吞POT 雞煲火鍋.住家菜 (已結業)

今日同左班朋友一齊食飯，有乜好過食雞煲，又可以暢所欲言，又可以坐得耐d，傾計都放d。云云咁多選擇之中，地點方便好緊要，朋友住上水又有，東區又有，旺角都係我嘅首選。黎到呑POT 先未講野食，呢度環境比出面坊間好。因為不是地鋪，我覺得多左份寧靜同乾淨。坐低，先點了一個bb辣的雞煲。上枱後好香，先有好多洋葱乾葱等配料，濃得來又不會過分咸！雞件每件都好入味，又無雪味，一隻真係唔多夠喉，可以叫白飯食就正！不過要留肚打邊爐所以忍住口啦暫時。原來呢度的藥膳雞煲都係出面雞煲店又少見，想養生的可以一試。至於我地，就當然係叫利口不利腹嗰d啦！食哂d雞，可以加錢叫d特色湯底打邊爐，我地長期糧尾的關係，所以就算只係叫了普通上湯已經足夠有餘！呢度d配料選擇都幾多！另外原來晚上九點半後仲有半價，認真抵食！

本人好少食單叫嘅火鍋（因為覺得會好貴同唔飽），但今次朋友聚會嚟咗呢度，令我有另一番體會，呢度火鍋係物超所值，好質素之餘不在話下，我要每樣野講講：一開始嚟到就會遞上醬料盤，有有唔同種類嘅醬料，有麻辣、XO醬等等特別材料，醬料費每人$10，有咁多款選擇，又唔使出去外面攞，算係咁喇。呢度招牌當然係雞煲，有六款唔同嘅雞煲俾我地揀，我同朋友都唔太食得辣，亦都唔係好頂得順藥膳味道，選了胡椒豬肚雞煲。留意番，呢度嘅胡椒豬肚同一般酒樓嘅午市小食一樣咁入味，胡椒多到食落口好通鼻，豬肚枝竹又夠多，粟米超甜，雞足半隻，唔會煲到好鞋，但又好入味，黎到既時候所有料已經煮哂，一連飲左幾碗湯同不斷食雞煲，感覺一啲味精都冇。其他配料未黎已經飽左一半。一開始睇張菜單，覺得每樣配料價錢略貴，但黎到時候即刻改觀，因為碟碟好大份，我地叫唔多，但都超級飽。我地叫左：手打墨魚丸（ $72 ）粒粒都好大粒，食落真係好彈牙！象拔蚌片（ $62 ）侍應教落3至5秒就淥得熟，又爽口又新鮮。西班牙頂級黑豚豬腩片（ $112 ）一開始覺得有少少貴，但黎到時嚇一嚇，因為好大碟，夠4至5人分，肥瘦分佈平均，同金菇一齊食停唔到口！蔬菜籃（ $62

食雞煲同土地問題一樣都係老是常出現,有啲已發展土地,好似一品呀至尊呀常滿呀,未食過都大多數聽過,今日就同大家搵下新地皮,吞pot。既然食得雞煲就緊係要講返隻雞,食邊款口味既雞煲啦,如果陣味同啲雞唔夾,咁同政府盲搶地有咩分別。所以係眾多選擇既時候,一行人就叫左個應該最唔伏既重慶麻辣雞煲(小辣)。食開雞煲既,一定都有個慣性動作,就好似職業車手入灣會留空位咁(頭文字D, 2005),總係會捉住個煲,搵個殼括一括個底,避免佢黐底。當我手起殼落之際,what the 咇。個煲熱過葉劉美腿.jpg,你話邊估到,吞pot原來幫你加熱好灑先拎出黎,平時個啲雞煲拎完出黎都要煲一陣先食得,未餓都等到餓。所以呢個位係細心既。然後講返隻重慶麻辣雞先,呢隻雞打開蓋係香既,唔係臭既,可能係小辣既關係,但食落對比出面,相對係淡味啲,個人認為係少啲味精,因為食完成餐都係飲左一杯野,都唔叫好口乾。而隻雞整體都好似Ali咁滑,個感覺似打邊爐既滑雞件,大大件,配合埋隻汁,都係送飯佳品。然而,可能太猖狂既關係,有啲雞未入味就食左落肚,所以鐘意濃味啲既朋友,建議你都係俾時間佢煲下。作為一隻肉食獸,今次折服左係呢個娃娃菜手上。娃

