和牛燒肉一郎 (新都城中心二期) (已結業)

$700幾係日本和牛set，一啲都唔覺得係和牛，如果$200幾既價錢甘既質素冇嘢好講，去第二間食午餐7百幾蚊兩個人，仲有塊薄嘅和牛扒送，任食嗰啲和牛仲要好過佢7百幾蚊一個人嘅。食過一間和牛放題晚市，都係兩個人食買單平過佢二百幾，塊塊入口都係Feel到和牛嗰種香同埋油。以為佢呢間7百幾蚊一個人啲和牛一定好正，點知啲牛肉差到爆。同自己係街市買百幾蚊牛返屋企燒完全冇分別，7百幾蚊夠膽比啲牛我係硬既，仲要有筋既，牛角啲牛肉仲好食過佢所謂嘅日本和牛，服務態度係唔錯嘅，但係啲嘢食真係唔值呢個價錢囉。想食好嘅日本和牛真係唔推薦呢間，同男朋友都表示唔會再有下次。

日韓燒烤流行多年，極少惠顧，因多數食牛，本人不甚喜太多肉，燒烤又怕熱氣，除咗去郊外燒烤另一番風味，還記得年纪少，千年前，好喜歡去尖沙咀金滿拿，滿拿韓國燒烤，當時通風糸统都無現在咁好，一入餐廳，煙霧霾漫，燶味滿室，叫豬牛雞， 隊幾枝啤酒，視作等閒，年記大了，消化系統自然老化，所以肉都食少咗。 講回此處，一隻黑牛擺門口，一直以為只有牛，某天經過認真看餐牌，有豬雞選擇，內裏装修白色磚牆為主，配不銹鋼天花及鋼架，感覺淨潔。 點雞豚套餐，二種$108,雞腿肉及豬肋肉，4種$128,多咗雞胸肉及豬肉眼，各款都無醃，灑胡椒粒，靠蘸醬汁調味，四款汁-取燒汁及柚子醋，任食包括簡單沙律，茶，玫瑰花茶，4款生果汁，4款特色飲料，雪糕雪條，多款甜品，以此價如此豐富質素可以任食副產品，雖然肉唔多，但已滿足，還有特別之處，有條玻璃長櫃，電動食物運輸帶，看到食物在密封櫃眼前蛇過。 肉當然冰鲜或急凍，色澤都鲜嫩色，有彈性，肉質好過上次去利舞台牛一，雞肉灼完肉湯都無味 殭屍肉。豬肋肉，肥膏經燒焦後，香油脂送白飯正！ 南瓜厭薄的，不夠粉，是否適合燒烤？

呢日黎到新都城呢間和牛燒肉一郎, 一入到商場就已經見到呢間餐廳, 因為佢門口有勁大隻牛牛係度, 超易認同埋夠哂特別! 我地叫左個course c, 係有美國SRF 牛肉! 仲有豬同雞可以食! 一入到冇耐就有個頭盤既肉有哂百、牛、雞, 可以唔駛咁快落單住, 我地試左有邊款肉中意食再慢慢落單~ 佢出面有唔同既醬汁可以自己拎, 枱面就有燒肉汁同埋黑椒仲有海鹽可以加! 另外出面仲有沙律吧、甜品同埋好多唔同款既飲品, 真係有好多選擇~ 佢係用Qr code 落單既, 落完單黎野食既速度都幾快, 我地坐既係卡位, 隔離就係一D送餐線, 落完單冇耐D 食物就會飛過黎, 仲有蓋蓋住, 禁制先再打開~ 夠哂衛生! 佢既熟食都有唔少選擇, 而炸物方面都幾出色, 夠哂熱辣辣! 同埋佢仲有好多前菜可以叫, 食到滯滯地再食D 泡菜又可以食多幾件肉haha! 甜品仲有唔少雪條可以揀, 又有木糠布甸個D,認真唔錯~

