吳曉串 (已結業)

喺中環飲嘢之前決定喺附近覓食，打定個底先。呢頭比較多酒吧西餐，估唔到都有中式嘢食喎。今日喺鴨巴甸街，沿着PMQ再直上，嚟到呢間主打麻辣同串燒嘅餐廳「吳曉串」，個名都幾攪笑又易記。裝修係中華風，枱同枱之間嘅距離充裕，適合同朋友嚟食住串燒傾偈。食物都可以自選辣度，遷就返唔同口味。串燒我地叫左燒雞皮、一口牛、蒜蓉燒原條茄子、鯖魚、同原條粟米。串燒調味係蒜香帶有少少甜，而唔係一味灑好多孜然粉，食得出食材本身嘅鮮味同保留到水份。茄子超正，燒得啱啱好，啖啖肉。如果雞皮再燒得乾脆啲就更加好啦。麻辣燙最少叫五樣餸，今次揀咗肥牛、生菜、魷魚鬚、紅薯粉同芝士腸。小辣嚟講佢都調得唔錯，食到麻辣嘅香氣，又唔會食得太辛苦。值得一讚芝士腸係金妹牌，夠脆皮又有芝士香。錫紙花甲粉入邊有好多花甲、金菇娃娃菜同粉絲，味道偏向微辣，清清地，可以中和返食完串燒同麻辣燙嘅重口味，份量亦都相當慷慨。

嚟中環飲酒就嚟得多，串燒真係第一次試，仲要係四川嘅串燒。佢位於元創方附近，要行少少斜路先上到。一入到去嘅佈置非常之有中國風嘅感覺，有個紅色大燈籠，同埋揮春。餐牌上面除咗串燒之外，仲提供炒飯炒麵或者花甲粉之類。串燒仲有辣度可以揀，由於唔食得辣，所以揀咗BB辣。蒜蓉燒扇貝先來一個海鮮，扇貝非常大隻，蒜蓉嘅份量亦都非常足夠，鮮味十足。蒜蓉燒茄子食第一啖已經感受到濃烈嘅孜然粉味， 有啲似以前返深圳食串燒嘅感覺。燒雞皮雞皮油脂十足，不過略嫌有少少乾。 肥牛大蔥肥牛同埋配合大蔥的爽身識落非常清新燒雞全翼雞全翼內裏非常juicy 燒翠玉瓜每次食串燒都必點，貪佢有啲菜食 燒豬頸肉豬頸肉被切為六小粒、易入口燒雞髀菇圓形一舊上枱嘅時候都認佢唔出，不過同翠肉瓜一樣都係必點嘅蔬菜燒菠蘿當做菠蘿非常甜

今日要同大家分享一個我最近發掘嘅燒烤店——吳曉串！佢哋主打嘅麻辣燙同串燒真係一流！我同老公都唔食得辣，但都想試下佢哋，所以我地揀咗BB辣。入到去，發現呢間店環境好舒適，仲有個梳化位可以對住街坐！👌首先，我要推介吳曉串嘅招牌菜之一——燒魚腐！佢哋將魚腐燒得恰到好處，外面微微焦香，一切入口就散開，鮮嫩多汁！而且佢哋嘅燒醬同魚腐嘅配搭，真係天衣無縫，味道好濃郁！我一咬落去，就可以感受到魚腐嘅鮮甜同燒烤風味，實在太美味啦！🐟😋接下來，我試咗吳曉串嘅另一款招牌菜——燒田難！嗚哇！呢個真係田難我難以抗拒！佢哋將田難燒得外脆內軟，食落就係一陣香脆，再加上佢哋獨特嘅調味料，令到味道更加濃郁！我一口咬落去，就可以感受到田難嘅鮮甜和炭燒香味，好過癮！食完一個都唔夠，真係忍唔住要再嗌返一份！🌽😍如果你鍾意麻辣味嘅菜式，一定要試下吳曉串嘅麻辣炒花甲！先話俾你知，呢個真係辣爆了！佢哋將花甲炒得剛剛好，肉質鮮嫩，再加上香辣醬汁，真係令人欲罷不能！我第一口咬落去，辣辣嘅感覺頓時湧上來，但係花甲嘅鮮味同辣椒嘅香辣味道好平衡，令人上癮！🌶️😋繼續嚟燒五花腩！吳曉串嘅燒五花腩真係燒得恰到好處！佢哋將五花腩燒得外脆內軟，一啖

