和氣食堂 (黃大仙中心南館)

營業中

休息中

陪女兒去黃大仙廟拜神，之後去和氣食堂食日本野，女兒喜歡和氣環境和食物都唔錯，尤其係雪糕甜品。安格斯牛扒他他沙律：安格斯牛扒一向都係品質保證，不但牛味濃郁、柔軟多汁，而且脂肪分佈均勻，呈大理石花紋，肉質鮮嫩，輕輕一煎已經 好好味，加上黑醋調味好醒胃。4點刺身盛有三文魚、章紅魚、廣島蠔、甜蝦。三文魚刺身厚切，呈橙紅色，肉質鮮美，油份濃郁。新鮮鱆紅魚刺身色澤與油甘魚刺身相似但偏白，肉質爽口、味道鮮美。廣島蠔特別肥美、飽滿，其肉質鮮甜、嫩滑，甘香可口。雙重芝士鰻魚卷：兩種芝士味軟濃，鰻魚肥美肉質香氣四溢，在口中迸發極鮮滋味，鰻魚入口即化滑嫩口感。白咖喱烏冬：將奶油同咖哩和烏冬伴均勻，就會食到幼滑嘅口感 和濃郁咖喱味，有點微辣十分惹味！炸雞外層香脆可口，肉質嫩滑。特濃牛奶芭菲：雪糕奶味香濃，又滑又香甜，配合煙韌的麻薯、林甜的紅豆、脆卜卜的粟米片，多重口感非常美味！

和氣食堂油甘魚沙律油甘魚好鮮甜😍仲要加埋黑松露同牛油果 🥑正到犯規！呢個沙律一試難忘，一定要再返去食多次🤤三色丼三色丼有海膽帶子同蝦，三樣最愛嘅材料集於一身，仲要樣樣都好新鮮，呢個又係大推👍🏼👍🏼忌廉烏冬估唔到呢度有忌廉烏冬食喎！厚厚忌廉底下係咖喱烏冬，加咗忌廉嘅烏冬得別香滑，值得一試🤩烏冬仲有套餐，配蜜糖雞翼同芭菲，但雞翼係冷盤，有啲唔慣😂😂芭菲絕對係畫龍點睛，食個甜品心情特別好🥳🥳

第n次幫襯..係有水準既日本菜，款式多之餘無論凍熱食都出色，所以日日都會有人等位。呢日由前菜小食熱食甜品都點左。安格斯牛扒他他沙律配黑醋汁沙律好大份，牛扒份量似一大塊扒，牛味好重。鰻魚牛油果班戟好大舊無一啖食唔哂..又似甜又似咸食，好味又特別燒日本廣島蠔（蒜蓉/芝士）見到d蒜蓉粒就知夠哂味，芝士果款都係爆芝，好好食點左2隻太少，下次可以點大有4隻3點刺身盛3款刺身都新鮮juicy 特別甜蝦仲有點爽口炸雞白咖喱烏冬雞件熱辣辣juicy多汁..個cream 溫度暖暖地配埋下面咖喱汁同烏冬口感好特別，咖喱味仲好夠大阪豬扒丼吉列豬扒肥瘦適中個炸皮夠薄，再配埋沙律椰菜一齊食冇咁油膩，大大碗飯清哂。阿法奇朵配一少杯熱特濃咖啡配軟雪糕好似飲咖啡咁，好好味整體食物出色保持水準，員工有禮仲會主動收碟加水，依然可以再繼續幫襯

收工返到屋企附近搵野食..想食日本野..平時經過都有唔少人幫襯成日都要等位..今晚就試一試等左一陣都好快有位...首先要讚既係佢每枱中間既膠板係等疫情其間去食飯所以餐廳既第1...唔係隨便一個夾或一去膠墊較墊果d..佢做得十分企理乾淨！坐位舒適！餐牌大大本..款式勁多種類..見到樣樣都想食呀！3點刺身盛-份量好足有三文魚.章紅魚同甜蝦..刺身好新鮮.正白咖喱烏冬配炸雞-首先見到圖片咁特別就想試..實物同圖片一樣嫁...由於有細滑既泡泡白汁令到咖喱湯底好滑..炸雞好味大阪豬扒丼-份量驚人..有座沙律菜山係上面..大大塊炸豬扒...飯量都足..好滿足黑醋安格斯牛扒他他沙律-飯前勁開胃..酸酸甜甜..牛扒唔鞋口.好juicy..鰻魚牛油果班戟2件- 班戟皮原來都可以襯壽司..好新穎..同埋牛油果同鰻魚原來可以咁夾..好味燒日本廣島蠔2隻（蒜蓉/芝士）-2款味道都好夠味..好好食...蠔肉都大粒juicy阿法奇朵- 熱咖啡淋上雪糕到...開始溶就好似咁咖啡咁.好好食..食唔停口

