吳曉串 (已結業)

去咗大館遊走一圈，之後游吓游吓去咗(吳曉串)中環，店舖裝潢帶有中國文化色彩，與中國歷史和國粹溶為一體。店長非常好客樂樂不倦介紹字畫，刺繡、而且她擁有一雙巧手，能DIY 髮簪和鳳冠非常特色，手工非常精緻，險些忘記點菜叫外賣🤣🤣1.蒜蓉燒扇貝~蒜蓉味道爆香帶少少微辣味，扇貝肉質鮮甜美味2.鰻魚炒烏冬~鰻魚肉汁的香味渗透在滑滑烏冬裏，再加什菜倍添色彩3.錫紙花甲粉~花甲鮮甜，綠豆粉絲爽脆可口“索”滿清甜鮮味湯底4.燒豬大腸~大腸有獨特的香味，再配上香料更添惹味5.燒魷魚鬚~燒出來魷魚鬚香味樸鼻，鮮甜爽脆，用來啤一啤好‘正’🍻🍻6.汁燒鮮冬菇~燒鮮冬菇不會太乾也不會太濕，燒出來恰到好處，配上香料增添美味

放個同男朋友喺中環搵餐廳食，發現一間古風串燒店😯😯😯😯店入面放滿店主手作嘅中國風飾物同團扇、仲有超多千里江山圖嘅物件😍 相信店主應該幾鍾意「只此青綠」舞劇（由於吃貨嘉嘉跳開中國舞，望住呢啲真係開心到不得了🤭）🍆 燒原條茄子味道調得啱啱好，勁多蒜蓉～同埋都幾多孜然粉🤤鍾意食平時譚仔嘅雞翼可以過嚟食🍢🤤串燒冇諗過燒蘆筍會咁大方！重點係好好食🤤🤤虎皮尖椒、雞腎、魷魚鬚都係我哋嘅最愛🌶️自選麻辣燙我哋叫咗蟹味菇、魷魚、肥牛，芝士腸同薯粉🤤味道都好正宗🐮燒牛舌心呢個反而一般般，比較有咬口🐮金菇肥牛卷超大串！！！金菇燒到好Juicy🤤🤤好食！

我和阿妹特別喜歡食辣嘢，又鍾意串燒，今晚一於盡興，無辣不歡。喺大館附近嘅 ❲吳曉串❳就係最佳地點，我哋兩個人叫咗十款 “大辣” 串燒，一大盤端上來，可以盡情享受。(一) 燒田雞：全隻上，夠新鮮，醃味一流，肉質彈牙，香脆可口 (二) 多春魚：魚質結實，甘香油潤，齒頰留香(三) 墨魚咀：好少見咁大粒，有彈性，好趙，口感一流(四) 鴨舌：濃味有餘，辣味鹹鮮，好正(五) 豬大腸：冇油膩，夠脆身，有咬口(六) 雞心：爽爽地，脆脆地彈牙好味(七) 鮮冬菇：燒好之後，冬菇鮮味更明顯，脆滑兼備(八) 韭菜：一條條串好，方便易食，有辣味，更好(九) 虎皮青椒：青椒再加上辣粉，更有畫龍點睛之效(十) 豆卜：卜卜脆，香濃入味，夠特別再點咗個酸辣土豆絲，辣味更上一層樓，又酸又辣，越食越過癮，不過，鹹味如果可以稍為減少少就更好喇。點菜紙上面仲有好多款式嘅食物未試，一於下次揾機會同朋友再嚟。

今日同朋友喺附近影壁畫同埋去PMQ度睇下法國5月節活動。 飲左酒後就想食下辣野，係附近搵到呢間餐廳叫“吳曉串”，個名都幾特別又唔係遠就去睇下。 入面餐廳有種中西合壁感覺，放左中式佈置，但入面裝修就用左深色有種西傭懶風。餐廳有好多種類嘅串燒（魚，海鮮都有），其他辣系食物例如麻辣燙，麻辣香鍋，甚至炒飯炒烏冬都有，真係琳琅滿目。最後叫左麻辣海蜇，燒豬仔脾，燒原條秋刀魚，汁燒原條魷筒，燒五花腩肉串同牛仔骨。麻辣海蜇首先送上，份量都唔少而且麻辣嘅味道啱啱好唔會太辣但係又有一定嘅辣度，食落非常爽口彈牙，QQ口感配搭麻辣汁嘅味道就更加開胃！轉頭燒物都分批送上，豬仔髀同牛仔骨燒嘅時間啱啱好（試過食過其他地方豬仔脾同牛仔骨燒到好柴咬唔到但呢到唔會），一啲都唔會鞋口食落仲係嫩嫩嘅口感，而且啖啖肉加上外層塗左孜然粉就更加好食！五花腩串係必點邪惡之物，滿滿油脂香，連埋嫩嫩嘅肉，好味道！至於秋刀魚同埋魷魚筒，原條嘅份量都好多，秋刀魚燒咗之後就更加香，燒嘅時間同樣啱啱好，魚肉食落非常夠嫩。而且得中間一條主骨，食落都好方便。魷魚筒係我嘅最愛，真係好新鮮，燒嘅時間亦都係完美，燒到佢夠曬彈牙爽口，絕對唔會過火喉。新鮮海

