和牛燒肉一郎 (新都城中心二期) (已結業)

$700幾係日本和牛set，一啲都唔覺得係和牛，如果$200幾既價錢甘既質素冇嘢好講，去第二間食午餐7百幾蚊兩個人，仲有塊薄嘅和牛扒送，任食嗰啲和牛仲要好過佢7百幾蚊一個人嘅。食過一間和牛放題晚市，都係兩個人食買單平過佢二百幾，塊塊入口都係Feel到和牛嗰種香同埋油。以為佢呢間7百幾蚊一個人啲和牛一定好正，點知啲牛肉差到爆。同自己係街市買百幾蚊牛返屋企燒完全冇分別，7百幾蚊夠膽比啲牛我係硬既，仲要有筋既，牛角啲牛肉仲好食過佢所謂嘅日本和牛，服務態度係唔錯嘅，但係啲嘢食真係唔值呢個價錢囉。想食好嘅日本和牛真係唔推薦呢間，同男朋友都表示唔會再有下次。