之前去黃大仙中心食飯，見到有一間日式餐廳門口經常有人排隊，今晚早食飯，經過見到唔洗排隊，緊係一支箭咁衝入去食飯啦～～～座位都算舒服，唔會太逼，都唔錯。服務員態度不錯，整體感覺幾好。燒牛舌平時都鍾意食燒牛舌，呢個燒牛舌好juicy，而且燒得好香口，加左少少海鹽，味道剛剛好，正櫻花蝦鯛魚湯泡飯嘩，呢個飯熱辣辣，香噴噴，加埋配料，又香口又香脆，鰹魚味香濃，大蝦又大又彈牙，呢個泡飯必點白咖哩烏冬白咖哩，好特別，唔係好多餐廳有得食白咖哩，緊係order一客試吓啦，咖哩味同黃咖喱一樣咁香，烏冬彈牙爽口，大家一定要試試照燒原隻魷魚燒魷魚最重要係隻魷魚彈牙鮮味，呢隻魷魚就有呢個效果，個秘製醬汁好好味，同魷魚絕配呢間餐廳食物好味，而且價錢好平民，唔怪之得呢間餐廳門口經常有咁多人等位啦👍🏻

白咖哩烏冬 ($88)今次終於試呢間餐廳出名嘅咖哩烏冬~面頭係白忌廉，就咁食冇咩味😂，打左好多空氣入去，好滑。底係好香好香嘅咖哩同烏冬。咁邪惡嘅烏冬係會heavy啲，但咖哩同個cream mix埋一齊食好正！仲有2件炸雞塊放落個咖哩到食，脆得嚟又有咖哩香😍香芒燻鴨胸沙律 ($68)份量都幾多，鴨胸唔肥，芒果唔酸。配埋黑醋，可以refresh下食烏冬嘅膩牛油果芒果三文魚pancake ($48)見係pancake好似幾得意就叫嚟試下。其實同花之卷都幾似，用pancake嚟取代左個飯。牛油果配三文魚個配搭都幾新鮮培茶芭菲加5隻雞翼同薯條 ($72)全部都係甜甜地。個薯條炸得好脆，好好食😋面有啲糖粉(？)，所以食落會甜甜地，有少少似食緊甜蕃薯，幾特別芭菲培茶味都幾出。仲有好多脆脆，紅豆等等👍👍

黃大仙呢間和氣食堂真係變左我食日本野既飯堂，估唔到屋企樓下有間cp值咁高既餐廳！今晚同男朋友來食晚飯，就算疫情呢間都係好爆滿，好彩等左陣就有位。首先點左個溫泉玉子牛油果沙律，個溫泉蛋成半熟狀態咁，牛油果份量一啲都唔吝嗇，底有好多青瓜絲同生菜做沙律，已經好足料。之後叫左個四點刺身盛，分別有三文魚、廣島蠔、甜蝦同章紅魚，每樣三件，刺身好新鮮，味精鮮甜。我哋重點左個大阪豬扒當飯，重點係同張相一樣，好大碗，上面鋪滿大阪燒汁同埋椰菜，下面就係重點厚切吉列豬扒，皮薄香脆，肥瘦適中。飯份量足以三人食。我哋仲叫咗個推廣小食優惠薯條配雞翼再加雪糕作甜品。甜品重點推介係焙茶口味，濃濃既煎茶，再加上白玉煙煙韌韌，口感一流！

今日嚟到黃大仙約好朋友食飯聚舊，好友推介食日本嘢，話係親民價錢嘅居酒屋，入到餐廳果然人氣鼎盛!餐廳好易搵喺正地鐵站出口位，非常方便，裝修和風日系居酒屋風格。食物有 刺身、壽司、丼飯、鍋物、串燒，款式都幾全面!辛味吞拿魚牛油果卷吞拿魚厚身肥美，新鮮嫩滑。牛油果嫩滑營養豐富。 壽司沒有辛辣味，有很多芝麻香味，脆口甘香。4點刺身盛三文魚、甜蝦、油甘魚和生蠔， 四款海鮮刺身。三文魚肥美，油脂甘香。油甘魚薄切晶瑩剔透，肉質鮮嫩爽脆。甜蝦鮮甜爽口。蠔身肥美creamy爽滑！黑豚腩燒丼黑豚腩為豬腩肉，油脂豐富，特製醬汁醃得入味，外層微微燒焦，肉香撲鼻，非常惹味，拌飯一流。田樂麵豉燒日本米茄子日本米茄子短身肉厚嫩滑多汁，估唔到加咗麵豉醬嚟燒烤有驚喜，特別惹味，真係食到流曬口水。青蘋果奇異果梳打、檸檬藍柑梳打顏色鮮豔，造型吸引，最啱打卡。味道酸酸甜甜，冰凍解渴，開胃醒神!

