和匠日式燒肉店

營業中

休息中

其實日本料理咁多野食就真係好難樣樣都好食，但係就價錢同普遍食物質素黎睇，呢一間都算係水平以上，而且上菜速度快，職員態度都幾有善，如果甜品種類再多啲就好啦。突然發現近來人們日本少理的頻率增加了，我同朋友2人去，當中和牛，啲肉質的確係嫩滑啲，但係數量就比較少，一口牛肉質頗淋，味道都幾入味。呢個時段入去都唔算幾多人，可以坐到幾寬敞嘅位置，田園風裝修都令人坐得幾舒服。味道亦算不錯，可以一試......一次愉快既用餐體驗。

好姊妹, 冇再一齊喺同一間公司工作,住嘅地方又遠, 但都要得閒約出來見下面, 食下飯的嘛~呢晚約左個好姊妹出來食飯,順便佢拎埋手信畀我~因為我話想食燒肉, 我地就揀左呢間喺佐敦嘅和匠日式燒肉店。Peach Mocktail ($28)食燒肉少不免要叫杯野飲啦~呢杯Peach Mocktail 唔太甜,蜜桃味清甜, 唔錯~日本安曇野豆腐沙律 ($64)沙律用上日本出產嘅豆腐,當然好食啦!沙律菜新鮮,連平時唔食車里茄的我,都覺得好好食呀! 好甜!配上芝麻味香濃嘅胡麻醬,前菜必叫之選!豚腩肉(鹽燒)  ($82)豬腩肉, 厚度適中,油脂味香~ 但絕不肥膩,燒到脆卜卜, 好食美國Prime牛角切 ($168)牛角切, 其實係牛粒粒~美國Prime, 我上網睇過~係美國農業部以牛嘅油花分布情況同牛隻屠宰年齡將牛肉分成8級,Prime係最高級的極佳級~當然油花均勻~入口juicy有濃濃嘅肉味,日本國產帆立貝(黑松露蒜蓉牛油燒) ($90)呢個又係好食!呢個燒嘅時候要D技巧, 因為個燒網唔係平的~不然會唔夠熟,又或喺反帶子時會將D汁倒瀉~燒時要小心D~但燒到乾身後, 個汁配埋帶子食,真係好香好好味海

日式燒肉好多間，但佐敦的和匠日式烤肉店真係值得推介，菜牌有介紹牛的不同部位。前菜先點了日本安曇野豆腐沙律$64，豆腐切得大大粒，豆味夠濃，加埋粟米同車厘茄令胃口大增。頭盤點了磯煮鮑魚$98，鮑魚醃製得非常入味，鮮甜味加醬汁味融為一體，口感彈牙，再點了香蒜牛油黑松露，店員教放在爐上見錫紙隆起就可取起，因雜菇已熟，打開後，松露味非常突出。到今晚主角，叫了牛魔再現$580，左為有美國Prime牛小排，右邊為牛角切， 中間有日本國產A4和牛，油脂分布均勻，店員又體貼教導先食美國Prime牛，最尾才食日本和牛，牛小排先燒一陣，等油份迫出，才返轉。牛角切四邊都要燒至脆皮，再兜幾下上碟，口感較有質感，多肉汁，到燒中間的日本國產A4和牛，非常搶火，入口溶化，不但有油香，還有肉香味，真係上等食材，超水準，店員還建議可蘸透明的柚子醋食，中和油膩口感。再來一客香蒜牛油黑松露帆立貝$90，店員協助燒，見一面燒至微熟用鉗分開帆立貝同殻，再返轉燒，食下肉質清甜彈牙，飽肚方面，叫了蒲燒鰻魚飯$98，鰻魚已去骨，稔身，珍珠米飯。另外叫了海膽冷稻庭烏冬麵$90，海膽夠鮮甜，烏冬煙韌。飲品叫了青瓜mocktail ,同A

