吞POT 雞煲火鍋.住家菜 (譽發廣場) (已結業)

一直都好鐘意食雞煲，但係有時好怕同朋友一齊食會叫勁麻辣既湯底今日有幸同朋友簡左呢間係油麻地新開張既吞Pot（因為佢既花膠湯底係好出名！）主湯底：滋補螺片花膠雞煲對於唔鐘意食主流雞煲湯底既朋友，呢個花膠雞煲簡直係冇得輸！花膠螺片全部真材實料，湯底亦都鮮味十足，令人垂涎三尺！配菜1）象拔蚌象拔蚌好新鮮，份量亦都好多！老闆仲好好人咁教我地點樣煮先好食！配菜2）脆肉鯇脆肉鯇非常好食，經過適當既煮沸，佢肉質岩岩好，真係又爽又脆。我建議大家如果想食下海鮮既話都可以叫呢味餸！飲品1）食雞煲都點少得王老吉解渴呢總結：呢間吞Pot既雞煲真係名符其實既正，個雞煲湯底絕對係必吃之選。下次再光臨我一定會再叫，而且試埋其他菜式！

女朋友細細個受到朋友嘅熏陶，好鍾意食雞煲，今日無啦啦就話想食雞煲，好彩我早有準備，問定啲朋友話邊度食雞煲正，得知油麻地有間特色雞煲火鍋店，就去一試究竟！一入到鋪頭就見到好大嘅魚缸，地方寬敞，枱嘅排列唔會令人覺得好擠迫，可以同女朋友講下肉麻野嘛我哋坐喺窗邊既位置，餐廳用落地玻璃，如果係黃昏嘅時候嚟食就好，風景應該好靚。今次我哋試試新意，我哋叫咗花雕藥膳雞煲（半隻雞），食落雞肉嫩滑大件，彌漫著浸浸嘅花雕酒香，無平時雞煲嘅油膩感，湯底方面，好多材料係湯底到，證明好足料，湯都好好飲，飲完好暖胃。真係冇諗過雞同藥膳可以咁夾，自己平時淨係識叫重慶雞煲嗰啲。經過今日，吞Pot花雕藥膳雞煲已經成為咗我雞煲裏面嘅飛彿！我哋仲有叫一啲配菜包括蘿蔔片、皇帝菜同一個稻庭烏冬，材料好新鮮，蘿蔔卷同皇帝菜索晒嗰湯底，真係食到舔晒👅！最驚喜嘅係佢哋啲飲品份量真係好多，係我哋平時喺出面茶餐廳叫一杯飲品嘅double份量，唔怪得知佢哋叫大檸樂同大檸菜啦食完今次雞煲之後，改變左我平時對雞煲嘅睇法。以前淨係識得食辣味，試完吞pot嘅藥膳雞煲真係返唔到轉頭。一定會再嚟吞Pot！

昨晚一行三人 去試 呢間 花膠雞煲！環境方面 座得舒適夠闊落！一座底 先叫 花膠螺片雞煲 一隻！店員 有禮貌👍🏻！等左大約十分鐘左右！雞煲上場👍🏻十分足料 花膠 都多加算大塊 夠咬口 正！雞夠滑 螺片都ok不錯！湯底👍🏻！而其他 配料 都算大份！其後叫左 象拔蚌 響鈴 油麥菜 冬瓜片！三人食完都話 正！找天再去食過！爽啊！

相信唔少香港人對雞煲都完全唔陌生，尤其係油尖旺區出名既雞煲火鍋鋪頭簡直係多不勝數呀。我黎緊要介紹既呢間位於油麻地既， 質素一流既西餐鋪。Waiter waitress都好親民好好人，服務態度一流呀。事不易遲就介紹下d野食啦，雞煲本身就唔介紹咁多啦，但係佢都有分bb辣至到大辣既，唔係好食得辣但係又想試下既朋友仔就有福啦！另外佢地呢到個配料全部都好用心製作架，擺出黎又排到靚靚仔仔咁，睇到都賞心悅目啦！佢地呢到既肥牛同埋牛丸都好值得試呀，肉質一流！

