吞POT 雞煲火鍋.住家菜 (譽發廣場) (已結業)

成日都食日式火鍋好耐冇食過雞煲邊爐啦😫老公話有朋友介紹一間雞煲好正咁就即管試下堅唔堅先🤔有好多款雞煲揀喎，唔想再食辣辣雞煲喇！就試下個花膠螺片先有驚喜🎉估唔到有好多花膠喎😱D雞好滑個湯勁好飲，堅似飲緊花膠雞湯咁😍滿滿的骨膠原👍🏻自創芝士響鈴🔔脆到好似食薯片咁咬深d先食到芝士，好香濃原來芝士同腐皮係咁夾嘅💕好多款唔同嘅手打丸本來好想試佢個「十全大寶丸」但又怕食唔哂所以叫左個手打蟹粉墨魚丸試下入面真係有蟹粉🦀粒粒都成個乒乓波咁大！正！叫左美國肥牛好味🤤菜都幾多下，唔會得個2條仔👍🏻整體感覺好好環境企理，乾淨下次搵一大班人去可以試多d野食👍🏻

跟居住新界的朋友吃飯，最好就是去旺角/油麻地這些位置，可惜，這些旺區大部份餐廳都設有限時，傾不了多久～我好運，找到這間樓上，既不用等位，又不會被人趕走的餐廳餐廳環境竟然還比我想像中好、寬闊檯與檯之間不會太近，亦不會很嘈。調味料架不但整潔，而且種類選擇夠多花雕藥膳雞煲$138好濃杞子味！沒有很鹹雞肉好入味、好滑！感覺件事好滋補泰式生蝦刺身$58首先好抵食，因為有好多隻蝦！雖然沒有冰塊墊著，但依然夠冷讚！個醬都好惹味酸酸辣辣又開胃！Wasabi牛柳粒$58牛肉質素不錯，肥肥地，幾香！Wasabi弓鼻一下好刺激朋友和我各自要了一杯特飲，好大杯！抵飲！我杯青瓜特飲好fresh！是梳打，好解渴！因為只有我跟一個朋友去，所以叫了不是很多食物，下一次叫多一點人來，嚐嚐其他東西

今次re-u 搞手推薦呢間樓上邊爐餐廳，讚佢食物新鮮質素高而且環境乾淨舒服，於是大家都投贊成票🙋🏻🙋🏻‍♂ （畢竟搞手難做，難得有人提議當然要支持下。）黎到當然第一時間揀雞煲定一般湯底。我地見雞煲好似抵食d同埋隔離幾枱都叫雞煲，於是決定叫呢個招牌螺片花膠雞煲（全隻）試下。個煲黎度侍應好細心咁提我地小心煲邊辣手，轉見佢唔小心掂到，即場示範，好搞笑。真係好多料，d花膠同雞件食極都仲有。味道方面都唔錯，湯底唔會過油，應該有落雞湯，雞唔鞋花膠有咬口得黎又夠lum,可能係我地手勢好！？哈。碟牛雖然唔平（無記錯成2百幾蚊），但質素同份量都成正比既。雪花分布均勻，唔太肥，色素鮮紅，綠兩綠唔點醬都已經好好味，貴野果然唔同d。蝦膠落左蟹子，撈埋一齊綠似食緊好彈牙既龍蝦丸，手打果然唔同d。健康一族既我當然會叫菜食，打邊爐都唔一定要變食肉獸掛。粟米粒有白有黃，食落鮮甜多汁。唐生菜望落十分翠綠，食落爽口唔老，用黎配埋d肉一齊食最岩。

雞煲我們一向吃開重慶雞煲等等的任食雞煲，雖然是任食，但是總覺得味道不太好，而且環境也不太舒適。而今天我就和朋友一起到了這家雞煲火鍋店吃晚飯。當我們上到餐廳時，也被餐廳的舒服環境所吸引。而在食物方面，這次晚飯的重點雞就讓我們十分滿意。首先，雞的肉質鮮嫩，配合小辣的汁液，吃得我們津津有味，我們恨不得再多叫半隻雞來吃。而在其他食物方面，我們則叫了肥牛、午餐肉、腸仔等，點上美味的湯底，簡直是100分的享受。特別的推介是芝心牛丸，來到這裡一定要試。