好耐冇食雞煲，今日同男朋友黎番呢間之前食過好唔錯，再黎試下其他唔同既雞煲！呢度個view 唔錯，座位寬闊舒服～醬料多樣化...有好幾款唔同既雞煲，今次就揀左辣酒花螺雞煲辣酒花螺大大粒肉，加埋香濃既汁好正呀！而且花螺既份量都算多，至於個雞煲汁濃得黎唔會咸，雞肉都好鮮嫩同埋夠滑。叫左好多唔同既配料，有好爽口既珊瑚蚌，非常有口感！而且非常新鮮！吸收晒雞煲既湯，好滋味另外有一樣一定要叫嘅就係竹笙，竹笙完全索晒湯嘅味道，而且煮幾耐都好爽口，啱晒我呢d懶人😋除此之外，山藥都係必叫嘅火鍋配料之一。將山藥煮到淋晒好鬆軟，近乎入口即溶嘅感覺，而且都一樣吸收晒湯底嘅味道！佢哋仲有將蜜糖片，象拔蚌只需要放入湯裏面大概五至十秒，便可食用，鮮甜爽口呢間餐廳真係值得再去，佢哋嘅食材新鮮，員工服務態度好，而且環境舒服。

今日去開旺角，男朋友話好耐冇食雞煲，於是黎試下呢間吞pot～我地預先係openrice book左位，6點就去食～因為730之前賣單係會有半價！！！吞pot既位置好近地鐵站，行1-2分鐘就到～一上到去比佢既景觀嚇親左，居然有落地玻璃可以望到出面既高樓大廈！23樓望出去好靚～可惜靠窗位置得6張台，6點就已經比人坐滿曬😢一坐低職員就攞配料比我地自己調醬，醬料都算幾齊全，平時最經常食既配料都有齊～登登登登！我地叫左重慶麻辣雞煲（小辣）（半隻）都幾快就上到黎，我地2個人食半隻覺得差唔多，因為想食完再打陣邊爐～半隻份量都唔小，有十幾舊雞，件件都大大舊，雞皮好彈牙，咬既時候小心比d汁彈到😂（因為我彈到眼，好鬼辣）之前我係大陸食過正宗既重慶雞煲，吞pot可以話一模一樣味，好好食！開心樂園餐～將蟹柳一早放入雞煲到整熟佢食好好食！蟹柳索曬雞煲汁既味，簡直雞煲配白飯係絕配～正價8蚊一碗好大碗，抵食！招牌炸響鈴～有一匹布咁長😂質感同市面賣既盒裝響鈴唔一樣，值得一食！蔬菜蘭（如圖）菜得生菜同小白菜，如果將小白菜換成其他菜就好啦( ･᷄ὢ･᷅ )肥牛好大碟，如果肉類都有分半份就好啦😂我地2個人叫左呢到咁多嘢最後有d

今晚約左班舊同事食飯 知道大家都係好雞之人 所以非雞煲莫屬啦 侍應很好安排左個夜景位比我地 環境好舒服又望著個咁靚既景食飯😊直頭胃口大開！除咗大杯檸檬茶之外，呢一個西柚特飲都好清新！我地5個人嗌左一隻雞（$228） 有人吾太食得辣，所以只係嗌左BB辣，一放上黎已經聞到好香 流哂口水啦！食落一d都吾辣（我係幾食得辣，所以再嗌辣d會更岩我口味）汁好香濃好惹味，加埋洋蔥乾葱等等材料！入面有好多雞件，雞好嫩滑好入味，急吾住一夾再夾，停唔到口。食到咁上下就開始打邊爐 🤗我地嗌左牛三朗 （$238）分別有🐂雪花肥牛、牛肋片、牛柳粒，可以分別食到三種吾同口味既牛，牛肋片食落好有口感，牛柳粒一咬就有好多肉汁好有牛味👍🏻👍🏻👍🏻👍🏻肉質真係吾錯！自制爆芝響鈴（$64）&炸魚皮（$54）之前都未食過有芝士既響鈴 所以一定要嗌黎試下 我地落完單 佢地已經新鮮炸好左一碟比我地 其實吾使浸就咁食都好脆但如果想食到芝士味就要浸一浸，真係未食過咁好味既響鈴😍😍芝士同響鈴好match !堅要encore 阿！炸魚皮都係，一係未試過一係又係岩岩炸起，好鬆脆好好食 呢間既炸野值得推介 ！👍🏻👍🏻開心樂園餐（$68）分別有

