吞POT 雞煲火鍋.住家菜 (譽發廣場) (已結業)

天氣涼返一放工 ,就同朋友相約前來吞pot ,正宗雞煲王，一打開餐牌就被彩圖的手打丸吸引，雞煲湯底就非常多選擇，有四川辣，螺片花膠，辣洒，魚湯等，除了湯底之選外，餸菜也非凡多，其中餐單以璩頭取勝其中點叫冰菜，牛肉粒，丸類更別具特式，有鵝肝蝦丸，海膽墨魚丸，黑松露的口感，非常創新各式其式的手打丸更加係店的首創，獨有，其中一粒細味彈牙，而且芝心的，我們點選的魚肚湯更加係湯料十足，牛肉粒呈鮮紅色，非常新鮮冰菜對於朋友們更新穎的選擇，我們看起來的菜身呈一點點水珠，但食落口感清甜且爽口，一流呢

身為邊爐愛好者, 前幾日收工夜晚19:00點幾就同朋友去左試依間火鍋店, 位於油麻地都算近地鐵站, 好方便易搵, GOOD!因為預早Book定位去到吾洗排隊就可以入坐, 一坐低就嗌定野飲, 打邊爐又點少得啤酒呢!叫左兩個鍋, 一個滋補螺片花膠雞煲 ($168/半隻雞) 湯底夠味, 花膠口感都算膠, 好飲仲有重慶麻辣雞煲 (小辣, $138/半隻雞) 小辣對我黎講就真係冇咩刺激性, 中意食辣嘅朋友可以嗌中/大辣 叫左3碟靚肉, 下面個碟係西班牙頂級黑豚豬腩片($108/碟, 大概12塊) 價錢中規中矩, 話明豬腩肉就一定係要肥先好食, 依碟都幾肥又重豬味, 加落雞煲湯底到淥超正, 吾洗點豉油都夠曬味 韓國頂級1++牛肉眼 ($288/碟, 10塊多啲) 一睇就知靚牛, 雪花紋幾靚, 食落口感好豐富, 肥而不膩, 略嫌牛味不夠, OVERALL都係正!頂級雪花牛肋片($148/碟, 有差不多20塊) 份量黎講足夠算抵食, 肉質頗嫩, 不錯重點介紹依個自創爆芝響鈴($62/6件) 超好食, 芝士味好重, 係市面未見過, 真係要試下, 中意食芝士必點依個, 吾食芝士嘅可以點另一個普通炸響鈴自家

之前見過好想食的吞pot都係度開左分店，一於同朋友上來踩踩點🤘🏻🤘🏻大堂同電梯都好舒服，一上來見到少少人排緊隊，可能因為閒日，排幾分鐘已經可以安排到位，好開心😍😍一入門已經聞到好香的雞煲味道！坐低見到宣傳單張上面有特別推介螺片花膠同辣酒花螺的雞煲，8個人可以叫曬兩個煲👏🏻👏🏻👏🏻其他的雞煲只能下次再試！唔夠幾分鐘已經上左雞煲，好濃郁的雞湯，半隻雞都好足料（有好多花膠，螺片），醉酒花螺都好香，花螺勁新鮮彈牙。叫左一杯大檸茶，好大杯，為左之後可以打邊爐的原因，全都煲都係半隻雞，但係已經好滿足！另外見到餐牌有勁多選擇，湯底,雞煲,丸餃，肉類，海鮮，菜類，飲品都有不下數十款，仲有我最愛的1++韓牛💗💗，第一時間點來試看看，食完雞煲之後加湯打邊邊，一次過滿足兩個願望😌👏🏻火鍋配料都來得好合時，新鮮的韓牛1++一大碟，流曬口水，落一陣就已經食得，入口即溶，嫩滑的程度已經非文字能形容🙈🙈二百幾蚊份量好足夠，一人都可以吃到2塊左右🤝👍極度邪惡好味的係即炸芝士響鈴同自家魚皮，熱辣辣甘吃魚皮都係第一次，香口得來又脆卜卜✌十全大寶丸，四寶丸，餃餃陣都有驚喜，大部分都係自家制作，同出面好唔同，彈牙好味，海鮮方

有大大杯飲品選擇 食材種類也充足位置就腳 人流不太多魚湯同麻辣湯底也是推介的上菜時間也滿意廁所衛生程度還可以接受打邊爐來說中規中矩但雞煲上次食B.B. 辣都頗辣，打邊爐果陣都要轉湯底先得。

