味 (已結業)

一來到是７—８點的晚飯黃金時段，但一個客人都沒有，有點奇怪，可能因為這店前陣子都因為設備故障已沒有開店，所以其他客人未知她已重開吧。一來到已受到待應們熱烈的招待，餐廳環境舒服，燈光柔和，位置也闊。我們２人各點了一個餐，一個是鐵板豬扒餐，一個個是西冷牛扒餐，２者的內容基本上一樣，只是一個是用鐵板上菜，一個是用碟上。首先到的是餐飲及餐湯其實味道上沒有特別，只是想讚揚一下其餐具設計上也很用心，凍飲杯很新及潔淨，熱飲杯和餐湯碗也很別緻，看得出店家的見微知著而且用料也不吝嗇，檸檬片是厚切３片，比一般茶記大方；羅宋湯料也多，忌廉湯也滑。　然後是第一個餐，西冷牛扒配沙律菜＄６２跟餐點了沙律菜配黑醋，沙律菜非常新鮮，黑醋味道也正常，只沙律菜只有生菜，較為單調牛扒也跟了時蔬，新鮮且份量也不少；但西冷牛扒份量則比較少，厚度一般，但也有少少牛味，不韌不老，嫩而不爛，算是不錯。另外較為特別的是，餐廳有提供芥未蜜糖汁，２者味道平衡，是個幾清新的選擇。友人點了鐵板穀飼豬扒配薯菜（黑椒汁）＄７８難得黑椒汁有黑椒味，普通茶記的只有鹹味，也配有適量的時蔬，只是薯菜量比較少。豬扒餐另一問題是，豬扒太肥，有３分１也是肥膏，不夠厚，可算無咩肉食。不過豬扒質素是不錯的，沒有羶味，而且煎得剛好，不會太嚡，保持滑嫩。然後補上餐包，因為餐包即焗，　所以變了最後才上菜因為剛焗好，所以帶有微暖，麪包是軟熟。雖然２款包外形不同，但味道上沒有太大差別。　最後是甜品，雖然不是甚麼，但吃得出有桂花味，所以應該是桂花布甸？？不會太甜，也滑溜有加一服務費，但絕對值得付。…查看更多

咁啱經過見唔使排隊就入去試吓，好彩完全冇令我失望🤗店內環境一般，本身都唔抱有太大期望😅好彩Menu選擇好多👍🏻羅宋湯甜甜地好好飲☺️個蒜蓉包係用白饅頭，咁食法口感幾特別第一次試。出奇地好好食😋蜜糖芥未牛扒拼漢堡扒好match🤭個牛扒比一般扒房好食，可以一試另外個漢堡扒好多洋蔥，好Juice。你間鋪真心抵食，下次嚟開深水埗可以試吓。…查看更多

行完黃金順便揾啲野食，咁路過呢間野就試下啦，點咗一個安格斯牛扒7成熟，先來餐湯餐包，羅宋湯一般般但唔難飲，但水準之下，大家樂嘅好飲好多……餐包外脆內軟，幾好。再來主菜牛扒，配菜很多但完全沒有味道，就系用熱水滾熟無調味個種，牛扒超多根，完全過熟系10成咁熟，切幾吓都切唔開，差啲要用laser cut, 肉質本身亦一般，完全食鞋底咁感覺。呢次可以話系我人生之中難食嘅牛扒。唯人一可取系有服務有禮貌相信好難會再去…查看更多

