吞POT 雞煲火鍋.住家菜 (譽發廣場) (已結業)

平時呢去開食雞煲，好多鋪頭啲位都會好迫😟坐得唔舒服😣呢一間雞煲叫吞pot,所以佢啲位都唔迫，可以坐得舒舒服服！慢慢嘆😁個雞煲我哋叫咗香辣味嘅雞煲！因為有人唔鍾意食麻辣😩由於我哋兩個食嘢都唔多！(玻璃人）所以呢我哋嗌嘅嘢呢都唔係話太多！我地叫咗個唐山菜，餃餃陣，佢係有四種餃組成的：有雲吞啦，有菜肉餃啦，有魚皮餃。我哋仲叫左一碟肥牛，牛肉嘅脂肪比例都好均勻唔錯！總共四樣嘢我哋都食唔晒啦🙈難得坐得舒舒服服，有人叫左1664，我就叫咗個大檸茶！見到佢啲響鈴都好特別，入邊有紫菜嘅希望下次呢嗌多啲人嚟可以食下試多啲嘢啦🤓

凍既季節最適合既就梗係食熱辣辣既火鍋，係就快寒假既時節，我跟朋友去左佢好想試特色雞煲既餐廳放鬆下聚下舊可能因為我地早去，一入到去已經比我地坐窗口位，睇住咁既風景食飯係唔錯既一黎店員已經放低八款配料用嚟配豉油，同埋香我哋介紹有乜嘢雞煲好推介，瞬間我哋已經揀咗比較少見嘅滋補螺片花椒雞煲餐廳係用電磁爐放置雞煲，上菜嘅時候已經好興奮，因為就咁睇相表面就已經係好濃郁嘅雞湯配上好多材料雞湯飲囉的確唔係味精湯，而係好重雞肉熬出嚟嘅雞湯，同埋因為有花膠同螺片，雞湯顯得好甜同埋好濃郁同時需要唔夠湯加水嘅時候，店店員唔係加清水，反而係加番煲好咗嘅雞湯，認真唔錯花膠亦都好入味有彈性，同埋好多片就咁一個雞煲就已經可以食好多round雞肉、花膠同螺肉有時打邊爐打得熱，就會想叫杯凍嘢飲，lee杯鹹檸七非常推介，無聊用手指度度到好大杯，比其他罐裝飲品更加抵飲總括而言，呢餐食得好滿足，材料高質好食，望埋個景一流

今日又到我的午市飯堂，換了餐單一樣多選擇。$53套餐，盲鰽很新鮮，有足料老火湯、大大白飯、一碟灼菜、一杯餐飲，很滿足，還有所求嗎？！四個套餐的主菜：蓮藕炆腩仔、魚香茄子煲、豉汁南瓜蒸排骨、古法蒸盲鰽。蓮藕炆腩仔、魚香茄子煲好惹味，配白飯做餸一流，豉汁南瓜蒸排骨是我的新嘗試，南瓜蒸排骨味道很夾，今日吃的紹菜夠腍甜。很醒胃香脆份量可不少的西檸脆魚柳和上圖四個主菜，我們齊分享，口感更豐富了！人均消費$55，很滿意又滿足。

假期食完下午茶，係附近(近上海街果頭)間舊式戲院睇完戲，戲飛又抵戲戲院空間又大，邊睇邊傾計都唔會嘈到隔離位，正。睇完見戲，察覺天氣突然轉凍先知天文台話連續9日氣溫會持續10度左右，原本打算食煲仔飯，但行到半路，經過油麻地呢幢大廈，比佢好光猛既街地外牆玻璃吸引(之前放工都成日經過見到2,3樓有食肆,但無幫襯過)，反正驚趕唔切排煲仔飯(條人龍應該要排到2046先有得食)，索性入去發掘下有咩好吔。入到呢幢大廈原來有好多樓上食肆(其時大約6點多大堂唔算多人)，無意比呢間店名『吞pot』引起注意，見佢有得揀打邊、食雞煲或住家菜，兩個人決定食雞煲就殺左上樓。入到鋪發現空間感幾大，可能係佢樓層高一眼望出去係大玻璃望到晒油麻地彌敦道既街景，我地好彩坐到貼近窗邊睇到街景，好開揚，感覺舒服。由是晏晝食完下午茶果餐仲未消化得晒，怕點太多食唔晒，兩個人最後點左個香辣雞煲(半隻, 少辣)、自創爆芝響鈐同埋個時限冰菜。自己混醬個雞煲10分鐘就上枱，打開煲蓋滲出濃濃佐料香味，雞煲份量雖為半隻，但件頭唔少，份量頗多，配料亦多，夠晒兩個人食量。雞煲超入味，雞塊好滑，肉很嫩，每件雞塊都沾滿且滲透晒香辣醬汁既味道，點左少辣

