和匠日式燒肉店

營業中

休息中

真係時隔多年，先黎寫第二篇食評！今次去咗佐敦呢間和匠日式燒肉認真好食！其實燒肉不外乎食材新鮮，食材方面我覺得真心唔錯，所以呢次食評其實係我嚟呢間餐廳第五次先寫嘅！呢次係早兩日打電話去預定檯，當日同幾位朋友坐低第一樣叫嘅就係厚切牛舌，呢樣我覺得係一定要點！！！另外叫咗北海道鱈場蟹腳、日本國產鹿兒島黑豚、厚切美國Prime牛小排、特大緬甸虎蝦同埋日本帆立貝(黑松露蒜蓉牛油)！厚切牛舌經過日式燒嘅方法，口感真係外脆內嫰，同埋一口咬落去肉汁肆溢，整個口腔都充滿牛肉香味！所以係最後我係選擇再叫多一份，但建議提早同店預留，因為係數量有限，賣完就冇！美國Prime牛小排油脂分佈均勻就唔洗講，本人就唔係尐咩健康飲食主義者，我係歡喜牛嘅油脂同濃厚嘅牛肉味，相信老闆對食材選擇好用心！更為印象深刻係特大緬甸虎蝦，Size差唔多係男士手掌一樣大，亦估唔到咁大隻蝦但味道亦為鮮甜！當然，食尐咁好嘅美食就一定配埋啤酒Sapporo啦！其實係食材用心之餘，店內嘅服務亦都係賣點之一，員工或老闆都會幫手燒(當然唔排除佢地係見我唔多識燒先出手xd)，出單效率滿意，整體都十分之好！睇完呢篇食評嘅你，不然都去試試，或者你同我一

佐敦地鐵站，行過嚟唔係太遠，志和街一轉入去就見到，以前成日經過都好想入去試下，呢次真係有機會啦! 朋友帶到就呢間啦!咁就咁入去坐低，真係好有日式裝修擺設，一樣係咁舒服 ，侍應接待亦都好，侍應講多數兩個人都係叫呢一個餐嘅牛魔再現，有牛小排，油脂分文明，淨係睇同A4和牛都咁正，而家追求嘅唔係入口即溶，而係有少少口感，所以一般a4同小排真係各有千秋。有牛角切 一定要四方八面一次過兜下先，鎖住啲肉汁唔會走，慢慢再燒到微香見痕， 咁就已經入得口。香呀！加埋日本A4和牛肉眼， 燒法差唔多一定要手明眼快，感覺佢嘅肉汁一燒出嘅，就要收手，攞起呢略停一陣肉汁走唔曬 ，一樣見到香口。豚腩肉(鹽燒)腩肉燒，肉汁喺度油脂揮發曬，食腩肉當燃燒係最好啦，入口鬆脆咁我哋再照多個日本帆立貝， 肥美肥美可口，大大隻，牛油加選用黑松露，燒起上嚟淨係，已經香噴噴，已經搶曬味覺， 好彩食完啲牛先，唔係乜嘢味都畀啲黑松露搶曬。再叫咗兩杯飲品，一個桃味嘅特飲，一個熱情果特飲， 食完嘅火燒嘅食物，當然要飲杯清清哋嘅特飲，清清喉嚨嘅飲料先，至會特別感受到嗰個差別，坐低傾傾下就兩個鐘，坐咗咁耐都真係唔錯嘅!

話說家姐就嚟生日，但而家呢段時間佢又生酮減緊肥，變咗好多嘢都唔食得，左諗右諗之下就諗到同佢食燒肉，但外面好多韓燒都會將肉醃製過，於是就搵日本嘅燒肉店，可以食到原汁原味嘅牛肉。我哋點咗個二人前嘅燒肉拼盤，包括：-日本國產A4和牛肉眼-美國Prime牛小排-美國Prime牛角切另外再散點咗豆腐沙律、牛油黑松露蒜香帆立貝、豚腩肉同和匠海神稻庭手打烏冬。和匠日式燒肉店舖面積雖然唔及一D大品牌嘅餐廳大大間，雖然地方唔大，但我最鍾意係呢到有個職員會教我哋咩種類嘅牛肉要點燒係最好食。我哋食第一轉嘅牛肉就有職員一路講解一路幫我哋燒；到第二轉嘅時候我哋自己燒果然同佢哋燒嘅口感確係有分別。日本國產A4和牛嘅肉質確係好嫩滑而美國Prime牛小排嘅牛味都好香以呢個價錢可以喺街到食到呢個級數嘅牛都確係抵食！