"吳曉串" 主打麻辣燙及串燒，辣度有分BB辣、小辣、中辣及大辣，由於我和太太都唔太食得辣，但又想試吓佢嘅風味，於是揀咗BB辣。有個梳化位可以對住街坐，舒服又通風先有錫紙花甲粉，賣相吸引，湯嘅辣味啱啱好，有助提升花甲鮮味，花甲大大隻，份量頗多，粉絲軟滑入味，互相配合，好夾好美味。跟住有串燒上場，厚切燒牛舌係冇得彈，先係醃得入味，厚度又適中，入口爽彈，鮮味充滿口腔。燒牛肉串調味合適，有少少辣，鬆化有鮮味，一試難忘。肥牛金菇卷更加犀利，一串有三份，厚厚金菇比肥牛包住，蘸上辣粉及孜然粉，燒得甘香，又軟又淋，非常惹味。流心芝士年糕外面脆身，裏面流心，芝士香口，年糕軟糯，係一款賞心甜品。仲有最抵食嘅蒜蓉燒生蠔 ，一碟有六隻，每隻生蠔上面鋪有滿滿蒜蓉，味道零舍濃郁甘香，火候啱啱好，生蠔剛剛熟，仲有好多汁，格外鮮嫩幼滑，非常惹味。如果下次約埋一班人嚟，就可以試多啲唔同類型嘅串燒 ，一次過滿足更多要求。

有係上環返工又鍾意食串燒既朋友星期五晚邀請我去呢間位於蘇豪鴨巴甸街既吳曉串度食串燒。呢度比較近元創方嘅位置，上環地鐵站行過黎都幾方便，雖然要行完斜斜既樓梯之後先到，但吳曉串既四川風味串燒真係好值得。呢度既裝修同佈置都古色古香，令我心情放鬆可以慢下來享受。呢度主打都係食麻辣燙同埋串燒。而因為今次係同朋友嚟到呢度，所以我哋選擇多叫串燒。餐廳入面嘅佈置都好中國風，有山水畫有古箏，亦都有偏古遠嘅頭飾，呢種古色古香嘅風氣都好吸引到我。而餐牌上嘅食物選擇都好多，有好多唔類型嘅燒烤同烤串。燒肥牛金針菇真係無得輸！！對於佢嘅蒜蓉燒扇貝，我係比較有深刻的記憶。大大隻扇貝再加埋面一層嘅重蒜，入口感覺簡直一流。真係好香啊！未食已經流曬口水！呢個位可以一路食一路望住上環熱鬧既鴨巴甸街景，好chill啊！

這次在 PMQ 覓食，去了家新開的小店，是家川菜的店舖，有麻辣鍋、串燒和麻辣燙等等😚。環境是水泥風裝修，牆上掛有不同的中底掛畫，也有中式戲劇紙牌。我們坐了窗邊位置，望著街道吃東西挺寫意的🙈。-▪︎串燒 HKD$23起串燒有很多選擇，可自選不同辣度。這次點了燒五花腩串、燒豬大腸、燒薄切牛舌、燒脆香雞皮。五花腩肉質腍身挺香油膩味😚，豬大腸和牛舌有嚼感。雞皮香脆惹味，選擇了微辣所以不會太辣😎。-▪︎泡椒田雞麻辣香鍋 HKD$148這個味道較香的，還有很多配料😚，包括：菇菌、蓮藕、青瓜、蘿蔔和粉絲等等。田雞肉質嫰滑😍，酸酸辣辣的挺惹味。香鍋的配料較有咬感的，有種愈吃愈辣的感覺😗。-▪︎麻辣燙 HKD$15起這個是五款食物起叫的，有三款不同價位食物。我們選擇了台灣腸、魷魚鬚、午餐肉、墨魚丸及紅薯粉。味道選擇微辣，味道香口濃郁😍，不會感到太咸的。薯粉吸入湯汁，口感煙韌入味，份量多吃得飽。-