蘇豪區出名多bar，川菜相對比較少，見到個名好似好特別就特登happy friday去試😂😂餐廳位置比較遠，喺PMQ再上，所以堂食客人相對較少，但見到有好多外賣單👀✨餐廳裝修行中國風，古色古香路線✨豬頸肉 $38份量適中，主要用粉調味，豬頸肉燒得啱啱好✨肥牛金菇卷 $48金菇菜好新鮮，另外係一小片肥牛包住一撮金菇，價錢比較進取🤙🏻一試無妨✨燒韭菜 $30私心好鐘意韭菜❤️‍🔥呢到嘅食材都幾新鮮，咬落唔會有渣👍🏻✨燒蒜蓉茄子 $68連埋茄子頭上🍆🤣一定係原條🤣🧐燒嘅食物入面最欣賞呢樣，蒜味十足，非常香濃💯🧅✨錫紙娃娃菜 $88價錢好進取，但食落真係唔錯，菜嘅調味汁好惹味，今次嗌咗bb辣，比出面一般餐廳嘅辣多少少，但辣得嚟唔會食得好辛苦👍🏻係會上癮嘅味道👀✨重慶酸辣紅薯粉 $78個人最鐘意呢樣，紅薯粉超級有嚼勁，而且有飽足感👍🏻👍🏻👍🏻✨整體雖然價錢比較進取，但餐廳坐落蘇豪區，裝修都幾有特色，鐘意食辣嘅人不妨一試

去完PMQ睇有啲肚餓就係附近搵下嘢食😋行上幾步就見到依間裝修幾有特色嘅川菜，就去一探究竟先😝餐廳嘅環境都幾適合三五知己一齊嚟食下宵夜chill下傾下計，都幾好feel架燒茄子🍆應該每次食串燒都會叫佢，好夠味又保留到茄子本身嘅水份👍好味錫紙蒜蓉娃娃菜錫紙料理聽就聽得多，食都係第一次🤭🙈又真係幾好味，娃娃菜吸晒啲調味，辣辣地咁都幾開胃避風塘炒蜆蜆肉完全冇沙又夠味，加分加分。如果可以再juice 啲就prefect 啦😝😝總括嚟講佢嘅串燒都真係幾好味，如果想食主食都可以揀下佢嘅炒烏冬都唔錯架。

被名字吸引而來的，吳曉串🤣🤣🤣第一次喺中環蘇豪區食串燒！估唔到有lunch set非常抵食仲有嘢飲！食辣嘢一定要飲番杯馬蹄爽或者啤酒🍻🍻串燒嘅調味同平時食開四川燒烤有少少唔同味道偏甜，食落冇咁辣，更加開胃。推介燒雞皮，燒蠔，牛肉粉絲湯👍🏻👍🏻就算冇套餐，價錢都唔算高夜晚飲完酒嚟食宵夜一流🫰🏻見到隔籬枱食麻辣香鍋都好吸引，不過今次食唔落🤣下次一定要試吓。下次過黎中環呢邊一定會再食🥳

今日同個好食得辣嘅朋友去食飯，要揀間食辣㗎啦🤣呢間餐廳喺中環PMQ上面，地方有少少偏僻，但係周圍都好多好嘢食。餐廳已經聞到好香嘅孜然粉味，但係你又會覺得抽風系統做得幾好，燒烤味唔多。兩個人嗌咗勁多嘢食，因為見到OpenRice話花甲粉係一定要食，所以首先點做個。花甲粉真係好清甜，而且粉絲有一種煙韌嘅感覺，唔會係一咬落去就散，花甲都幾甜，而且份量都唔算少。另外要講嘅絕對係條燒蒜蓉茄子😍初初一上枱以為全部都係蒜蓉，原來入邊係夾咗一啲菜甫，甜甜地好好食。我之後連皮都食埋🤣串燒就帶咗豬頸肉，雞心，雞腎，魚腐，虎皮尖椒。全部都熱辣辣好好食，佢應該係有個獨家調味粉，帶啲辣椒嘅香味。另外甜玉子燒都好值得一題，雖然佢喺甜品嗰欄，但係其實同平時日本嘅玉子燒，燒得好香，好好食😌仲要有三大舊🤣好滿足兩個人都食到好飽😌