有次和朋友講開日本飛驒牛細細件燒下燒下好滋味，便介紹佐敦和匠，日本直送啊！這兒環境舒服，侍應生好有禮貌，選用陶瓷爐很特別，原來是由日本訂製，爐邊設有多個抽風孔，燒起來感覺不太油煙味，侍應生還會幫你燒一次和介紹食材，好細心服務。牛魔再現$630套餐 (二人份量)美國prime牛小排和美國prime牛角切(2款)牛小排油脂分佈好平均，入口不膩，牛味重，好高質牛啊！牛角切細細粒，四面燒香，一小粒入口，好軟滑，油膩滲出，慢煮方法好重要，多謝侍應生介紹。日本產A4和牛肉眼~油花味十足，入口即融化，有點回味日本飛驒牛質感，但又有牛嘅肉感，是有兩者配合呢！香口不膩。豚腩肉(燃燒) $84好薄啊！肥瘦均勻，有點鹹味，或許是用鹽醃製過，肉香嫩滑，燒耐啲也不覺韌，反而有脆脆感，可一口食用，不用點醬料。 日本產帆立貝$98 (牛油/蒜/黑松露)有2件好肥美，好大隻， 一路燒時牛油蒜香黑松露不斷滲出，鼻哥食先已經聞到了，入口不會太乾而且係好鮮啊！帆立貝好滑好香好淋好多汁呀，滿分。👍食完燒肉喝點清新嘅飲品先。桃味特飲和熱情果特飲每款$28桃味清清甜甜，熱情果好香甜。

2021年4月15日 星期四上年我同老婆曾經嚟過呢間餐廳食飯，之後就一直都念念不忘佢嘅燒肉，因為食完之後嘴角不自覺會向上揚，會有滿滿既幸福感，所以今晚我哋決定再嚟食返餐，希望可以再次尋找上年嘅感覺好彩我哋去到嘅時候暫時仲有位，之後已經要排隊，慢慢坐低之後再睇返餐牌，發現牛魔再現呢個燒肉拼盤仍然存在，於是急不及待即刻點咗，再叫左少少食物首先黎到既係日本安曇野豆腐沙律，上面仲加左胡麻醬，老婆已經好興奮，豆腐好嫩滑，一食就自動shur到喉嚨，菜都好新鮮，每一啖仲食到粟米同麻醬添之後有鹽燒豚腩肉，份量雖然唔多，不過燒完之後豚肉好入味，鹹鹹地幾香口，而且好快已經熟透我最期待嘅牛魔再現終於登場，一如預料三款牛肉既紋理都好靚，脂肪分布好平均，店員仲細心建議我哋先燒邊一款燒肉同燒既時間，其中美國prime牛小排係我個人最推薦嘅，因為食落去已經有濃郁嘅牛肉味，加上油脂不斷滲透出嚟，唔需要大啖咬已經慢慢融化緊，幸福嘅感覺真係再次出現另外我哋仲叫咗日本產帆立貝，上面有一大舊牛油、蒜蓉同黑松露醬，燒嘅時候牛油慢慢溶化，再撈埋黑松露醬同蒜蓉，令到味道更加香，食落去嘅時候更加充滿牛油味，而帆立貝又唔會過熟最後我哋