聽就聽得多真係食就第一次一坐低簡咗個朋友好中意食既雞煲辣酒花螺雞煲，佢有幾個辣度比你簡一簡其他配料我諗都唔諗就簡佢個十全大寶丸因為我中意佢賣相同埋佢有5款丸所有丸都係新鮮手打丸唔似平時果d急凍丸所以會比較痴丸有蟹粉，鵝肝，黑松露，芝士，海膽佢個味好正，真材實料仲有佢個自家制芝士響鈴無油益味，勁新鮮但我覺得就咁響鈴會好食d有芝士會蓋過咗響鈴味呢兩樣真心推介既佢既青瓜特飲同西柚特飲好大杯如果中意食青瓜既人一定中意飲但西柚味可以再重d重點佢係5點半食7點半前走佢既小食同配料可以有半價所以都算抵既

今日放學又去「吞pot雞煲。住家菜」吃午飯，客人坐得滿滿的，等待約10分鐘才可入座，又有新菜餚，不過客家蒸鯇魚已經售罄，我們點選A、B、D、E、F五份客飯。每位客飯都有中式餐湯奉送蓮藕菇粒蒸肉餅，蒸肉餅每次都能保持腍滑有肉味的水準，但我較喜歡夠香的魷魚蒸肉餅和味道較濃郁的梅菜蒸肉餅！奇味蘿蔔金錢肚份量多就非常抵食，不過我沒有吃到「奇味」！吃到是正常的蘿蔔金錢肚味道！每位客飯都有一碟時令清菜，吃起來真方便！籠仔炸菜牛肉飯就非常有住家菜感覺，因為牛肉沒有用梳打粉，所以有正常肉質口感，而且味道很清，炸菜就帶起籠仔蒸飯的好味道。每位客飯都有一杯餐飲

又係瘋狂打邊爐呀食雞煲呀嘅的季節了🍲（其實我一年四季都打邊爐🤫）▫️星期五叫返個🐚🐔螺片花膠雞煲(HKD168)滋補一下返左五日dry爆既working day先✨好多螺片同花膠呀！正～不過個湯底就咸左啲▫️十全大寶丸(HKD136)🍡全部都係手打: 蟹粉墨魚丸/黑松露墨魚丸/黃金海膽黑墨魚丸/香煎鵝肝蝦丸/芝心牛丸 好特別✨▫️ 即炸爆芝響鈴(HKD32)🧀香濃既芝士加上吸哂湯既精華 JENG😈

夜晚約左朋友去油麻地食野, 因為時間尚早, 就去左旺角果邊行下先, 到大約20:00左右就去左吞pot到打邊爐, 呢間係我朋友推介我地食! 我地去到都差唔多爆場, 我地就叫左個bb辣雞煲, 我地唔食得好辣, 但如果唔辣的話就好似無左雞煲當中既味道!我地仲點左少少火鍋配料, 有雲吞、手打墨魚滑同只有呢度先有既即炸芝士響鈴。打邊爐又點可以唔飲野呢?我就叫左個大檸茶, 可以解解辣!我地等緊雞煲既時候口痕就叫左個辣酒煮花螺食, 花螺同大檸茶秒速送到!辣酒煮花螺都幾辣, 但就好惹味, 食螺既時候都食到辣汁既味道, 螺肉好爽甜, 食完仲有少少回辣既味道!雞煲登場!!!半隻雞都幾大, 個職員話可以即食, 雞肉好嫩滑又入味, 同埋d雞件係肉多骨細, 食到啖啖肉, 我地兩個好快就食哂, 唔會好辣, 但又有辣椒既香!食到咁上下就加湯, 雲吞同墨魚滑都係自家制, 雲吞粒粒都好大粒, 入面仲有一隻大蝦, 皮薄餡靚, 肉味都幾香!墨魚滑上面有好多蟹籽, 所以食落口感豐富又彈牙, 鮮味十足, 果然無叫錯!最後只有呢度先有既即炸芝士響鈴, 淥3下就食得, 咬落去爆芝士, 好香好惹味, 呢個必叫!呢度食物高質素之外,

