周記點心

營業中

休息中

放暑假既好處就係可以訓到自然醒跟住去飲茶 😍😍 無意中叫左3樣點心都有蝦，仲要粒粒都勁大隻絕對無偷工減料，比平時係茶樓食到既更大粒!春風得意腸 (hk$26)周記蝦餃 (hk$22)籠仔馬拉糕 (hk$16)豉蒸蒜排骨 (hk$18)鴛鴦燒賣 (hk$22)流沙奶黃包就食得多，但奶黃流沙既西多士(hk$18)就真係第一次試！本來平平無奇既西多士加左奶黃後，變得脹卜卜好可愛，一切落去啲流沙奶黃湧曬出黎， 再將西多士切成細細舊蘸滿流沙汁真係好正！香芋流沙西多士(hk$18)，一次過叫曬奶黃同埋香芋流沙既西多士，貪心既結果就係食唔曬，勁濟! 個人比較鍾意奶黃多啲，香芋無咁流心而且顏色偏灰，一切開個西多士無湧出黎有啲失望!

無意中行過有點餓，被店子外面的照片吸引入去試個下午茶，點知勁驚喜！點咗奶皇流沙西多、奶茶、鴛鴦燒賣，雖然西多要等 10-15分鐘，都值得！西多外型同平時個啲無分別，外面好夠脆，一切開啲奶皇就流出來了！鴛鴦燒賣其實係蟹子+黑松露燒賣，好大粒好多蝦！餐牌上仲有好多點心和蒸飯款，下次一定要再來試蝦多士！下午茶都只不過係 $28，燒賣 $22，價錢好合理。

周記是朋友介紹來的，人太多，要等位。叫左芝麻蝦多士， 熱辣辣，質感香脆，又唔會太油膩，蝦膠吃得出鮮味，面層就有香濃唔既芝麻。呢道點心，實在有驚喜。再來就係，奶黃流沙西多，奶黃流沙配上西多士,感覺新奇， 流心程式極高，為水狀，一切開，奶黃相當香濃，西多士方面，邊位香脆，而包身鬆軟。不過就太多人，等左都好耐。

難得朋友來搵我Lunch...當然要帶佢試下d特別野...成日經過見到周記主打流沙西多都想試，今日終於食到兩個人叫了3個點心，1盅蒸飯結果是飽死了!!!如題，奶黃流沙西多，大推介~~~~~~!!!!一切開西多，D奶黃流沙流哂出來....唔係! 係湧出來~個人覺得好好味，而且算大份!有好都有唔好...個燒賣真係可以用差來形容，肉質十分奇怪! 下次來一定不會再叫X*走的時侯見門口有下午茶- 西多配飲品，大家都可以睇時間食!

I've been wanting to try the lava custard French toast for a while since many people rave about it but I was a bit disappointed upon trying because my filling wasn't as liquid as others while the taste was way too sweet. It would have been better if the egg yolk taste was stronger but all I tasted was low quality custard. The price is cheap enough so maybe be worth a try but not something I would eat again.

想吃特別多士，老死就介紹周記。周記佢勝在就係起傳統點心裏面造出創意，呢一點就係單單值得去試。流心奶黃多，大致上佢係兩塊薄薄地既白面包，入面加左奶黃既餡，出面用蛋漿炸到金黃，因為一切已經係咁必出黎，已經立即食。春風得意腸， 香脆鮮蝦春卷配芝麻腸粉皮，好老實，呢個feel真係好似炸兩，不過成日d炸兩就會整得好"淋"，但呢個春卷皮依然仲好脆，加上內餡係鮮蝦，呢個配搭真係好新鮮好正。另一一個就係類似上湯雲吞，細細地，幾鮮甜同惹味。唔錯唔錯！

自己一人來到這裡，在下午茶時間吃我的午餐。熱騰騰、香噴噴、脆卜卜的西多，內裡蘊含著的是暧粒粒的奶黃漿。雖然好好味，但一個人吃始終有點泄。建議3-4人吃人份就好了。當日平日，店舖算是少客，當時有兩個學生加一個媽媽級的侍應，但見到有兩枱客叫侍應而侍應皆沒反應或是聽不見。侍應應更留意客人的需要和表現得更有禮。