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 啱啱行過中環蘇豪鴨巴甸街嘅大家，應該會留意到一間新開嘅串燒店—吳曉串！話唔埋你會係下一個吳曉串粉絲！🌼 蒜答炒花甲 128首先黎個蒜答炒花甲，花甲新鮮彈牙，蒜蓉香味濃郁，啲蒜答炒得剛剛好，吃落口感覺得到蒜蓉同花甲嘅完美結合。🌼 錫紙娃娃菜 88錫紙娃娃菜呢一道菜式，娃娃菜嘅鮮甜同香料恰到好處 👍🏻🌼 重慶酸辣紅薯粉配可樂 58再嚟就係重慶酸辣紅薯粉配可樂，紅薯粉Q彈又滑嫩，酸辣味道恰到好處，唔會過辣過酸。搭配一罐可樂，簡直係呢個炎炎夏日嘅最佳拍檔！🌼 炒辣士豆絲配白飯 68炒辣士豆絲配白飯呢一道菜，豆絲炒得軟綿綿，辣士味道香辣得黎又唔會唞人。搭上一碗白飯，感覺整個人都精神啦！🌼 秋葵串燒 30秋葵保持咗原本嘅口感而且燒得幾香 ❤️🌼 魷魚串燒 55最後黎個魷魚串燒，魷魚質地緊實，串燒香味四溢，必試之選！ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ

吳曉串個名好過癮，店既位置唔係太方便，由中上環過去要一直沿樓梯上先會去到。店內有幾級樓梯要上，行動不便者三思。店內既杯、紙巾套、筷子架…都充滿中式特色呢。好可愛。睇返menu, 呢度以串燒為主，然後有粉麵、小食等，串燒亦有分海鮮、豬牛羊雞、蔬菜、甜品類。我地點左一人一個粉再加少少串燒。麻辣燙：點左有台灣腸仔、牛舌、蓮藕、秋葵、蕃茄配刀削麵，雖然有五個餸但份量剛剛好，唔會太多食唔哂，又唔會太少唔夠食。湯底既麻辣味應該係獨家製，因為呢種麻麻辣辣口感好鮮，味精味唔濃，唔會因為好重味精而要一直飲水。秋葵配搭好入味！牛舌切得偏大粒，口感較韌難咬。芝士撈公仔麵🍜雖然份量唔多，不過因為有非常濃厚芝士🧀️配搭，再加左好惹味既辣椒粉，就令簡簡單單既公仔麵變得好唔簡單。芝士仲係拉絲狀咁掛住係麵條上，真係啖啖都好豐富同罪惡呀😫😫跟住就係串燒類了；呢度有五花腩、豬頸肉、菠蘿同埋魷魚🦑筒，因為有呢度既辣椒粉，令到全部都好惹味，好味！😆😆🤩

吳曉串，聽個名就知係主打串燒。餐廳佈置得古色古香，有種古代酒吧嘅感覺~ 坐得好舒服。 點餐紙最開頭需要揀辣度，食得川式串燒就預咗辣辣地先過癮。原來除咗串燒，仲有小炒、主食、麻辣燙等等，唔驚淨係食串燒唔夠飽！ 燒一口和牛粒，燒得剛剛好，令到和牛粒嘅肉味非常香濃。 燒薄切牛舌，牛舌好有口感，肉質結實，好滿足。 燒魷魚鬚，焦脆爽口，食完一定會想再追加。燒雞皮，雞皮燒完十分香口，咬入口滋脆滋脆，油香味一啲都唔膩。 燒土豆片，土豆片切得薄薄地，爽得黎又淋淋地，上面灑上唔少調味料，好惹味。 食串燒仲要必點燒韭菜！依度嘅燒韭菜調味甜甜地嘅，食落一啲都唔油，好清甜。 由於天氣太熱，即刻點埋冰鎮菠蘿同埋可樂。菠蘿有5片，每片都好厚好有肉，解暑解渴一流，不過如果再冰啲就好喇XD 

大熱天時仲用open door, 完全唔夠冷氣。－去到已經感覺到服務員好似有d問題⋯記性同說話都有問題又似未訓醒，前菜皮蛋不錯嘅。等咗50幾分鐘，大家餓到呢⋯串燒終於到了⋯但係冇啉過點解係凍嘅？又硬又乾嘅？⋯超難食！當時只係有4張枱，共11人，不知廚房攪什麼，全場都投訴，時間，留單，格離枱結帳張單又有問題，有枱想截單趕時間又叫人地先坐坐話d食物很快到⋯總之一言難盡，人生已來去過最惡劣嘅歺廳⋯去過你就畢生難忙，包你有驚喜！