冬天到，打邊爐可以驅趕寒冷~油麻地雖然多餐廳，但想揾一間抵食而且有質素既火鍋好似比較難。呢間位於譽發廣場22樓的吞POT火鍋店，雖然店鋪唔算大，但可以見到個油麻地夜景，空間感好好，完全唔會覺得好迫，而且打住邊爐睇住夜景感覺好正。餐廳入面座位算寬敞，而且有電視，可以一邊食一邊睇電視劇。醬料盤選擇都好多，一般的醬料都好齊全。呢間餐廳唔係任食火鍋，不過價錢算實惠，湯底價錢大約港幣60-90元，配料都好便宜。餐牌有得揀火鍋湯底，或者雞煲湯底，選擇好多，而且辣湯全部都有得揀辣度，可以跟返自己口味。但今次我地就試下唔辣先，下次先食辣！今次叫了芫茜皮蛋鍋和招牌鮮魚湯鍋，芫茜皮蛋鍋好香，兩個湯就咁飲都已經好正。一點完湯底，d侍應就會拎個醬料兜過黎，自己整返岩自己口味既醬料。今次配料揀得比較清淡d，因為想最後可以飲埋個湯。薯粉同芋絲吸哂d湯，豆腐亦都好襯個湯。象拔蚌切到薄薄一片，所以放落湯底灼幾秒鐘就可以，否則就會好靱，幾秒鐘嘅時間就剛剛好，又滑又甜又鮮味，而且口感剛好，打邊爐一定要叫象拔蚌！另外，佢既炸魚皮新鮮即炸，熱辣辣，又夠咸同脆，點唔點湯都一樣咁好食！下次會叫埋成班朋友來起到食就更加抵啦，咁就可

在油麻地地鐵站附近，有一間叫做吞pot嘅火鍋店，想試好耐，襯朋友生日，一於去食火鍋慶祝！呢度成棟大廈有唔少餐廳，而朋友帶我去既呢間吞pot係22樓，坐係窗邊仲可以俯瞰高層夜景，幾爽。我地去既時候比較夜，所以一入去就有位。我哋座位安排喺窗邊，望向大角咀方向居高臨下個景都幾靚，感覺好似踏足新天地！餐廳裝修好舒服，枱與枱之間亦都好夠空間，同一大班朋友傾計好自在。而且服務一流，值得一讃！座位都幾寬敞, 啱晒吹水, 散叫, 唔洗計時比人趕。醬料齊全, 自選, 估唔到仲有芝麻醬同麻辣醬。朋友最返話少肉多菜，所以今次叫了芫茜皮蛋鍋和招牌鮮魚湯鍋，開頭擔心湯底太清，點知驚喜十足，我地最後勁飲湯。叫了碟海中蝦，隻隻都跳跳下，真係俗語話“生蝦咁跳” 超新鲜蝦用鲜甜！芋頭出奇地同個魚湯好夾，本身魚湯煲到有小小結，加上煮到林哂同吸哂魚湯既芋頭簡直係極品！另外都叫咗一份紅薯粉，以為係闊薯粉，但係呢度用嘅係紅薯粉同出面唔同，比較幼身，有啲似檬粉，配埋個芫茜皮蛋和招牌鮮魚湯底就好似平時食緊湯麵咁樣，但係湯底更加濃更鮮甜。大家記住先飲咗湯先開始打邊爐因為個湯真係好正。整體材料非常之新鮮，而且上菜速度好快，食物質素又好