佐敦和匠燒肉，大概一年前食過一次那幸福的感覺太深刻了，今天和老公早放工再去品嚐！日本安曇野豆腐胡麻沙律先點了沙律帶開胃口，有點蔬菜打底之後就不會油膩了～ 胡麻沙律蔬菜十分新鮮，豆腐都滑！牛魔王再現 二人前Prime是在美國牛肉中最高的級別，今次一次過可以食到兩款！（左）美國Prime牛小排店員教導先把牛小排單面燒至表面充滿油脂就可以反轉，之後燒多幾燒就可以食了！牛小排好滑，牛味好濃郁，配搭餐廳秘製的燒汁，味道更多突出！日本A4和牛肉眼肉眼本身已經偏腍，這片和牛肉眼更是入唔溶化，牛肉在口中化成肉汁，還有那濃郁的牛香，幸福的感覺回來了！店員教導和牛因為油脂比較多，所以比較搶火，燒的的時候要放中間，真的比一般任食的高很多個層次！間中食一餐優質的才有動力工作！美國Prime牛角切牛角切先要如炒似的把牛角切的六面都燒至變色，之後再如燒牛扒般，每一面都煎一煎～經店員教導後，今次比上一次燒得更好，鎖住了肉汁，牛角切的每一面也燒得很香！好好食！日本産帆立貝(蒜蓉牛油+黑松露醬)有一大塊蒜蓉牛油和黑松露醬放在帆立貝底下一齊燒，本身帆立貝的味道不算很濃，食落口滿滿的蒜蓉牛油和黑松露味！而且帆立貝燒得剛剛好

職員服務態度唔錯，奈何食物質素相當一般，飛騨牛西冷一塊要價 $850，從油花，新鮮度，份量來說，相當昂貴不值得，有被搵笨之感！其餘食物尚算可以，但今時今日咁既價格，選擇還有很多，難怪店內亦相當冷清，客人甚少！

最近食熱石燒肉的店舖遍地開花，相反正宗的日式燒肉較為少機會食到，先生在網上找到這間『和匠日式燒肉店』，相約下班後一起去燒。💫餐廳位置方便，佐敦站B2 出口一出即達，日本風木條子門面私隱度極高，從店外基本看不見內裡的情形。💫餐牌內，除豬/牛/羊/雞/海鮮外，熟食的選擇也不少，包括有沙律，串燒， 天婦羅，炸物，湯面，飯等應有盡有。💫✨日本安曇野豆腐沙律～ $68食燒肉前，特別選了豆腐沙律作前菜，在富豆香的豆腐，清甜票米粒和新鮮的沙律菜上淋上胡麻醬，味道清新舒爽，不失為清腸胃的好選擇。💫✨鹽味豚腩肉 ～$84薄切的五花腩色澤紅粉，肥瘦比例分明，放進燒熱的電爐內不一會， 豬油便瞬間釋出 ，非常香口，自己燒出脆脆的豬腩肉， 很有滿足感。💫✨ 黑松露日本產帆立貝～ $96兩隻帆立貝都算大隻，面層放滿蒜蓉黑松露醬，底層加入牛油，邊燒邊散發香味，燒好的帆立貝入口鮮甜多汁，跟蒜蓉和黑松露很配合。💫✨牛魔再現～ $630 （二人前）包含：1，🌋美國 Prime 牛角切是3 款肉類中， 色澤最為鮮紅的，角切肥美均勻，比切片更能鎖住油份和肉汁。💫2，🌋美國 Prime 牛小排在3款肉類中，肉味最香濃的，非牛小