星期日放假去左中上環遊下，夜晚就搵地方食晚餐，見到呢間個名咁得意嘅串燒店，就俾佢吸引到。麻辣皮蛋$78先叫個皮蛋做小食，麻辣醒胃，芫茜同配菜都夠多，加埋麻辣油，一齊食，夠哂開胃，唔會覺得淨食皮蛋咁單調。花甲粉 $78花甲又多又大隻，鮮甜味煮到落去個湯底，配粉絲食真係一流，配小小麻辣味，更加突出到花甲嘅鮮味串燒鯖魚$78 鯖魚基本上係我每一次食串燒店都會叫嘅，因為鯖魚要燒得好食，其實係好花心機，唔可以乾爭爭，要燒到逼到魚嘅油份出嚟，先夠香。呢個做到哂！金菇肥牛$48正常發揮嘅肥牛卷， 肥牛嘅油份充滿係金菇度，每到金菇嘅水份唔會流失得太多。茄子$68呢個係十分之香，因為調味料同蒜頭係一d 都唔偷工減料，燒得又夠火喉，全條茄子都燒到又香又透。雞全翼$65呢個抵食之選，一客已經有兩隻大大隻嘅雞全翼，雞全翼亦都燒得好好，燒得好均勻。雞肉串$38雞肉串燒得唔老，保留到肉汁。

唔好以為串燒店只食串燒，主食也做得不錯，幫襯了幾次外賣，今個週末也不例外…鰻魚炒烏冬烏冬面在所有的面食中，口感深得我心鰻魚很多，醬汁濃郁，切成碎塊，裹在烏冬面上，入味爽滑，配以青豆蘿蔔粒！避風塘炒魷魚鬚🦑一道完全以火候為主導的菜品，很足蒜香味，魷魚爽口彈牙，仲要全部都係魷魚鬚，份量也不少！鰻魚炒飯/ 海鮮炒飯去哪里都無法抗拒炒飯，洋蔥玉米青豆粒葱花，雞蛋打散在米飯里翻炒，還有很大的魷魚蜆肉/鰻魚，炒飯粒粒分明，用料豐富多樣！

今日去咗中上環半山一帶食串燒，行到上來，都成身汗，即刻叫咗罐啤酒兩個人輕輕鬆鬆叫咗半打生蠔🦪生蠔勁多蒜蓉同埋調味，好香；仲有好多汁😛呢度可以自己揀辣度，我哋叫咗小辣，不過下次可以再叫難辣啲😝跟住叫咗-🧆燒一口和牛粒：軟林林好有脂肪感，肉質嫩滑🍗燒雞軟骨：有口感🍗燒羊肉：一粒一粒有羊嘅臊味🎣燒多春魚，一叫就叫咗六條，魚燒得燶燶哋，好香口，勁多春😎🍥燒魚腐：外脆內軟，啲調味都好充足，幾惹味！呢度好友中國風，出面仲有個古箏，通宵營業，好適合中環一帶嘅夜生活😎🤓🤓

朋友喺北京做咗幾個月野，返嚟同我講佢啲同事介紹咗佢去食呢間，話味道都幾正宗，自己都好耐冇食過中式串燒，喺香港食都係第一次。呢度係自助落單嘅，喺張紙上面tick想要嘅嘢食就可以比侍應。汁燒原條魷魚筒($128): 件數都幾多，同埋唔會燒得好乾身，鐘意佢落嘅香料。燒薄切牛舌($45): 雖然佢話薄切但係我都覺得幾厚切，唔會有浸蘇味，而且加埋香料少少微辣嘅感覺，仲保留到淡淡的肉汁，絕對推介。串燒雞全翼($65/2串): 呢個真係必點，本身同朋友掙扎咗好耐，究竟叫雞翼定係要雞全翼好，因為大家都唔食雞翼尖，但係上到菜嘅時候兩個都wah咗一聲，一睇到已經好想食，皮薄之餘，仲燒得好脆，食落去好似玩緊ASMR咁。惹味燒雞泡魚乾($72): 好入味，而且唔會燒得過乾，點埋mayo送酒一流。原條燒粟米($35): 又一推介之選，自己其實去啲燒烤地方都會一定點粟米，呢度特別之處就係加埋中式嘅香料係粟米上邊少少辣真係好正，唔會太over powering，成條可以用筷子篤住黎食。燒五花腩肉串($58/2串): 豬肉處理得好，唔會有蘇媚，而且真係五花腩，食落去啲油脂同香料混合左一齊，好香。燒一口和牛粒($52)