十分喜歡到佐敦搵野食，因為佐敦食店選擇多唔會悶。今次很好彩找到一間不錯的燒肉店。一開始叫了些前菜同沙律頂下個肚先日本安曇野豆腐沙律($64)沙律份量多，沙律菜、粟米、車厘茄，配上麻醬十分夾，豆腐夠滑豆味濃，食落感覺清清地balance返個味道，用這道菜作開頭不錯。磯煮鮑魚($98)鮑魚味道鮮甜，磯煮方式可以保留鮑魚彈牙口感，醬汁味亦濃，很好味。主角燒肉叫了美國prime牛角切($168)&牛小排($148)油花分布均勻，入口香嫩，每一啖都好幸福!豚腩肉(鹽燒) ($82)肥瘦適中，燒到微焦食，表面香脆之餘入面都可以保留到肉汁，不用點醬汁也很好味。日本產阿波美雞腿肉 ($86)第一次試阿波美雞，雞味頗濃，用上雞腿肉更有嫩滑口感。這裡要讚一讚店員，他們在送上肉後向我們示範每種肉燒法，十分貼心，亦令我們可以享受到最好狀態的燒肉，不至於浪費靚食材。估不到享受美食之餘又可以長知識!三文魚籽海膽炒飯 ($128)最後再點個炒飯作為結尾，三文魚籽與海膽十分足料，飯炒得均勻不油膩，水準頗高。

比起韓國的燒肉，我比較愛日式燒肉，因為日式燒肉有飯和蒸蛋，感覺是完整套餐，滿足感提高。今天，我去了「和匠」食焼肉午餐，他們的燒肉無論是牛肉和豚肉都很新鮮好吃。日本安晏野豆腐沙律蠻大碟的沙律, 好多菜, 菜都新鮮爽脆, 配合了豆腐和粟米，脆囗的栗米可以增強那口感，軟綿綿的豆腐和栗米交織一起吃感謝好捧。Prime 牛小排Prime 牛小排舌算是我覺得和匠最令我感到銷魂美味的一道肉品，畢竟是上等的prime 牛小排，油脂就越多且分佈越均勻，吃完令人意猶未盡啊！這絕對是必點第一名！有多好吃，光看它的油花就可以明白。鹽燒豚腩肉接下來就是這頓燒肉的重頭戲了，鹽燒豚腩肉！從油脂比例含量就知道是上等，是我平常在日本吃燒肉時最愛點的肉塊，比起滿是油脂的肉，我比較偏愛肉感多一點的，他們的豚腩肉不會太油，吃多不會膩口。這是我最喜歡的豚腩，真的神級美味。Prime 牛角切我覺得還不錯吃的一道Pre 牛角切單品，它太有嚼勁，嚼起來很滋味，這是我朋友每次去吃燒肉都必點，我建議大家吃這個的時候烤不要太久，烤到有點酥脆會比較好入口下嚥。總括值得再去的餐廳，環境乾淨衛生，富特色格調。食物時間都很快，逐樣上枱，店員親切有

是日放工同同事行經長樂街，聞到燒肉味好吸引，看看餐牌價錢又唔算太貴，於是就一齊入左呢間餐廳試試!餐廳不算好大，燈光柔和，大多是4人枱，因為我們只有二人，所以就坐係面壁的枱子，不過這樣也好，方便我們談天!看看餐牌，有燒肉套餐或是單點，店員為我們介紹了幾款較為多人食既款式後，我們決定單點試試!我們點了沙律、前菜、幾款肉作燒物、炒菜、烏冬及炒飯。磯煮鮑魚($98)，鮑魚爽口彈牙而且鮮甜，鮑魚塗上了燒汁鮮味更特出。還附有日本人好中意食的醃菜牛蒡，很爽口，如果用黎送酒一定好正!美國Prime牛小排($148)，上菜時已經覺得很吸引，牛肉及脂肪分配很平均，顏色好靚!燒的時候完全覺得自己好似玩緊小時候玩得電腦game咁，不論牛肉的顏色同埋個爐都係一樣架!牛肉大概燒2分鐘左右已經夠，燒得太耐會變韌，牛肉鬆軟，入口即溶，牛肉味濃!日本國產阿波尾雞腿肉($86)，就咁看上去已經覺得D肉應該幾結實!雞肉很有雞的鮮味，肉質嫩滑，味道亦剛剛好，不會太咸!牛油炒雜菜（$48），雜菜包括椰菜、紅蘿蔔、洋蔥、青椒，全部很爽口，味道適中！三文魚籽海膽炒飯($128)，炒飯中除了海膽，還有帶子及蝦肉，兩者都很彈牙，炒飯還

