吳曉串 (已結業)

吳曉串中環蘇豪鴨巴甸街41-49號金豪大廈地下上層UG/F, King Ho Building, 41-49 Aberdeen Street, Soho, Central去LKF 飲酒食野, 打定肚有點食物落肚, 會無咁易醉, 同一通飲到半夜, 好易肚餓, 所以起行前又去食野先。$78錫紙花甲粉,因為有粉絲可以當成有澱粉質的主食。花甲好觧甜,，底下有娃娃菜同金菇, 加入粉絲的優勝之處是吸盡鮮甜湯汁，粉絲口感彈牙, 灑上大量芫荽.份量大碗$58 豬腩肉 2串，有脂肪就是皇道，油香十足$38 satay 雞肉幾好食，燒得香噴噴$78 麻辣皮蛋好開胃，麻油香菜很惹味。$48雞腎 2串爽口燒得乾身，再灑上大量調味，吃得過癮。$ 38 鴨舌彈牙，調味惹味燒得香，啜得我很開心，是我吃個最香口的鴨舌。另外仲有酒香鴨舌，一樣好吃到停不了，是店家自製而不是買現成領口，怪不得那麼好吃，必點。$88 鰻魚炒烏冬，日式日味，加了鰻魚同日本飯素，好味又大份以上份量夠2人食到8成飽, 唔好食到大飽呀, 唔係等陣飲酒好易漲到嘔, 是給喜歡飲酒的大家宗告, 小飲怡情。

下雨天食麻辣燙真係舒服😌又接近大館，地理位置都算方便！最近天氣麻麻地，都覺得吃辣開胃，膽粗粗試下尼度麻辣燙！我揀左BB辣，辣度剛剛好又好吃😋材料又豐富又份量足，試過一次仲想吃！尼度仲有燒烤添，下次再來吃過

鴨巴甸街都有川式風味既串燒，而且價錢大眾化，環境又開揚感間感幾足夠，坐低食野都幾舒服。全部串燒都可以選擇辣度！佢地既調味粉幾惹味又香，所以全部串燒都好出色。雞全翼燒到色澤金黃微微焦香！雞翼keep到肉汁幾嫩滑，味粉剛好唔會太濃，而且幾惹味。1份2串幾正。燒田雞串，大大隻坊間比較少見串燒做法！燒得平均唔乾身，都係好惹味。海鮮炒飯賣相用了酒呈既器皿，幾得意有玩味！炒飯用料夠多，魷魚質感煙韌彈牙！飯粒炒得分明有質感，唔會太油，幾好。

經過中上環餓餓地，又唔想食西式野見到呢間新開串燒店一於試試環境都好闊落，落地大玻璃食野可以望下出面都幾chill話明主打串燒，種類相當多，除左豬牛羊雞無得走之外，燒饅頭田雞都有得食另外亦有麻辣燙，涼菜，主食滿足一班大胃王蒜蓉燒原條茄子一上枱已經聞到超級香，大量蒜蓉加上微微辣椒令人停唔到口蜜糖饅頭唔好睇少佢，咁燒起上黎真係好好食，表面少少脆口，有燒香麵粉香燒雞腎熟度岩岩好，爽脆入口夠辣燒土豆片燒得入味配上辣味又唔會太乾厚燒牛舌私心必食之選，相當juicy 燒得岩岩好，入口彈牙充滿牛味燒全雞翼好難燒到頭中尾岩岩好，通常一般出面係一係尾好燶或者個頭好柴呢間燒到頭尾都好好食 😋誠意之作川北炒菜蛋抄粉絲，簡簡單單，味道唔會太濃，作最後收尾一流

