吞POT 雞煲火鍋.住家菜 (已結業)

今晚約咗個friend打邊爐， 因為又係週末放鬆吹水嘅時候。 工作關係我哋揀咗喺旺角 726嗰棟食廈， 成棟大廈都有不同嘅餐廳，放題，任君選擇。 加上地面有好多宣傳單張推廣，我們都study了一會。最後我地決定去"吞POT".因為前一排食咗一次雞煲我哋今晚試睇吓有咩其它湯底可以打邊爐。唔食得太惹味熱氣嘅我們果然同時間揀咗"招牌魚湯鍋底"。湯底清甜無比，有濃厚嘅魚味但唔腥， 越飲越舒服， 湯底仲有好多材料， 極多嘅蘿蔔 ，粟米，豆腐，蕃茄，秀珍菇。 睇返餐牌食物都有好多選擇。我哋試咗貴妃蚌。 非常爽甜， 新鮮無腥味， 配魚湯都幾夾。試了幾款手打丸， 自家製粒粒都好巨型 大個乒乓波。 手打蝦丸彈牙鮮甜， 做得唔錯。 牛柳粒仍然係我哋嘅至愛。 肉味濃而且有口， 份量都唔少。油麥菜日亦清脆嫩綠。餐廳位於23樓，可俯瞰鬧市， 入夜後景色不俗。

環境餐廳位於高樓大廈23樓，窗戶都幾大，所以可以望到旺角其他高樓大廈，個景幾靚。餐廳唔算好大，但都坐得舒服同乾淨企理。餐廳燈光偏柔和，令人感覺舒服。另外餐廳冷氣都好夠，所以打邊爐都唔會覺得熱。同埋最值得一讚係抽煙設備做得幾好所以唔會一路打邊爐一路比熱煙吹住塊面！ 食物自家製芝士響鈴：芝士響鈴係新鮮炸的，入面的芝士加響鈴好香好正，係咁多食材中最好食。魚皮餃：皮唔算厚，味道幾新鮮。豬頸肉：冇炒咁香，但係都好有豬肉味，厚度亦都好適中。象拔蚌片：店員話象拔蚌片只要放入去2至3秒就可以，否則會太硬。象拔蚌片幾彈牙，都幾鮮味，但係唔算好鮮甜。白菜仔：係一個驚喜，因為菜幾甜。紅薯粉：食落有啲似米線，都幾好食。芫荽皮蛋鍋：都幾清，食到後面唔會好油。33M小巴司機話 今朝捉冇帶安全帶 有人被罰左$1500 服務店員服務幾好，好友善同有禮貌，收空碟亦都幾快

友人食完呢間鋪頭推介我地一定要試～ 因為材料新鮮，7:30前埋單火鍋配料同小食都有半價～見佢咁抵，友人又大力推薦，咁就即管試下一入到黎個環境都非常唔錯，因為想7:30前埋單咁就有半價，所以我地5:45已經到左～入到黎都見到有幾枱人食緊～應該都係想用呢個優惠另外一入門口仲見到個大魚缸添！ d魚超活躍咁游水～一d吞pok既感覺都冇我地被編排坐窗邊，對住個落地大玻璃.... 呢個時間仲睇到日落... 真係好正.. 岩哂吞pok一族一路發呆一路望住個天餐牌度都見到有唔同種類既食物，當中手工丸類都有好多款～ 我地想試哂所有丸就叫左個十全大寶丸！入面隻隻都有餡，好特別～另外因為想食牛想左好耐，叫左個安格斯牛小排，黎到之後見到肉同油花分明，仲好重牛味～順帶一提,叫左個雞煲同d配料之後,店員店員就放低左醬料俾我地溝～叫完個雞煲之後，店員就放低左醬料俾我地溝～登登登登！雞煲出場！呢個重慶麻辣雞煲好惹味，我地有d後悔叫左小辣，因為怕個煲太辣，但黎到之後覺得應該都食到中辣十全大寶丸入面有唔同既餡, 共有5款,各有2粒~食落非常之彈牙~ 我最中意係黑松露肉丸~ 黑松露味出之餘, 又唔會搶左d肉味~另外叫左大大

