影片
更多
2022-09-13
136 瀏覽
呢間燒肉店近幾個月喺媒體嘅曝光率都係十分之高，今次就嚟到銅鑼灣分店試下佢嘅B Course盛宴!一坐低就已經可以用ipad點餐，入面嘅食物選擇會因為客人揀嘅套餐類別而有所不同。入面有牛、豬、雞、海鮮、蔬菜等俾客人選擇，款式齊全，唔會覺得食唔回本！點餐嘅中途已經有一個舟·盛合同桶·盛合送到嚟我俾我哋。佢哋嘅擺盤真係好靚！係可以趁佢乾冰未溶之前不停咁打卡🤣舟·盛合入面有號係牛肋肉、牛肋條、帶子、海蝦、五花肉、雞肉，仲帶少少嘅蔬菜伴碟。而桶•盛合就有牛里脊肉同牛肋肉。佢絕對係以量取勝！不過肉質都唔錯，配以佢嘅沙嗲醬食一流！牛肉方面我哋另外仲叫咗特選薄炙牛里脊肉同大判壽喜燒牛里炙肉。兩者最大分別係前者有配埋隻蛋，食嘅時候可以撈埋蛋汁一齊食，令肉質更嫩滑。另外仲有叫咗牛舌同牛舌條，牛舌嘅肉質真係大讚，好爽脆，一啲都唔韌！牛舌條油脂就相對地少啲，所以相比之下說乾咁少少。除咗牛肉， 我哋都有額外點雞胸肉，上面仲有味噌醬汁做調味，好特別，燒嘅過程中啲汁都唔會飛哂出嚟，好易燒！而蔬菜方面，我哋有點到茄子、菇、同錫子牛油金菇，其中要留意號係茄子要小心啲燒，因為佢好薄切，好易燒燶，我哋係擺埋落個錫紙兜同啲菇
呢間燒肉店近幾個月喺媒體嘅曝光率都係十分之高，今次就嚟到銅鑼灣分店試下佢嘅B Course盛宴!一坐低就已經可以用ipad點餐，入面嘅食物選擇會因為客人揀嘅套餐類別而有所不同。入面有牛、豬、雞、海鮮、蔬菜等俾客人選擇，款式齊全，唔會覺得食唔回本！
點餐嘅中途已經有一個舟·盛合同桶·盛合送到嚟我俾我哋。佢哋嘅擺盤真係好靚！係可以趁佢乾冰未溶之前不停咁打卡🤣
舟·盛合入面有號係牛肋肉、牛肋條、帶子、海蝦、五花肉、雞肉，仲帶少少嘅蔬菜伴碟。而桶•盛合就有牛里脊肉同牛肋肉。佢絕對係以量取勝！不過肉質都唔錯，配以佢嘅沙嗲醬食一流！
牛肉方面我哋另外仲叫咗特選薄炙牛里脊肉同大判壽喜燒牛里炙肉。兩者最大分別係前者有配埋隻蛋，食嘅時候可以撈埋蛋汁一齊食，令肉質更嫩滑。另外仲有叫咗牛舌同牛舌條，牛舌嘅肉質真係大讚，好爽脆，一啲都唔韌！牛舌條油脂就相對地少啲，所以相比之下說乾咁少少。
除咗牛肉， 我哋都有額外點雞胸肉，上面仲有味噌醬汁做調味，好特別，燒嘅過程中啲汁都唔會飛哂出嚟，好易燒！而蔬菜方面，我哋有點到茄子、菇、同錫子牛油金菇，其中要留意號係茄子要小心啲燒，因為佢好薄切，好易燒燶，我哋係擺埋落個錫紙兜同啲菇一齊燒🤣
海鮮就叫咗帶子、海蝦同蠔，全部食材都好乾淨新鮮，連我最煩惱嘅蝦佢都幫我開咗邊，咁就唔洗用手食！而且佢仲釀咗啲蒜蓉喺入面，燒完好香好好食！
最後唔少得當然係食咗個烤肉必備嘅紫菜蛋飯，仲有個黑松露薯條，飽哂！食唔夠嘅大家仲可以出去自助吧攞雪條食，全部都係明治牌，好似置身日本family mart咁，滿足哂🥰
張貼