難得同個舊同事們去旺角油麻地行街，行到咁上下就肚餓諗住打邊爐，之後就去左呢間近油麻地既火鍋店，個名叫吞POT 好搞笑😆入到店同一般火鍋店好唔同，樓面乾淨環境好舒服。地方走廊枱都廣闊，所以食得好舒服，如果坐近窗邊仲有旺角夜景睇，同朋友去好好feel😄入正題啦，淨係個湯底就已經不得了。因為近排大家都覺得好熱氣，所以我地都一齊叫左個唔辣既雞煲做湯底，叫滋補螺片花膠雞煲嘩真係有驚喜，個雞煲好多料，睇得出望足心機整出黎，d雞同花膠都幾多之後重點推介呢個芝士響鈴，新鮮炸夠脆仲要有芝士，開頭都覺得又”芝士呀”😳既感覺，但誰不知芝士同響鈴既配合係咁好，我地個個仲要搶住食第二個特別推介係大寶丸，大大粒得黎幾有驚喜，我食左兩粒，一粒有海膽，一粒有鵝肝，大家可以一試之后就到魚皮餃，我地等左好耐既魚皮餃，原全係足料十足。放落口個皮既同個湯底精華混埋一齊真係清新, 涵多食肉獸一定好滿足最後叫左份帶子試下，真係大粒同新鮮，值既，又爽口彈牙，真係唔錯架呢

晚餐填飽肚子最好食火鍋，位於旺角彌的「吞POT雞煲火鍋.住家菜」，主要是提供住家菜、雞煲餐、火鍋.......等。重慶麻辣雞煲(半隻)，重慶麻辣湯底的雞煲乃是以香辣濃味為主要特色，鮮味醃味的切雞配以洋蔥蔥菜等調味，煮落熱辣入口美味質感嫩爽呢！自制蟹粉蟹肉雲吞，乃可雞煲後的湯底火鍋，手制的蟹粉蟹肉雲吞浸落麻辣湯滾騰煮熟後，咬落肉質嫩熟滋味十足，盡顯麻辣湯下的雲吞風味。都有叫墨魚丸好食亞。椒鹽豆腐，椒鹽香油炸的硬豆腐粒，再點些醬油，入口自然熱辣美味嫩滑。

由於將近入秋，所以約朋友來打打邊爐，我哋當然要補補佢啦，所以叫咗滋補螺肉花膠雞煲。呢個雞煲真係好足料，湯料有大大嚿花膠，仲有螺肉同埋好多舊雞。湯底呈白色，可以即刻飲，雞汁味入晒湯底，花膠味道濃，仲有好多骨膠原超養顏呀。至於雞件味道相當補，秋天食就相當合時，而雞肉質滑溜之外，加上花膠骨膠原，就令感覺份外補身。另外必叫嘅仲有美國雪花肥牛，賣相非常靚，雪花分布平均，肉質顏色鮮明，用來放湯非常合適，因為脂肪比例平均，而且湯底養顏，令牛肉鮮味更突出。跟住叫內赤貝肉，望落已經見到顏色夠新鮮，用嚟放湯大概20秒，赤貝肉會自動捲起，呢個時候食就最啱啦，肉質好爽，而且仲夠嫩滑，赤貝味道嘅鮮味同湯底嘅雞味混合，味道更昇華。最後仲有炸魚皮，係餐廳自家製，一食就知係新鮮炸起，除咗夠熱之外，魚皮比薯片仲要脆，但係就無咗陣腥味，只有魚既新鮮味道。

同事升職話要請食飯，佢請當然佢話事啦，佢就揀咗一間近公司嘅餐廳，佢話你間餐廳出名食雞煲。個人來講唔係太好辣，但係同事做老細，佢話要食辣，咁當然老細話事啦。我哋叫咗一個香辣雞煲，未拎到埋黎已經聞到陣辣味，雞煲擁有濃烈香辣蔥味，雞肉食落滑口之餘，陣香辣味從未食過咁香，簡直引人入勝。佢嘅辣味係令我明知越辣越想食，好似有種魔力咁樣。火鍋配料叫咗佢哋推介嘅手打四寶丸，四種丸第一種係牛丸，係鮮牛肉味，而且肉汁濃郁，加埋種辣味更好食。另一種係手打蝦丸，蝦肉非常鮮甜，另外兩種白色嘅係手打墨丸，墨魚肉質夠滑，而且墨魚味相當濃，黑色嘅係黑墨丸，系墨魚再加墨魚汁，味道非常獨特。佢哋話另一樣必叫嘅係象拔蚌，賣相夠新鮮之外，食落味道真係好有海鮮味道，而且加上湯底辣辣地，比合味道嘅香辣海鮮味好味好幾倍。最後係我叫嘅即炸響鈴，一放上枱我就要夾起一舊黎食，熱到辣嘴之餘，質感仲非常脆，點一點個湯底，即時變成辣響鈴，變成另一樣好味嘅小食。