今晚女朋友想食打邊爐，但我又想食雞煲，最後去左旺角呢間吞pot雞煲火鍋...上到去第一個感覺係環境好好，好舒服，夠冷氣又有電視看。看到個餐牌...真係唔算貴.見到有幾款既特別雞煲款式，最後選左辣酒花螺雞煲..之後都選左幾款配料打邊爐... 無幾耐，雞煲就到左. 個味香到不得了，夾舊雞落口，d汁好夠味...真係正..食完個雞煲，例牌更係到打邊爐... 叫左幾款配料；娃娃菜，野生竹笙，象拔蚌片，珊瑚蚌，金菇，淮山...配料都好新鮮... 再加上湯底夠辣又夠冷氣，正呀！記得如果食象拔蚌，放落湯度4-5秒就剛剛好...好好食因為夠新鮮...但放得太耐就變成香口膠..所以請記得！下次會再黎試第二款雞煲...呢度真係有好多款雞煲出面都好少有...最重要既係好味！下次黎之前記得要訂位先...因為都幾多人食...

大熱天時，朋友話想吃雞煲，身為邊爐迷的我當然奉陪，香港人打邊爐食雞煲無分四季是常識吧！整橦726號的大廈現已全都變成做食肆，位於第二高層的就是這間吞POT雞煲，想不到大廈狹窄的入口上面竟藏着這間景觀如此開揚的餐廳，舖面的坐位闊落空間感十足，更重要是餐廳沒有一陣邊爐的油煙味，抽風系統做得十分不錯。剛入座店員就放下一大盤調味料讓我們慢慢”混醬”。我地點了胡椒豬肚雞煲，一上菜先喝幾口胡椒豬肚雞湯，味道充滿香濃雞的鮮味，清甜而不油膩，加上剛好的胡椒味，帶點辣又不會太嗆喉，我和友人都喝得停不了口！豬肚和雞件的份量很多，三個人也只是剛好吃得完，而且雞肉鮮嫩不似是雪藏雞，煲內更有我最愛的鮮腐竹，腐竹煮得入味，是整煲的精華！吃過雞煲已飽了一半，我地另外點了碟象拔蚌片，60幾蚊碟算是抵吃，而且食落亦爽口。蔬菜類我地點了碟萵筍片及菜菜籃，食材新鮮，特別是萵筍原本的清甜吸收了胡椒豬肚湯底竟是額外的鮮味。見餐廳重點推介其爆芝響鈴，當然也要一試。響鈴比一般街外的更大，浸過湯後食亦不失脆口，咬落滿滿的芝士還真的會爆發出來，果然是店內皇牌。黑豚豬腩片的份量多得驚人，而且有香濃豬肉鮮味。手打墨魚丸，食得出是人手製，鮮

