人人和平小飯店

營業中

休息中

個個侍應好似未瞓醒咁, 十問九唔應, 聽野聽一半我理得你係咩搬鋪未set好system定未train好啲人基本服務態度完全欠奉!漏單問題不在話下, 追單頭3次同侍應好聲好氣講, 冇人理, 冇人跟, 冇人覆等咗9個字, 第4次追單, 侍應反而會同個客鬥大聲+問候打開門做生意做到咁, 一定唔會再幫襯野食凍冰冰+普通到不得了咁嘅服務, 絕對係飲食界之恥

食物質素唔錯，但員工服務態度十分惡劣，粗口應對，如無必要，唔會再貼錢買難受！由疫情幫襯到而家，通常屋企叫外賣都係食佢，食物質素唔錯，但服務態度真係好差！由之前疫情時電話落order開始，另一邊接電話的阿姐態度惡劣，非常不耐煩，我話我係買外賣套餐，所以預早打電話黎落order, 對方一聽到已經破口大罵，話我無喺佢一接電話嘅時候講明係預定order。我哋去攞外賣時已同店舖經理反映過該位落單同收銀阿姐嘅服務態度。今日，我哋再打電話叫外賣午餐，我哋叫左2個餐，只係再睇下第三餐要乜，同一位戴眼鏡略胖外賣收錢阿姐竟然喺電話低聲講句「快(_)啲啦！」，咁嘅服務態度，公司唔正視，我唔會再貼錢買難受。

在這間飯店買外賣，買了肥叉飯，全肥，全脂肪，一丁點肉都沒有，算，又係自己叫肥叉，不過奉勸大家就唔好試，另外叫個油雞飯，呢幾件雞係隔夜下欄嘢，肉已乾及極柴加鹹，其實，係咪外賣就比啲最差嘅野客人，一個餐$65，全部極似廚餘，本人無話可說，但以後唔會再幫襯！

人人和平岩岩做冬去既以前都有食過lunch set呢間係堡壘街既舖頭都幾勁由街坊生意做到區外人黎排隊再逆市擴張又西餐又私房菜最近仲係銅鑼灣做埋焗豬仲話會租埋格離舖位黎做大檯客呢邊就會做番散客為主品牌真係幾重要既一樣野始終可以做大既黃店唔多仲係唔係一間收收埋埋既舖頭不過新舖唔知幾時先開始營業都係係番舊舖食今日同親戚做節九個人就坐長檯食物係唔太方便去分不過舖頭設計問題無計將來話新店會放圓檯應該會舒服好多普通餐具餐牌封面係蒙羅麗莎抱住隻燒鵝咁大概都估唔到呢個係最招牌既菜式餐牌二人餐四人餐都有唔會話係乜都有得食但都已經夠晒咁多個人去揀而且都係主要想黎試下燒味牆上面有廚師推介本來都想叫蠔餅但唔知賣晒定點話今日無有屋企人叫左兩杯啤酒而家慣左叫皮蛋一人半隻做前菜呢個蛋黃就黃色既上次係庸記果隻係黑色我就唔知有無咩分別但係人人和平呢個就比較有蛋味同埋都係溏心叉燒都係人人和平既名物之一而且佢仲有唔同選擇有加拿大瘦叉波蘭肥叉同埋加拿大白豚既半肥瘦差最正路應該就揀肥叉既但係白豚又貴d wor所以呢碟係白豚半肥瘦黎都有燶邊不過切得比較薄食落口感就一般爽口但唔係軟淋之後就到餐廳最出名既燒鵝今次多人就叫左半隻話係用

之前已經聽過人話宜間餐廳燒味同小菜好食 今日經過附近就黎試試。餐廳內部環境只屬於一般茶餐廳裝修 當日晚上8點半黎到 好好彩 剛剛好有一張空枱。而今次叫嘅係屬於新年餐牌價 所以價錢上應該比平時貴小小 。🤔🐷 荷蘭肥濃腩叉 配蜜豆$125當日因為半肥瘦叉已賣完 就叫左肥叉 叉燒份量算多 雖然係肥叉 但吾會太肥太油膩 肥瘦適中 肉質都幾腍 但蜂蜜汁比較稀 吾似一般叉燒會非常掛汁🐷荷蘭肥的燒腩肉 $125燒肉都大碟份量足 肥瘦均勻 皮燒得算鬆脆 整體味道正正常常 吾會有太特別嘅驚喜 🍍菠蘿咕嚕肉 $168咕嚕肉反而比較驚喜 用半個菠蘿擺盤 賣相吸引 咕嚕肉炸得酥脆 用新鮮菠蘿炒 酸甜適中 非常開胃 好味👍🏻🦀百花釀蟹鉗 $40 一隻$40一隻少貴 但質素吾差 蟹鉗炸得香脆 蟹肉彈牙 沾埋甜酸醬更好食 👍🏻

