吞POT 雞煲火鍋.住家菜 (譽發廣場) (已結業)

天氣好凍呀，不過12度最啱就打邊爐，暖笠笠打邊爐好正呀。這裏有景，唔係話好靚景色，但係一路打邊爐，一路望住外景，我覺得都幾好享受。我們叫咗一個午餐，係蘿蔔牛肚牛筋腩，一個滋補螺片花膠雞煲，叫左罐韓國芒果啤酒 。個蘿蔔牛肚牛腩午餐超好食，好入味，個牛全部都好正，雖然味精有少少， 但係真係好入味，呢個午餐就好正，不過因為天氣好凍，如果飯同餸能夠好熱嘅話，就更加好啲，飯同埋啲餸唔夠熱，再熱啲嘅話呢就真係超好食，仲有個湯送，個湯都幾好飲，仲有杯熱菜蜜，都係56元，另外個螺片花膠雞煲就好特別，第一次雞煲入面有螺片有花膠，雞煲個湯超濃，雞湯味係好濃烈嘅，個花膠都幾多，有螺片 ，雞都有味道嘅，好好食， 整體都好滿意，同埋有個景色都幾靚，座得好舒服，有好野食，有景觀望

去旺角搵食真係好好，多選擇，想食咩都可以搵到！今晚好想打邊爐，又想食雞煲，朋友提意去搵新餐廳試下，行到彌敦道見有間新開嘅樓上雞煲，一於就食佢啦～～<胡椒豬肚雞煲> 半隻個煲一上枱就有濃濃嘅胡椒味，眼見配菜超多，有豬肚、粟米、白蘿蔔，如果兩個人食，基本上係唔駛再叫菜！先試下個湯底，又香甜又濃嘅胡椒味，雞件大件又夠滑，食唔到雪藏味，不錯！雞煲梗係要配埋<酥炸魚皮>，真係好酥，明顯魚皮要好薄先炸得到呢個效果，點湯食真係好好味！正野！超大粒嘅<鮮蝦雲吞>，食到入面有兩隻大蝦，好足料，而家味道唔會覺得好味精，不錯！再嚟又係大大粒嘅<手打墨魚丸>，打得夠彈牙，入面仲有墨魚粒，好味！胡椒湯底配冬瓜又係好好味，同白蘿蔔有得比，清甜，煮完個湯仲會更加甜，可以試下，不錯嘅配搭！<牛柳粒> 頓時失色了，個人覺得不太特別。整體嚟講食物係不錯嘅，由其他們自家制嘅雲吞同手打丸，值得推介！而店員上菜同收碟嘅速度夠快，又會推介食物，而且唔會覺得要食得好急趕嘅感覺！不錯不錯！👍🏻👍🏻

臨近聖誕節， 差不多每個星期六同日都約滿晒朋友慶祝， 呢個星期日就揀左呢間朋友介紹既特色火鍋！而呢間火鍋店係油麻地同旺角既交界位置， 非常方便， 仲居高臨下，係22樓， 果晚坐窗邊位， 仲睇到樓下車來車往既街景， 真係好正！上到去梗係睇下有咩好食啦！嘩。。。有成幾十款可以揀， 真係花多眼亂我就叫咗個四川麻辣鍋（小辣），鍾意食辣嘅人必叫嘅！真係會食到個咀超麻，好過癮打邊爐點可以無肥牛， 頂級雪花肥牛，肉味濃， 唔點任何醬汁都好好味好多人會覺得打邊爐食午餐肉好怪，但其實超好味，特別係配麻辣火鍋嘅時候仲有腸仔蟹柳都唔錯皇帝菜都好新鮮，份量都幾多㗎烏冬係到稻庭烏冬嘅，正呀呢度連小食都有， 我地叫左碟炸大腸， 外面熱辣辣脆卜卜， 裡面煙煙un un，超好味我地仲點左杯凍檸茶， 上檯發現係king size，好抵總結：餐廳位置好方便，火鍋配料選擇又多，仲有小食添，下次同屋企人再食