呢間新開嘅串燒店，位置都幾方便，食完再去左大館飲野✨我第一次食花甲粉，湯底辣度唔會太重，有啲花甲嘅清甜。配料有：金針菇、娃娃菜、芫荽、洋蔥，夠兩個人食。肉串燒方面，我覺得牛舌相當唔錯！外層烤得香脆，忍不住一口接一口。豬肉叫左兩款，一口豚、豬五花肉。個人建議怕肥嘅，都係可以叫一口豚好😂兩款豬肉外層都幾多肥肉，肉質幾嫩。另外，雞軟骨幾脆口，係落過癮。海鮮串燒方面，叫左蒜蓉燒扇貝、燒魷魚鬚，兩款都好值得食！扇貝嘅調味好足，有蒜蓉、辣椒、芫荽鋪滿晒，啱晒我呢啲重口料人士🤣燒魷魚口感QQ彈牙，但不至於太脆，非常有咀嚼感，而且食落唔乾。菜只係叫左一款燒尖椒，我覺得可以再辣啲😝落單嗰時可以揀辣度，但我只係揀咗小辣。食得辣嘅，應該要中辣開始食！

餐廳距離PMQ / 中環街市 夠近，可以一次過中上環一日遊～座位同座位之間距離夠遠，有足夠既空間同朋友食野吹水～好彩仲可以坐到沙發位，望住街景食野💗可能因為新開，呢日人手唔多，加上串燒本身都要時間燒，都等左一陣食物先上枱，大家要有心理準備喔～滿滿既一盤串燒🤭 基本既種類都會有，串燒基本上係唔會失手！有埋辣粉、孜然粉就更惹味🫶🏻 啲肉類既串燒都會切到細細夠一串易食，口感都不錯！菠蘿好夠甜！特級肥牛炒烏冬非常驚喜地好食🤤！ 本以為係普通就咁炒，原來係有好多好多既調味，食落有少少川味Style，又有啲蛋碎、芫荽一齊炒，非常香口！好滿足既一餐～

前晚去中環蘇豪同朋友飲野前，諗住食少少野醫肚。經過間新開餐廳，主打辣菜式，出面係中國風裝修，店員著古服，幾有特色…餐廳有串燒、水煮泡椒小炒、麻辣燙、燒海鮮、涼菜，下單時要先挑選可接受嘅辣度，我地揀左小辣🌶️- 錫紙花甲粉（$78）超過廿隻花甲，麵底粉絲吸盡鮮甜湯汁，再配上大量芫荽、金菇、娃娃菜，份外滋味！- 蒜蓉燒生蠔（$156/6隻）脹卜卜燒生蠔鋪上大量蒜蓉、辣椒粉，熟度剛剛好，濃郁惹味- 燒粟米（$35）/豬大腸 （$36）香辣調味烤原條粟米，辣完之後食到粟米本身嘅香甜；豬大腸燒得夠透，無咩肥膩感- 韮菜/豬頸肉/雞肉/雞心 （$38）雞腎 （$48）多春魚（$62/6條）食物即叫即燒，調味恰度好處，雞肉皮脆肉結實；雞心無內臟腥味加分；多春魚係高溫下好易燒到爆肚，但呢度ok，仲燒出微微金黃色；豬頸肉都好香口中環同類型嘅餐廳唔多，呢個價錢黎講，係個唔錯嘅選擇😋

喺中環同朋友飲完嘢見到呢間新開嘅串燒店一於叫外賣返去試一試總共叫咗八串串燒同埋一個炒飯厚切牛舌心 $65 x2啖啖牛舌非常好食燒羊肉串 $62 x 2鍾意食羊都因為羊嗰陣獨特嘅味道好食燒沙嗲雞肉串 $38中規中矩勝在價錢相對便宜燒牛肉串 $48牛肉都係生生地較為好味燒雞心 $38平時好少食內臟今次試下口感都唔錯燒雞腎 $48雞想食串燒必叫海鮮炒飯 $98食咁多串串燒配埋一個炒飯又飽又滿足——————中環呢個地段夜晚11點幾仲有串燒食想食宵夜嘅朋友都可以試一試

見間鋪新開，即管入去試吓，見到入面無乜人，諗住會唔會係新開，所以無乜人。點知原來係伏第一次食串燒，啲串燒係凍架！！！！價錢貴都預咗，味道就一般般，都係孜然粉咁嘅味，但係凍嘅串燒真係接受唔到