今日星期六有少少空檔時間，趁機過嚟試吓呢間，入到嚟一睇，非常茶餐廳格局啫😑有乜咁特別想試呢？揸主意話要嚟食嗰位話，呢度要試叉燒、燒鵝、炸蟹鉗，點咗個二人套餐，加咗碟燒鵝，嗯，唔錯喎⋯⋯燒鵝好好味，要咗下庒，個湯羹好好飲，材料足又夠熱，炸蟹鉗亦係新鮮熱辣，所有餸都係熱的。至於叉燒呢，我哋點咗肥叉，同我哋食開一般肥叉唔同，嚴格來講今日嗰啲唔算肥囉，但係食到當中有心機嘅，面嗰層就係肥，所以可以好圴勺咁燶法，但佢嗰種規矩得滯嘅賣相係脱離咗一般對肥叉嘅期望，另外係佢用嘅係蜂蜜，無平日蜜汁叉燒咁濃稠，但佢係好食嘅。啲伙記哥哥姐姐服務好好嘅，佢哋夠老實，見我哋點了二人餐，已經好唔心足咁另外點了個燒鵝下庒，仲想追加個蜆戒鯪魚球，個侍應姐姐就碌大眼話「仲加？太多嘢食唔晒㗎喇」😅食到一半見人飲奶茶，又想飲，今次個侍應哥哥又好貼心咁問「而家起定等你食完先呀⋯⋯」🥰咁先係服務吖嘛👍🏼要收十蚊位茶錢係貴咗啲，但係佢嘅普洱茶有陣特別味，打開壺蓋一睇，中間茶隔嘅係陳皮😌☕️好飲過好多酒樓啲茶。整個餐飲經驗係屬愉快嘅😊👍🏼

人人和平小飯店餐廳提供了多種各具特色的美食選擇，菜品口味多樣，能夠滿足不同口味的顧客需求。上菜品的服務速度也非常快，讓顧客不必等待太長時間就能享受美食。人人和平餐廳是一個非常值得推薦的用餐場所。環境舒適、菜品美味，這些因素加起來，給人一種非常愉悅的用餐體驗。⭐️蜂蜜叉燒品嚐了一道蜂蜜叉燒，口感非常棒！這道菜色香味俱佳，肉質鮮嫩多汁，蜜糖的甜味完美地平衡了豬肉的鮮味，讓人回味無窮。叉燒外層酥脆，入口即化，而肉質則是韌性十足，非常入味。這道蜂蜜叉燒是一道非常值得品嚐的美食，的仔強烈推薦給大家！⭐️百花炸釀脆蟹鉗這道菜絕對是一個驚喜！炸製的蟹鉗外層非常酥脆，而內部則是蟹肉的豐富香氣，非常好吃。對於蟹肉愛好者來說更是必試佳餚！食物：蜂蜜叉燒 + 百花炸釀脆蟹鉗價錢：$ 103 + 38/隻分數：8/10地址：北角堡壘街6-8號A地舖

這家中餐廳可謂全城最好食又最抵食的代表，深受食客喜愛。老闆經營這家餐廳的方式帶有人情味，使整個用餐環境充滿家的溫馨。這裡的燒鵝和义燒絕對是遠近馳名的招牌之一。燒鵝皮脆肉嫩，每一片都散發著香氣撲鼻，回味悠長。义燒更是經過精湛烹飪，保持了肉質的鮮嫩和多汁。這種極致的美味，讓人難以抗拒。而且，這家中餐廳的價格實在驚人的親民。無論是大排檔式的經典小吃還是正統中餐，每一道菜的價格都令人驚艷，是品味美食的最佳選擇。老闆的人情味更是這家餐廳的亮點之一，常常親自和顧客打招呼，增添了用餐的親切感。這種親切服務讓這家餐廳不僅在美食上贏得口碑，更在服務上贏得了顧客的心。總的來說，這家中餐廳以其全城最好食、最抵食的特色，成為食客們品味美食的必選之地。特色美味的燒鵝和义燒，加上親民的價格和親切的老闆，使其成為城中一個難以取代的中餐瑰寶。