香港人最愛火鍋，我亦唔例外。店內環境也不錯、座位坐滿後都好闊落！調味料好多選擇，基本的蒜蓉、麻醬、辣椒都有齊。泰式生蝦，又爽又甜，食生蝦最重要的是蒜和辣椒，醬汁香濃之餘又帶少少辣，作為開胃菜非常適合!呢間火鍋店有即時食嘅小食，我哋叫咗個椒鹽豆腐，好好食，又夠咸又夠脆！我們選了芫茜皮蛋鍋同魚湯，湯底都算好足料下，皮蛋也比酒樓的火鍋多，未開始烚野都已經飲左好多湯!我哋仲叫左一碟肥牛，牛肉嘅脂肪比例都好均勻唔錯！肉質好嫩，望上去偏瘦但食落不韌之餘仲好易入口，會令人食到停不了口！不得不提既係芝心響鈴，新鮮炸好，膽到卜卜聲，芝心軟綿，多重口感!希望下次呢嗌多啲人嚟可以食下試多啲嘢啦。下次一定要同朋友再來食雞煲先得！

今次同屋企人嚟就試唔辣既花膠雞湯。離遠見到店員捧個煲己經聞到好濃雞湯味，而且煲內勁多雞件同花膠，充滿膠質。呢間火鍋店有即時食嘅小食，我哋叫咗個椒鹽豆腐，好食到不得了，夠咸夠脆！店員話炸芋頭同響鈴係即叫即炸。響鈴係上菜個陣已經聞到好重豆香，響鈴幾特別，中間有芝士，喜歡芝士的朋友一定要試下！聽到岩岩上獲既喳喳聲，浸三秒可以食啦，芋頭係外脆內粉，很實心。安格斯牛小排分量都幾多，左下係我一隻手。唔好睇佢薄薄地，食落牛味好，油脂岩岩好，一粉足夠六個人食啦!食到尾聲仲有少少位，就試埋佢地既酥炸魚皮，新鮮即炸，好香口同好脆，魚皮比其他餐廳比較新鮮好多，極度推介!總括而言，尼間餐廳的食物唔錯，真材實料，款式又多，仲可以係廿幾樓望著油麻地的景黎食，都有另一番風味！

約一大班朋友食飯，真係好難約到仲要考慮咁多人，食啲咩好，地點方唔方便，今次我朋友介紹呢間位於油麻地嘅火鍋店一次過解決曬所有問題，一大班人出嚟慶祝非常開心。除咗位置方便之外 因為屬於高層，而且仲有好多落地玻璃，完全同平時火鍋好似酒家一樣密室嘅感覺一啲都唔同打邊爐打到咁high class真係第一次。火鍋嘅選擇都非常之多，太多不能盡錄所以介紹幾樣我覺得最好食嘅俾大家。首先介紹嘅係，牛魔王我嘅最佳拍檔牛柳粒，牛柳粒非常之香滑 價錢亦都非常相宜，如果你都鍾意食牛嘅一定唔可以放過佢。另外即炸響鈴亦都非常之好食，響鈴已經成為香港人近年最受歡迎嘅火鍋配料，呢間火鍋店為咗突破，推出咗即炸爆芝響鈴，響鈴裏面，有一嚿芝士擺落火鍋。一咬落去芝士醬標出嚟，令人一試難忘去到一定要試，小弟就覺得非常之好食。另外蝦滑爽口彈牙，配上上面嘅蟹子攪勻，涮佢大概兩分鐘，非常之好味。火鍋嘅缺憾就係要等佢水滾，但呢間火鍋店非常之窩心，有啲即時食嘅小食，我哋叫咗個即炸豬大腸，好食到不得了，爽口彈牙之餘外面嘅脆皮咬落去颯颯聲直情係正呀！下次一定要同朋友再來食雞煲先得！

聽同事說來過這間有名的火鍋店，吃過芝士響玲番唔到轉頭，講左好耐咪約下班好朋友加埋我家胖蕉一起去挑戰！哇！一入去就見到電視位，啦啦聲霸左先，一邊打邊爐，一邊睇電視傾計好爽。我們叫左個花膠响螺雞煲兼湯底，鍋一到就吃得，唔洗似其他店錦要等滾熱，岩哂放工極餓的我們！有別於其他的仲有雞煲本身唔係杰達達個種，而係好似我奶奶平時煲既湯錦又濃又重料，入面除了雞，仲有花膠和螺片，平時第一時間吃雞先，今次係飲啖湯吃下花膠先，認真滋補！吃完雞，例牌都是加湯打邊爐！有2樣快食推介，先說同事推薦的《芝士響玲 $124/6卷》，一到枱剛剛炸起的，一片未溶嘅芝士夾入響鈴入面，浸一浸湯，大概2秒左右就夾起，這個時候芝士就溶了，奇妙的時刻來了，帶湯還少少脆的響鈴配合溶溶的芝士真的口感太棒，很合拍，怪不得是火鍋店必食之選！然後另一種快食推介，就是火鍋不能不吃的牛肉！是次我們點了韓國頂級1++牛肉眼（$288），牛肉油脂分布平均，口感很豐富，一入口就是一種滿足感，份量算多，一點就是一大盤。另外，他們的手工丸也不錯，點了個十全大寶丸（有手打生拆蟹粉墨魚丸、手打黑松露墨魚丸、手打黃金海膽黑墨魚丸、手打香煎鵝肝蝦丸、手打芝心牛丸

