個人都鍾意但我都會推薦個炒飯俾炒飯控另外，正宗既naan配咖哩一定要試！佢仲

今日去左一間正宗印度餐廳到食。點解我咁講係因為餐廳既侍應全部都係印度人，全部都唔識講廣東話，可能我英文差😂，所以佢講英文都唔係好明，但佢餐單上有埋中文，而唔google translate 既 所以叫野都方便。脆餅印度Rajasthan很有名的小吃，香脆好吃。就咁咬有鹹香既味道，但通常都係會點汁食，餐廳就比左薄荷醬同一個酸酸辣辣鹹鹹既醬。都幾特別。奶油雞肉串印度既串既意思可能同我地唔同，佢唔係一串串，而係4舊雞放左係鐵板上面。第一淡咬落去，食到面有少少既奶油味，但唔會太膩，再咬就好多肉汁爆出黎，而佢既雞整得好嫩滑，係會成舊滑左落喉嚨。羊肉咖哩咁我地就叫左個羊肉咖哩，因為好多咖哩店通常都就香港人口味就整到好甜。但尼間咖哩係鹹既，送薄餅一流，所以令你想一食再食，再食埋d羊肉，一開始見佢好似煲左好耐，驚佢會好銀，但反而好腍，同埋冇左羊既so味。我接受到。芝士薄餅 cheese naan整印度薄餅要先將麵粉溝勻發酵，再放落天多爐度烘焗。所以因為咁薄餅好鬆軟，搞到我叫左2碟。但我覺得個芝士薄餅冇咩芝士味😂 可能我重口味

一向都足印度菜好感興趣，全因佢有好多唔同嘅人特色菜式。今次朋友介紹左間係尖沙咀嘅印度菜，係一條唔起眼嘅横街，冇佢介紹真係唔會發現到。一貫有印度特色嘅裝修。落完單店員就送上胡椒薄餅，食落係非常香脆，又有陣陣胡椒香味。Mango Lassi之前都飲過呢款印式芒果酸奶，上次就覺得芒果味太重，蓋過咗乳酪嘅味道。 今次乳酪同芒果嘅比例就啱啱好，飲落係乳酪又有淡淡嘅芒果味咁。Chicken Tikka係即叫即烤嘅印度烤雞塊，一上枱已經聞到好香嘅印度香料味。 雞塊嘅外層處理得啱啱好，非常香脆，而入邊嘅雞肉仍然保持鮮嫩，唔會變乾。Mutton Curry/Rogan Josh咖哩入面有好多羊肉，非常抵食。羊肉吸收咗咖哩嘅精華同味道，食落好惹味Cheese Naan食咖哩當然要配上印度薄餅。本來以為會好似芝士拉絲嘅感覺，而呢度嘅芝士薄餅係直接喺薄餅入面加入大量嘅芝士碎，食落更重芝士味。Jaljeera價錢其實唔貴，好食得嚟又抵食。

香港人特別鍾意食咖喱，日本、港式、泰式，對於我呢d重口味控，咁多款入面我比較常食嘅係印度咖喱！特登嚟試一試佢嘅咖喱羊肉，平日牛同雞都食得多，羊肉加咗咖喱之後，冇咗佢平日嘅騷味，相信好多人都可以輕易接受！咖喱我哋揀咗白咖喱，係唔辣嘅，好香香料味，佢配嘅包亦都相當好食！本身以為無包我地仲特登叫咗個芝士薄餅，以為會係手抓餅，但原來係薄脆黎既！用黎點咖喱就唔係好啱味啦～比較似餅乾既口感，佢同時會比咗2個唔同口味既醬你點綠色既有少少薄荷香味，而另一個就係以橄欖為主！本身係怕唔夠飽先叫多個肉類，揀咗招牌Chicken65 自家秘製炸雞，佢睇落有d似韓式炸雞，但比起單純甜辣味，仲有一股印度香料味，反而覺得呢個最有驚喜！檯面上既立牌居然仲有充電功能！超方便！

今日一個人走左黎佐敦行街，去到晚餐時間搵左間餐廳食個飯。見到有間主打印度菜餐廳，環境好乾淨，有好多年輕一輩都去食飯。坐低就有薄餅小食，配薄荷醬或者咖哩醬。卜卜脆幾香口，薄荷醬好開胃！食住等緊我個主菜。我叫左一杯Mango Lassi。芒果味道非常濃厚，入口好似有椰香，芒果好足料好重果香！白咖哩羊肉配薄餅。羊肉羶香好多肉汁，完全唔會鞋口，入口有咖哩香味。羊肉軟腍唔會乾，咖哩唔會太辣。薄餅好鬆軟，熱辣辣超滋味。

同同事傾開計 原來佐敦有間正宗印度菜 收左工即刻去試試入到去 嘩真係好正宗 全店都係印度人 不過都有香港人客仔既 但感覺好似去左印度咁 睇埋個餐牌 更加感受到 好多正宗菜式我地2個女仔 反而比佢既飲品吸引左 分別點左芒果乳酪同鹹乳酪芒果乳酪🥭 甜度剛剛好 芒果味不會好假 酸酸甜甜好好味鹹乳酪見到好驚喜 鹹乳酪會係咩味呢 原來就似係平時食開既原味乳酪再咸咸地 凍凍地 好飲架 面頭既唔係朱古力粉 係孜然粉 好新奇呀！重點係好飲既食物我地只係嗌左白咖哩羊肉 同芝士薄餅。白咖哩羊肉 白咖哩會冇咁辣 主要係奶油黃薑去整 值得一讚係餐牌寫得好清晰 有曬內容 而羊肉有6大塊 完全不（蘇）而咖哩不辣 岩曬怕辣既朋友仔芝士薄餅超好食 $28超值 面頭有芝士 內重有夾小小咖哩 點咖哩汁真係一流最後食到飽飽 每人都只係百幾蚊👍🏻👍🏻👍🏻差點忘了打 會送這個脆卜卜 次次去食自助餐我都會食好多架哈哈 綠色個醬好好食 小小辣