係屋企附近啲外賣叫到悶喇，晚市幾時先有返堂食😩難得今日去開將軍澳買野，順便買埋晚餐回家食和牛燒肉一郎原本係燒肉店，依家晚市無堂食，都變左賣外賣便當了。選擇都好多，我決定今晚食豪啲，食和牛😍叫左咖喱慢煮和牛便當，呢個餐都好多野食，我應該係食唔曬架😂和牛顏色好靚啊，入口即溶，好正😍好掛住幾年前係日本食個啲和牛，幾時可以再去🥲呢個咖喱都好岩我，只係微辣，岩曬我呢啲食唔到辣但係又鍾意食少少辣既麻煩友😂份量都好多，我都食唔曬！最正係隻蛋！擺係飯度，撈埋咖喱食，好滑，大滿足！仲有麵豉湯熱辣辣好飲。雖然呢個便當都好好食，但希望下次再來將軍澳係黎堂食燒肉，而唔係叫便當啦

和牛燒肉一郎隨了有放題及牛燒肉，最近新推出仲有多個外賣選擇，就係幾十蚊就有個便當，有牛肉、十膀豚肉、雞肉、牛舌燒、一口牛、鰻魚，更有和牛西冷做埋便當呀便當價錢由HK$48至153特選牛肉溫泉蛋牛肉口感鮮嫩，口感脆嫩配上溫泉蛋一起拌飯，牛肉和洋蔥絲沾滿了牛肉醬汁味道香濃，讓人胃口大開，便當也配上爽脆生菜芝麻醬汁，同似韓式芽菜波菜紅蘿蔔絲，飲個個麵鼓湯好滿足呢。北海道十勝豚肉及照曉雞扒豚肉片及切開雞扒一次過可以滿足晒喜歡食材既朋友仔，味道好健康得來又不油膩，豚肉片油脂分怖平均滲滿了醬汁雞扒肉質夠嫩滑好吃。和牛燒肉一郎將軍澳貿業路8號新都城中心2期1樓1040-41號舖

120分鐘任飲任食燒肉放題供應六款不同套餐組合任食,價錢不分時段, 入座起計120分鐘任飲任食,嘆咗其中一款【美國牛肉及日本產豚肉及雞肉放題】Week days: HK$398; Week end: HK$448任食坊間放題少有嘅SRF肩押小排,有日本和牛細緻嘅油花, 又有美國安格斯牛濃厚肉味。同時嘆埋美國牛里脊肉、牛肋條、橫隔膜、牛舌芯、一系列豚肉、雞肉等...肉類大多以簡單調味為主, 不經重口味醃製, 食到原汁原味嘅鮮肉香;海鮮款式雖少, 但海蝦質素唔差, 鮮味爽口仲幾大隻;壽司方面同樣款式少, 不過即整有誠意, 特別係炸蝦卷物, 咬落去隻吉列蝦仲脆;每款套餐同樣可以享用自助吧: 包括有 沙律、飲品、甜品飲品除了有汽水機, 仲有數款juice、果茶甜品就有小糕點, 仲有幾款唔同口味日本直送雪條tim~scan QR code落單, 食物好快由密封自動輸送帶直送到,撳個掣打開門自己拎野食, 既有特色又衛生,  但部分唔係跟輸送帶相連嘅檯, 就經店員親自送上喇....最後40分鐘有店員溫馨提示last order,總括當晚order嘅野食都黎得足, 而且都幾快, 120分鐘密密食, 食

試一種成$800的和牛放題，覺得最多也是提供日本牛肉，咬極都唔碎，肉質好硬，也有試餐中的澳洲牛肉，也是一樣質地，不過地方好乾淨，服務也好，甜品也很特別，與眾不同，相信女性年輕人會特別喜歡，