我Bookmark咗呢間「味Delicious Cafe Restaurant」餐廳好耐，但一直都搵唔到人同我食。復活節過後，朋友未使返工，特意嚟到深水埗搵我食晏，於是我就脅持咗佢陪我做勇士去試下🙈。餐廳門口帶有份神秘感，唔係好睇到入面，但門口放咗兩張餐枱。一入到去感覺好似K房加酒吧，頹頹嗰種，仲有啲噏耷咁...，心諗唔通真係中伏😅。但肉隨砧板上，無謂唔食起身走啦。不過餐廳嘅枱櫈異常大張，即刻想叫多樣嘢食。餐廳有做午市套餐，食物同飲品選擇勁多，一時三刻真係幾難揀。除咗揀豬/牛/羊/雞/魚/漢堡之外，一款肉都有得揀唔同來源地同煮法，對於選擇困難症嘅人嚟講會好苦惱🤪。另外，仲要揀嘅項目包括醬汁(十揀一)同配飯/意粉/焗薯/雜菜沙律😂。首先，打響頭炮嘅係焗蒜蓉餐包加餐湯，佢用個木盤上成個感覺即刻覺得Decent咗😙。兩款餐湯我哋都試哂，味道正正常常，無咩特別；羅宋湯比較稀身，但唔淡味的，仲幾多蔬菜🥕，而忌廉湯就比較杰身，粟米亦都多。至於個蒜蓉包竟然非常有驚喜，連平日唔食餐包🥖嘅我都成嚿食哂。蒜蓉包烤到外脆內軟，兩邊塗滿咗滿滿嘅蒜蓉，加上麵包本身甜甜地，好惹味🤤。午市跟餐配熱飲，凍飲加$3，特飲就加$8-$15不等。我要咗熱朱古力🍫，朋友就要咗熱即磨咖啡☕️。兩杯都勁大杯，特別係粉紅色杯嘅朱古力，大到成個兜咁，朋友飲開齋啡，所以我將佢嗰杯仔奶落咗去朱古力到，變成朱古力奶，更加好飲。朋友個咖啡杯就好靚，有大大朵花花🌼。主菜出場喇，我哋叫咗一份牛扒同一份豬扒。本身唔知份量幾多，一開始仲想嗌埋芝士焗肉醬意粉，但好彩佢嘅肉醬賣哂，就放棄咗，否則為食嘅我哋都一定食唔哂😑。唔單止隻碟大，連塊扒都有我塊麵咁大！香煎紐西蘭西冷牛扒🥩($68)，配黑椒汁及焗薯。上菜後發現餐廳將兩塊扒嘅汁調轉咗，不過都無乜所謂，因為係分開上的，而且唔夠的話，仲可以拎過一兜。黑椒汁味道麻麻，本身諗住同牛扒會夾。咁嘅價錢我無期望過塊西冷牛扒🐮會有幾高質素，預計都係同茶餐廳差唔多，因為餐廳亦都無問我哋要幾成熟。不過出到嚟我覺得都算唔錯，無論味道、肉質及脂肪分佈都對得住個價錢，唔係雪到無嚟肉味嗰種，都有啲牛味，又唔韌。Delicious吉列豬扒($52)，配蜜糖芥茉醬及焗薯。朋友好抗拒食炸嘢，我話包底佢先肯食😠，實物出到來又係勁大塊，炸到金黃色，無乜點燶，炸皮同肉無明顯分開。吉列豬扒🐷味道OK，不過點埋個🍯蜜糖芥茉醬就完全食到停唔到口，個醬超級好食呀，甜甜地配炸物食一流😋。另外，跟餐有得叫焗薯真係好難得，因為好多地方都係以薯條代替。🥔焗薯用錫紙包住，簡單配上蛋黃沙律醬食已經好正，只要你出聲，連呢個醬都有得追加。但伴碟嘅雜菜就麻麻，因為係凍的。估唔到由我哋落單去到食完塊扒，都搞咗成個幾鐘🤣🤣🤣。不過的確等咗陣先有嘢食，而食物嘅份量又好多，要食好耐。午餐配有精選甜品，本身以為係咁咦得個布甸或者啫喱，點知有成七款揀！！！傻的嗎？仲要款款我都想食。最終我哋要咗(6)伯爵茶果凍配淡奶同(7)桂花牛奶布甸，個樣就普普通通，無乜賣相可言，但同樣係臥虎藏龍。🌿伯爵茶果凍口感極佳，完全可以用「動L」般來形容，而且茶味幾清香。至於🥛桂花牛奶布甸，桂花味係融入咗喺布甸入面，而唔係額外一層糖漿。整體係幾好食，但我就覺得桂花味唔算出，相反朋友就話幾明顯。服務方面，我要幫餐廳平反一下，見有幾個食評都話幾差。但我呢次體驗又唔係喎，主要係得個後生男仔負責樓面，佢講嘢係幾大聲，但好好禮貌、好盡責😊，仲有求必應，加上佢咁忙都會不停主動收碟。由於政府規定，座位需要減半，所以餐廳確係有要求食客要坐埋一邊，甚至搭枱，但都無可厚非，佢都唔想。總括嚟講，我會話佢係一間位於深水埗區性價比極高卻毫不起眼嘅西餐廳😋，因為我好多同事都無食過，再加上個位置後咗兩條街，曝光率就爭好遠。午餐價錢平均$5x-$6x，就咁睇屬合理水平，但食完之後你會發現係超值，因為套餐包哂麵包、湯、主食、飲品同甜品，仲要每樣都誠意十足，💯滿分推介。…查看更多