最近天氣開始有啲轉凍， 最適合梗係去打邊爐啦 ，今次揀咗食雞煲， 因為呢三個原因所以揀咗吞pot!呢間舖頭1. 晚上六點鐘去到有半價之餘，仲有高層夜景睇2. 呢間有得食藥膳雞煲，且出名3. 天氣轉凍， 寒底嘅我要補身啦近年流行藥膳火鍋，好多人會將中藥材加入湯底，驅寒又補身。胡椒豬肚鍋及人參雞鍋，食材屬溫性，要有補氣益血作用，就揀藥膳雞煲就最適合秋冬天氣，虛寒體質食左又達到補身功效。 一上到枱嘅時候已經有好濃烈嘅藥材味道。不過熱底 千祈唔好揀食 藥膳雞煲火鍋 ，過於進補只會適得其反，食後口苦口乾，容易便秘及消化不良，甚至爆瘡。材料都離不開當歸白芍 紅棗杞子等等。。。火鍋人人會煮， 但係配搭啲乜嘢食物先至最啱真係好講究 ， 食錯咗等於白食 ，冇進補過。check 過寒底嘅人 適合呢一個藥膳火鍋例如體質體弱多病，氣血不足、精神倦怠，缺乏體力、頭暈目眩、筋骨痠痛、手腳常覺冰冷。今次配搭咗一口牛柳（38hkd) 以及白飯(4hkd) 兩個人一齊食，真係食到飽一飽。為咗增加 療效 一定飲曬成煲佢 ，我食到一滴冇，食得唔好嘥 , 半隻雞嘅藥膳 （雞煲 148hkd） 肯定大廚係冇加任何味精入去，因為

尋日收工，約埋兩個同事去旺角一起吃飯， 我哋上了23樓吞pot雞煲， 樓上舖相對地冇咁擠迫， 而且望出去景觀都好 開揚， 食飯心情都會好啲！呢間雞煲我哋都係常客，梗係要點番個皇牌至愛…… 胡椒豬肚雞煲！這個雞煲可以話係一煲三吃， 先飲清甜嘅雞湯， 連同支竹，慢慢品嚐， 湯底真係 十分養顏。之後可以配上調味料咀嚼肥美豬肚， 而 嫩滑嘅雞件更是啖啖肉， 這道菜是我們來必點嘅首選！食完雞煲就梗係要加肥牛，海鮮等打下邊爐， 呢度啲牛肋肉，真係好有牛味，而且顏色鮮豔，入口沒有渣， 肉質好有口感！海蝦亦十分新鮮， 成隻手指咁長， 這個價錢絕對抵食， 仔細一睇原來這間是2018必食店舖， 其實打邊爐店鋪好簡單，只要食材新鮮上乘，食物就有保證！而雞煲就要花心思，湯底調味十分重要，好似呢個胡椒湯底真係有很多胡椒，確係醒神通鼻！

我哋呢班食肉獸， 出去食飯，啲朋友都係選擇去放題，都食到有啲悶， 其中有朋友提議去打邊爐， 我諗不如食雞煲啦，仲可以叫海鮮打邊爐，一舉兩得！有朋友介紹去呢間雞煲試試， 一入到店內 即刻被一大缸魚吸引著， 侍應好醒目，安排我哋坐近窗位置， 晚上喺度食飯，可看到旺角嘅夜景，我們三人點了一個全隻雞煲， 湯底十分鮮甜， 配菜亦足料， 一大隻雞煲我們三人都幾乎飽了， 點了油麥菜， 及新鮮大海蝦， 浸了雞湯嘅油麥菜，味道十分匹配， 加上鮮雞湯嘅香味， 我哋忍唔住叫了白飯！海生蝦非常巨型，而且蝦殼結實，蝦頭充滿蝦膏，蝦肉有彈力！這裏地方寬敞，不會限時趕客走， 我地飲住啤酒， 一邊打邊爐一邊吹吹水， 再加上旺角嘅靚夜景， 真係另有一番風味！