呢個星期既天氣突然凍左好多， 天氣一凍就即刻諗到打邊爐！咁岩星期日同屋企人出旺角行街， 行完街就梗係要揾食啦！平時成日都食火鍋放題，質素都一般般， 所以今次特登揾間唔係任食既試下先！一入到去就比個魚缸吸引左， 裡面有幾條魔鬼魚游黎游去！非常吸睛！窗台邊都好有心思， 有片草地加一巢雞仔， 可愛到呢！我地一坐低， 侍應哥哥就拎左個醬料盤比我地整色整水先！普通既豉油，辣椒粒， 葱， 蒜，都一應俱全！值得推介既係個芝麻醬， 唔似出面果啲好稀既， 味道都好正！頂級雪花肥牛， 肥瘦均勻， 牛味極濃！帶子肉質彈牙， 放入湯度淥一兩分鐘， 味道鮮甜！豬頸肉厚薄適中， 肉質都好爽口！蝦滑*重點推介*超鮮味， 食得出係真係鮮蝦打成！如果唔係因為太飽， 一定會encore!唐生菜都好鮮嫩爽甜！飲品區亦有好多選擇呢度啲侍應哥哥好有禮貌，態度都非常好！下次同男朋友出黎旺角， 一定會再黎食過！

見天氣轉涼, 老公話好耐無食雞煲想食, 但我又怕熱氣, 點算好? 花雕藥膳雞煲就岩晒, 2個人叫左半隻雞, 加D 菜, 岩岩好. 最正係佢D 雞件, 好滑時間火喉剛剛好, 一D 都唔鞋! 佢D 醬料都好齊, 蔬菜都好新鮮. 見隔離枱一大班人開party 好開心, 叫左好多海鮮, D 蝦好大隻, 仲係跳緊既! 非常新鮮! 同埋D 肥牛都好大碟又靚~ 下次同埋D 朋友黎會叫多D 海鮮同肥牛試下! =D

這晚天氣轉涼咗想食番啲滋補嘢，竟然發現到呢間火鍋店喺晚上9點半後所有火鍋配料有5折, 連牛肉都有得折, 不過湯底和所有飲品除外! 螺片花膠雞煲 - 好多花膠和螺片, 好味, 而且個湯重好好飲添, 飲完覺得好滋潤! 1++韓牛肉眼 - 好少火鍋有韓牛, 有半價就叫黎試下, 不過真係有啲失望! 因為韓牛太失望, 所以再叫安格斯牛小排, 都係安格斯好味好多! 見到這盤色彩繽紛既十全大寶丸, 包括有生拆蟹粉墨魚丸,黑松露墨魚丸,黄金海膽黑墨丸,香煎鵝肝蝦丸,芝心牛丸, 整體味道都幾好! 爆芝響鈴-第一淡覺得同平時食既無分別, 之後再咬深少少先食到芝士, 啲芝土好香濃, 而且非常酥脆, 好味!還有其他食物和飲品, 自家炸魚皮, 油麥菜 鬼佬手工啤酒, 柚子真露和咸檸七!

由於旺角、油麻地、佐敦一帶既火鍋店，真係多到不得了，而質素又真係好壞參半。難得放假可以同好姊妹一齊出去搵食，梗係要做定晒RESEARCH先啦，睇到"吞POT"既食評同相真係好吸引，而D野食都好有特色。所以決定一試，睇下係咪真係咁好食先！地點十分方便，油麻地地鐵站A2出口行過去，都唔洗5分鐘！睇下有咩好野食先，我地叫左個沙嗲湯底，嘩....一打開個蓋D香味真係湧出黎呀！湯底裡面有D菇、木耳、大豆芽！呢個湯底極極極香濃！讚！再黎叫左個鮮蝦雲吞，真係唔係講笑，係堅有隻爽口彈形既蝦係裡面架！之後叫左個開心樂園餐，個名咁搞笑，梗係要叫黎試下啦！呢個餐係有午餐肉、腸仔、芝士腸同蟹柳！呢D食物無論係邊度食都唔會太特別，而呢度最特別既係隻碟！好可愛既雞仔黎架呢！其實仲叫左好多其他野食，而因為我地掛住食又掛住傾計，所以都唔記得影相添！最後，呢度服務態度一流！食物新鮮！一定會再黎過！

花雕藥膳雞煲呢一間雞煲想食好耐了，今次嚟到油麻地，見到佢有新開張，同朋友黎試一試，有幾款雞煲可以選擇，我諗都應該唔錯，最尾我哋揀咗花雕藥膳雞煲，雞煲有少少藥膳嘅味道，不過唔會話好濃，兩個人食嘅份量亦都好足夠，啲雞都幾滑下，唔會話恰到已經好鞋，花雕嘅味道亦都好出，一食就食到，真材實料，冇揸流攤。叫餸方面都有啲特色嘅配料，最有驚喜嘅係有一樣野叫做芝士響鈴，平時啲響鈴只會係脆卜卜，今次中間有埋芝士，咬落去芝士流出黎嘅感覺實在太好了。除此之外，當然不少得每一次食雞煲都會叫嘅蝦滑，墨魚滑，鯪魚滑呢三寶。我尤其是欣賞蝦滑和墨魚滑，呢一間整得真係好味道，好彈牙，最重要嘅係食得出有蝦味，和墨魚味，好難得。肉類方面今次叫咗羊肉，好新鮮，好有羊味，恰幾恰就食得，好爽皮，我自己本身好鍾意食羊，真係樂在其中。仲有叫咗牛骨髓，滑流流，份量好多，好大條，放落去雞煲會吸晒雞煲嘅湯底味道，係一個不錯嘅配料選擇！呢間店舖性價比好高，好抵食又好味，下次再來！