幾個麻甩佬聚腳緊係想小菜 隊下啤先過癮，是但叫左幾味，但醉醉地唔記得全部影相，但樣樣都算好食既1. 打頭陣蜂蜜叉燒一定要講，有肥有瘦揀，我地叫既係瘦叉，香口肉爽蜂蜜juicy, 上台2個字就食曬，想下次再試埋個肥叉2. 好順德蠔餅呢個特別之處，係同平時食既蠔餅完全唔同，值得一試3. 雜菜粉絲煲一個字 足料，粉絲多，上枱嗰陣仲係熱辣辣，天氣凍凍地食唔錯4. 蝦肉蟹鉗香口肉彈，點甜酸醬都幾好食，但cp值唔高，試下算其實仲叫左個炒飯，唔夠飽用黎頂肚既，但嗰陣已經醉到唔記得左影😂總結：埋單人頭2百幾，去開北角會encore

北角名物- 人人和平提到人人和平 相信好多區內既居民都一早試過佢地泡制既燒味，特別係佢地既傳統柴燒燒鵝同肥叉燒。今日午飯時間經過北角 聽講佢黯然銷魂飯好出名 不過就同友人一行三人 唔夠quota 食隻燒鵝所以放棄左食燒鵝 而選擇左午飯套餐既黯然銷魂飯！果然名不虛傳， 有肥叉燒同瘦叉燒選擇加上兩個荷包蛋 仲有少少蔥花 真係完全配合左多年食神嘅黯然銷魂飯 真係好黯然 真係好銷魂我個人比較喜歡肥叉燒，因為人人和平出名肥叉燒入口即溶， 講真 強烈建議大家真係減少一次肥，因為真心好食，但係唯一缺點 就係佢嘅飯太多 建議胃口細嘅朋友仔 叫少飯而友人就揀左叉燒燒腩仔瀨粉燒腩仔就外脆內暖 真係好想問佢攞食譜點樣整呀 🥹🥹🥹建議大家有機會試埋佢既晚市 聽講仲多選擇🥰評分：8.5/10

聽聞呢間餐廳d燒味幾出名，去開北角就試吓😛.✨四寶飯✨揀左肥叉，肥瘦均勻，入口充滿油香同蜜糖甜味😋😋雖然表面燶晒咁，食落無燶味既🐷驚喜既係燒鵝都好好食，外皮好香脆🥚咸蛋黃中間都起晒沙😽正！✨叉燒燒肉米粉✨因為想試晒兩款叉燒有咩分別，就揀左瘦叉😅答案係唔好叫瘦叉！食肥叉好喇！瘦叉真係好柴，一丁點肥膏都無🙈燒肉個皮都好鬆脆，好食過瘦叉✨蜆蚧鯪魚球✨新鮮熱辣炸出黎🔥要擺一陣灘凍少少都食到🤤個外皮略嫌炸韌左少少，鯪魚肉好彈牙，加埋蜆蚧既咸香係幾好食🥰🐟

平時過嚟人人和平我都係食燒味多，肥叉油雞就真係唔少得，不過今日見到餐牌出現左個$70既炒公仔麵，呢個價同區嚟講絕對唔算抵食，不過又不其然地想試下佢炒野掂唔掂。公仔麵麵身唔會太軟，同時又唔會太硬。真心，出面食過一啲好似冇淥過就炒既公仔麵咁，硬屈屈。呢度算做得幾好。肥牛既份量亦都算對得住個價錢，配料亦都炒得夠香，麵身都都夠乾，每都麵條都吸到個汁，然且整體亦都夠香口。不過唯一唔好既地方就係爭緊啲鑊氣，而且唔係好夠熱。