前兩日同朋友去行花園街買嘢， 途經這個726商場， 發覺全座大廈都係食店， 真係琳瑯滿目一應俱全， 剛好呢兩日晚上涼涼地，食指大動， 我哋揀咗呢間位於23樓嘅吞pot雞煲， 由於時間尚早我們二人上到去都仲有座位， 打開menu睇睇， 最吸引就係呢個胡椒豬肚雞煲！胡椒豬肚雞煲一上枱已經香氣撲鼻， 我們趁 湯滾起先品嚐了兩碗鮮雞湯， 真係停唔到口，一碗接一碗，十分鮮甜！而且胡椒味確實 醒神！豬肚清理得很乾淨， 十分新鮮，入口爽甜。這個雞煲份量十足，雞件啖啖肉， 而且裏面有支竹，粟米等配菜，我們二人點了鮮象拔蚌 放入鍋中只需要三兩秒，入口彈牙鮮味！咸檸七估唔到超巨型， 咸檸十分入味，加上七喜，消暑解渴！

與友人品嚐了滋補螺片花膠雞煲甚是驚喜! 花膠足料, 湯底味佳, 此店甚有誠意! 另外, 手打丸子和自家製響鈴也是不錯, 而且份量算多. 我們使用了Open Rice優惠, 價廉物美, 能與友人大快朵頤, 心甚悅!

這天經過旺角，與朋友突然心血來潮想吃雞煲，而這間雞煲之前已試聽朋友介紹過，今天便決定一試！踏入餐廳，就看到這個大大的魚缸，養着不同種類的魚及海龜，十分別緻安排入座後，店員馬上把多款醬料放下，讓我們自行調配。以下是餐牌，可以用筆記下想ordered的食物，食物及飲料種類繁多，也有特色的雞煲及獨家發明的食物。以下就是我ordered的食物:重慶麻辣雞煲(半隻) 小辣 $148這個雞煲是我吃過這麼多家之中最好吃的！雖說半隻雞，但分量很多，也十分入味，麻麻辣辣的，非常開胃雞脾菇 $32十分新鮮，分量比想像中的多頂級安格斯牛小排 $218 這個牛小排是必點！真的好好吃！是今晚的冠軍！肥瘦均勻，分量又多，簡直就是物超所值！自創爆芝響鈴 $36 (3件)這個是今晚的亞軍！個人認為是必點的！響鈴中夾了一層芝士，這是多麼的邪惡而且在熱湯裏煮了數秒後，芝士溶溶的，有一點流心的感覺大檸茶$29這杯真的非常大杯，是茶杯的兩倍，兩個人喝才喝得完。

個別飯腳同我都喜歡家常的午餐, 吞POT每日有7-8款選擇,每星期換一次餐牌點解我地鍾意? 夠屋企感覺! 其實佢本身晚市做火鍋的, 午市做到3點, 不過1點半前來到才有選擇, 晏D可能有D款式已賣晒… 最鍾意佢$50+ 起就有個湯, 有個主菜,蒸肉餅, 蒸水旦好, 清湯腩好, 蕃茄牛肉都好, 仲有碟菜同飲品, 比上海鋪的客飯更豐富. 幾個日日見既飯腳一齊食, 幾有屋企飯既感覺天氣好時, 在23樓窗外望, 十分舒服呢

早排聽到友人介紹哩間餐廳，坐得舒服野食又好味，就黎試下啦！果日8點去到已經好多人，好多都係2個人情侶咁黎食，熱辣辣打邊壚食雞煲！哩度個景好靚，好高層，望到旺角好多高樓大廈！好有西餐廳感覺，但其實打緊邊壚🙈！而且位置好闊落，吾會同人逼住！一坐低，就會比你擇調味料！配埋個雞煲食岩岩好！我地叫左個重慶麻辣雞煲，bb辣已經好麻好辣！岩哂鐘意食辣既朋友！點左菜好快就上菜，入面都好多件雞，明明我地只係叫左半隻！一d都吾會揸流攤！雞肉好嫩滑，愈食愈癮！配埋香菜同西芹！真係愈食愈熱啊！食到咁上下，開始加水打邊壚！我地單叫左娃娃菜，金針菇同埋蝦滑，墨魚同鯪魚滑！一定要贊下佢個蝦滑！超滑身好好味好新鮮！手打既味道零舍不同！份量都比相像中大，兩個人食吾哂！食雞煲一定要叫番杯野飲先得！叫左杯大檸茶，真係好大杯😂飲到食完雞煲都未飲完😂😂