小弟雖然做緊嘢 但太鍾意日本所以逢禮拜一都會喺油麻地上日文堂原本諗住放左學後同朋友一齊打邊爐但一個二個都唔得閒 只好自己一個打啦咁啱前幾日喺openrice碌碌下見到喺油麻地開左間吞pot 仲要喺主麻辣雞煲加火鍋夜晚9點後仲要全部火鍋配料半價作為鐘意食辣食麻嘅我 二話不說就book左位但最失策嘅喺我到前一日都仲記得小弟喺book左油麻地嘅吞pot 點知果日放左學後 小弟竟然去旺角果間以免失約 小弟跟住又行返去油麻地果間白白浪費左小弟大半個鐘嘅時間明明油麻地果間吞pot喺正小弟上日文嘅對面今次就當做一次教訓 出發之前喺要再三檢查當終於到達正確嘅目的地 可能因為果日唔喺好多人小弟有幸被安排左坐喺窗口位雖然喺望落彌敦道同內街 但喺喺22樓居高臨下望落去喺真喺別有一番風味因為太趕 行到有啲攰 坐左底抖緊順條氣順便睇緊個Menu 諗緊等陣叫咩好個侍應就即刻上左個醬料九宮格比小弟 小弟鍾意食辣 準備叫個麻辣火鍋湯底(我都想食雞煲但一個人真喺有難道)所以醬料小弟就淨落左豉油配蔥同炸蒜因為喺落單前已經有店員問左我食咩煲落左單唔洗五分鐘個麻辣火鍋湯底就上左睇個色就知一流 料又非常足雲耳 芽菜 辣椒乾

首先地段方便🚇一出地鐵站就好快搵到岩曬我呢啲路痴舖位地方闊落，枱與枱之間不會太密集不會為生意而擺太多枱👍🏼👍🏼👍🏼滋補螺片花膠雞煲第一時間即刻飲碗靚湯，濃而不咸我地2人，所以只叫了半隻🐔但仍然超級足料，花膠螺片各大約有10舊size都正常，一啲都吾寒酸🐔雞份量都算多十全大寶丸🤟🏻非常之大粒，整體味道都不錯，粒粒墨魚丸都有墨魚粒，好有咬口手打黑松露墨魚丸- 雖然黑松露味比我想像中淡(可能我幻想得太濃)我男友本身都抗拒黑松露，但都覺還可以接受手打黃金海膽黑墨魚丸-海膽味不大，但墨魚丸搭救我本身超愛食海膽，所以期望比較大手打香煎鵝肝墨魚丸-有一小舊鵝肝在中間，鵝肝味香手打芝心牛丸-本身不好芝士，但食落去很有驚喜芝士好似加左點忌廉，令到芝士不會太濃而且有點流質，岩曬我呢啲少吃芝士👍🏼手打生拆蟹粉墨魚丸-雖然蟹粉不多，但入面有不少蟹肉絲味道不錯水魷👉🏻 爽口，份量都多肥鵝腸👉🏻望落肥膏好多，落完之後肥膏會無 比較易縮，變到好細條9點半後，小食同火鍋料半價🤑所以2人結賬300幾蚊，都算抵👍🏼👍🏼👍🏼

突然心血來潮想食雞煲，本身打算食66雞煲，但上完OpenRice 睇左一輪就俾吞pot旺角分店嘅一面倒review 吸收左即刻訂位😝油麻地個位置幾好方便易去，坐得舒適，同感覺比起平時食雞煲嘅餐廳乾淨得多。雞煲都好多款簡，但第一次都係想食番重慶麻辣雞煲（少辣）真係整得超香超好食！😛辣度適中，煮得好香，其他配料款款都好正，簡左 必食嘅牛三郎 同十全大寶丸 ，點知食完雞，已經滯左😅好滿足！牛三郎好正，有雪花肥牛，牛肋片，牛柳粒三樣都好好食，啲丸好正好足料，食到Lam Lam 脷😋野飲又夠唒大杯，一定會再去😎😎😎下次一定要試佢個小食酥炸魚皮😋😋