吳曉串就係PMQ再上一條街既位置，地鐵站過黎應該要行6-8分鐘左右餐廳裝修好有特色，好似夢回古代既燒烤小店咁🤣我6點收工過去趁冇人霸左個窗邊靚位，睇人來人往都係一種樂趣串燒店選擇都幾多，有香港少見既麻辣燙同田雞等我同朋友鐘意食海鮮於是點左蒜蓉燒生蠔，生蠔肥美新鮮，仲燒得好入味多汁，推薦👍🏻甲羅燒係中式燒烤店出現都幾特別，用上大量蒜蓉味道同日式既唔一樣羊肉串係串燒最愛必點😆而朋友最愛就係燒原條茄子，外焦內軟，而且超大條，食完即飽😂

行完大館係附近閒逛嘅時候發現咗間四川串燒，日式串燒就食得多啦，於是就轉下風味食下四川串燒。餐廳闊落企理，可以同朋友慢慢飲幾杯傾下偈享受假日嘅悠閒。廳員好有禮貌，一坐低即刻送上檸檬冰水。餐牌好多選擇，串燒以外仲有麻辣燙、主食、錫紙包等選擇，辣嘅程度有5級可以選擇，我哋揀咗小辣，食得好過癮。燒牛舌心、韭菜、京蔥、雞腎茄子隔離係牛舌心，大大串，肉質嫩滑juicy，牛油香同孜然香係口中爆發，係一流嘅下酒菜。細細串嘅係雞腎，雞腎爽脆，香料配合得好好食。燒茄子好食到不得了，蒜蓉味好夠但又冇蓋過茄子嘅香甜，香料嘅味道亦配合得恰到好處，最加分係加咗芫茜，平時食嘅燒茄子多數都係加蔥，加芫茜係第一次見，芫茜愛好者必食之選。韭菜好大串，燒完嘅韭菜仲保持翠綠睇得出韭菜嘅新鮮，孜然香味同韭菜好夾，我一食愛上仲encore咗一串添。雞皮、肥牛金菇卷、五花腩肉、豬頸肉雞皮燒得香脆，咬落卜卜脆。五花腩嘅好夠油香，肉質鬆化，邪惡嘅油香同孜然香味別有一番風味，係餸酒良品。而豬頸肉就相對冇咁重油香味，肉質就嫩滑一啲，都好好食。肥牛金菇卷大大串，肥牛燒到焦香，金菇juicy爽脆，係絕配。食咗一輪串燒之後覺得串燒都好出色，好有

嚟到上環SOHO區，比呢間新開嘅串燒店吸引咗！餐牌食物種類非常多，味道亦都非常之好食！叫埋啤酒飲真係一流😍😍麻辣海蜇海蜇夠晒爽同彈牙，涼浸浸嘅感覺用嚟做前菜就一流！🥰蒜蓉燒生蠔佢哋嘅生蠔真係值得推介，餐廳用咗超多蒜蓉一齊燒，生蠔嘅熟度啱啱好，保持住好鮮嫩嘅感覺，而且一啲都唔腥！6隻嘅價錢亦都好超值！👍🏻👍🏻👍🏻👍🏻花甲新鮮彈牙，清酒嘅香味同埋嘅辣椒味道非常搭配！串燒：燒韭菜、燒娃娃菜、燒虎皮青椒串燒方面，餐廳即叫即燒，仲落咗好多唔同嘅香料，小辣嘅辣度啱啱好，好好食😋😋鰻魚炒烏冬呢個烏冬係第二個必食推介，除咗鰻魚分量超多，超好食嘅蒜香鰻魚汁仲吸晒入烏冬入邊，好耐都未試過食咁好味嘅炒烏冬！呢個價錢食到咁高質嘅食物真係好開心！👍🏻👍🏻👍🏻

在只有五六桌的情況下等了一個小時才吃上串燒….只有一兩個服務員、一個廚師，人手嚴重不足，下錯單、上漏菜好幾個客人坐下就走，根本等不及；送餐小哥來了都取不到餐串燒種類還算多，但味道也就一般般，所有串燒都是一樣的調味環境比較簡陋，價格也是高得離譜（餐蛋炒麵88）不推薦，不會再光顧

