影片
更多
2022-10-06
91 瀏覽
最近好耐無食燒肉，今次同朋友去咗位於銅鑼灣和牛燒肉一郎，方便就腳，入到去地方夠大，燈光柔和座位寬躺舒適，店員主動殷勤。呢間燒肉放題有4間分店，方便港九新界各位牛魔王、大胃王。最近和牛燒肉一郎進駐荃灣廣場，嗰間應該係最新最靚，下次去試埋先。食物方面有四個唔同嘅level可以揀，我哋今次揀咗C Course，總共有110款唔同嘅種類俾你揀，呢度用上咗智能化送餐模式，用手機QR code點餐，好方便。放題有好多款日本和牛、美國特選牛、豚肉、海鮮，炸物等等選擇，好豐富。另外出邊仲有唔同嘅沙律，甜品，飲品等，飲品除咗有一般嘅汽水，仲有餐廳自家調配嘅果汁，夠晒健康。由於呢度嘅優質和牛係日本直送，嚴選美國牛，有唔同刁鑽嘅部位，牛肉主要以燒肉或經醃製，上碟望到和牛肉質幾靚，各款牛肉肉質鮮嫩，油脂均勻，食落肉嫩之餘仲有油脂香，令人回味。C Course 首輪會送上：舟•盛合 -特選牛、豚肉、鷄 、海鮮 及野菜舟盛盒好似一個船咁嘅形狀，上面有齊美國牛，日本豚肉、日本鷄肉，海鮮蔬菜，好精緻。牛肉肉質嫩滑，加啲椒鹽醬汁去食特別可口，日本產鷄肉肉質爽滑彈牙，日本豚肉鮮嫩，經燒過後味道特別香濃，另外加埋野菜去燒可
呢間燒肉放題有4間分店，方便港九新界各位牛魔王、大胃王。最近和牛燒肉一郎進駐荃灣廣場，嗰間應該係最新最靚，下次去試埋先。
食物方面有四個唔同嘅level可以揀，我哋今次揀咗C Course，總共有110款唔同嘅種類俾你揀，呢度用上咗智能化送餐模式，用手機QR code點餐，好方便。
放題有好多款日本和牛、美國特選牛、豚肉、海鮮，炸物等等選擇，好豐富。另外出邊仲有唔同嘅沙律，甜品，飲品等，飲品除咗有一般嘅汽水，仲有餐廳自家調配嘅果汁，夠晒健康。
由於呢度嘅優質和牛係日本直送，嚴選美國牛，有唔同刁鑽嘅部位，牛肉主要以燒肉或經醃製，上碟望到和牛肉質幾靚，各款牛肉肉質鮮嫩，油脂均勻，食落肉嫩之餘仲有油脂香，令人回味。
C Course 首輪會送上：
舟•盛合 -特選牛、豚肉、鷄 、海鮮 及野菜
舟盛盒好似一個船咁嘅形狀，上面有齊美國牛，日本豚肉、日本鷄肉，海鮮蔬菜，好精緻。
牛肉肉質嫩滑，加啲椒鹽醬汁去食特別可口，日本產鷄肉肉質爽滑彈牙，日本豚肉鮮嫩，經燒過後味道特別香濃，另外加埋野菜去燒可以中和返肉類嘅油膩感。
是日寶箱-和牛西冷
一打開仙氣滿滿咁包住塊和牛西冷，用嚟打卡一流。店員會好細心咁幫我哋落埋油，幫忙燒埋呢塊西冷，再幫我哋剪開塊扒share，服務好好。西冷油花均勻，咀嚼個陣有啲入口即溶嘅感覺。
極上花盛合-和牛肋肉 、和牛里脊肉 、里脊肉 、牛外横隔膜 、豚肋肉 、牛舌 、蔬菜
花畑box 裏面每種肉同蔬菜嘅顏色配搭好靚，肉類豐富吸引，每款肉類都有灑上金箔，盡顯貴氣。
桶•盛合-牛肋肉、牛里脊肉 、豚肉 、鷄
有齊牛肉類海鮮蔬菜，同樣用上日本產豚肉、日本產鷄肉。
牛肋肉係牛肋骨附近嘅肉，油脂分佈比其他部位會較為豐富，入口軟淋。牛里脊肉無咁多油花， 但牛味較濃。
海鮮-生蠔、帆立貝 、蝦
海鮮都有唔同嘅放題種類以供選擇，有唔同味嘅帆立貝都有提供，蝦肉夠晒大隻彈牙，每隻都好幾新鮮。
和牛薄炙壽喜燒里脊肉
和牛大塊薄身，用上咗日本黑毛和牛，燒一陣再沾上温泉蛋加醬汁，和牛入口即溶，味道唔錯。
特選拌生牛肉
日式燒肉店嘅經典菜色，攪碎既牛肉加上蛋漿撈埋一齊食，容易入口，充滿牛肉香同埋蛋香味，加上醬汁，更加突出左牛肉嘅鮮甜。
生牛大腹肉壽司
壽司類有牛大腹肉壽司、生牛肉壽司，充分感受到牛肉嘅質感同埋味道。
炸物
估唔到呢度炸物都非常好食，炸蠔，天婦羅等炸物即點即炸，炸到金黃色，香脆多汁。
雪條-明治煉乳紅豆雪條
呢度勁多日本特色雪糕雪條選擇，最後揀咗個明治煉乳紅豆雪條，充滿牛乳味，作為燒肉後嘅甜品，大滿足。
張貼