今晚終於有機會試到想食好耐嘅雞煲啦～ 有好多種唔同嘅雞煲湯底揀，我地揀左藥膳雞煲湯底，咁凍嘅天氣，要補補佢～上左雞煲之後再加熱一陣就可以食左d雞件先，兩個人半隻雞，如果唔係好餓嘅話都已經飽飽地。不過好似我地咁餵食嘅，梗係會再嗌多幾樣餸啦～依度又有我最愛嘅響鈴，不過同其它地方有少少唔一樣，佢係自家製嘅芝士響鈴，入面真係有芝士㗎！將成條響鈴浸落湯底幾秒即刻拎翻起，一啖咬落去，d芝士味好濃郁，都幾正～依度都有平時少見嘅牛骨髓，比我之前食嘅都要切得厚d，要落去好有口感。下面依個三色手打滑都幾好，有蝦滑，鯪魚滑，同墨魚滑，個人最鍾意嘅就係蝦滑啦～我地仲嗌左羊肉同埋菜，成個晚餐都幾完美～

「吞POT」一聽即聯想到打工仔心聲，個名改得咁好，即約朋友一齊去試一試。我地選了滋陰螺片花膠雞煲($168細)，花膠很多，湯底很濃，整個雞煲非常足料，感覺很養顏。特級美國肥牛($138)，牛肉色澤鮮豔，紋理均勻，灼一灼就食得。冰菜($28)，全身覆蓋一層冰珠，看起來晶瑩剔透，脆嫩可口，還自帶鹹味。餃餃陣($90)，個名很有趣，自制韭菜餃、自家制鮮蝦雲吞、自制蟹粉蟹肉雲吞和魚皮餃各兩隻。手打四寶丸($92)，牛丸、蝦丸、墨魚丸和很特別的黑墨丸，粒粒都很彈牙。食到很飽，吞POT完一餐，明天又要上班。

要推介下係油麻地問咗間上樓選料極致既雞煲火鍋 - 「吞POT雞煲火鍋 -住家菜」、一入去店內充滿了「小雞」裝飾襯返晒個店主題巧打耳，個餐牌又得意同用心又「吞POT招牌沙律」、「開心樂園套餐」、「十全大寶丸」、「滑嘟嘟」、「餃餃陣」等等起攪笑!我地全女班當然試佢地個招牌「滋陰螺片花膠雞煲」、真係非常足料啖湯又濃推介女士必食之選。佢地D丸唔怪之得叫「大寶丸」, 堅彈牙同埋仲大過個一蚊雞 >0<, 佢有款黑色墨汁丸好驚喜呀,  招牌肥牛個賣相已經值100分, 另外「餃餃陣」又係用左不同新鮮餡料包韮菜餃係其中要再安歌既食物 。當我地心大心細要咩菜時, 店員即時介紹佢地今日新鮮之選 - 冰菜, 大家即是起哄因為見過但未試過, 當一來到時急不及待即淥即食, 果然好爽口感好正, 個樣真係好似粒粒冰蓋面。

平時都有聽食開雞煲既朋友介紹吞pot嘅雞煲，今次放工同媽咪就黎左試吓依間新開嘅分店！ 
環境同其他雞煲好唔同，坐係窗邊位，望到出邊既夜景，食起雞煲上黎多番寫意。

一入到去打開餐牌就見到有好多唔同款式嘅招牌雞煲選擇，因為想選擇比較特別既，所以今次就選擇左滋潤螺片花膠雞煲。等左唔係好耐就有，超多料既湯底好似飲緊老火湯咁，而且雞件都好嫩滑，最正係佢啲花膠，超厚食落淡淡口感十足，啱晒想食雞煲但係又唔想食咁油膩嘅人，清清淡淡既鮮甜湯底但係又食到嫩滑嘅雞。

兩個人因為唔係食到太多野，所以叫咗兩款配菜，當然唔少得嘅就係招牌自家製芝士響鈴，每次打邊爐都必食嘅響鈴喺呢度就更加特別，一片片嘅芝士夾係脆口嘅響鈴中間，在鮮甜嘅花膠湯底輕輕帶過幾秒，香濃嘅芝士溶化係響鈴中間，入口外脆內軟，個人覺得十分特別。另外都叫咗一份紅薯粉，以為係闊薯粉，但係呢度用嘅係紅薯粉同出面唔同，比較幼身，有啲似檬粉，配埋個花膠湯底就好似平時食緊湯麵咁樣，但係湯底更加濃更鮮甜。下次會叫埋成班朋友來起到食就更加抵啦，咁就可以食到更多自家製嘅配料，整體黎講雞煲都好特別又多選擇。