一行幾人，有人想食雞，有人想打邊邊，咁食雞煲就搞掂啦！一雞兩味，一次過滿足兩個願望吞POT個名改得夠過癮，岩晒我呢啲翻工等放工既上班族一齊黎吞POT啦！門面有個大魚缸餐廳menu，選擇算多，而且有好多都係自家製野食未點菜之前仲有個調味盤比你混醬，唔似平時啲火鍋店要自己走出去搞胡椒豬肚雞煲半隻$148個雞煲一上枱打開蓋，就聞到好大陣胡椒味湯底清甜帶啲胡椒既辣味，冇得頂！啲雞肉好滑之餘仲吸收晒啲胡椒味，好好食西班牙頂級黑豚豬腩片$112$112估唔到個份量係咁多腩片肥瘦分佈岩岩好，食落黎唔會話好硬，啲肉質反而仲好鬆軟手打墨魚丸$72唔知係咪手打既關係，所以冇平時果啲咁彈牙，但食得出粒粒墨魚係入面自創爆芝響鈴3件$36響鈴一向都係我最愛，加埋芝士簡直令人難以抗拒！呢度嘅響鈴係自製，即叫即炸送上枱嘅時候仲係熱辣辣淥一淥就食得，芝士同響鈴配合得好完美，同平時食既真係差好遠象拔蚌片$62呢度嘅象拔蚌好新鮮，淥三四秒就食得，爽口香甜，正！菜菜籃$62本身驚食雞煲會好熱氣，所以叫咗個雜錦菜籃，估唔到份量多到咁，而且包括唔同嘅菜同菌類，配埋個胡椒豬肚湯索晒味，真係值得一叫！

依家好流行樓上舖，土地問題地舖又貴，生意難做只好向高發展啦。不過去食都真係要睇口碑，之前去過一間，食物同環境都唔太理想，仲見店員著住鞋企上張飯枱到整電視，真係永不錄用。今日去呢間吞pot雞煲想試好耐喇，由一間變兩間分店，應該落左好多苦功同努力。入口係呢度，單棟式商廈，都仲有其他野食。入到去最吸睛係佢呢缸魚。風水野唔識，不過條魔鬼魚真係好可愛叫左個重慶麻辣雞煲要小辣。辣度對我黎講就適合，雞肉滑，煮多陣先食啲味就更出，用黎送啤酒就最適合。除左雞煲之外，牛肉都係火鍋另一個重點。對我黎講食火鍋如果無牛或者牛肉唔靚就不如唔好食。呢度有個併盤叫牛三郎，有牛既三個部位（雪花肥牛，牛肋片，牛柳粒），三款都夠牛味。另外，蟹子蝦滑都係唔錯既選擇。蝦味夠，彈牙，而且好大份好抵食。炸魚皮新鮮炸，熱咖！少少鹹多多脆，就咁食都ok，浸湯食效果會好好多。水魷超大碟！呢度最好既地方除左食物之外，就係環境同服務。環境有夜境睇，又有搞笑魔鬼魚。服務方面又係十分好，個個都好有禮貌，既熱心又好細心，覺得佢地真心敬業樂業，俾心機呀！

好耐無食過雞煲啦，之前個fd食完話呢間樓上舖幾好食，所以就搵日去試下呢間野叫吞pot，幾有心思呀，玩食字，二黎吞pot幾岩我平時番工啲心態呢幾年多左好多呢啲一棟式食肆，其實都幾方便搵食😆入到店，發現呢到啲野飲幾齊全，最重要係雞煲要飲啤酒🍻有酒牌先係王道👍👍調味架醬料充足！即刻打開menu望下有咩食重慶麻辣雞煲 半隻雞 $148雞煲可以揀走辣，bb辣，小辣，中辣或者大辣我地揀左小辣熱辣辣雞煲一上枱就可以即食了！麻辣味好夠，雖然入味，但肉質又keep到鮮嫩半隻雞，兩個人食就岩岩好Asahi食得雞煲，真係唔可以唔飲啤酒🍻㗎！試過食一間雞煲，因為間野太新，未拎酒牌成晚都好似爭咁啲咁！水魷鬚 $52以為會得幾塊，點知原來又幾大碟喎！魷魚食落都幾爽口，加埋個雞煲底好野味酥炸魚皮 $54吞pot入面嘅員工全部都好有禮貌！魚皮上嗰陣仲提我地係岩岩炸好，襯熱食其實估唔到係即炸，所以嗰下有啲感動！我地都好鍾意食炸魚皮㗎😆脆卜卜，點下湯，好送酒呢個魚皮整得唔錯呀，脆口又無油益味牛三朗 $238牛三朗有雪花肥牛，牛肋片同埋牛柳粒試過有一次火鍋無叫牛肉，我全餐都唔係好想食，加上本身間餐廳啲野又唔好食，客又無，激