一直食開旺角店, 點知打電話卜位先知今日冇位, 比接線生推介去油麻地店, 話係新開我見一直食開都好好味, 反正見同公司就去試下, 點知中招花膠湯好咸好難食又油 同旺角食開既差好遠 以後唔會再黎油麻地食 要BLACK LIST 列入黑名單真係唔明 同一集團但味道差咁遠仲有牛肉200蚊碟 痴線架 唔值 得幾塊 不如直接搶我錢好過順帶一提 接線生極到冇禮貌 只係一直話冇位 去新店去新店 完全感覺係我阻住佢咁 好想快D收線咁 真係一肚火今時今日咁既服務已經唔得

餐廳係高層，有落地大玻璃睇到窗外既景色。時間剛剛好睇到日落。面積大，座位多。今次養生d,叫左個花膠雞煲。依個雞煲好足料，有好多雞同花膠，雞肉好嫩滑，味道都好鮮，花膠好爽又好好食。 除左有花膠同雞之外，仲有超甜既螺肉。叫左個爆芝響鈴，係餐廳自創的菜式，件件都係即叫即製，熱辣辣既響鈴上台，入面仲包左一片芝士。係湯度滾幾秒，份面既芝士就到半溶既狀態，炸到脆哂既外層加左半溶芝士係無敵既組合。滑啫啫滑啫啫有齊三種手打魚滑：蟹子墨魚滑、蟹子蝦滑同鯪魚滑。先食左鯪魚滑真係好正，魚肉鮮甜，完全冇腥味，好有魚味，而且超滑超彈！墨魚滑超香濃，充滿墨魚味，個種彈牙既程度真係冇得輸。蝦滑都係彈牙又足蝦味，卜卜脆既蟹籽好夾！

花膠貴為是中國著名四大補品︰「鮑、參、翅、肚中的肚」，其名貴和功效，相信好多人都知道，記得細細個既時候好想食，但係因為太貴，所以都冇乜機會可以食到。直到近年開始興起花膠雞煲，食到花膠既機會亦都增加佐好多，今次聽朋友介紹，黎到方便就腳既油麻地再戰花膠雞煲！餐廳位於譽發廣場，即係由油麻地地鐵站行往潮流特區，中間既橫巷既大廈啦。步進餐廳，其實地方唔算好大，踏入餐廳既一刻已經聞到濃烈既雞煲味，而因為餐廳開張不久既緣故，人流還未算係好多。自配醬料基本上有九宮格既九款，辣椒，豆辨醬，生蒜，炸蒜，沙茶醬，一應俱全，而最好味既芝麻醬呢度亦有提供，用黎配牛肉絕對一流，要搵店員多拿一個碟子用來放。點菜紙既選擇夠多，而且價錢都幾抵食，多點幾款都唔會太肉赤。Meko 椰青水 $20大大枝椰青水賣$20，其實同出面便利店都唔係差好多錢，用黎解渴一流。大檸茶$28名副其實，真係好大杯，大杯都同枝椰青水差不多，大大杯飲落特別爽。滋補螺片花膠雞煲半隻 $168花膠雞煲可以揀一隻或半隻，一隻就要$258，我地人唔多，而且要留肚俾其他既火鍋配料，所以就order佐半隻，不過佢既份量一d都唔少。雞湯既湯底非常濃郁，一如以往