十月天氣開始轉冷，新陳代謝加快，所以容易肚餓，又想食麻辣雞煲，但又怕辣，很頭痛吖，行近旺角收到張吞pot雞煲火煱單張，見到雞煲款式超多，有藥用的花雕藥膳雞煲，爽口的胡椒豬肚雞煲，勁辣的重慶麻辣雞煲，辣酒花螺雞煲，还有滋補的螺片花膠雞煲，養顏的蜜瓜爵士雞煲，正吖😋😋，决定上去試下佢。上到去，傾左一輪，決定叫鍋香噴噴滋補的螺片花膠雞煲，雞肉和花膠，螺片真材實料，份量十足。花膠食落爽口，雞肉嫩滑，連湯不禁飲了幾碗，滋潤下喉嚨先，哈哈😆聽營養師話先叫碟蔬菜食吓，費時最後落會吸哂d油。生菜夠晒翠綠，入口鲜甜，一d都唔老，連我唔最意食菜既fd都爭住食。滑嘟嘟有包括三種手打款式，蟹子墨魚滑，蟹子蝦滑，鲮魚滑，款款都有齊，全部新鲜手打，爽口彈牙叫了碟海中蝦，隻隻都跳跳下，真係俗語話“生蝦咁跳” 超新鲜蝦用鲜甜👍，不禁Encore了

同朋友仔每年都一齊慶祝生日，不過次次都食西餐，今年想特別D諗起天氣開始轉涼，又好耐冇食雞煲，就揀呢間試試啦，因為知道呢間有藥膳雞煲所以就想試試佢我同朋友二話不説點左個鍋先，然後嗌左半隻雞，嘩唔係講笑，D雞多到呢😱唔好講咁多，首先要歎下個湯底喇個湯飲落去唔太咸，而且好有藥膳味道，好正吖，感覺到用好足料去煲湯底，個湯底隱若見到D妃子，紅棗，仲有D北芪吖個湯好好飲吖，我同朋友飲左幾碗先開始食雞D雞件都幾肥美，肉質鮮嫩，只係感覺啲雞皮肥咗少少不過我哋兩條女都食晒另外仲加左響鈴肥牛墨魚滑同埋油麥菜，雖然食完隻雞都已經覺得好飽 但係其他嘢都好新鮮，我哋都食晒下次會再嚟試吓其他湯底係咪都係咁正PS: 其實環境都算唔錯，地方又寬敞又有電視而且都好乾淨....另外好緊要嘅嘢一樣野，以前食雞煲食到成身都係雞煲味，呢間啲味好輕微，加分

近排好多（老外高層）黎左公司，番工想吞pot真係唔易，唯有等放工。今晚見天氣開始涼涼地，就約左幾個舊同事黎打邊爐。 上網見呢間餐廳個名咁盞鬼（立刻產生共鳴），又有得網上訂位，於是就決定黎試試。我早左黎，所以叫住杯野飲等住先。杯野好大杯，又夠氣，好爽 Hea下睇下電視，終於等到佢地黎齊 邊爐醬料款式齊全，容器唔油，感覺乾淨企理粟米好鮮甜，雞煲好滋補 雞件好滑 餃餃陣包括4種餃，每款兩粒，岩哂我地d三兩意，樣樣都想試既人d滑好彈牙。最欣賞佢d蝦滑墨魚滑加左蟹子，味道口感提升左不少十全大寶丸大大粒，好彈牙，很不錯

今晚約咗同事去食雞煲，為咗方便大家，就選擇咗方便嘅地方，試呢間主打食雞煲嘅餐廳，餐廳對住一大塊落地玻璃，可以望晒油麻地同旺角，景觀唔錯。一去到當然叫咗重慶麻辣雞煲啦，一擺上台就已經聞到嗰陣香濃嘅麻辣味，問到流晒口水。一嚿嚿雞件食落已經覺得相當惹味，因為用咗好多香料去煮，加埋麻辣呢個主角，個麻辣辣味唔會太勁，因為叫咗小辣，但有保留左嗰份麻味，呢份麻辣味令人越食越想食，而雞件肉質夠滑，仲入晒味添。打完份雞煲，即時叫職員加返湯底，就可以傳火鍋啦。打火鍋又點少得肥牛呢，叫咗特級美國肥牛，肥牛雪花分明，加埋麻辣既湯底，肉質夠滑之外，仲好惹味添。除咗肥牛，仲有即炸嘅響鈴，呢份響鈴連埋酸辣醬，即食夠晒正，因為夠脆，仲脆過薯片，所以即食又得，放湯又得，但係我鍾意即食，因為其他地方食唔到咁趣架。除咗火鍋料，仲有小食，例如叫咗脆皮炸大腸，炸大腸都係新鮮炸起，皮真係勁脆，裏面就爽滑，比街邊食到嘅更加好味。最後食埋新鮮嘅生菜，放落湯品嚐埋麻辣既味道，令整餐非常飽滿。