天氣轉冷，想食烤肉，朋友介紹了在佐敦的和匠日式烤肉店，前菜先點了日本安曇野豆腐沙律$64，好大碗，又開胃，小食點了磯煮鮑魚$98，鮑魚深啡色的，一看已感覺到非常入味，就知道鮑魚已被醬汁醃製得非常入味，口感煙靭彈牙，仲好多汁夠鮮味。到上牛魔再現$580，即牛併盤，一次過可滿足到我地牛肉控，有美國Prime牛小排，牛角切， 仲有日本國產A4和牛100 g, 份量夠二人，飲品叫了杯啤酒同青瓜mocktail , 店員先教如何燒，先食美國牛，最尾才食日本和牛，左邊牛小排先燒一陣等油份出左返轉才不會黏住個鐵網，又可令牛肉更香，表皮更脆，食落牛肉肉質香味真係好濃，外皮微脆，店員建議可點中間燒汁。而牛角切，首先將四邊燒脆脆，再炒幾炒就熟，果然入口好多肉汁，到期待著的日本國產A4和牛，燒左一陣非常惹火，油份好高，一入口，口感還軟綿綿，好香牛油香味。燒肉店中員工服務好好，會看我們燒肉情況，更落手教路點燒先保留到肉汁，再點了香蒜牛油黑松露帆立貝$90，好大隻，肉質彈牙，對香蒜牛油黑松露情有獨鍾，叫埋個香蒜牛油黑松露焗雜菌$78，不過帶點咸, 叫個飯伴著食先, 於是點了蒲燒鰻魚飯$98，鰻魚厚切，最欣賞啲汁

最近好喜歡同男朋友到佐敦覓食，發現呢度有好多不太顯眼，寧靜既食店。今次呢間好方便，就係佐敦B2出口看到starbucks向左轉就到了～一進店內，四處已一早佈置好聖誕裝飾🎄而且仲有香噴噴既燒肉味～磯煮鮑魚超級淋，同我幻想既有出入，好好食！兩個燒肉控決定點牛魔再現 二人前$580入面分別有日本國產A4和牛肉眼、美國Prime 牛小排、牛角切。店員都很細心介紹，叫我地首先食左牛小排和牛角切，因為牛肉眼比較肥膩。可以睇到佢既油脂分佈好平均，食落有入口即融既感覺，令我馬上回想到日本的燒肉店。😝牛肉拉麵比較清淡鰻魚飯燒得幾香👍🏻👍🏻黑松露雜菌👅好濃味，可以用埋黎送飯！

今日中午在佐敦做野，呢間餐廳一直高踞openrice頭幾位，一直想食好耐，終於有機會食啦！餐廳不算大，有一排單人對牆座位，有卡座同多人座位。午市套餐有平有貴，我點了一份豚腩肉$52定食，加前菜、蒸蛋、麵豉湯、御飯$20。⭐️日本安曇野豆腐沙律$55我好鍾意食豆腐，呢份沙律幾大份，有幾塊日本豆腐，入口真是好滑好綿，加上芝麻醬好好食！⭐️豚腩肉$52薄薄一片豬腩肉，油脂很多，一放進烤爐，一直發出「劈劈啪啪」的聲響，油脂逼出來之後，入口香嫩，配上白飯吃很滿足呢！⭐️前菜、蒸蛋、麵豉湯、御飯$20好抵！$20有齊咁多樣！蒸蛋很香很滑，幾好食！不過麵豉湯鹹了一點。