二人行，多個胃，多點錢，當然要搵好野食，今次同朋友帶來黃大仙區和氣食堂。幸好早到不用排位。餐廳和風設計，悠閒感覺，牆上擺左一d日本卡通的figure.有朋友大胃男在旁，可點多d野食。一口牛鐵板飯香噴噴的，份量十足，若一人食都覺好豐富，🈶牛肉粒和汁，炸薯塊，蛋。牛肉粒夠香嫩。白咖哩烏冬別具特色，外觀似白色沙律醬，當用筷子攪幾下後呈現黃色珈哩，烏冬好滑帶點溫泉玉子牛油果凱撒沙律清新可口，牛油果香滑，溫泉蛋撈均後，沙拉變🉐更滑。雙重芝士鰻魚卷(3件)淡淡芝士醬，薄薄鰻魚肉清新嫩口。脆脆達三文鱼皮香脆可口，不亁，若嫌亁了沾點沙律醬。藍柑白桃梳打賣相吸引，型格，味道也不錯。糯米糍 紅豆焙茶雪糕作為雪糕控的我們挺喜歡這培茶味道，雪糕香滑，奶味適中。糯米糍韌韌地。同朋友坐在舒適的環境一起分享美食聊天，為這天畫上滿足的句號。-

今日去咗黃大仙探朋友嘅BB，順便喺樓下商場食飯，見到呢間和氣食堂都幾骨子，決定一試。鬼死咁頸渴，同朋友一人點左杯凍飲飲住先。我就叫咗杯烤杏仁奶茶，入口係淡淡的烤杏仁味，雖然淡淡地，但係好香。而且奶茶底唔會太甜，令人更加飲到烤杏仁嘅香味。而朋友就叫咗杯甜橘梳打，冇錯，佢係藍色嘅，但係係橙味嘅梳打，偏甜少少，但勝在打卡一流，又夠大杯。食日本嘢冇理由唔食壽司，右邊嘅係柚子芥末火炙三文魚。左邊嘅係火炙鵝肝三點，包括有三文魚丶帶子同鰻魚。火炙三文魚配上酸甜帶辣嘅柚子芥末醬，非常之夾，而且好醒胃。另外，鵝肝同魚生亦出奇地和諧，要大力一讚嘅係，食材都好新鮮甜美，但粒極度軟硬適中，淡淡都好享受。另外仲叫咗個刺身拼盤，一樣好鮮味！驚唔夠飽嘅關係，叫咗白咖喱烏冬配炸雞，白咖喱夠creamy, 烏冬亦都有彈牙，白咖喱味道偏譚，適合鍾意食清淡嘅朋友。最後嗌多咗個沙律，健康少少食下菜，上面又有啲水果可以當飯後甜品，質素亦都係合乎水準。總括而言，每人買單百幾蚊，屋村來講有呢種質素嘅日本嘢食，相當不錯。

每次路過此餐廳，均見到人等位，特別在午餐及下午茶，今日（18/6/2020）下午二時多路過，見無咩人等位，取籌後，都等了十分鐘才有位。下午茶餐，真係好抵食，魚生飯唔駛五十元，唔食魚生，點了三個下午茶餐極上咖喱燒雞扒丼，份量好足，雞扒有少許乾身咖喱黑豚豬扒丼，豬扒好厚身及滑，咖喱汁濃度好適合拌飯兵庫縣大阪燒，好味，醬料及配料足，同在日本食，差不多以五十元都唔駛，食到此質素食物，都算超值，唔怪之得成日都咁多人排隊。