今天午飯入去，人客不多，我兩位先到，唯一服務員指我坐最多人的角落頭（餐廳轉右角位隔離接近，搭住4人枱，同隔離手踭都碰到）。今時今日，同隔離仲坐咁近，我坐底唔夠十秒就走，佢先俾我係另一張4人枱坐。我等咗朋友一陣，朋友到坐底寫紙點菜，叫服務員唔理，再坐佢番嚟上菜隔離又走。於是我們起身走，我講咗句唔好意思，俾佢贈咗句“玩嘢咩”，我真係唔知點回佢。唔會幫趁囉，咁嘅服務。…查看更多

這餐廳已經試了幾次，很喜歡這裡的食物。今次試了聖誕餐，牛扒煎的剛剛好，口感一流，基本上不配汁都很好吃，加少計鹽食便可這餐廳的麵包很熱很鬆軟，每次來都一樣，超好食，聖誕餐比平時多了前菜，沙律菜很新鮮，焗蠔都不錯我很喜歡咖啡，這裡的咖啡可以比得上咖啡店的。甜品亦是預期不到的好食。平時不是節日的套餐只是$60左右，甜品也是做得不馬夫。第一次來是約兩個月前，那次本來想試嘉頓餐廳，但因為那次嘉頓因為收8點而在附近搵到這間“味”，$60左右可以食到這麼高水準的西餐，在香港只有這間店了，最後要讚一下小男店員，來了幾次已經知道我們會點什麼餐了。…查看更多

今日要講一分價錢一分貨的故事。2個人（A及B）經過深水埗，入去一個叫「味」的西餐廳。A叫了$58的西冷牛扒餐。B叫了貴3倍的$168 rib eye餐。餐可跟餐/意粉/焗薯或沙律。湯、餐包、飲品同甜品都是一樣的。有咩唔同？塊牛扒。唔多講，自己睇圖。不過，A無怨無悔，$58有咁大碗沙律，又有湯呀咁，已經不錯。…查看更多

這間西餐廳位於深水埗，鄰近MTR D2 出口，行幾分鐘就到，有齊 🥗沙律，🍝意粉，🥩扒，大班朋友gathering都唔錯😃我試了鐵板紐西蘭肉眼扒·薯菜 $88肉眼扒7成熟，內裡有粉紅色，無血水，肉質幼嫩，有肉汁，啖啖肉好滋味，配上惹味黑椒汁，送飯一流，薯條新鮮香脆，啱我口味😋仲有送餐湯、餐包、甜品、飲品鐵板西冷牛扒·薯菜 $78西冷牛扒都是7成熟，雖然無肉眼扒淋，但肉味香濃，肉汁多，份量不會太多，適合女士，薯條一樣新鮮香脆，黑椒惹味😎店內環境乾淨，鄰近MTR D2 出口，交通算便利，上菜速度算快，侍應態度好，讚👍🏻😃…查看更多