好朋友即將置業，今日相約吃飯，然後去睇樓花。天空陰霾密佈，不宜走遠，所以在附近吃個便飯。這家店門面以棕色的實木裝潢，感覺典雅。裡面裝潢同樣以木為主調，木製地板、桌椅，令人感覺溫馨。翻開餐牌，設有午市燒肉定食，有美國prime牛肉、豬肉和雞肉選擇。凡選擇任何燒肉，加$20可以有前菜、蒸蛋、麵豉湯、御飯，或加$30前菜、稻庭手打烏冬。⭐️美國Prime頂級牛小排$88牛小排有一定的厚度，色澤粉紅，看下去嫩嫩的，雪花分佈平均。Prime的牛以穀物飼養，所以肉質較軟滑，脂肪分佈也比較平均。首先把肉放在斜紋烤爐上烤，立刻發出「滋滋」聲，隨即聞到牛肉的香味，然後油脂開始融化，滲透在牛排上，入口軟滑，肉汁也很濃郁。⭐️美國Prime頂級牛角切$158店員教我們只需要把牛粒倒在爐上來回炒熟就可以吃了，這樣可以令每塊肉平均受熱。入口油脂豐沛，牛肉外表微焦，帶點熏烤的味道，嚼起來軟軟的，愈嚼愈香呢！⭐️雞腿肉$46雞腿肉看下去很晶瑩鮮嫩，感覺可以捏出水。烤熟之後，入口超級嫩滑！帶有點QQ軟軟的口感，忍不住一吃再吃呢！⭐️日本國產帆立貝$45帆立貝加了蒜蓉和牛油，帆立貝慢慢吸滿了精華，就可以吃了！先品嚐爽脆的帶子邊

「和匠」位置是佐敦，近地鐵站附近，交通便利,食物質素不錯，午市和晚市種類都多選擇，大家可以試試。一入店內滿滿的燒烤香氣已為我打開食慾，當坐下時店員就立即奉茶和menu , 禮貌非常，店內燈光裝橫富日本色彩，燒烤爐和網十分乾淨整潔。燒烤食物 - 有很多盤烤肉以供選擇，最欣賞Prime 牛小排、Prime 牛角切、鹽燒豚腩肉、鹽燒雞腿肉。這些烤肉夠肥美，油脂經烤過後很甘香。燒烤出散髮香味的燒肉一片片鋪在飯上，這是極高享受。鹽燒牛小排經過燒烤的程序，油亮的肉片令人垂涎欲滴，瘦肉部份偏多的里肌肉，甜中帶脆，香味很甘醇，而白色脂肪的部份也漬得很入味，甜咸又帶一絲焦炭香。鹽燒豚腩肉質軟嫩多汁、色澤鮮明、香味四溢。他們以肥、瘦肉均衡為上佳，經過烤燒，香味四溢，肉質富脆口感，又有焦香味，一等一享受。總括來說, 這間餐館整體水準不錯, 食物的選擇非常多，質素高，食物的用料好新鮮，是可以一再光顧的放題餐館啊!

11/12/2018 @ 和匠日式燒肉店坐地鐵在佐敦站岀錯了岀口， 行過見到這間燒肉店， 見凍冰冰最適合圍住個火爐食一餐， 於是就入去一試了喜歡食麻醬的我先叫了個豆腐沙律作前菜， 麻醬已經已預先和沙律菜混好了， 豆腐是凍冰冰的 ，除了沙律菜外還有一些粟米和車厘茄。 之後試了$98兩隻的機煮鮑魚， 這是不用燒的，鮑魚預先離了殼而且切了一半，十分容易食，咬落不會太淋身，而且非常爽口， 除了有鮑魚味還有磯燒汁的味道之後終於來了主菜：牛魔再現， 燒肉套餐有很多款而"牛魔再現"是最熱門的，有三款肉，左起：美國prime牛小排 10件，日本產A4和牛肉眼 6件， 美國prime牛角切 一碗。其他選擇仲有海鮮，豚肉等等餐廳店員介紹先吃左右兩邊美國prime肉，最尾才吃日本產和牛，因為和牛肉眼較膩， 油脂較豐富。燒的時候最好放火爐中間的內圈，不要放側邊，因為中間火力會較均勻。 由於火爐一早已經預熱所以肉一放下去很快便熟了！第一樣先食的是牛小排， 開頭仲以為自己會燒得太熟，兩邊都已經燒到變了深啡色， 但一直落仍然是非常juicy, 而且一點也不靭， 好濃牛味，而且每咬一啖都有肉汁滲出來。之後再食牛角切，