As we miss the food in China, we try to search for some Chinese local food in Hong Kong. There is a BBQ restaurant near the office that serves food with Chinese seasoning. Therefore, we order takeaway for dinner. We choose Grilled yellow croaker with Minced garlic, grilled pork, grilled Wagyu beef, grilled chicken satay, and eel fried rice. As the food is prepared per order, we need to wait around 25 mins in the restaurant. The food is a strong flavor that feels like eating in China’s restaurant

我多數去SOHO都係食西餐，今次知道有間四川串燒餐廳開咗，特登去試吓。餐廳坐落喺SOHO邊界範圍，預咗都係要行斜路上去，不過咁樣先有中環特色。想食佢啲串燒，又驚自己食唔到太辣，呢度就有得揀可以食BB辣，試咗虎皮青椒、魷魚鬚、同羊肉串，我就最鍾意青椒，上面嘅調味加本身青椒嘅辣味，好夾好過癮。呢排好似好興食花甲粉，叫咗一碗，好多花甲，再加有娃娃菜，用上粉絲，非常大碗，都幾抵食，而且好有風味。咁多種餸菜我最鍾意就係牛肉麻辣香鍋，牛肉入味、而我最鍾意就係佢用上大量不同蔬菜，有蓮藕、青瓜、茄子、四季豆等等，色彩斑斕，唔使一味食肉類。見好多人都食蒜蓉焗生蠔，我都要咗兩客，真係超多蒜蓉，如果你係蒜蓉怪就啱晒，味道非常濃郁。整體來講我覺得呢間餐廳都算幾正宗嘅，味道都算幾好，有時喺SOHO食厭咗啲西餐，我覺得呢度都係一個好選擇，仲有呢度有得食燒田雞，算係香港比較少見，我覺得懷念食田雞嘅人可以嚟試吓！

今日放假，約咗朋友嚟PMQ行吓，行到公園附近見到呢間串燒店。平時喺中環食嘅餐廳都比較貴，見到個餐牌價錢比較上喺中環地區來講比較實惠，所以我哋就決定左early dinner 既地方我哋大概5:30左右入座，所以嗰個時間應該未有人嚟食🤣我哋可以獨霸餐牌都有好多唔同嘅食物種類，除咗串燒之外，唔少非串燒嘅選擇我同朋友都好鍾意食spicy food, 所以我哋d 野食都揀咗少辣叫左蒜蓉炒花甲、燒5花腩肉串、燒厚牛舌心、燒大蔥肥牛卷、重慶酸辣紅薯粉、蒜蓉燒茄子，野飲揀左藍妹啤酒同加多寶！蒜蓉炒花甲好夠辣味，食到少少出汗嘅感覺！好鍾意啲芫荽，有加分蒜蓉燒茄子真係超多蒜，夠晒我鍾意嘅椒鹽味，重口味加入味之選燒5花腩肉串、燒厚牛舌心、燒大蔥肥牛卷5花腩肉好夠味，脆脆地，肥脂唔會太多牛舌唔會好韌，唔會燒到好老👍🏻燒大蔥肥牛卷不過不失！重慶酸辣紅薯粉個碗超級大，分量比我哋想像中多，絕對夠兩個人share食野飲唔洗多講，食串燒最襯飲呢d 如果黎開中環想要試下新野都可以黎呢度try try

喺呢間喺Soho區嘅吳曉串，位置比較隱秘，唔係平時食開佢附近嘅越南河都唔發現佢！我哋試咗清酒煮花甲，花甲新鮮彈牙，清酒嘅香味同埋微微嘅辣椒更係為呢道菜加咗分😌😌。份量都好多，重點係洗得好乾淨，一粒沙都無！作為海鮮控，當然要叫蒜蓉燒扇貝，扇貝肥美得嚟唔膩口，蒜蓉香氣同扇貝完美融合。錫紙花甲粉同樣出色，花甲唔止新鮮，粉絲都吸收咗花甲嘅鮮味，夠味夠香。我地仲叫左燒一口牛柳粒，燒得啱啱好，夠肉汁。食燒烤唔少得d蔬菜。我哋仲食咗蒜蓉燒原條茄子同埋蒜蓉金針菇。茄子燒得外焦內軟，加埋d蒜蓉燒汁勁惹味。金針菇清甜爽口，呢間比嘅蒜蓉一D都唔孤寒，所以食落特別香。總結，吳曉串嘅海鮮串燒特別出色，值得一試。佢裝修都好有心思，有種古代feel。喺Soho區搵呢啲地道串燒嘅朋友，唔妨嚟吳曉串試試。