和牛燒肉一郎 (新都城中心二期) (已結業)

妹妹話好耐冇食過燒肉，放工同佢去咗附近新都城中心，食和牛燒肉放題。見到餐廳轉咗新menu，揀咗b餐， 每位 $448（另加一），可以食足25款， 有多款靚牛肉，牛肉刺身，海鮮，野菜同小食，十分豐富。自助區有任飲飲品，沙律同爆谷。 坐低冇耐就會送上 一隻放滿肉類嘅船仔， 上面有牛肉，雞肉，豬肉同海鮮。之後可以qr code再落單，食物會以運輸帶送到。😍肉類質素幾好， 海蝦新鮮，款式夠多。最後甜品有日本雪條，試咗藍莓乳酪味道，幾好食。😋😋

最平198起 ABCDE餐,最貴一級和牛食120分鐘係一千蚊位A或B餐食90分鐘,唔算平又唔係特別貴食物水準唔錯,熟食類也多選擇,送餐夠快,唔會拖你時間WALKIN要等位,最好預訂喇多款日式熟食,自助沙律吧,飲吧,總計十幾款特色飲品,另有汽水機,熱茶,爆谷機另有日本雪條任食,平時一條都要十蚊了,其實食物質素係高既,只係稍貴仲要2人坐也是卡位,舒服度高,服務有效率用送餐帶送餐,好快手,包括韓式泡菜也是用送餐,夠曬辣開胃燒肉飯好食喎,個汁甜肉又夠嫩,仲好食過自己燒,可以出單品壽司都好食,飯粒夠味,餡又包得實唔會散甜品仲有幾款,朱古力慕絲夠濃郁!#和牛燒肉一郎 (#新都城中心 2期)  #燒肉放題 #放題 #和牛燒肉 #燒肉放題推介 #將軍澳美食將軍澳貿業路8號新都城中心2期1樓1040-41號舖

👩🏻‍🍳和牛燒肉一郎♨️👉🏻必食指數 ❤️❤️❤️❤️ （5❤️為最高)今日去開將軍澳🛍行街想食燒肉，見到和牛燒肉一郎未食過😋，一於試下新嘢先‼️ 上菜既時候，一隻船🛥佈滿哂肉肉，好靚啊～有和牛牛肋肉，🥩甲脊肉，🦐蝦，🐚帶子。😍打卡一流📸再加埋d乾冰🧊成個畫面好似🕊仙女下凡咁haha另外仲有沙律🥗，可以自制鐘意既口味，有沙律汁、🥳沙律醬同醋比你揀。🍹野飲方面有汽水同特飲，🍰甜品，木糠布甸結實但唔會太硬，亦唔會太甜。 雪糕雪條，有宇治金時🍵同波子汽水🍭🤩下次有機會要黎再試埋其他menu✨✨

喺食評介紹之下，今次專程去寶琳嘅和牛燒肉一郎食放題吖，依度光線充足，座位多及寬敞。叫左性價比高嘅B餐，有好多吾同牛部位，一口牛、牛肋條、牛外橫隔膜、牛肋肉、里脊肉、熟成壺漬牛外橫隔膜醃漬牛肋肉，全部韓風感覺及味道。 油脂分佈平均係韓牛特色，燒過後點埋特製燒肉汁食停吾到口。又有豚肉4款、雞肉2款及海鮮2款，食埋熟食、沙律同菜，飽到不得了。其實仲有豚肉腸、秋刀魚、天婦羅、日本雪糕及雪條數之不盡食物，食燒肉放題不二之選！

優秀的燒肉放題店，需要滿足我三個願望！一· 優秀的食材我們這天吃的是特選牛肉及日本產豚肉放題，它不是餐廳提供最頂級的套餐，但我覺得它已經足夠優秀！我這天最喜歡的肉是里脊肉，我覺得它肉質很細嫩，就算稍不留神，肉片過熟了一點，它的質感還是叫人喜愛的。二· 多樣的選擇燒肉重點當然是各色的肉片，但這裡提供的熟食都很美味！這裡每款炸物都很吸引！我覺得炸物是落單後才下鍋的，因此炸物們都是無比的香脆。我這天吃了很多炸蝦，炸漿不厚重，蝦肉不算非常彈牙，但感覺蝦子質量很好。三· 穩定的質量我覺得食物質量穩定才能使人一直喜悅。我們這天吃的第一碟肉片拼盤到最後一盤牛肉都很出色。這餐廳還提供飲品及雪條，種類亦很豐富！整體來說，這餐廳能滿足我各項的要求，是值得留在我美食清單的！