同幾個好友一齊食飯，我哋揀咗打邊爐，因為可以食耐啲，一路食一路傾吓計，其中一位朋友推介左油麻地一間火鍋餐廳，因為環境好舒適，食物又好好食，一於去滾一滾! 鴛鴦湯底平時最鍾意點嘅就係呢一個鴛鴦湯底，貪佢有沙嗲味同埋莞茜味，鍾意濃味啲嘅就食沙嗲味，鍾意清啲嘅就可以食芫荽味，兩邊都各有各特色，兩邊都好好味。五色大寶丸呢一道菜非常之特別，每一種丸裏面都會有唔同嘅餡料，有墨魚丸配黑松露、墨魚丸配鵝肝，非常之有特色。每粒丸一咬落，餡料嘅汁必哂出嚟，外面好彈牙，裏面好多汁，口感一流。美國鮮味肥牛打邊爐必食肥牛，所以肥牛質素好重要，呢間餐廳嘅肥牛脂肪同肉嘅比例勻稱，灼一灼就可以食，入口好滑，而且肉味好濃，屬於高質肥牛，一定要點皇帝菜唔係嘟嘟火鍋餐廳都有皇帝菜點，皇帝菜味濃，同沙嗲湯底嘅味道好夾，非常適合打邊爐食。餐廳環境舒適，位置方便，景色優美，服務員態度和善，食物質素亦好高，值得推介。

油尖旺嘅火鍋店可謂開到成行成市要突圍而出 一定要有佢嘅過人之處之前朋友介紹去過旺角嘅吞Pot雞煲火鍋賣點當然係居高臨下 環境開揚 坐得舒服而呢間喺譽發廣場嘅分店 當然亦保留咗呢樣selling point 火鍋店位於22樓可以遠眺油麻地鬧市景緻枱與枱之間亦有一定間距 唔焗促 最啱一路食一路傾同旺角分店一樣 同樣有一個超吸晴嘅大魚缸湯底方面選擇咗最basic嘅芫茜皮蛋鍋同香濃沙嗲鍋芫茜皮蛋夠曬清熱下火 鍾意清淡嘅朋友就啱曬沙爹鍋嘅材料亦相當豐富 有芽菜 木耳 秀珍菇味道夠濃郁 甚為惹味吞pot最出名嘅一定係自家《手打十全大寶丸》全部都手打 夠曬彈牙而且每款特色丸類裏面都隱藏咗唔同嘅餡料每一口都夠曬驚喜 創意十足特別鍾意以下四款《生拆蟹粉墨魚丸》 蟹粉分量唔算少 可以食到絲絲蟹肉《黃金海膽黑墨丸》 金黃色嘅海膽同黑墨丸形成強烈對比 墨丸爽口彈牙 海膽夠甘香《香煎鵝肝蝦丸》 蝦丸相當足料 一口咬下 滲出鵝肝油份 驚喜十足《芝心牛丸》 咬落爆漿 小心燙親 牛味相當濃郁 同芝士相當夾另一驚喜之選《自創爆芝響鈴》響玲平時食得多 不過加入咗芝士確實係第一次嘗試響鈴即叫即炸 外面脆卜卜個人喜好浸一兩秒