雞煲開到成行成市，我都試左唔少間，吞POT係其中一間我覺得質素不錯，而家佢開左分店就決定去新店再食多一次餐廳係譽發廣場，即係油麻地地鐵一出向住潮特方向行就會搵到，係正彌敦道，位置十分方便餐廳望落去就係彌敦道，望住呢個繁華街景總算開揚其實而家每次打邊爐前我都會好花心機去混個靚醬，但每次最後都發現其實個醬唔係好用得到，因為鍋本身已經好夠味，唔需要再點沾上其他調味MEKO 100%純椰青水 ($20)、道地解茶 ($16)呢度主要出售不同品牌的支裝飲品，飲支裝飲品有樣野好，就係品質穩定同一定衛生滋補螺片花膠雞煲-半隻 ($168)雞煲有半隻或者一隻的份量選擇，金黃色的湯底好足料，有唔少花膠同螺片，花膠有番咁上下厚度，2個人飲完湯，食晒D料基本上都已經飽左大半，所以建議大家食雞煲都係搵多D人一齊食可以食多少少野特級雪花牛肋片 ($138)雖然已經飽飽地，但打邊爐點少得食牛，牛肋片雪花均勻，食落牛味都幾濃，價錢比安格斯平，但質量唔算差好遠自家制鮮蝦雲吞 ($58)一碟有八粒的鮮蝦雲吞，入面有大大隻鮮蝦，雲吞皮夠薄，皮薄餡靚，始終係有豬肉，大家記得灼耐少少先食，唔好心急

油麻地地鐵站附近新開左一棟商業大廈，大廈裏面有好多唔同嘅食店，其中一間叫做吞pot嘅火鍋店，一大班朋友去慶祝生日，一於去食火鍋！入到去餐廳，餐廳裝修好舒服，枱與枱之間亦都好夠空間，同一大班朋友傾計好自在。而且服務一流，值得一讃花膠燉雞湯底一聽到就知道呢個湯底好滋補，而且味道好濃郁，花膠又大又滑，女士們食就啱晒，亦都好適合秋天冬天去食！雪花肥牛肥牛油脂分布好平均，放落湯底桌一桌，啱啱熟就最好食，又香又滑，入口即溶，非常之正新鮮手打蝦滑非常之新鮮，而且蝦味好濃，一碟可以整差唔多20粒，份量啱晒即炸響鈴響鈴非常之酥脆，即叫即炸，上枱嗰時仲好熱辣辣，浸落去湯底幾秒鐘，時間啱啱好，索得到啲湯好入味之餘，又有少少脆口象拔蚌象拔蚌切到薄薄一片，所以放落湯底灼幾秒鐘就可以，否則就會好靱，幾秒鐘嘅時間就剛剛好，又滑又甜又鮮味，而且口感剛好，打邊爐一定要叫象拔蚌！整體材料非常之新鮮，而且上菜速度好快，食物質素又好高，價錢非常合理，屬於番食之選

Fat 是指在這裡的肥牛見到龍吐珠黃金鴨絨親子玩意已經聯想起在旺角吃過一個同樣品味裝修的原來如此是同一家開分店旺角那邊也是無敵城景很喜歡黃昏時刻城市晚境很好👍👌也許很快消失夕陽無限好實在是牛魔王的人聽說7:30前配料小食一律半價我先只打算叫牛肋肉 138$之後立刻加一美國肥牛 同樣138$那知後來的大碟⋯⋯連我牛戀狂都嚇一驚應有36pieces 自由狂吃五點多入場忽然發現窗外天色已暗非常感謝原本以為今晚吃飯僅僅夠那知火鍋料半價真是太驚詫開心呀加上魚湯滿了豆腐紅蕃茄湯身鮮美無比哎食材新鮮調味料精緻位置油麻地市中心真正想不到-這個價錢我認為超值$@七時三十分見

即興去做節睇到屋企附近有間吞POT晚巿BOOK檯仲有85折又咁啱睇到個花膠雞煲好吸引所以就試試啲野有冇吞卜油麻地呢間係新開嘅同樣單點，環境乾淨衛生窗口仲有一籃雞同雞蛋隻雞同佢啲雞肉一樣咁滑食物方面新鮮好食真嘅，唔食辣嘅朋友一定要試個花膠雞煲堅正。