星期一, 晨早同友人出發, 大約11:00am到,一來平日啦, 二來算早, 所以唔使等位.店員好快手, 而且有禮貌, 落order同出食物都好快. 樽仔凍奶茶, 夠凍, 茶味甘香, 唔算好滑身, 飲到有d 渣. 價錢有點貴, 不過跟餐加價算合理.特登黎試呢個奶黃流沙西多士, 一黎到熱辣辣, 切開之前有點緊張. 點爆漿呢.奶黃流沙西多士, 一切開就流奶黃出黎, 視覺效果好好.咸香帶甜, 配西多士好好味, 不過好膩, 2個人食都緊緊食到, 而且熱食最正, 奶黃凍左少少就開始杰身.芝麻蝦多士,加左好多芝麻, 所以特別香口, 脆卜卜, 蝦膠彈牙爽口, 食到有粒粒蝦肉增加咬口.用心之作, 唔係hea做. 分量夠, 而且早餐set抵食.XO醬炒銀針粉, 友人話多人讚要試, 好夠獲氣, 好香噴噴.xo醬少少辣好惹味. 銀針粉冇糊冇爛, 炒得岩岩好.見點心都好吸引, 但太full啦, 下次再試.

本來太太剪完頭髮接佢走，順便去西環行下聽過周過好多好野食，即管試下叫左最出名嘅流心奶皇西多士、芝麻蝦多士、仲有XO醬炒銀針粉、碗仔翅碗仔翅普通，當懷舊下XO醬炒銀針粉，唔好食收銀姐姐話撞手神，睇下邊個師傅喺度流心奶皇西多士、芝麻蝦多士，唔駛講一定要食真心好食

聽友人講過西環有間點心店有流沙西多身為流沙迷的我又點可以錯過呢一CUT開個西多，D奶黃汁就流哂出來見到就興奮^^西多算大份，加上有奶黃汁，食落都幾膩1個人未必食到1份，建議有伴來食好D味道唔錯，而且從暖暖的奶黃汁可以知道係即做的所以等候時間也比一般點心/西多士 長啦新奇野好多時都伏伏地但今次呢個流沙奶黃+西多又得wo可以一試

是日星期6, 中午13:xx去到, 雖然人多, 要等3x個籌, 好彩最後等左半個鐘就可入座熱到死, 先來個樽裝奶茶, 仲以為會用玻璃樽裝住tim-,-好彩味道都冇令我失望, 味道上環某樽裝奶茶甜, 但個人反而鍾意哩個奶茶多d ;PXO醬炒銀針粉, 辣辣地, 幾好食香芋流沙包, 幾香芋頭味, 不過就唔夠流沙lo, 唔知係咪因為芋頭本身質地杰身, 因為我地已經一上枱就食了登登登凳~終於等倒傳說中o既奶黃流沙多士, 送上黎時, 多士係漲卜卜的, 睇黎入面真係好多奶黃 一劏開塊多士, d奶黃baba聲咁流出黎, 食o既時候, 每一啖我都蘸上流出黎o既奶黃, 盡量令塊多士索多d, 吸滿奶黃o既多士真係好好食, 食到唔停得口, 最後食完成塊多士, 都仲淨返好多奶黃, 真係好想成隻碟奶乾淨d奶黃XDDD

Chinese French toasts are not my cup of tea but I went here because they were filled with runny fillings.Came here in early May so I don't know how the current queuing situation stands.Anyway ordered both versions, one with molten salty egg yolk and the other with molten taro.There was black sesame as well but I don't like sesame.When I sliced both of them, sauce flowed out.As expected, there was lots of sauce.★☆★☆★☆★☆★☆★☆★☆★☆Chinese French toast with molten Salted egg yolk custard filling:The m

