和牛燒肉‧純 (已搬遷) 新店位置

想食燒肉，又想食正宗ge?我推介。。和牛燒肉-純！餐廳好有日式風味，就像置身日本一樣！來了！最期待的燒肉海鮮併盤！先燒最美味的一件吧~送飯一流呀！mmm...肉在口中溶化，肉汁爆發！好美味呀！食完肉，就食海鮮吧！燒得好熱好香呀！好吸引呀！食啖。。蝦好彈牙呀！帶子好淋好鮮，仲有墨魚都好爽喔！最後食呢個小砵仔~以為只是蔬菜啦，拿開一點，原來又有牛肉呢！立即燒下！看到d雪花嗎？肥瘦均稱，一定好好味呢！wow~燒都聞到香味呀！又可以送飯lu~這片是更有口感，肉汁味更濃！這麼好味的一餐，感覺好幸福喔~

上次朋友帶過我黎銅鑼灣嘅【和牛燒肉‧純】，好有驚喜，食完上左癮，今次決定帶呀妹黎食，順便補祝佢生日。好彩我地有預先卜位，因為黎到見到好多walk in客都無晒位啦~尼度環境、服務質素都好好，有靠窗位、卡位，今次我地揀左卡位坐，別有一番風味。飯前有熱毛巾抹手，招呼周到。睇到墻身貼住和牛部位說明，就知道佢地有幾講究。我地叫左個【三色和牛定食】/$250；同【和牛壽喜燒定食】/$200【三色和牛定食】會配有湯、日本米、沙律、牛舌。三色和牛包括有上牛排肉、肩眼肉、牛排肉。三款和牛嘅「雪花」分佈得好平均、密集，肉色鮮紅嫩身，肉質嘅緊緻高，油份適中。燒緊嘅時候已經充滿牛香，食落口簡直係一個享受，入口即溶，肉質軟腍鬆化，而且多汁細嫩，加上餐廳用日本米，配上和牛特別好食!呀妹叫果個【和牛壽喜燒定食】都好正，只係睇個燒爐已經好有日本風味。 【和牛壽喜燒定食】配左薄切牛肉，蔬菜、冬菇、豆腐。牛肉切成薄片，唔會膩，肉質入口香滑，壽喜燒味道甜甜地，牛肉放左入去會將D湯嘅精華盡吸，唔洗點醬已經好夠味!窩入面有重有蔬菜、冬菇、豆腐，清清地，幾好食~食和牛緊係要配啤酒食啦~人生一大樂事!呀妹叫果杯巨峰提子梳打都超

今日同事想傾下計，請我同佢happy hour, 但佢又想食啲好野送酒，我就同佢去左呢度！雖然樓上舖，但在銅鑼灣中心地帶，夠曬方便！環境比一般飲野的酒吧清靜，岩曬我地呢啲想飲野，又想傾下計的朋友。叫左兩杯有清酒的飲品，唔錯，啤酒🍻、清酒都有唔少選擇！店舖用佐賀牛，夠曬正！一放上去就滿滿牛肉香，油花分布均勻，用來送酒份外惹味！兩個人點了幾款牛肉送酒，埋單同一般酒吧價錢相約，但可以食到高質牛肉，都係去酒吧之外另一個唔錯的選擇。其中一盤廚師發板，餐牌上未有的，牛肉味特別唔同，燒完之後份外香甜，值得選擇！

Hmm...一般般，服務態度更加一般般。中午過後到店用餐，在等餐期間，本人忽覺有些低血糖(本人患有糖尿病)，想食一粒隨身帶備的糖，被服務生發現并當場喝止。既然収得服務費，服務能否人性化些呢？謝謝。

友人喜歡食牛的程度達到瘋狂，一日三餐也不會厭，得知他升職加薪，一於幫他慶祝一下，既然牛是他杯茶，今晚去食牛肉盛宴啦！選了一間焼肉專門店，主打日本產牛，由其是聞名的飛彈牛。坐位不多，好彩預約了。寛大的坐位，有舒適的空間，服務也不錯。日本產牛排肉 （$120）鮮紅有色澤，紋理分明，只燒七成熟，那柔軟細膩感覺勁強烈，滋味！曰本產肉眼 ($320)同樣燒至六至七成熟，肉汁保持豐富，入口即化，牛脂香味濃厚，深得友人喜愛。日本產紅肉 （$120）三款牛中最薄的，燒起來沒有前兩款的油香滿瀉，但肉質也不遜色，軟腍細緻，正！曰本產豚腩肉 （$98）咪睇佢好似好肥膩，其實油脂己燒至迫出來了，燒到面層焦香，香口惹味，肉味還很香濃。整體食物水準優質，確係一眾肉控的飯堂。