當日原本想試試walkin壽司郎，可是已截飛，只好在附近找餐廳食飯，最後在附近看到這家日式燒肉店，看上去不錯便決定一試位置：位於拔萃女書院旁邊，附近有永安百貨，雖說看上去有點隱蔽，但從港鐵佐敦站B2出口走路只需約2分鐘，算是方便的地方環境：餐廳面積不少，座位多，而據侍應說餐枱連陶瓷爐均是由日本定製，爐邊設有多個抽風孔，因此餐廳沒感覺到油煙，不會令衣服留下燒烤味，值得一讚服務：侍應每上一道菜都會介紹菜名或解釋食材，有些更會推薦適合的醬料。侍應注意到我們不懂燒，更會主動幫忙燒，亦會不時跟客人互動，非常貼心食物：燒肉店當然是主打牛肉，這裡用上較高級的美國Prime牛肉及日本和牛，餐廳亦有供應豬、羊、雞及海鮮，選擇有不少日本安曇野豆腐沙律（胡麻醬） $68一大碗的沙律，用上出名軟滑及充滿豆香的安曇野品牌豆腐，放入大量沙律菜及玉米粒，倒入胡麻醬，非常清新開胃牛魔再現（$630）這是一份2人牛肉燒肉套餐，包括3款牛肉：美國Prime牛小排～油脂分佈平均，燒出來肉香味重，吃得出是較高級的牛肉日本國產A4和牛肉眼（100g) ～油花十足，入口即融，口感滿足美國Prime牛角切～切成一口尺寸，牛燒出鮮嫩

係OpenRice見到佐敦呢間燒肉店好多正評，於是襯友人生日就book咗黎試。燒肉店位於隱蔽細巷仔，平日行過既話應該唔會留意到。黎到就叫menu推廣既餐「牛魔再現」，職員一送上黎見到碟牛肉質好靚，上面好均勻鋪滿雪花，果然不失所望，燒完之後未食都聞到農香嘅牛肉味，食落口牛香味重，真係幾好食，不過六百幾蚊黎講份量真係有啲少，兩個人基本上唔夠，性價較低。之後，仲有叫溫室蕃茄沙律，食得出好新鮮，不過份量都仍然係好少。

同朋友都很掛念上一次一起日本旅行，每次我們去日本都一定會吃燒肉，暫時不能去旅行，唯有先約在香港吃日式燒肉。牛魔再現入面有三款牛肉，日本國產A4和牛肉眼、美國 Prime牛小排、美國 Prime牛角切。首先要讚日本和牛肉眼，望到牛脂已經好吸引，而味道方面比較有牛油香，但吃起來不會太油膩。而美國牛的牛味比較重，肉質都很柔軟，煮熟後不會好韌。另外還有三款醬汁配燒肉。日本帆立貝 配牛油蒜蓉黑松露醬帆立貝放哂所有調味配料，放落去一齊燒，燒緊個時已經聞到好香的黑松露同蒜蓉味。燒到變左白色就直刻上碟，蒜蓉加埋黑松露味好香，忍唔住食哂所有蒜蓉。鹽燒豚腩肉腩肉每塊的油脂與肉的分佈平均，唔會話太多肥肉好油或者太瘦唔香，佢每一塊仲有連住薄薄的豬皮，燒完更加香口，鹽味唔算太濃，可以沾喜愛的醬汁。三文魚籽海膽炒飯炒飯未食已經聞到好香的海膽味，而且好足料，每一啖都食到有海膽，仲有元貝同蝦，調味較得岩岩好，唔會話好鹹。熱情果特飲、桃味特飲桃味特飲比較甜，而熱情果特飲的酸甜味較重，兩款加埋soda配燒肉好夾。

佐敦其實有好多性價比高嘅餐廳，不論是大家還是小巷都有好多唔同嘅地方菜，今次就去左係志和街嗰邊的一間日式的燒肉店食飯。/日本安曇野豆腐沙律 🌟沙律菜幾新鮮，加埋芝麻醬好香，夠哂味。/牛魔再現set🌟美國 Prime牛小排🌟牛小排的油脂分布平均，本身鍾意食牛扒medium rare，輕輕燒下兩面已經岩岩好，想濃味啲點埋燒肉汁岩岩好。美國 Prime牛角切🌟一粒粒的牛角切大大粒，滿足到食肉獸咬肉的欲望。外層燒到金黃色脆脆地，入面就肉質軟稔。日本產A4和牛肉眼✨一見到日本嘅A4和牛就已經心心眼！牛脂個紋理好靚，分佈平均，真係雪花和牛咁。用爐燒緊既時候就迫哂啲多餘既油脂出黎，食落唔會話好油膩，配埋柚子醋岩岩好。/日本帆立貝 配牛油蒜蓉黑松露醬🌟帆立貝好大隻好正！上面仲加左大大粒牛油可以拎去一齊燒，燒完真係好香，帆立貝好新鮮好有咬口。/三文魚籽海膽炒飯🌟必食推介嘅炒飯，份量都幾足夠，最上面加咗好鮮甜嘅三文魚籽，炒飯用左海膽，帶子，蝦仁炒出黎，每一啖都好香口同埋好鮮。