當日慕名而來流沙西多士，平日的3時左右,門外也有一大堆人侯著。必點的當然是流沙西多士，上枱時，西多士中心脹卜卜，盪漾著。一切開，流沙如泉般洶湧澎拜的流出!!效果果然驚人!西多士炸得香脆，流沙餡有後香的咸蛋黃味，西多士醮著吃，都挺合襯!不過一個女生吃完這個，真的會有點滯。然後是香芋流沙包，別看它的紫色有多鮮艷，都是騙人的!流沙是流的，但卻沒有香芋味道，味道很人工化，比起奶皇遜色得多!而且我看別人的香芋流沙西多，跟這個香芋流沙包的餡不一樣啊!別人的流香芋西多餡，好像真的有香芋泥，但這個沒有。若想吃香芋，或許點香芋流沙西多士會更好吧!其餘的點心都試了幾款。蝦餃很大顆!!但餡料沒多少真蝦，都是肥豬肉吧，而且皮厚，很一般。xo醬炒銀針粉，我不知道是否我這個特別辣，因為身旁的食客也有點這個，但他們吃得面不改容，而我卻因太辣而一直冒汗!面頭的乾脆蒜粒很很很很咸，銀針粉口感不錯，但就是很咸很辣!幸好，其中一位店員，或許是店主吧(因為她的態度特別好)，看到我面有難色，主動說替我沖淡一些減點辣，真的感謝她!最後是糯米雞，這個真的不用點!!除了大份之外，沒有可取之處。糯米沒有荷葉香，也沒有糯米香。餡料有雞肉

曾經看到一份搞笑的報章，公報了「十五種有樣睇的港男港女」行為特徵，當中一項是去到任何一間餐廳，都是「手機先食」，然後即時放上Facebook或Instagram呃like。毫無疑問，小妹都是這一類的港女，特別當是新開、大排長龍的食店，難得能擠身吃到頭淡湯，也喜歡擺上網出來威一威(這個風氣根本人人也會呢)。不過數到近來最多人在Instagram呃like，莫過於一張張澎湃流心、金黃耀眼的奶皇流心西多士，再看看此店的位置，原來正正位於我家的附近，當初還以為只是一間全日供應的普通點心餐廳，誰不知原來有這麼誘人的美食，小妹也是有眼不識泰山，還望「周」大人原諒。住在附近的好處，好比早起的鳥兒有蟲吃，可以瞄準門口外沒有太多人排隊的有利形勢之下才去光顧，省卻了不少時間。要留意一點，餐廳的營業時間已改為早上六點至下午五點，逢星期一休息，與「開飯」平台所示的朝八晚八有所出入，大家千萬不要去錯呀。樓面光猛企理，與一般的茶餐廳一樣，座位與座位之間的間距不會太疏落或太過狹窄，餐枱以四人為主，不過枱面範圍較細，坐在一起的朋友稍為有點擠迫。餐廳分有樓上和樓下兩層，牆身印上多幅六、七十年代香港舊式茶樓、由員工咩背帶

長而斜的水街向來眾多食店臨立，附近都有不少美味既小店朋友睇開周刊介紹見到周記點心必食奶黃流沙西多士所以上個星期六親臨周記,3 點半到門口時巳經好多人在門口排隊了方知因為人手不足, 開到5點就關門了好不容易先安排內進,地方細細的,牆壁上貼著幾幅昔日香港街道的黑白照片，很有老香港的格調此行主要試食那個奶黃流沙西多士眼見同枱的客人亦點了奶黃流沙西多士,眼見非常美味，所以我地都便亳不猶豫地點了2款西多士流黃同香芋西多士切開看看, 流心度相當澎湃,奶黃餡是相當之濃郁, 吃著的時候,, 不油膩,炒銀針粉,惹味十足,食完呢3樣,夜晚都飽到食唔落了~小店的點心全是即點即蒸或做,而且點心更是街坊價錢,十分便宜,下次一定要試埋其他點心呢~~希望小店可以開夜d啦~~支持周記點心