平日經過家樓下，一定會看見這餐廳。某一天，因為一些事不開心，我跑到這裡吃個飯。誰知，有點驚喜：首先是餐湯和包，淨是包有烤過我已很欣賞(我的要求到底有多低...😂)我覺得至少這是一種誠意吧，小小的餐廳大可以做最普通那種，奉上裝餐包和牛油的籃子。但這種是照出我對他們的預期，所以有點驚喜了。然後，我點了"Delicious 豬扒"，看看有多Delicious XD超大塊豬扒！感覺大過我的臉還有兩塊應該可以吃得飽飽的。見加$8可以配特飲，就特別叫一杯 藍色多瑙河。個人認為一般。最後甜品。我對這餐廳的評價是：擺盤和味道尚可，價錢便宜，飽肚感十足。埋單不過$60，總是吃不飽的我會再來的…查看更多

在深水埗找西餐實在有難度，最後走到最外圍街道，終於有發現。室內座位有點逼，餐牌選項算多。在試水溫的情況下未敢試高價餐。點了豬扒意，牛扒薯菜。下簞後不久，湯及餐包先到，賣相比想像中好，蒜蓉包如甜餐包形狀但表面脆脆的。湯就只有白湯，冇紅。主菜上碟都很精緻，意粉份量算多，薯菜係一個小焗薯，傾向營養餐烹調方式。這是加分的。味道方面都是配菜較好。牛扒，豬扒很重味精，有如燒烤包的食物。十分一般，反而驁喜的是杯咖啡。以為煷烤食物配上茶記低级咖啡，但卻送來用精美花杯盛著的即磨咖啡。感動！後來發現水吧放著不同的咖啡豆，相信咖啡項目是有一定情度的硏究。咖啡味香濃，上等之選。最後甜品餐牌上是奶凍，但送上的是嗜喱。4道菜午餐，一個另人失望的主菜卻補上一杯水準以外的咖啡！…查看更多

食物有水凖，是同區不錯的一間西餐廳，待應都幾好態度。今日第一次在這間食店吃肉眼牛扒，份量相當大，還有跟意粉或薯菜等，一定夠飽。其他午餐，都做好，同事都覺得好。會再來幫襯😋…查看更多

今年父親節，因外遊未能與父親一起慶祝，得知能提早回港，便立即趕來與家人吃飯。 他們已在此餐廳稍候， 直到我來到餐廳，他們準備點菜。 我們一家4口 只點了3個餐， 因我已在外地用膳，並表示不能再進食。 一名女店員（或店主） 態度好不屑 且 語氣十分強硬 表示 由於父親節期間， 需要每人點一個餐。 我說我真的吃不了， 此時，女店員（或店主）一聲不吭地走回廚房， 那算什麼態度？ 我環繞全場觀察，只有我們這枱人，若然你全場爆滿，我也覺得你的要求情有可原； 若然只得一枱客，還要是父親節當天，你用差勁態度強烈要求要多點一個餐，我真的不能理解！ 你下的 逐客令 令我們的父親節不能團聚！ 三個餐已下單，不能取消。店主/店員的差勁態度 令我不想多點一個餐， 唯有自己走出餐廳， 家人繼續用膳！ 直到家人用膳完畢再相聚，我問家人 是否全場滿座？家人表示，自我走後，只來了兩個人光顧，而且食物質素並不是太好， 可以不用再來！ 我父母非常不開心， 一家人不能團團圓圓地用餐（店員/店主所造成的）且食物又不是特別的好吃。女店主/店員態度若然好一些，我都不用離開餐廳，會情願多點一個餐， 女店主/店員 黑口黑面 一副厭世樣面對客人， 實在趕客！ 總括而言， 食物一般， 態度惡劣，不會再來！ 若然對食物沒有要求， 不怕受氣， 可前來此餐廳！ 我很少會留言， 但真是太差勁，我是一直會支持小店的人， 但這間真的不會再支持。 …查看更多

