味千拉麵 (已結業)

星期五經過, 好多年都冇食過味千就走去試下試左新出果個咩拉麵,我都唔記得食左D咩去到, 可以話係媽媽聲D 侍應個個好似輸左馬咁冇D活力, 一入到去坐底就冇左果種氣氛(不過我係黎食野, 唔係食人, 唔緊要, 理得佢)叫左個奶茶,拉麵點知就乃野...等等等....等到25分鐘都未黎, 我問佢, 佢話落左單, That's fine但後面果個仲遲過我黎, 佢果個仲快過我, Very poor management skill...(但大家都係same 的蛋麵)我望完內心都媽左一聲,差在未出口到個麵黎, OK啦有得食是旦點知...湯底得個咸字, 冇果種精華味(食過幾間拉麵係食得出果種豬骨湯的精華味; 類似豬肉鬆夾豬油果種味), 感覺自己好似食緊鼓油味精滾水咁...隻蛋就一夾就散, 連民國的"腦"水蛋都不如...D差燒仲抵死, 冇肉的,或者薄到好似食肉乾咁, 差燒冇差燒就係咁黎而D拉麵...唔沐唔爽口, 仲以為係未煮熟的...=_=食完已成肚氣, 仲收我70幾蚊, 70幾蚊我食Mc Cafe唔好?雖然話飲食業辛苦,但起碼都應該俾到D入到口既野人.不過相信都只係一幾間鋪係咁, 下次試多幾間再作定論

想食拉麵，必然想起味千，來到了，湯厎豬骨汁，從以前比較好淡，還好，可以加蒜粒，七味粉增加口味，叉燒軟，入口即溶，保持水準，栗米沙侓，我首選，小小涷，栗米好甜，好味！

突然想食拉麵, 咁岩又見到味千唔洗排隊所以就同朋友入左去食喇..話說好耐都無食過味千..叫左個豚肉拉麵湯底依然係太咸太濃令人食完會覺得好口乾豚肉亦不夠嫩..不過五十幾蚊一碗拉麵都算係咁肚餓既時候都係一個好選擇朋友就叫左個豬軟骨拉麵豬軟骨就出奇地又驚喜夠淋又入味環境方面雖然我地唔洗排隊但始終係午市時間又搭枱都逼逼地整體黎講都ok啦..

想食拉麵一段時間啦，味千拉麵剛好有位又唔洗排隊，我都有好幾年沒吃味千啦，好一試吧。餐廳環境都跟以住一樣舒適 坐得舒服豚肉拉麵 白色豬骨湯底 幾濃 都幾甜雖然同餐牌個樣唔同 但都幾吸引上面放左幾片厚度適中既豚肉，幾爽口 仲有半隻糖心蛋 夠滑流 索埋D湯一齊食 仲正拉麵質感硬度適中 飲左幾啖湯後 都唔覺口渴 幾好其實 以五十多元的一碗拉麵來說，這樣的質素尚算不錯

前幾日係旺角睇完戲 差不多7點 費事晏d人多就去左大街找野食 本身諗住去pizza但係==超多人 見咁耐冇去過味千 所以就行去了等10分鐘左右 就可以進了,一梯 平時食開過168蚊餐轉左有 吉列魚柳定食,日式抄飯定食,豚肉拉面,全盛拉面:任選2小食:明太子芝士,餃子,沙律 任選2汽水:任選2因本人食開飯 ,,,平時食開炸雞飯定食 但今次冇 所以就諗住試下吉列魚柳定食, 小食本生想選明太子芝士 ,但都是明太子跟煙肉所以不試了 ,,,,,選了吉列魚柳定食,全盛拉面跟兩客餃子等左十分鐘左右就來了 一來我跟我女友都呆了 賣相真的不錯 飯跟吉列魚是分開上的味道真的很不錯 很值得讚 餃子今次就一般了 可能太快上爐了全盛拉面就一般了 還過得去 我見餐單 有呢個 獨家味千No.1豚軟骨‧辛辣豚軟骨拉麵 每日限售50碗 食得辣人要試下了結單2人$168 用了會員卡免加一$168食得好飽算係今啦~~~待應服務方面 還ok 果晚都好多人 算係今啦

幾年沒光顧這店, 是日路過, 進去醫肚職員很快便領我到座位, 端上餐牌, 隔一會便端上茶, 有禮有效率, 應做已做足, 由頭到尾服務ok麵一被端來, 我已自然意識地把手放在碗邊, 因為覺得溫度似乎差了點, 但在碗邊底部摸著, 不敢肯定, 於是便開始吃, 豚肉三大片, 沒有太多肥羔, 肉較多, 這很好, 麵條不彈牙不腍身, 芽菜很多, 荀子一堆, 半隻熟蛋, 應有盡有, 可惜............ 整碗麵, 由湯底, 麵條, 豚肉, 甚至雞蛋, 全都是不夠熱甚至一些配料是冷的, 味道怎樣好也好, 溫度不足是大錯特錯, 若廚房員工稍有留意, 便會把這水準給客人 另話, 其實剛才的茶, 都是涼得過分, 絕不是一個應有的熱茶呢

旺角這麼多好地方，我們卻笨笨地選擇了這裡。因為我想吃幾年前吃過的南瓜拉麵，但店員話餐牌已經沒有了這個（!）我吃了蕃茄肥牛拉麵，湯底好淡，沒有蕃茄的，拉麵好像公仔麵（公仔麵還好吃一點喔）。肥牛冇味，好鞋，吉野家好吃十倍。男朋友吃的冷麵，是蛋絲和蟹柳等配料。冷麵汁和冷麵放在一起，超咸，麵都給浸淋了。真．的．好．難．吃，幸好我們沒叫其他，結帳$99。