兩個人走去食日式燒肉，見呢間有放題仲要肉質係選取日本牛肉比較高尚嘅質素，而我哋order 兩位C餐 120分鐘任你食🤩餐牌上有60款食物任食 ，有10款牛肉唔同部位，其中有4款係特選部位，仲有海鮮同埋蔬菜，唔少得仲有嘢飲啦，設有吧枱方便你哋我飲品花茶、汽水咩都有，仲有特別嘅果汁洛神花果汁 、美人果茶、西瓜紅莓茉莉茶添，另外設有沙律吧鍾意，食咁多肉點都要食返蔬菜減低油膩感😆最特別就係依度每次落單叫肉類、海鮮、主菜都會有一架列車嘅排污火車送到你面前，感覺好衛生😗 突然回憶起日本餐廳都係咁🥰✨壽喜燒牛里脊肉一定要推介必order，薄薄雪花肥牛 ，用中火燒至半分鐘，拎起撈起蛋漿一齊食，每啖勁多油脂肉質嫩滑，唔好意思呢碟我encore 咗n次👻 仲有一個推介 就係肉眼 ，超濃郁牛肉嘅味道咬落去口感更豐富，加少少鹽已經好好食🤭仲未夠飽可以叫蕎麥麵、紫菜溫泉蛋飯，仲有豚肉飯，估唔到食唔晒咁多款嘢食🤩✨甜品食到尾升啟動第4個胃😆甜品仲有雪條我極力推介海鹽荔枝雪條同埋藍莓乳酪雪條北海道牛奶布甸 、楊枝甘露 兩種口味好軟滑仲要味道好濃郁，細細杯啱晒食飽咗唔會覺得太多❤️☺️

疫情下，惟有買外賣返屋企慢慢食😊今次揀咗呢間牛肉放題店，外賣套餐有「牛肉燒」或者「牛肉涮涮鍋」。兩款都好吸引，擺得好精緻，最後我哋決定買和牛燒套餐，返屋企玩韓燒😆 等咗十分鐘就搞掂，唔算等得好耐👌👌一盤裏面有不同牛位置，另外再配一盒生菜🥬 雖然全部都是牛肉，自己配些小菜，再煮個牛肉烏冬食，一家四口份量都啱啱好，肉質不會太靭，有牛肉味👍🏻 唔使$500，可以食到和牛餐都好抵🤣🤣🤣 下次會再幫襯😁

位於將軍澳的日式燒肉放題餐廳，主打各款牛肉，肉質新鮮、款式多樣化。另外餐廳抽風系統良好，油煙味不濃烈，位置寬敞、舒適。餐牌有兩款選擇，一是午市套餐，另一款是日式燒肉放題。日式燒肉放題：特選美國牛肉放題燒肉主打為主的有六個餐選擇，這個B餐有牛肉、雞肉、豚肉任食，一共有53款食物可供挑選，下單的話只需在手機上點選就行了。牛肉以木桶盛著，牛肉味濃郁，肥肉不多，所以有些部位會較韌。自行放上爐上燒，肉可以選擇調味，有原味、鹽味、燒汁味，若嫌不夠味道，蘸點豉油就可以享用了。自助吧：沙律、飲品、甜品沙律吧的蔬菜七彩繽紛，新鮮爽脆，有粟米、四季豆椰菜花、車厘茄、青瓜等等。飲品區有汽水、果汁、咖啡熱茶等等。甜品有牛奶布甸、奶凍、慕絲、楊枝甘露，還有一整櫃的日本牛奶雪條、藍莓乳酪味雪條，選擇也很多。

午市便當外賣自取 七折牛壽喜燒便當 本來分量大還驚訝了一下結果發現實在質素太差了 牛肉完全無法吃 全是渣一塊都不能吃 完全嚼不爛全部吐了 不只是筋 肉都是嚼不爛的 不附圖了 現在咬肌還在痛著 感覺就是因為外賣自取無法現場追究就給差的食材感到非常失望 因為一直這家都很貴 有考慮在重要日子來吃，現在覺得幸好之前沒像其他評論一樣花了一千多吃了個寂寞；如果不是隔壁德美停業也不會考慮來試試這裡的午市便當。同樣是壽喜燒外賣，德美的明顯軟嫩很多，每次都不會這樣的無法吃下去的情況。

用app 20 分鐘前落單，點知去到餐廳，啲員工先accept 張單，叫了一個和牛漢堡，得5成熟，另外叫了一個牛肉，點知俾咗牛舌，硬到食唔到，叫咗個炸雞，這個就很好。感覺食材是不錯，不過啲安排真係有啲亂。