同朋友食lunch，佢話想食燒肉，見呢間位於寶琳、主打和牛燒肉嘅餐廳都幾吸引，門口仲有大大隻牛候擺設，同凍肉雪櫃，擺滿吸引嘅和牛，睇到門面都胃口大開，一於去試下。一入到去都見唔少客人食放題，不過我食唔到太多野，就決定同朋友食套餐，一齊都叫左6種嘅日本黑毛和牛定食。外面就有個自助區，有多款沙律菜同飲品，仲有特別嘅茶飲同果汁。日本黑毛和牛定食一上檯都好吸引，有多款部位如和牛三筋、三角腹肉、牛肋肉、西冷、里脊肉等等。每片都油花十足，入口即溶。尤其和牛三筋同西冷，肥美得嚟，入口好多肉汁。三角腹肉同牛肋肉就比較有肉香味，簡單加鹽已經好好食。套餐仲包埋飯、味噌湯同酸酸甜甜嘅楊枝甘露慕絲甜品，今餐都食得幾滿足。

和牛燒肉一郎 – 性價比極高的和牛燒肉放題 俗話講：“未食五月稯，寒衣未入櫳”是有道理的。週一天氣突然轉涼胃口奇佳，為自己揾到去食燒肉放題的藉口。放工後，我們再次來到寶琳的新都城的和牛燒肉一郎。光陰似箭，日月如梳，上次來這間牛燒肉一郎已經是去年11月的事了，現在解除了堂食的限制，相隔半年後終於又可以來這間高質數的食肆嘆和牛燒肉放題了。 食肆裡一如既往燈火通明乾淨企理，店員勤快有禮。估唔到這間店生意唔錯，我们订的是晚上6点第一轮，进到店內见到有几台已经食得兴致勃勃，既有同台有大人和小朋友，似是一家大小家庭成員來食和牛燒肉，也有自帶蛋糕三五成群的年輕人，估計是慶祝生日的朋友聚會。 這間係專食燒肉放題的餐廳，提供7種唔同質數唔同價錢的燒肉放題套餐以供食客選擇。我們今次揀左個C放題套餐。 C放題套餐包括了76款食材，包括不同部位的美國和澳洲牛肉，海鮮，豬肉，雞肉，和多種餐前小食同蔬菜。點完餐冇耐，店員就把牛肉拼盤送到了我們的台上，通過手機所點的其它海鮮和蔬菜等食物也通過自動傳送帶準確無誤地送來。牛外橫膜肉脂肪較多和分別均勻，放在爐上燒烤15-20秒，牛油味道濃郁，肉質結實頗有嚼頭，食完唇齒留香

好耐冇食燒肉，屋企樓下開咗呢間和牛燒肉，出面有一大隻牛嘅擺設，每次經過都好有記憶點😳😍90分鐘特選牛肉放題 $318👀平日食嘅話會平啲～包7款特選牛肉、4款豚肉、2款雞肉、2款海鮮、10款野菜同埋其他小食～入座後會先嚟一份肉拼盤🥰仲要係用架列車裝住（同壽司朗一樣～👀牛肉嚟講質素都不錯～唔使燒太耐就食得～可以叫埋五花肉，包住菜食冇咁大罪惡感🫠除咗燒肉，仲會有壽司，炸雞，牛肉湯麵等等～炸雞幾出色！熱辣辣入面爆汁！牛肉拉麵好夠味夠辣！嚟一碗好過癮🥰👀食完之後仲會有甜品同好多嚟自日本嘅雪條～甜品區嘅牛奶布甸非常不錯！而放題嚟講有咁嘅質素，間中食下燒肉都好開心😋😋

有人幫手湊囝囝，就同老公拍拖食好嘢😋嚟到屋企附近嘅和牛燒肉一郎，叫咗2個Lunch set🥩日本黑毛和牛6種類（三角腹肉、牛肋肉、里脊肉、西冷、牛肋間肉及三筋各20g）有6款唔同嘅和牛，職員好細心咁介紹燒和牛嘅先後次序同食法，由脂肪冇咁多嘅和牛里脊肉開始，每邊燒🔥10-15秒就可以食，和牛每個部位都好新鮮，入口即溶，超好味😋🥩一郎拼盤（雞腿肉、豬肋肉、特選牛里脊肉、海老及帶子）有3款唔同嘅肉類🥩加埋2款海鮮🦐肉類好嫩滑，海老🦐好大隻，帶子好新鮮另外有自助沙律同飲品吧，可以任飲任食，因為我地係食Lunch set，如果要食自助甜品就要另加$35/位嚟緊29/5將軍澳限定，做110分鐘燒肉放題，鍾意食燒肉嘅朋友，唔好錯過呀👍