朋友話好耐無食雞煲，於是就陪佢黎呢間吞pot雞煲火鍋度試下。一去到，餐廳都幾大，而且位置較闊落，唔會坐得唔舒服。餐牌設計值得一讚，好靚，好吸睛。我地兩個人，叫左半隻雞，配上重慶麻辣湯底(bb辣)。個雞煲一上檯，即刻香味撲鼻，賣相唔錯，見到都流曬口水啊。雞肉好惹味，又夠滑，而且都幾多件雞肉，舊舊都係多肉噶。配料亦好足，有大量朋友最愛噶洋蔥，佢一個人清曬。朋友唔食牛，所以我地叫左呢個西班牙頂級黑豚豬腩片。真係好好味，最怕食到豬肉有雪味，呢個完全無，仲有一陣陣豬肉香甜未，又唔鞋，勁正。手打蝦丸，粒粒都好大粒，有蝦味之餘又彈牙，好抵食。呢度d菜噶份量絕不欺場，全部都係大大份，未試過出街叫娃娃菜係甘大份噶。而且全部都好新鮮。炸支竹，第一次食，朋友點的，話好好食。一試，果然無介紹錯，d支竹索曬d湯底，好惹味。雖然係邪惡左d，但一次半次ok啦，最緊要食得滿足。呢間雞煲噶服務態度都好好，員工都好友善，上菜同加湯都好有禮貌同效率。

聖誕快樂！慶祝聖誕節正日嘅晚上， 每個人都會揀食西餐。而我就冇乜特別，也因為西餐餐廳於聖誕節一定好多人和價錢唔平。 所以今年就揀選中式火鍋餐廳，其實聖誕節食咩有咩所謂啊..最緊要係同對你好嘅朋友食便足夠。呢一間餐廳改個名非常特別而且好新穎，話說間餐廳個名叫吞pot ，但係我一啲都唔覺得老闆係咁樣嘅為人去招待客人。先食雞煲後食火鍋料 ,雖然呢一間火鍋店不是任飲任食，每一碟每一支嘢飲都要消費， 我哋揀左 七個餸都已經飽肚。

在旺角行完大型時裝店，朋友介紹去一間雞煲火鍋店叫 吞POT 雞煲火鍋.住家菜，一入店肉見到裝修是以火鍋做主題。店員好親切推介左出名的雞煲，於是叫左半隻重慶麻辣雞煲，雞煲咀嚼有麻辣感，雞的鮮味出了來，我們一口氣食完雞煲都認為唔夠喉，跟住店員落力加火鍋湯底，好期待一陣火鍋的時候是會有不同食材。手打墨魚丸，真係自家制而且粒粒手打，墨魚丸咬落很結實，裡面的墨魚粒好彈口真是充滿鮮滑。西柚特飲夠大份量，西柚味很突出再加檸檬味令人想飲多些。

冬至好多人都會食中餐,但搵左好幾間酒樓都係食套餐,仲要係一圍12位既套餐。所以最後揀左打邊爐,凍凍地剛好大家坐埋拾下拾下。每位10蚊醬油費。揀左個花膠雞鍋湯底,湯好甜,但d花膠我就覺得一般啦。食物方邊都算多野揀,小人食既話可以叫佢既小套餐。<開心樂園餐>其實就係午餐肉,蟹柳,腸仔,芝士腸,每樣兩件,但要成60蚊都幾貴。另外丸, 餃子都有套餐,又係每樣一,兩粒。帶子算大粒,有6粒,蝦都新鮮,但份量小d囉。整體食物算唔錯,無時間限制,如果想打個中價邊爐都係一個好選擇。

趁著入冬，食雞煲打邊爐往往都係一大班朋友聚舊ge不錯的選擇。朋友介紹我地去旺角一間有住家感覺ge呑pot雞煲火鍋店，忙裡偷閒暢談一番。雞煲: 唔知曾幾何時，雞煲已經同打邊爐掛勾，打邊爐前食個野味ge雞煲，真係令食慾大增！雞肉好入味，少少辣多滋味，趁熱食好正！芫茜皮蛋鍋: 我地另外點左芫茜皮蛋鍋做湯底，清清底都幾好，健康d又可以食到食材ge原汁原味。打邊爐勝在食物款式多，大家一齊呷下呷下好過癮！令我最回味ge就有以下幾款！自創爆芝響鈴: 響鈴就食得多，但有芝士ge爆芝響鈴真係有創意，響鈴新鮮即炸，配上熔芝士，味道一流👍🏻冰菜：好少見到呢種菜，今日更係第一次食。一入口。非常爽脆多汁，一試難忘！棉花魚肚：軟綿綿ge魚肚索晒湯汁，係好食ge打邊爐材料！手打墨魚丸、手打蝦丸：打邊爐點少得呢兩款最佳「丸友」！手打新鮮，而且口感彈牙爽口，正！愉快誇啦啦😋