經朋友介紹後，找了一間價格相宜的雞煲。吃雞煲很多時都是先吃雞煲再吃火鍋。愛吃辣的我便點了一客麻辣雞煲，雞煲味道濃郁。吃下有各種不同香料的味道，雞件的醃料也是入味。辣度也有不同的供食客選擇。唯一不足的是雞件較多骨，若能改善一下便好了。吃過雞煲後便找了待應加了一點上湯，火鍋配料方面點了芝士響鈴和雜菜。芝士響鈴是即叫即炸，送上時還有油炸後的餘溫，雖說外表平凡，可是吃下去便發現半溶的芝士令響鈴的味道變得更好。雜菜方面也是一些常見的蔬菜，蔬菜新鮮，外表還不錯。整體而言，「吞Pop」都是一間價廉物美的雞煲火鍋店。

Hotpot (binlo) is always good choice for 3-4 people gathering. I recommend lazy pot becoz of their nice service and very cute food — seafood meatballs!We had the simple soup base — tofu. To our surprise, they had some mushrooms there too! Taste sweet!These are the colourful seafood meatballs! Rainbow! They had truffle, shrimp, cuttlefish etc, you name it!Really liked this grass carp (fish) smooth and smelling great! With a little bit of fish oil in it! Really fresh!These are minced fish, shrimp

已經唔係第一次嚟啦，今次寫返篇食評先！再嚟多次嘅原因係因為呢度嘅火鍋配料真係好高質。不過亦都唔記得咗原來上一次抵食嘅原因，係因為七點半之前買單配菜係有半價優惠嘅。但因為好食，所以都無所謂啦！門口繼續見到佢哋signature嘅魚缸，呢度嘅魚夾埋應該都要幾十萬係未上菜之前，職員已經好快手咁樣攞咗啲調味盤嚟。 每次打邊爐都會好用心咁樣整調味嘅時候，而呢度嘅調味品就夠晒多啦。 提提大家，醬料係要收費嘅，每人要收返＄10。今次我哋叫咗重慶麻辣雞煲，叫咗小辣，但係比起平時食開嘅小辣都幾辣。點左少少醬汁嚟試，味道都幾豐富，除咗香辣之外，仲有少少花雕酒嘅味道，食埋啲雞之後發覺原來雞應該係用花雕酒餣過。雖然食雞有雞味，非常入味，而且肉質都幾嫩，但係略嫌雞骨比較多，未算好啖啖肉。上次叫嘅係藥膳雞煲，加咗湯之後仍然覺得非常鮮味。但係今次加咗湯之後就覺得辣味蓋過咗鹹香。叫咗個蔬菜拼盤，係會有廚師決定嘅兩種蔬菜同埋三種菇。今次就有生菜同白菜，冬菇，秀珍菇，同埋金針菇。 芝士響鈴值得一試，新鮮炸起，一夾起就覺得非常脆，裏面嘅芝士亦都唔孤寒

這幾天想去在旺角的「吞POT 雞煲火鍋」打邊爐，因夏天食些開胃些的野，一定是想去食雞煲火鍋，之後再飲埋火鍋湯底一定好正，今晚跟朋友再飲兩支Asahi 啤酒，玩樂一番。先上半隻鮮雞件，雞肉好香滑仿似跟本地農場雞無甚分別，再加上混合了的漿料同食，令雞肉味更濃。食得好豐富，真是喜歡是時候即時拍照，與親友分享眼前美食的。特級美國肥牛，外觀肉質鮮嫩，用來火鍋一陣便有得食，口感一定是鮮味了，好快手食左一碟。自家炸響鈴一放入鍋，即時就可食到炸響鈴特有的香噴噴味道，預計是即場炸出來的，加埋唐生菜落去食。店內的服務質素好好，下訂時都有推介邊隻是熱選，我叫半隻雞件都是問過他們先決定的，今餐食得好飽，果然間店食物幾合心意，要介紹朋友來些。