臨急臨忙隨便揀，首先位置唔好搵，可能我本身比較路痴😂#性價比好低#如果係聚會朋友傾計唔建議店面作為之間距離好窄，坐起來真的好逼，坐得唔係幾舒服☹️根本唔可以好鬆去燒肉可能佢本身主打原汁原味啦，所以講汁就真係得醬油 ，但係肉嘅質素同價錢唔balance 👎差過普通自助烤肉的質素炸雞真係冇咩肉 ，有啲好似得🐔皮😱同埋感覺用嘅炸油好似唔放左好耐咁鰻魚炒飯：飯炒得唔夠乾身，同埋得少少鰻魚裡面同埋唔夠味道

今次黎和匠系為牛而來，當然主點牛類啦！套餐牛魔再現就岩曬我依個牛迷，因為佢已有牛小排，牛角切同埋和牛肉眼，合曬我心意。平時食飯都食安格斯牛肉多，但當同和和匠既牛一比較，真系有過之而無不及甘正。和牛肉質既細緻，絕對不能同一般貨色相提並論。一咬之下肉香同油香均勻地分布系口腔，無咩根入口即融之余，牛香更突顯其美味。牛小排燒至金黃色帶脆身，配上牛味，整個口感豐富起來，提起食慾！牛角切，牛味濃郁，不會太油三不同部位既牛，帶來既衝擊感各有震撼。香噴噴既油香，食起來不太油，入唔不會太老，火喉燒得剛剛好。日本帆立貝黑松露醬同貝味互相配合，帆立貝多新鮮，食下不會太乾，又鮮味。青瓜蟹子沙律，再加三文魚子海膽炒飯，炒過海膽會乾身但炒出甘香。香味融入飯粒 香味四散。朋友食完都好鐘意，講我無介紹錯呢！

約了幾個朋友食燒肉，搵餐廳條件是不限時交枱，不選放題式餐廳（因為想傾偈）呢間嘅食評不錯！早幾日打電話訂位，仲問到自攜酒不另收費！（呢樣比較驚喜）門面及店內都是非常日式，桌面很闊落，就算之後人客滿場都唔會嘈吵，桌面有附有爐具燒肉！店員很好，為方便我哋睇車調近窗口嘅枱！食物除肉類外就係日式居酒屋下酒小菜，大家各自叫些喜歡的枝豆（$48）瑩光魷魚（$68）呢味小菜賣相雖然唔吸引，不過喜歡鹹鮮嘅一定喜歡！炸雞軟骨（$48）我唔喜歡咬骨，都覺得鹹香夠味芝麻雞翼（$48/2隻）無食，店家很好，因為我唔食雞翼，店員話可以按人頭叫半份，咁就唔使浪費配額味淋雞泡魚干（$68）香口下酒菜，煙韌有咬口，我唔沾沙律醬都夠味極上黑毛和牛舌（厚切）（$288）超喜歡牛舌，呢個仲要勁粉紅色勁油脂嘅，燒起油香滿咀又唔韌，入口即化，好正牛魔再現（$630）三款油脂分佈平均，燒起來油香滿咀，最喜歡日本產A4，牛味比美國嘅濃美國prime牛小排：美國prime牛角切：日本產A4和牛肉眼：蟹肉忌廉餅（$48）無食炸餃子（$48）無食鹽燒豬頸肉（$32）無食日本蕃薯+南瓜天婦羅（$88）竹籃上菜，炸粉薄脆，蕃薯較淡口，南瓜夠甜