今日超想打邊爐就同男朋友嚟到22樓嘅呑pot食個雞煲啦！佢怕辣又驚熱氣唯有揀個花膠螺片雞煲啦！d花膠好厚身，而且好多件，煲耐d食仲正，入口好多好多collagen 😋d雞都幾滑嘅，但嫌淡味，點翻辣椒好d🙏🏻 但個湯好好飲！好足料嘅住家湯咁❤️另外再嗌左碟羊肉片，都幾新鮮，小小騷味唔錯🐑🐑 仲追加左蟹子墨魚滑，非常彈牙！蟹子好有咬口，正正👅生菜份量都ok野飲要左杯大檸茶，size還好其實，一個人一杯會夠d其實😌

見到新開左呢間雞煲就同朋友仔一戰啦💁🏻唔想食太濃味所以揀左花膠雞煲半隻($168),佢係唔辣嘅，相處重慶雞煲完全係另一回事👀 但好有驚喜，雞件夠嫩滑，花膠爽口，螺片厚實又淋身，唔係難入口😃 而重點係個湯非常好喝，係足料雞湯咁👻 入面仲有d菇咁，都好入口😊 Suggest大家要整隻油碟，可以調翻個味😃之後嗌多個芝士響鈴，好得意個口感，食落有芝士流心嘅，不過真心太膩🤦🏻‍♀️ 另外仲嗌左杯huge lemon tea share😂 2個人飲剛剛好啦，再大杯d更好！呢間舖係22樓嘅，所以望落去個view都唔錯😘

"正直秋風起食火鍋最適合不過.....吞POT 雞煲火鍋.住家菜,於旺角亦有一日間分店!而這間位於油麻地譽發廣場22樓的吞POT是新開張不久的分店。• 調味盤有八種醬料可供選擇。• 自行混出的醬料又麻又辣,重蒜香!• 這個螺片花膠雞煲"色.香.味俱全!• 脆鯇魚片,切得較厚肉令到灼時不易鬆散!• 桂花蚌跟珊瑚蚌,總覺得兩者是一雙一對的,叫桂花蚌就必定要叫珊瑚蚌!• 海蝦肉質爽彈,新鮮不黏殼!• 象拔蚌,夠厚肉十分抵食!• 冰菜,平日在超級市場看到售價都比其他菜略貴一點,但這裏冰菜跟生菜.菜心等都同樣售$28元,抵食!冰菜口感更爽!• 新鮮淮山放在這煲螺片花膠雞湯底煮十分合襯!• 皇帝菜• 自創自家制爆芝響鈴,比平日食的響鈴特別得多,一啖咬下芝士隨之流出,十分過癮!

同朋友都未食過雞煲 所以想搵左好耐 最後決定食吞pot係油麻地新開嘅分店試下😝呢間店係樓上21樓 算高層 係旺中帶靜嘅感覺 我地簡左窗邊位 可以係高處睇到彌敦道繁華嘅鬧市 兩個女仔 一見到花膠雞煲就好想食😍😍 係難得可以係出面街食野都咁補🙈 真係第一次係出面食咁健康嘅食材😆花膠好滑 半隻都有幾多花膠 係真才實料👍 雞完全唔同平時出面食飯個d 感覺 有種好新鮮 嫩口嘅感覺😍 好好食！最令我欣賞嘅係佢嘅湯底，夠濃郁 好似呀媽煲d 雞湯🤤 平時唔會想食d味精湯底，但今次我飲左成碗 好有住家湯嘅感覺👍👍👍 雖然價錢係最貴 但我覺得絕對值得一試😆呢個都係間店嘅賣點 係新鮮炸嘅響鈴！ 仲要入面有流心芝士！未食過咁好食架🙈 一碟有8粒鮮蝦雲吞～皮薄包住大大粒蝦👍間店服務態度都好好 員工成日主動問我地洗唔洗加水😆貼心😝下次要帶屋企人食先得😆