2人晚餐去到旺角吞pot雞煲火鍋必定係要點招牌重慶麻辣雞煲辣一辣佢。一出𨋢門餐廳都差唔多full晒，好彩有一早book定枱餐廳幫我同朋友安排左一個比較靜既角落窗邊位同時可以欣賞夜影同魚缸。半隻麻辣重慶雞煲夠勁先辣後麻後勁強勁，洋蔥爆得香口而且雞肉幾滑又入味吸盡晒麻辣醬汁好快就清晒再加湯準備下一round打邊爐，咁辣當然要點返杯大檸茶去解一解辣味清下味蕾。酥炸魚皮幾大份而且炸得好脆口又唔會油淋淋，魚皮粉薄香口好快就清晒成碟，當小食齋咬都好好味。食左咁多邪惡肥膩野當然要食返d蔬菜類，估唔到粟米咁香甜香甜，雖然食到後面已經好飽但咁甜又忍唔住清晒成份粟米。打邊爐到壓軸當然唔少得牛肉頂級雪花肥牛，肥牛比想像由油脂分佈均勻而且唔會肥瘦比例不均，淥幾下好快就熟又吸入晒重慶麻辣雞湯底既味既時好有味道，牛味算濃。

看到openrice上这家评价都好好，慕名前来一试。店面在23楼，落地窗可以看旺角景色~店员姐姐超级友好🎉普通话很流利!我们两个女孩子点了半只鸡，重庆麻辣鸡煲🐥，六个爆芝响铃和一个菜菜篮🍴鸡煲真的强推，味道很不错，辣度很适中（小辣），正宗川渝风味，但是这个锅哈哈哈显得有点儿旧还很深😂自制的爆芝响铃很好吃，芝士味浓郁，但是真的份量很大!而且不适合在鸡煲锅里涮，要吃响铃还是正常点火锅底因为响铃本来就有自己独特的味道，要是在咸咸的鸡煲里涮反而串味了😭总的来说是很不错的一家店，下次准备来点一只鸡并只吃鸡🐥🐥🐥🐥

原本約左一行四人去吞pot點知2個甩底，不過就算淨得2個人都無減我地去吞pot既意慾！23樓大玻璃夜晚望住樓景應覺都好開揚。吞pot都要舒適d。一坐低職員好快就比左d醬料我地，都幾齊全。得2個人既關係我地叫得唔多野，半隻雞煲，一份烏冬，一份牛柳，一份響鈴再追加半份爆芝響鈴差d飽到食唔落。一打開蓋陣香味噴上塊面度雞煲d醬好香濃，炒到好有鑊氣，但d雞件係好滑岩岩好熟咁。點左中辣，不過都唔算好辣，係有d香辣咁，下次試下食大辣先。食完個雞煲都飽左大半，但我地都堅持要點打邊爐必叫既牛肉響鈴同埋烏冬！牛柳粒半肥瘦脂肪均勻好有肉味，正！！即制響鈴啱啱炸起勁香脆，而且勁大舊，呢度6件就成個煲咁高。響鈴太正我地就追加食埋爆芝響鈴，好彩可以半份咁樣叫，如果唔係實食唔晒。芝士味好重👍🏻烏冬分量多，唔係正方型size 果d。

今日同小朋友去玩完想食火鍋， 但係帶住小朋友去打邊爐確實有啲麻煩！ 試吓上openrice睇吓旺角有無邊間座得舒適又好食既火鍋店， 見到吞POT雞煲火鍋唔錯喎，咁就決定去試吓！ 一上到去小朋友已經比個大魚缸吸引住。 因為我地有訂檯，餐廳安排我地座係入面比較近窗口既位置， 坐低已經聞到隔離食雞煲嘅香味，真係好想試吓佢個麻辣雞煲，可惜我哋帶住小朋友唔食得辣，咁就唯有叫個滋補花膠雞煲， 雞煲嚟到啲料好足，雞湯濃郁可口，啲雞又嫩又有雞味，花膠都算多飲完個湯就叫咗啲火鍋配料，十全大寶丸， 招牌爆芝響鈴，雲吞等。 整體食物質素新鮮，大寶丸口味特別響鈴香脆上枱時仲熱辣辣雲吞夠足料烏冬彈牙下次會再返嚟試下嗰麻辣雞煲呀