本來想去壽司郎🙈但實在太多人排隊所以放棄左見到呢間日本野幾多好評就試下啦⋯⋯都係要排隊😓一坐低急不及待就點野食好中二佢有好多菜色係一碟幾味😋😋😋咁就可以試到幾款食物下面果碟就係［三文魚5味］咁就可以一次過試幾款口味喇‼️佢個牛油果好大塊好match三文魚刺身好新鮮好好味😋而且好厚肉 呢個牛肉鍋好值得一食👍🏻牛肉入口即溶🐂🐂個湯仲好甜，所以菜都入哂味🥬食番d菜就會健康d la~~~成餐飯每個餸都有驚喜好鮮甜‼️完全滿足哂去唔到日本又想食刺身嘅願望呀😍

同朋友們四人本身打算去附近間要提早一個月book嘅壽司試下walk in，點知去到已經截拎飛。於是打開app搵左呢間試下。嚟到都係要排隊，排咗大概15分鐘左右，期間見到裏面啲人，多數都係食定食，以為呢間嘢冇壽司，點知坐低打開menu先見到原來乜嘢都有，樣樣都叫左d試下，壽司嗰啲就中規中矩啦，小食嘅薯條雞翼唔錯，雞翼係凍食嘅，外面有層糖漿咁嘅嘢，口感同味道都不賴，薯條上面有層糖粉，食落似反沙芋頭嘅感覺。叫左份招牌野白咖喱烏冬，原來上面果層係cream定發起左嘅蛋白，下面係正常咖喱烏冬，都ok嘅...不過感覺傷好似比佢fake左甘，唔係真係白咖喱。😅😅😅個番茄烏冬好味！好濃味，可以再食！個培茶雪糕好濃培茶味，唔中意食雪糕嘅我都覺得幾好味。個鵝肝飯真係可以唔洗叫，得兩片鵝肝同少少配菜，鵝肝比較乾身，下面全部都係飯，d飯都係麻麻地，冇乜特別。唔推薦食呢個...

聽聞呢間日式餐廳係呢區幾旺場，我每次經過都座無虛席，甘岩今次見到人龍不多，幸好等了15分鐘就入座了。本menu成本字典甘厚，心想有無甘多款野食呢。嘩，原來又真係好多款式，今次嘗試部份主打菜式先。三點刺身，有三文魚、章紅魚薄切、甜蝦剌身。刺身最緊要係新鮮，今次既刺身夠哂新鮮。甜蝦鮮甜，章紅魚新鮮，三文魚甘香。呢間既招牌菜式係電擊雞翼炸薯條。聽落菜式名稱很得意，其實係蜜糖炸雞翼，上面有一層厚既蜜糖搽係雞翼面層，入口香脆，帶甜既咪道。薯條面層灑了糖粉，味道都是帶甜。黑松露香芒甜蝦卷，份量很大，好香黑松露香氣，甜蝦肉配搭芒果，味道非常夾啊。大阪豬扒丼，最上層鋪滿很多椰菜絲，豬扒肉質鬆軟兼用了厚切，口感一流。而且此豬扒丼份量彼大，食得很飽啊，味道不錯。培茶芭菲，甜品選了培茶雪糕。啡色的培茶味道濃郁兼軟滑，還有糯米糍及脆脆陪襯。感覺好似去左日本京都甘樣呀。

今日喺黃大仙食好嘢😎😎大板豬扒丼上枱嘅時候就比佢好巨型嘅外表吸引咗 上面有好多椰菜 而椰菜嵌住既先係豬扒 豬扒都唔錯 炸得好鬆脆 個飯嘅份量都好巨型 夠晒兩個人食🥳🥳😂😂牛油果芒果三文魚班戟我一啖將成舊pancake放咗入口 口入面同時有幾種味道有芒果酸酸甜甜嘅味道仲有牛油果嗰種棉滑嘅感覺 食得出有蛋同魚生係入面 層次好豐富👍🏻👍🏻電擊雞翼 +北海道薯條薯條上面灑左啲糖霜 同平時食開嘅鹽味薯條唔同 我第一次食甜甜的薯條 感覺好有趣🤩🤩而啲雞翼係凍上的 上邊有啲蜜糖同埋芝麻 味道不錯白身魚刺身跟刺身嚟咗一個豉油 唔係用平時嘅Wasabi加豉油 感覺好清新 食落好有咬口、好新鮮 完全冇腥味金蒜茄子生虎蝦刺身配左一個酸辣嘅醬汁 而啲虎蝦好通透 甜品焙茶芭菲焙茶味雪糕有濃郁嘅茶味 雪糕旁邊有好多小丸子 下低仲有啲粟米脆片成個雪糕賣相好吸引又有趣卜卜嘅口感配搭軟綿綿嘅雪糕