天氣轉涼當然適合一班老友記一齊打邊爐，有老友提議去油麻地，佢話上次同同事去食過都唔錯，咁一於信佢啦！呢度打邊爐最出名食雞煲，叫咗個呢度馳名嘅雞煲，滋補螺片花膠雞煲。聽個名就夠晒養顏啦，食落都相當足料，我哋幾個人叫咗一隻雞，雞肉食落非常嫩滑，仲夠晒入味，因為湯裏面有齊螺片同花膠，所以雞肉食落去顏值相當高，連皮食仲嫩呀，湯底仲可以飲埋添，白色嘅湯證明用料夠火候夠。火鍋配料仲夠晒新鮮，有墨魚滑，係用人手打嘅，撈埋蟹子落去，煮大概2分鐘，食落相當鮮味，而且質感夠晒滑，加埋蟹子嘅粒粒口感，實屬唔錯。仲有鮮蝦雲吞，賣相一睇就知相當足料，足料到就嚟爆出嚟，一食就知夠新鮮，裏面嘅蝦肉夠滑又夠甜，食得出手工嘅味道，係用心嘅製作。其他料仲有生菜，又綠又新鮮，仲有炸魚皮，即食又得，因為即叫即炸，所以卜卜趣，放落湯又得，吸晒湯裏面嘅精華，又有螺肉味同埋雞嘅味道，味道層次非常豐富。

<好好食呀個雞煲😋🐥>旺角726 呢棟大廈係有勁多好野食 😍今次黎到呢間吞pot係專食打邊爐 其實自己都覺得過份 一個人黎食😈 入面環境都幾闊落 好似比較企理d既酒樓甘 . 今次單拖上黎純綷想試下d邊爐味如何 好食就約埋三五知己一齊去 於是就點左🍽重慶麻辣雞煲 半隻中辣 138 蚊🌶🐥雞煲用黑色高身瓦煲裝住 保住温度 用明火爐燒住 充滿香味，一上枱就食得😋雞肉好滑溜呀！ 雖然半隻 但d肉大大件 又彈牙 葱花 🌱辣椒 胡椒🌶 等材料調味得好出色 咸度適中 醬汁黏稠程度好夠完全俾雞肉吸哂十分入味😋 辣味又夠同平均 加埋爽口洋葱好好食呀😋🍽炸大腸 🐖原價58 做緊promte半價 29 蚊 大腸炸得十分香腸 收油收得好 唔會太肥膩 入面既肥肉帶有少少彈牙 加上菠蘿🍍 中和番豬油 😌夾埋一齊 加上甜酸汁食 好味😍Score 平均分 <8/10>Taste 味道：👍🏻🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻🏻👍🏻👍🏻👍🏻~~~

星期六晚既旺角永遠都係人山人海，想避開人潮食個晚餐？Sorry wor, 唔卜位你都係要同焗住同其他人等🤷🏿‍♂️想walk in都有位坐既話，就要有啲運氣先得喇（即係今餐😆）間野係新開張無耐，環境唔錯，六點幾入座有得坐窗口位，可以望到旺角夜景haha 窗口邊擺左盤雞仔喺度🐣店員好落力推薦胡椒豬肚雞煲，盛情難卻下就叫左半隻了；惟有下次先試花膠雞煲啦一分鐘唔使，雞煲就出現喺我地面前喇！一邊滾一邊有香噴噴既胡椒味，豬肚食落好有咬口，胡椒味滲透哂入去；半隻雞既份量已經好多，朋友講笑話凈食雞已經好飽了🤤叫左盤中間價位既肥牛，味道唔錯啊，色澤同厚度都好好👍🏿呢個要推介下！就咁睇無特別，其實內藏一塊芝士，浸兩下擺入口，溶溶地既芝士漿即刻湧出黎，爽啊😎除此之外仲叫左羊肉片、出前一丁、金菇同唐生菜。中間黃色果盤叫做開心樂園餐（$60），唔建議叫黎食。原因？唔使講啦😌有眼睇打邊爐唔飲野唔得啦，呢杯正正常常無咩特別埋單每人三百幾，食好啲既話呢個價錢差唔多啦。如果下次再黎，應該會好頭痕：食多次胡椒豬肚雞煲定花膠藥膳好？🤔