難得放假，心情唔好就最好約班friend食好野！大肚婆話要打邊爐， 之前試過旺角間吞pot火鍋，覺得好味又抵食。今次去油麻地譽發分店，近地鐵站，好方便。店舖嘅環境和旺角分店好近似，落地大玻璃， 感覺很開揚好舒服， 時間啱嘅話仲可以見到夕陽添。如果7:30前離座/9:30後入座，火鍋配料和小食都有半價， 好抵！原本想食雞煲，見到隔離枱香噴噴，但感冒剛好， 都是忍下口。叫返最簡單但長青既芫茜皮蛋拼沙爹湯底。沙爹湯底好惹味，香濃唔會辣， 仲加配了豆芽、 木耳 、什菇等既配料。 芫茜皮蛋湯底又夠清熱下火， 香茜味重， 配料又有豆腐。自創爆芝響鈴推介！淥3秒，一口咬落去，香脆。再滲出濃濃芝士加豆香味。必試。特級雪花牛肋片～ 肥瘦適中， 肉味幾濃 ，淥多幾秒都唔會太老，肉質唔錯架。十全大寶丸～ 有5款口味， 每款2粒。岩曬二人同行的朋友。每款都好彈牙， 真材實料而且大大粒。特別喜愛牛丸配爆芝， 好夾，牛肉味好濃。黑墨丸拼海膽、蝦丸拼鵝肝亦好新穎。 各有各特色，自己最鐘意爆芝牛丸。兩個人唔食得多，叫多個蔬菜籃加個手打烏冬已經夠曬飽。又捧住個肚返屋企。整體而言，呢間火鍋店環境好又唔焗促，食物質素高。

自家製的打邊爐，以為會更好味，但失望唯一最好既係花膠雞煲，超好味，好多膠！但其他配菜都麻麻地........薯粉散架！手工丸都唔手工，料又唔新鮮價錢都唔係好平！如果咁既價錢會有更好既選擇（例如101）食一次半次好啦

最近成日出街食野，好多都好濃味，今次朋友又話想食雞煲，本身有D擔心又係係好濃味好多味精果D，估唔到有驚喜！平時好似有魚食呢到有藥饎雞煲，胡椒豬肚雞煲，滋補螺花膠雞煲，養顏蜜瓜爵士雞煲，呢D 都係我預料之外既款式，當然有Classic既雞煲。不過我自己就叫左胡椒豬肚雞煲，又可以食豬，又可以食雞。胡椒味好夠味，又唔會嗆口，豬肚都有味，唔會好似白水蒸咁。煲中仲有蘿白，腐竹，全部都好入味。雞件份量多，我叫既係半隻都唔會覺得囂夠食。另外，我同的我朋友都想有飯落肚所以叫左 2 個午餐SET，分別是魚香茄子煲餐，仲有湯，好足料有飯有野飲有菜，都幾抵。西檸脆魚柳餐，意外地，呢2 個飯餐都幾好食，西檸魚好夠西檸味，同埋好脆，有酒樓水準。同主要係份量多，好抵食。

上星期凍冰冰得6度，感覺仲凍過日本同韓國零下幾度咁。收工之後同同事一致認為要食番個暖笠笠火鍋暖下身！！呢度環境寬敞，仲有落地玻璃既窗口位，感覺好舒適。醬料架呢個麻辣醬超級好味好想買番屋企食！**主角到～～滋潤厚花膠雞鍋**花膠厚身又彈牙，夾埋雞件一齊煲既湯底又香又濃，好好味。足料到個咀都有"張"住既感覺正呀～～桂花蚌爽口彈牙，好鮮甜，新鮮好味超正鮮鵝腸～～好少火鍋店係用鮮鵝腸，佢既油脂味份外香同好味架我最喜愛既皇帝菜，岩岩好可以清下鵝腸既肥膩蓮藕切得薄薄好快食得，爽口味甜，正

今次食呢間吞POT雞煲,係喜出望外嘅感覺, 先講地址容易搵,地鐵站出行1分鐘就到!上到去環境又舒服, 2個人有4人位坐,坐得好舒適! 隔離仲有位放野!叫咗個小食來食!朋友話想食辣酒煮花螺, 酒味唔算濃,但係好入味,辣味又啱啱好,係一個唔錯嘅前菜小食!同朋友2個人叫咗半隻雞煲來食, 一擺上台,超級香,味道係好正宗重慶雞煲,好濃味,雞肉沾滿曬汁,好好食,加上雞肉好嫩滑,話咁快就食完半隻雞!之後叫咗唔少火鍋料來打邊爐,有佢地自家嘅芝士響鈴,好特別, 係出面都未見過!涮幾秒就食得,有少少脆加埋入面嘅溶咗嘅芝士又多,味道好夾,正!! 中意食芝士嘅朋友一定要試!叫咗個鮮蝦雲吞,大大粒蝦係雲吞入面,肉同菜嘅份量啱啱好.又好彈牙, 粒粒都好大粒!食得出係新鮮整嘅! 味道岩岩好, 唔會好鹹!同埋叫咗個蟹子墨魚滑, 蟹子量好多下, 捞埋墨魚滑一 齊,又脆又彃牙!好味, 份量都有唔少!又叫咗個象拔蚌片食, 涮完之後脆脆地,又幾特別!整體來講都滿意, 下次會再來食!!