經常收到日本機票的promo 電郵, 就會回味曾在神戶, 大阪, 甚至東京吃過的和牛.沒有假期或時間飛轉日本再度品嚐? 可幸的是身在什麼美食都有的香港, 要找回一點那種感覺不難.但要留意的是市面上很多餐廳打著日本和牛的旗號, 背後是用澳洲或其他國家的牛來冒充, 雖說商品說明條例已生效, 但試問普通食客的你又怎會知道是真材實料還是冒充料?找到這間餐廳是香港其中之一有日本入口食材的證書, 有了這個保證, 更能十足十的回味日本的那種味道.這裡入口的是堪稱日本第一牛的鹿兒島黑毛和牛餐廳裝潢很有日本餐廳的感覺兩個人點了4種肉和牛肉眼 (左上)和牛紅肉 (右上)豚肉眼 (左下)和牛牛排肉 (右下)故意點了兩種油脂感比較重的, 兩種肉質比較重的, 平衡一點, 如果4種都點油脂重的很快會感覺膩, 到時候有多好的肉都會覺得普通有美食當然也要配點美酒, 也點了一杯Draft beer 和燒酒配襯和牛肉眼肉眼的脂肪比例通常比較高, 與肉量比例大約一半一半, 所以一吃充滿油脂, 而且入口即溶, 肉質細嫩, 而且紋理細緻再來吃一種肉質較重的和牛紅肉這餐廳的食材真的很好, 就算比較平價的紅肉也清楚看到很多紋路,

和牛，絕對是一樣絕非普通之食物，那份入口即溶的感覺，你就真的要試過才知道 ! 有人對它又愛又恨，我就非常喜愛啦 ! 今天就推介這間和牛燒肉‧純給大家，讓大家試試真正高質的和牛燒 !絕對會是言語之間，都不能表達出它是有多麼的極品 !到餐廳門面就已經有種很日本，又高級感覺餐廳主打當然是和牛燒肉，環境猶如置身日本的燒肉店般，有bar枱位置，亦有窗邊的卡座，感覺舒適客人的用餐食具整潔簡單，除有用以夾牛肉到燒網上燒的大夾子外，餐廳都準備了兩個醬汁給客人調味，包括咸而濃味的日式燒肉醬油及青檸餐牌非常吸引，有每款和牛中，英及日文對照，均有圖片供參考餐牌內更有數頁是有關牛隻部位的介紹，客人可以因此而 "長知識" ! 不錯不錯 ~嘩 ! 這就是我和一位友人所點選的 4款 和牛 ! 相當吸引 !每款的色澤及脂肪分佈都非常漂亮，流口水啦 !最近鏡頭的一款是日本產和牛牛排肉 (汁燒)，這是今晚4款和牛中的唯一一款汁燒的和牛，可見它的脂肪分布非常平均，是屬於牛的下腹位置，所以好可能亦是牛其中一個最肥美的部分之一 ! 本身已淋有日式燒肉醬油的它，將它直接整件放上燒網燒烤，味道非常可口 ! 就是有種入口即溶的感覺