剛星期一晚係深水埗收工晏了，隨意就係附近去試了Declicious Cafe，鋪面看裝修格調都幾好，看了門先餐牌都經濟，所以就試下，所以我3人只order 了 （結帳時個waiter問食咁少，我話太晚了唔可以食太多）1.魚柳薯條 - 夠鬆趣2.素食黑椒牛柳絲意粉👍🏼估唔到幾好味 -跟餐有羅宋湯+包+茶= $52 ；湯同包ok，coffee 係即磨👍🏼3.魚柳漢堡-魚柳ok 麵包就差d總括來說我們所叫order的食以價錢和食物品質來說都算幾好，由其個素食意粉好味道（有幾款素意粉照顧d食素人👍🏼）我都會再來試下扒餐，因看餐牌d扒都好抵食。…查看更多

話說有日路經此地發現呢到都有幾間食肆但我又未去過喎所以見今日唔知食乜好就黎呢到揀間食啦我地先揀咗呢間西餐食但餐牌個cover 都整得幾靚內有一部大電視可以睇但我地去個陣可能差唔多九點比較夜 冇乜人啦已經忌廉湯比較稀 落得比較多水 所以味道都唔濃仲比較淡但佢加咗唔少黑椒係面 令佢有被陣黑椒味掩蓋住餐包佢焗過黎 面頭濃濃地咁佢仲搽咗蒜蓉牛油咁令到個包都香口又脆口咖哩豬扒但豬扒麻麻地比較多根 又難咬開咁佢仲有個薯仔 薯仔一般焗芝士白汁西冷牛意粉我乽大覺到幾十蚊塊嘅西冷牛質素應該叫第二樣會好啲嘅 早知叫雞扒算但佢芝士味都唔少熱辣辣上枱 幾香食落幾好味 芝士白汁意粉好夾係個牛差啲 好可惜 但價錢相唔貴 仲有湯有包有嘢飲 好抵食…查看更多

今日去青山道買電器，經過呢間餐廳， 本來無諗住響度食，門口望入去見佢啲梳化幾吸引，又見佢啲餐牌放響門口，方便我呢啲唔使行入去睇咗唔啱食又行返出嚟啲人，驟眼望落去以為幾貴，點知見到啲價錢幾平，所以就入去試下，入到去環境好ok坐得都好舒服好寬敞， 叫咗三分下午茶，一個芝士白汁燴雞絲意， 一個香蒜火腿炒意粉， 另一個係吉列豬扒拼牛角酥， 芝士白汁燴雞絲意好好味，好香芝士味，啲汁又唔會太水但係又唔會太緊，啱啱好包住啲意粉， 香蒜火腿炒意粉更加好味 ，但呢個我唔知點形容，總之就好好味， 意粉食落去好爽口彈牙， 另一個吉列豬扒拼牛角酥仲配咖哩角薯餅 ，同樣都係好好味牛角酥估佢唔到係熱，出面好多數係凍，食落去好鬆化，吉列豬扒又夠大塊，唔會話因為下午茶就細塊啲，餐飲三杯凍飲又唔使加錢仲要大大杯， 食物同環境我都覺得好正，但估佢唔到服務員啲服務態度都咁好，反而我覺得呢間餐廳嘅服務態度先至係最正， 事關當時下午茶時間得一個服務員，客又多 ，見佢都好忙，但都唔會因為話太多嘢做而敷衍招呼你 ，完全感覺到敬業樂業嗰種服務態度， 深水埗食過咁多食肆，我諗都好難搵到一間好似呢間平均分都咁高嘅餐廳 值得一試，價錢又合理。…查看更多