俾個friend邀請咗出去食飯，佢就揀咗依間。個friend坐底一口就話"嚟味千梗係食拉麵啦"，佢就要個原祖叉燒拉麵，我就要個蕃茄雞肉拉麵。吹咗陣水我個麵先嚟，好橙嘅湯，驟眼都見到蕃茄肉並雞肉，撈下個"拉麵"，感覺麵質好似唔同咗，再仔細睇，有D似意粉wor，試一啖，完全係意粉的質感，係我耐無食拉麵無晒印象，還是拉麵變咗樣呢????個friend個拉麵都到，同我個情況一樣，咁就無特登問侍應係唔係俾錯，費時我錯就樣衰啦。拉麵嘅配料都合格啦，無咩特。依D地方一年最多一次，開始有D騙千的感覺

熱辣辣在沒有冷氣的地方等位都幾辛苦!不過沒辦法啦!..5相再找!終於有位,不過勁逼叫左個相僕拉麵!一般啦!..不過個福袋(年糕腐皮)好難食!環境差,好熱服務一般,沒人理想加水都沒人

今天食lunch.我叫了鰻魚炒飯.賣相ok，但食落口好咸，鰻魚份量不小，但炒飯太咸，令鰻魚失色了。 太太叫了豬軟骨拉麵。她說豬軟骨的肉有少少"鞋"口，不太好食。但湯底味比較濃，太太覺得總體都唔錯嘅~(不過我覺得一般的味千拉麵的湯底都是如此啦)

大家都好耐無食過味千, 就黎以往好多人既旺角食喇, 當時呢排既旺角係少人左好多, 怕比鏹水淋到丫嘛, 我地行既時候, 都加快左腳步以星期日既lunch time, 都唔使等位, 對我地d食客黎講係好事既, 因為當日都幾餓睇下menu, 唔多新野, 有個蝦餃子, 我地叫左呢個當小食, 一碟3隻, 每人一隻o岩o岩好, 另外叫左帶子拉麵, 汁燒鰻魚炒飯同埋一個相僕拉麵帶子拉麵都有好多粒帶子既汁燒鰻魚炒飯就濕左少少相僕拉麵, 比其他既拉麵多餸d, 有2片叉燒, 2片魚蛋, 1隻天婦羅蝦, 1件豆腐包入面包住d年榚 (呢個好漏), 仲有粟米, 不過我覺得d拉麵好似比以前幼身左, 但味道都係差唔多既蝦餃子就一般d囉, 都係加左隻蝦之嘛, 都唔平架, $24/3隻

早幾日去食有樣新野,唔知大家有冇試過個名好似係叫做"芝士焗雜菌"個食物黎果陣,好香芝味食落有芝香味,但係仍不失雜菌的鮮香菇味兩樣食物夾得幾好不過大家可能會覺得個口感會"漿"住個口或者係"漏漏地"但係我個人就幾鐘意呢一種味道和口感不過個價錢我就唔記得左幾多了

叫了最傳統的味千拉麵, 好好味, 個湯底真係無敵, 唔太咸, 不過都係有味精咖喇牛油焗帶子: 好香, 帶子好好味~ 不過又係油左少少囉叫加水, d侍應又係忙得滯喎~ 等左幾耐~埋單又係要等~食味千拉麵都係真係要等幾耐!

上星期六19/07/2008 放工妹妹及一個同事一齊去食宵夜十二點左右啦, 入到去d位迫就預咗啦但係佢居然會熱到死, 完全無冷氣問佢係咪開晒d冷氣佢居然話係真係救命呀, 賣拉麵, 湯係熱既, 但係無冷氣係咪想個客唔叫拉麵食呀, 食完件衫濕晒仲要隔離枱d人一坐底已經話熱........唔該佢地檢討下啦又要無人黎收野喎, 加茶又踼一踼旭一旭...你唔叫佢唔加另外個炸芝士荀卷完全係不知所謂, 得個醬汁係好食仲有個新既沙拉, 炸過既麵放係沙拉度, 又係勁唔好食朱扒拉麵塊朱扒乾到爆其他野就不過不失....但係再去食都要諗諗

好耐無去過味千,星期六下午重訪, 原來而家既拉麵款式琳瑯滿目,連鵚肝都有,真係唔知點揀,最後,都係揀左經典既叉燒拉麵。拉麵質感仍然同以前一樣咁好,我總係覺得味千既拉麵比出面一般食肆幼身少少,所以易d入口,同埋無咁膠感,無咁糊口,果然無令人失望!不過最好味同特別,始終係佢個湯底,唔知點解好味到令人想飲左佢,可能係果d麻油作怪…雖然心知應該唔係好健康,但係真係同個拉麵配合得好好,雖有同自己講,咁耐先一次,無所謂啦!不過呢,今次於叉燒好不滿呀!一向覺得日本叉燒比較瘦,但係今次竟然有好多肥膏,其中一兩件仲要係膏多過肉,真係唔得喎!希望今次只係意外,以後唔會咁啦!又或者,下次落單時,係咪應該指明要瘦叉燒呢?好在有其他配料,半隻烚蛋,紫菜,芽菜等等都好味!另外試左炸軟殼蟹,即炸架!所以好香好脆,易入口,唔油,好正呀!(因為肥叉燒,本來想俾笑,而家降級為OK)