離港多年o既表姐一家選於五月天回港，小肥表弟當然係要盡量抽空與家人飲飲食食啦！礙於有啲飯局為月前定下，不便推掉，細佬唯有變身為「肥九組」，一晚走幾度，嘩卡卡！週四晚收工先同表妹喺公司樓下飲咗兩輪歡樂時光，然後即轉場同舞友去銅鑼灣「和牛燒肉‧純」輕食高質燒和牛。和牛燒肉專門店門面有塊白色布簾印出店名，加配風水流水池及紅地毯，感覺頗有氣派。直入左邊為吧位及開放式廚房。圍繞窗邊則為多人散座。吧枱上眾多擺設最突出就係「飛驒牛」木牌旁o既「雄大」牛牛，因為唔係「大雄」，哈哈！桌上o既木牌及証書主要都係介紹店子主材之和牛及和豬。店內四周亦可見彩色o既和牛解剖圖、海報及黑版推介不同菜式同飲品。原來店子設下切餅費為$50，開瓶費則為$200。既然收工已經飲咗兩輪啤酒，為怕溝酒出事，XO仔決定暫時繼續啤～～皮套餐牌有多頁菜式可選，前幾頁仲列出純正和牛o既精髓。二人飯後會去跳舞，故亦唔想食得過飽，所以就應友善o既哥哥仔推介，點咗三款和牛，及一款豬頸肉黎燒。餐桌上每位面前都已有燒烤工具、餐具、醬油及熱毛巾，非常齊全。四款燒肉以拼盤一次過上，全部都已預先切成細片，賣相鮮美得幾震撼。特選日本產和牛肉眼（$550

鬧市中銅記，其實有一間高質既日本式燒肉是合乎純正日本和牛商標，和牛是達到專業的水準一坐低，店員就送上熱毛巾呢~窩心我地簡左二人餐點左3種牛同一種豚肉牛肩肉（左下）呢隻口感有點似特選牛口感，肉質冧身，吃下來有絲絲肉的感覺特選牛（右下）睇到佢個雪花紋分佈是靚到~~燒起上來好快熟，趕緊係鎖住肉汁時候食，好冧身啊♡唔會好肥膩，真係頂級!牛排肉眼（左上）呢款牛燒上來後口感比兩款硬身點，口感較似牛利既感覺，正到爆豚肉呢款肉上面已淋上廚師特制燒汁，建議我地最後先食，豚肉方面也不比牛差，很出色跟一般豚肉不同，鮮口嫩滑，汁很配合豚肉( • ̀ω•́ )✧中間都有燒跟碟的蔬果，很juicy蜜桃梳打酒檸檬梳打酒最後簡左兩隻汽酒，佢有得選擇加酒還是汽酒，我很最歡果汁汽酒（特別是有名的momo蜜桃），喜歡它不會太甜偏重酒味，配燒肉一流!呢度有15樓層高，望住遠景食燒肉好似去左日本燒肉咁free咁舒適~!

面對和牛，真是意志力大考驗。入口即溶，軟棉棉的質感，就讓人＜回不了頭＞！我的母語～廣東話：返唔到轉頭！　另一個就是荷包大考驗！由日本運送到香港，經過多重的流通渠道，以致零售價格高。　而朋友介紹，這裡的和牛午市定食只需二百多。　無需到肉店購買和牛，無需在家動手烹調，慳時間，慳功夫，計落有著數。　上網了解，餐廳有＜飛驒牛銘柄推進協議會長＞印鑑及＜日本產和牛認証＞，和牛品質一定有保證。 今天，跟小米到中央圖書館後，順便到此午餐。　在卡位就座，小米就認出遠處的＜南華＞。來到最重要的事：點餐。朋友介紹三色定食及涮涮鍋。餐牌午市定食超多款式，花多眼亂。就點這二份定食，一燒一烚，剛剛好！  三色和牛定食　      餐牌列明對應的部位：上牛排肉，牛肩眼肉，牛排肉   每款三塊，合共九塊，全都是粉紅色調。單單的視覺，都感到那脂肪存在。個人覺得：九塊ＯＫ足夠。　攝入過多的脂肪＝增加減肥難度！幸好午市套餐，有固定和牛份量，不會過多，亦不會令客人吃虧。   如果按油花的多少，來排列燒肉的次序，油花由少至多，層層遞進增，是牛肩眼肉＞牛排肉＞上牛排肉。    但自己反而想先試紅白參半的牛排肉＞牛肩眼肉＞上牛排肉