母親節飯係度食110分鐘放題覺得價格完全同食物質素成反比唔寫食評唔安落家人揀左和牛set $498+10%首先第一盤上嘅牛係無得再點擺盤來講以為係勁好味嘅牛點知食落又鞋口又無牛味平時勁鐘意、覺得油脂分佈好岩口味嘅カルビ都完全無和牛感覺原來係插幾張紙就扮高擋第一盤都咁 可想而知App點的質素一樣係隻隻肉差唔多唔好味和牛係唔同部位都有唔同口感而呢度隻隻肉食落口都差唔多味總結係塊塊都鞋同靭=_=完全對唔住呢個價錢講緊差唔多成$600位肉嘅部分係令人好失望可取嘅係海鮮海蝦、帶子、蠔都算新鮮熟食同甜品都幾OK不過都彌補唔到肉嘅差黎呢度同揀呢個set係想食和牛！唯一想讚下職員好有禮貌同回應快換網都好自動自覺店內環境都乾淨同無咩味個人唔會再幫襯

假日午餐set：一個價錢附飲品、湯、甜品、沙律、飯任添💪🏻🥩US牛肋肉 -$138牛肉質感較稔，牛味比里脊肉濃，屬正常發揮。🥩US里脊肉 -$118牛味久奉，即使烤至7-8成熟，肉質仍然韌🙁需花牙力咬開🤦🏻‍♀️🍗追加豚肉豚肉薄身，燒至焦香達至脆口效果，味道普通。最深刻反而係任添牛肉湯🤣黑椒味重、辣辣感，加上軟稔牛肉碎及紅蘿蔔，啖啖牛味😆

位於寶琳的大型連鎖燒肉店，以往這裏給你第一印象也就是放題，但這天和朋友一同前來，我們挑選的卻是他的便當。當然不會缺少的也就是和牛便當，挑選m4和牛，肉質本來已經幼嫩，加上脂肪分佈均稱，只需放在鐵板上輕輕一趟，就馬上能感受得到日本和牛逼的味道。另外我朋友挑選了明太子烏冬，用石鍋放上，令整個烏冬味道更提升，更有層次。至於味道方面，十分濃厚的口感，會擔心石鍋的餘溫會不會令烏冬overcooked，放心是不會。

已經光顧第三次 每次都沒有令我失望 除了本身食物質素有保證之外 店裡員工服務態度非常友善及親和 除咗幫手燒食物 亦好用心介紹每款牛肉的特質 燒烤到什麼程度 每樣事情是由心出發 真係值得一讚

和牛燒肉一郎 (新都城中心2期) (將軍澳)將軍澳貿業路8號新都城中心2期1樓1040-41號舖今日同朋友去咗附近嘅日式燒肉舖食lunch，呢度都開咗一段日子，終於有時間嚟試吓！午餐主要係semi buffet形式，入到去店員好快俾咗午餐嘅餐牌我哋，我哋好快揀咗兩款定食之後就出去拎沙律同埋飲品，呢度嘅飲品好特別，有西瓜紅莓茉莉茶、甘筍蘋果美人水同青瓜奇異果綠茶等等，口味都幾清新，啱晒減肥又想飲甜嘢嘅人啦一郎拼盤拼盤入面包括雞腿肉、豬肋肉、特選牛里香肉、海蝦同帶子，每款肉類都好新鮮，尤其帶子非常彈牙，百幾蚊來講好抵食！慢煮特選牛肉飯一嚟到見到碗飯上面po上金箔，打卡真係啱晒！牛肉慢煮之後非常嫩滑，再點上醬汁食好滋味！面頭仲有蛋黃，撈埋飯食一流，加埋椰菜絲就夠清新唔會漏~食完我哋出去見到餐牌嘅晚市任食放題都好吸引，有機會會再嚟試吓！

叫咗兩個午餐定食另追加咗牛舌 和牛 帆立貝，包自助飲品同沙律吧，3款肉都ok, 符合性價比，但帆立貝48蚊兩隻燒完細過5𧐢子仲完全係無味道簡直係掉咗53蚊落垃圾桶。沙律吧選擇ok都新鮮，衛生企理，但飲品真係算把啦，感覺老闆唔捨得比客飲就不如唔好包人任飲，汽水係糖水嚟，只有糖漿味完全無汽，果汁係顏色水有色無味，最後沖咗杯茶，茶就very good真係茶嚟。後話：不過侍應小姐態度真係好好，埋單離座後同佢講帆立貝既情況，佢即刻話拎過兩隻比我燒，不過我哋話唔洗嘞，佢想送兩支雪條比我哋，但我哋都怨拒咗，不過真心讚佢服務同應變有盡力補償。