人人和平都已經食過兩三次，終於有比較完整嘅一次可以出post啦🙈以我哋食咗幾次嘅經驗，如果多人食記得最好半個月至一個月前訂位，因為佢哋唔係普通中菜館咁樣坐圓枱，而係坐長枱，所以坐到大枱嘅位置唔多，但係佢哋嚟緊好似會租埋隔離舖位，到時就會有圓枱可以坐，同埋最好七點幾就開始食，因為有一次book八點，有幾款想試嘅都話賣晒🥲•🥢 香醋小木耳 $42除咗淡淡嘅醋香，仲帶啲麻油香，配埋爽口嘅木耳，其實係個幾好嘅開胃前菜～ 不過就好多芫茜，仲要挑開晒芫茜都依然好有芫茜味🌿🫣•🥢 七味黃金豆腐粒 $60外層好薄又帶點微脆嘅炸衣，再灑上少許七味粉，包住入面軟滑嘅豆腐，而且個size係一啖一粒，真係會食到停唔到口！😆 不過要記住唔好一上枱就擺落口，入面好熱架！•🥢 蜂蜜加拿大白豚梅頭半肥瘦叉燒 $155份量都幾多，薄切咗十零塊大嘅，半肥瘦真係有一層肥一層肉(圖2)，咬落鬆化同幾腍，不過因為薄切嘅關係，沾到蜂蜜嘅面積唔多😢加上佢哋用嘅蜂蜜係偏向流質同埋味道清香啲，食落又會同平時食開嘅叉燒有少少唔同～•🥢 花膠雲吞雞湯(半隻) $228雞湯超級清甜😍 好濃郁，不過半隻雞嘅份量，得6粒雲吞，我哋七個人食，每人

想試呢間好耐了不過因為一直都夾唔到多啲人一齊食所以都未食過今日難得夾到多人可以叫多啲嘢食了春日三寶套餐 - $468入面有砂窩花膠雲吞雞，宗谷元貝蓮子荷葉飯同波瀾壯闊肥腩叉波瀾壯闊肥腩叉邪惡嘅肥叉！仲要有燶面，好正叉燒嚿嚿都好厚肉咬落外脆內軟外面應該用咗好多蜜糖唔係死甜，係清新嘅甜令人食完一嚿好想即刻再食多嚿砂窩花膠雲吞雞入面有半隻雞，6隻雲吞上到嚟仲係滾滾吓咁夠晒熱辣辣雞件比想像中滑花膠份量都多啲菜整得好腍同埋都入味，好易入口宗谷元貝蓮子荷葉飯見到個量有啲嚇親因為超大個我哋7個大人加上叫咗都幾多嘢食結果食唔得晒但係幾香嘅飯唔會太乾或者太濕黑松露雙冬頭抽醬油雞(半隻) - $130平時好怕食醬油因為怕鹹但呢個係有黑松露就係咁吸引咗我黑松露味都幾香醬油唔算好鹹仲帶有少少甜隻雞都幾滑初時仲驚半隻唔夠食最尾係啱啱好燻蹄拼海蜇 - $88對於呢啲冷頭盤真係無法抗拒總係覺得全餐一定要叫先至叫做完滿而且海蜇係細細個嘅童年回憶海蜇都爽口不過好似無細個咁好食了燻蹄就正常發揮招牌菠蘿船咕嚕肉 - $168呢個好似好多枱都有叫所以我哋都叫咗嚟試吓🤣成個菠蘿咁上都幾特別咕嚕肉個炸粉唔會好厚酸酸甜甜咁都幾開胃

【東區】【人人和平】呢間嘢聽講過好耐，亦都食過幾次外賣，都覺得幾好食。所以今次難得溫寧哥請客，拼咗條老命都要出嚟啦。我哋一行五人，坐低冇耐就下定決心叫個 $105 嘅例牌「波瀾壯闊肥腩叉」，燒到有啲焦黑色，一如以往咁好食。溫寧哥叫嘢食嘅速度有進步，轉個頭嚟埋 $118 嘅細「砂窩鵝汁炒飯」，唔多中意食飯嘅我都覺得正。而 $169 嘅「鳳梨船咕嚕肉」係幾次都有叫嚟食，都係唔錯嘅。之後 $128 嘅半隻「南乳吊燒雞」我都好中意，尤其個醬。最後嚟埋 $88 嘅「椒絲腐乳炒通菜」，炒得都幾有鑊氣幾好食，估唔到。嘢飲方面，成班佬都係飲 $62 杯嘅「Stella」，喺具質素嘅食物面前，一杯冰凍嘅啤酒真係一個唔錯嘅點綴。餐飯夾埋 $1071，多謝溫寧哥慷慨請食飯。睇返之前食過外賣嘅相片，原來叫埋嘅嘢都係差唔多，好記得佢就算係外賣，經過運送過程之後，都相當有質素。即係佢唔係一味靠熱度去抬起個味道，而係本身都好食，先做到呢個效果。希望可以保持水準，做人民飯堂。。。（地址：北角堡壘街 6-8 號 A 舖）#1amfoodie #hkig #foodie #hk #hongkong #hongkongfo