今晚一家人破例地豪食和牛，因為小朋友考試將至，鼓勵一下他們。(其實自己想食甚麼理由也找到)因為自己都食過連鎖的「X角」，所以想到些樓上店試下，這家聲稱是100%日產和牛，主力「佐賀牛」及「飛驒牛」不過「飛驒」實在太貴，我還是先試試「佐賀牛」。今次揀選的部份有肉眼、牛肩及一般紅肉。這個厚切肉眼超吸引，紅肉與白色油花分布均勻，肉質好、味道濃郁。呢個牛肩的油花分布、肉的色澤及紋路，真係非常均勻，這就是傳說中的A5了，真係望見都覺得似藝術品唔捨得食。薄切佐賀牛紅肉，用嚟牛涮鍋也必定超好味。全部佐賀牛只是輕輕的調味，就已經很美味，口感柔軟。這佐賀牛肉眼，燒上來仍然很軟身，外觀跟普通牛肉已經很不同了。最震撼我係這A5佐賀牛肩肉，這個算是我吃過最美味的了。全部都超JUICY，幾粒鹽花已經帶出和牛肉香及超濃郁和牛鮮味，咬落去真係好似味王咁要大叫「好....好....味....呀」

今晚放工約左媽咪，出左銅鑼灣食和牛燒肉，做乖乖女帶佢食好野！我們坐下來，分別點左幾款和牛，有特上日本產和牛眼、特選日本產和牛牛排肉、和牛紅肉、日本產豚肉眼特上日本產和牛眼脂肪比例高，略燒之後滿口牛油香，入口滑溜溶化，又厚又大塊！食得津津有味。特選日本產和牛牛排肉脂肪分佈均勻而且肥美多汁，入口鬆化令人回味無窮！和牛紅肉入口都十分肥美多汁，入口細滑。日本產豚肉眼這裡不但和牛選擇，有豚肉眼都美味又夠薄片，口感夠肉味！對牛的部有疑問，可以問一下職員都能解答，亦都可選預設和牛套餐。

同行伴侶甚愛牛肉，早幾天一直嚷著想吃燒肉。所以，準備了一個小驚喜，訂一間較高級的餐廳，吃一頓難忘的晚餐據說餐廳食材來自佐賀、鹿兒島、宮崎、飛驒、櫪木等地，用日本和牛，以優質見稱。（由左上逆時針數）日本產和牛肩眼、日本產豚肉眼、日本產和牛牛排肉、厚切牛舌餐廳選用網狀爐，不易因「痴底」而破壞肉片。日本產和牛肩眼牛肉脂肪分佈均勻，入口即溶，牛味濃郁，肉質較厚實。日本產豚肉眼薄身豚肉眼，肉質爽口，豬肉味亦好濃厚。日本產和牛牛排肉牛肉脂肪豐富，肉汁充滿口腔，個人喜歡燒耐一點，外脆內軟感覺，更為可口！厚切牛舌韌度恰到好處，雖不會有入口即溶的感覺但比其他肉較爽脆，亦不會令人失望！

係日本食和牛就食得多.. 係香港想食都唔係周圍有.. 就算有都未必好食.. 不過我之前都食過好食.. 所以今次帶朋友去試下.. 滿滿日本風嘅裝修..青蘋果酒 & Asahi: 食得燒肉點可以無杯啤酒啤啤去.. 如果唔飲得咁多可以叫青蘋果酒.. 淡淡地易入口.. 煙三文魚沙律: 份量二人食剛剛好.. 三文魚配千島汁.. 沙律就配另一款.. 其實我覺得一款汁都夠了.. 三文魚本身無汁都可以.. 依家就口感複雜左.. 無左本身嘅鮮味.. 不過沙律本身新鮮就已好味.. 泡菜煎餅: 煎得幾香口.. 食落個口感都幾似蔥油餅.. 個醬汁有少少辣.. 我個人覺得唔點醬汁會好食D.. 入面都有少少蔬菜可以中和一下油膩.. 左上 - 牛肉眼: 和牛必食推介 我鐘意食呢款因為肥瘦肉平均.. 唔會一食落口就成口油.. 而且會慢慢滲出肉汁..  令人回味無窮.. 哈哈.. 同埋點呢一款數量比較多(感覺上)..左下 - 牛排肉: 位於後下方後半身.. 呢一款睇落完全唔見有肥肉.. 不過食落口感就較多油.. 雖然都好好味但對於我怕肥女仕就要食少D.. 右上- 豚肉眼: 諗住點返個豚肉試下口感如何.. 豚肉要煮得比較