睇唔同國家嘅燒肉之中， 我向來比較偏愛日式燒肉。 個人覺得日式嘅燒肉比起韓式台式嘅燒肉較為講求肉嘅質量，味道亦較佳，而呢間位於佐敦嘅燒肉餐廳亦都十分值得推薦。呢度嘅燒肉有三種醬汁可以點， 分別係芝麻醬，豉油同埋檸檬汁。 個人就比較喜歡芝麻醬。波子汽水我同朋友就叫咗一份美國prime牛小扒同埋鹽燒豚腩肉， 兩款味道都非常之唔錯。腩肉出油就可以反轉， 食落非常之香脆， 油脂分泌都相當平均。牛小排肉質亦都非常之嫩滑，非常值得推薦。鰻魚飯份量亦都相當之充足， 下面嘅飯中咗日本珍珠米， 味道更加之出色。鮑魚相當之大隻， 食落非常之鮮甜好食。最後呢個黑松露鮮雜菌亦令人非常之驚喜， 食落有非常之重嘅松露香， 雜菌亦都保持到多汁，非常好食。

2018年12月11日 星期二雖然仲有兩個禮拜就放聖誕節，但工作壓力仲係好大，好多工作都仲未做完。。。女朋友見我咁大壓力就帶我去食燒肉豪返一餐輕鬆下間餐廳係佐敦站附近，行出去幾分鐘就搵到，門口充滿日式風格裡面既位置唔算太多，但坐得好舒服，一d都唔覺得逼，有專俾兩個人黎食飯既二人枱見到呢個牛魔餐已經好想食！！有美國牛小排同我最想食既日本和牛！！見到相已經心心眼😍之後拿拿臨落左單就慢慢期待美食到豆腐沙津: 個沙津好大份，有好多麻醬係上面，仲有粟米同蕃茄添。d菜好新鮮，咬落好脆，而豆腐都好滑，好重豆味。磯煮鮑魚: 原本以為要放上爐燒先食得，點知店員好貼心同我地講話係即食既，我地一人一隻，食落好有咬口，好入味，又唔會要𡁻好耐先食到，應該係煮得岩岩好之後再冷凍。主菜終於黎到！！店員建議我地食左側邊既美國牛小排同牛角切先，因為中間既和牛比較膩，應該放到最後先食。牛小排一燒就開始變色，燒大約兩至三分鐘已經食得，食落去牛味已經好出，有𡁻口，肉質唔鬆散，加埋少少油脂令到塊牛小排更好食。至於牛角切其實同牛小排差不多，只係切左做一粒粒，燒既時候要更留心，因為好快就熟，一分鐘左右就夠。食落同牛小排分別唔大，但

這間燒肉店位於佐敦b2出口，看見Starbucks右轉直行便會看見，環境非常好，已經佈滿聖誕飾物🎄而餐廳店員會介紹及解釋每道食物，怎樣燒，怎樣吃，可見餐廳對食物的要求和認真👍🏻👍🏻磯煮鮑魚$98日本安曇野豆腐沙律$90首先，來了兩個冷盤，開開胃，鮑魚新鮮好吃，沙律配菜也不錯主角來了牛魔再現$580（牛小排、牛肉眼、牛角切）店員介紹先吃牛小排和牛角切，因為中間牛肉眼會較肥膩，還配上3種醬汁。牛小排肥膏比例會較少，燒完既味道非常香，加配燒汁也非常配合。牛角切則要翻著來燒，才會燒得好吃。而牛肉眼肥膏比例較多，個人認為又不會太肥膩，有入口即溶既感覺。浦燒鰻魚飯$98牛肉拉麵$78鰻魚燒得好吃，拉麵就尚可