今日心血來潮想食燒肉，就揀咗係將軍澳的和牛燒肉一郎，今次係第二次到訪，行過必定會被門口隻大牛牛🐮吸引住，唔會錯過。💫日式牛肉放題B餐 90分鐘$368/位 ❤️這間燒肉店的特別之處是有如迴轉壽司的高速線一樣，食物都會從輸送帶送到客人的旁邊。❤️肉類款式選擇多樣化，牛肉、雞肉、豚肉和海鮮均有不同的選擇。單是牛肉便有5款，美國牛里脊肉、美國牛肋肉、一口牛、牛外橫膈膜和牛肋條。❤️由於肉類種類很多，基本上吃完後已經飽飽的，所以沒有點太多其他的食物。不過今次試咗黑松露薯條🍟，新鮮即炸的有薯條配上黑松露醬，十分滋味，假若有茄汁會更佳。❤️飲品的選擇也很多，熱飲方面有兩款不同的茶包，冷飲除咗有常規的汽水和果汁外，還有四款水果茶，可以中和燒肉的油膩，健康人士之選。❤️甜品除了常規的牛奶布丁、楊枝甘露杯和朱古力杯之外，重點是有日本的雪條😛😛總共有五款口味，當中有傳統的北海道雲呢拿，牛乳味濃郁。每一條不大不小，飯後還有胃口品嚐一至兩款。還有像瑞士糖的藍莓口味。📍 和牛燒肉一郎 (將軍澳)將軍澳貿業路8號新都城中心2期1樓1040-41號舖5⭐️評分好食指數：⭐️⭐️⭐️⭐️⭐️餐廳環境：⭐️⭐️⭐️⭐️

WFH就黎食個想試好耐又冇機會既LUNCH先睇過好多好評, 一黎覺得餐廳好舒服,  冇油煙又光猛, 出餐係用運輸帶, 好特別又乾淨呢D日子要特別注重!餐有好多選擇, 今次揀左$398包埋出面呢D野飲同沙律, 仲有飯同甜品第一ROUND我地就點晒全部牛黎試試先, 每款好重牛味同油份特別推介呢一~大片牛, 成隻碟咁大, 上碟仲有跟一隻溫泉蛋, 燒幾秒反一反再幾秒, 浸落蛋到, 食得!!燒肉中要諗出特別配答, 真係有花心思㗎!另外和牛粒都好好食, 好JUICY多數地方都會比較乾, 或者太耐好UN, 但係呢到真係好出色, 必食!蔬菜方面, 鍾意夾肉可以點生菜, 不過燒冬菇係我最愛呀, 好香又好似健康D!

新都城有間新開嘅燒肉放題，居然有新幹線列車運送食材，好得意，小朋友玩得好開心😍每次點嘢食都話要點少啲，咁就可以出現多幾次🤣因為小朋友唔食得多，我哋叫咗course b，包基本嘅牛豬雞，貪得意每樣試吓，最緊要係有得任食雪條，小朋友嘅至愛。首先會出一份有齊三種肉嘅拼盤俾我哋試吓邊隻好味。b餐嘅牛肉試咗幾款，都偏瘦，怕肥或者鍾意瘦啲嘅朋友就啱晒，牛味都幾重，不過需要牙力，小朋友就比較啱食豬同雞，雞都幾滑，豬嘅款式都幾多。小朋友話最好味係一塊望落去好肥嘅肉，食咗兩大塊🤣除咗肉，我反而好欣賞呢度嘅小食同配菜好多選擇，尤其係南瓜可樂餅同吉列蝦，都好好味，仲有韓國泡菜，連小朋友都話好味😋b餐海鮮選擇得2款，不過蝦都好彈牙，唔錯。最後梗係甜品時間，雪條係日本樂天嘅雪條，細細條，可以試多幾款口味，荔枝同原味北海道牛奶都係我嘅最愛，正😍值得一贊係呢度嘅嘢飲款式好多，仲有好多自家製鮮果茶，大人細路都啱飲。